आस्था

नेपालगन्ज, २२ असाेज - बाँकेको जानकी गाउँपालिका का.बा. अध्यक्ष श्रीमती भूमिसरा धितालकाे अध्यक्षतामा आज शुक्रबार विजया दशमी, शुभ दिपावली, छठ पर्व तथा मोहम्मद डे को शुभकामना आदान प्रदान कार्यक्रम सम्पन्न गरिएको छ । शुभकामना आदान प्रदान कार्यक्रममा जानकी गाउँपालिकाका ६ वटै वडाका वडाअध्यक्षहरू, कार्यपालिका सदस्यहरू, गाउँपालिका कर्मचारीहरु लगायतकाे सहभागिता रहेकाे थियाे भने सहभागी सम्पुर्णले गाउँपालिकाबासी नेपाली दाजु-भाइ तथा दिदी-बहिनीहरूलाई शुभकामना व्यक्त गरेका थिए । यसैगरी कार्यक्रमका अन्य अथितिहरूमा राजनीतिक पार्टीका नेता, नेकपा एमाले लुम्बिनी प्रदेश सदस्य पदमबहादुर धिताल तथा अन्य राजनीतिक पार्टीका अगुवा नेताहरू, समाजसेवीहरूकाे उपस्थिति रहेकाे थियाे । यसैगरी जानकी गाउँपालिकाका प्रमुख प्रशासकीय अधिकृत बस बहादुर राना तथा गाउँपालिकाका पूर्व अध्यक्ष स्वा. राम निवास यादवको जेठो छोरा हिम...

नरैनापुर, २२ असाेज - सृजनशिल किशोरी क्लबको आयोजना तथा नरैनापुर गाउँपालिकाको आर्थिक सहयोगमा जय किसान मा.वि.को प्राङ्गणमा विजया दशमीको सन्दर्भमा आयोजित शुभकामना आदान–प्रदान कार्यक्रम सम्पन्न भएको छ । सो अवशरमा सञ्चालन भएको खुल्ला भलिबल प्रतियोगिता शनिवार सम्पन्न हुँदैछ । सो कार्यक्रमको प्रमुख अतिथि नरैनापुर गाउँपालिकाका अध्यक्ष इश्तियाक अहमद शाहले रेफ्रीलाई भलिबल हस्तान्तरण गरि कार्यक्रमको औपचारिक उद्घघाटन गर्नु भएको थियो । प्रमुख अतिथि शाहलेसबै सहभागी नौ वटा टीमका खेलाडीहरुलाई अबीर टिका लगाई दशैको शुभकामना ब्यक्त समेत गर्नु भएको थियो । साथै सो कार्यक्रममा विशिष्ठ अतिथिमा नरैनापुर गाउँपालिका वडा नं.६ का वडा अध्यक्ष बीरेन्द्र पाल सिहंको पनि सहभागिता रहेको थियो । सो भविबल प्रतियोगितामा तीन वटा विद्यालय, तीनवटा क्लब सहित छ वटा टीमको महिला र पुरुष गरि जम्मा नौ वटा समूहमा प्रतिस्पर्धा गर...

नेपालगन्ज, २२ असोज – बाँकेको नेवाजी गाउँकी नन्कुन्नी धोबी मृत्यु प्रकरणमा चित्त बुझ्दो अनुसन्धान नभएको र परस्पुर गाउँकी एकल महिला निर्मला कुर्मी हराएको विषयमा पनि सरकारले खोजी निती नभएको भन्दै न्याय माग्न नेपालगन्जबाट पैदल हिँडेर काठमाण्डौ पुगेकाहरुले आज माईतीघरमा धर्ना दिएका छन् । उनीहरुले बोकेको ब्यानरमा ‘महिला हत्या गर्ने होसियार, मौन बस्ने सरकार खबरदार’, नन्कुन्नी धोबीलाई न्याय दे, ‘निर्मला कुर्मीलाई न्याय दे’, हत्यारालाई कारबाही गर, महिला हिंसा बन्द गर लगायतका नारा लेखिएका थिए । बाँकेबाट पैदल हिँडेर काठमाण्डौ पुगेकाहरुको खुट्टामा ठूला ठूला फोका देखिएका छन् ।...

नेपालगन्ज, २२ असोज – नेपाल पत्रकार महासंघ बाँके शाखाको एम्बुलेन्स खरीद अभियानमा विभिन्न व्यक्तिगत तथा संस्थागत दाताहरुबाट सहयोग संकलन कार्य जारी छ । सोही क्रममा नेपाल पत्रकार महासंघ, बाँकेको पत्रकारहरुका लागि एम्बुलेन्स कार्यक्रमका लागि हाल बेलायतका बस्ने नेपालगन्ज निवासी चिकित्सक दम्पत्तिले सहयोग गरेका छन् ।महासंघले आज आयोजना गरेको एक कार्यक्रम बीच वरिष्ठ सर्जन डा. रामकुमार श्रेष्ठ र स्त्री रोग विशेषज्ञ डा. निर्मला श्रेष्ठले वरिष्ठ पत्रकार पूर्णलाल चुके मार्फत् रु.५१ हजार एक सय एकको चेक एम्बुलेन्स खरीद गर्नका लागि सहयोग स्वरुप महासंघका अध्यक्ष दामोदर भण्डारीलाई हस्तान्तरण गर्नु भएको छ । सो अवसरमा महासंघका केन्द्रीय अध्यक्ष विपुल पोखरेल, प्रमुख जिल्ला अधिकारी शिवलाल गेलाल, महासंघका अन्य पदाधिकारी तथा पत्रकारहरुको उपस्थिति थियो ।महासंघका शाखा सचिव कमल डाँगीले दिनु भएको जानकारी कोरोना...

काठमाण्डौ, २२ असोज – प्रस्तावित रक्सौल–काठमाण्डौ ब्रोड गज रेलमार्गको ‘फाइनल लोकेसन सर्भे’ गर्ने सम्बन्धमा नेपाल र भारतबीच सम्झौता पत्रमा हस्ताक्षर भएको छ ।असोज २० देखि २१ गतेसम्म नयाँ दिल्लीमा भएको नेपाल–भारत संयुक्त कार्यदलको पाँचौ बैठक तथा परियोजना सञ्चालन समितिको सातौं बैठकमा उक्त सम्झौता पत्रमा दुई देशका पदाधिकारीले हस्ताक्षर गरेका हुन् । बैठकमा जगनगर–कुर्था खण्डमा यात्रुवाहक रेल सेवा सुरु गर्नका लागि दुवै पक्षले ‘स्ट्यान्डर्ड अपरेटिङ प्रोसीडर्स’मा समेत हस्ताक्षर भएको छ ।काठमाण्डौस्थित भारतीय दूताबासले प्रस्तावित रक्सौल–काठमाण्डौ ब्रोड गज रेलमार्गले भारत र नेपालबीचको कनेक्टिभिटीलाई अझ मजबुत बनाउने जनाएको छ । (नेपालपाना)...

बेइजिङ, २२ असोज – चीनले ताइवाननजिकै नयाँ लडाकु विमान जे–१६ डी तैनाथ गरेको तस्बिर सार्वजनिक भएको छ । इलेक्ट्रोनिक युद्धको लागि ताइवानको पश्चिमी एयरवेसमा चीनले सो विमान तैनाथ गरेको स्याटेलाइट तस्बिर हालै सार्वजनिक भएको हो ।सो तस्बिर चीनको पिपुल्स लिवरेसन आर्मीले सार्वजनिक गरेको चिनियाँ सञ्चारमाध्यमले जनाएका छन् । इलेक्ट्रोनिक युद्धको लागि चीनले तैनाथ गरेको नयाँ लडाकु विमानले ताइवान स्ट्रेट क्षेत्रमा द्वन्द्व र तनाव झनै बढाउने साउथ चाइना मर्निङ पोष्टमा बिहीबार प्रकाशित समाचारमा उल्लेख छ । यद्यपि, इलेक्ट्रोनिक युद्धको लागि डिजाइन गरिएका नयाँ लडाकु विमान कुन प्रयोजनको लागि सो क्षेत्रमा तैनाथ गरिएको हो भन्नेबारे कुनै सूचना बाहिर नआएको समाचारमा उल्लेख छ ।पछिल्लो समय चीनले लगातार तीन दिन ताइवानको वायु रक्षा क्षेत्रमा ठूलो संख्यामा युद्धक विमान पठाएको थियो । ताइवानको रक्षा मन्त्रालयले चीनको ...

मितिः २०७८ असोज २१ गतेश्रीमन नारायणपुँजीवाद, विस्तारवाद तथा साम्राज्यवादको चर्को विरोध गर्नमा साम्यवादीहरू खप्पिस हुन्छन् । यता एक्काइसौँ शताब्दीमा साम्यवादी राष्ट्रकै नीतिको कारण खतरा बढ्न थालेको छ । चीनका महान नेता माओत्सेतुङको निधनपछि उनीभन्दा बढी अथवा उनको समकक्षमा पनि उभिने हैसियतका अर्र्को कोही नेता अस्तित्वमा आएनन् तर चीनका वर्तमान राष्ट्रपति सी चिनफिङ माओपछिका दोस्रो शक्तिशाली चिनिया नेता मानिन्छन् ।वर्तमान अवस्थामा चीन भनेकै सी चिनफिङ र सी चिनफिङ भनकै चीन हो भन्दा अतिशयोक्ति नहोला । चिनियाँ राष्ट्रपति सीको महत्वाकांक्षी आर्थिक परियोजना ‘बेल्ट एन्ड रोड इनिसिएटिभ (बीआरआई)’ विश्वमा चर्चामा छ । यस परियोजनामा आबद्ध राष्ट्रहरू चिनियाँ ऋणमा यसरी डुब्न पुगेका छन कि तीमध्ये कतिपय देशको जीडीपीको अधिकांश रकम ऋण र त्यसको ब्याज भुक्तान गर्नमा खर्च हुने गरेको छ । यसबाट मुक्ति पाउन ती देश...

ताइपेई, २१ असोज – स्वायत्त राज्य ताइवानले पछिल्लो समय चीन र आफूबीच ४० वर्षयताकै खराब सम्बन्ध भएको प्रतिक्रिया दिएको छ। चीनले सल्लाहबिना ताइवानको वायु रक्षा क्षेत्रमा युद्धक विमान पठाएपछि सम्बन्ध बिग्रिएको प्रतिक्रिया दिएको हो । चीनले चार वर्षभित्रमा ताइवानमाथि हमला गर्न सक्ने ताइवानका रक्षा मन्त्रीले बताएका छन्। बुधबार ताइवानका रक्षा मन्त्री सिउ कुओ चेङले प्रतिक्रिया दिँदै भनेका छन्, ‘पछिल्लो समय चीनको सैन्य गतिविधिले तनाव दिएको छ। सो तनावका कारण चीन–ताइवान सैन्य सम्बन्ध ४० वर्षयताकै खराब भएको छ। चीनले यही गति कायम राख्ने हो भने सन् २०२५ सम्ममा ताइवानको टापु पूर्ण रुपमा आक्रमण गर्न सक्छ।’ चीनले शुक्रबारदेखि श्रृंखलाबद्ध रुपमा ताइवानको वायु रक्षा क्षेत्रमा युद्धक विमान पठाएको छ। सोमबार मात्र आफ्नो वायु रक्षा क्षेत्रमा ५६ युद्धक विमान पठाएको ताइवानको दाबी छ। ताइवाननजिकै सैन्य अभ्या...

नेपालगन्ज, २१ असोज – प्रत्येक वर्ष आश्विन शुक्ल प्रतिपदादेखि सुरु हुने नेपालीको महान् पर्व बडादसैँ आजदेखि सुरु भएको छ । यो पर्व आश्विन शुक्ल पूर्णिमासम्म १५ दिन धुमधामका साथ मनाउने गरिन्छ ।बडादसैँको पहिलो दिन आज घरघरमा विधिपूर्वक दियो, कलश र गणेश स्थापनासहित घटस्थापना गरिन्छ । पूजा कोठा वा दसैँ घरमा वैदिक विधिपूर्वक शक्तिकी अधिष्ठात्री देवी दुर्गाको आह्वान गरी पूजा आरम्भ हुन्छ ।आज बिहानै नित्यकर्म समाप्त गरी नजिकको नदी वा चोखो स्थलबाट बालुवा वा माटो ल्याई गाईको गोबरले लिपपोत गरिएको पूजा कोठा अथवा दसैँ घरमा विधिपूर्पक राखेर त्यसमाथि यव अर्थात् जौ रोप्ने गरिन्छ ।यस कार्यलाई जमरा राख्ने पनि भनिन्छ । यव अङ्कुर दुर्गा देवीको प्रिय वस्तु भएकाले आज यव रोपण गरी दुर्गालाई चढाएर विजया दशमीको दिन टीका प्रसादसितै समृद्धिको प्रतीक पहेँलो जमरा पनि ग्रहण गरिन्छ ।जमरामा जौबाहेक अरु अन्न रोप्ने शास्त्रीय व...

नेपालगन्ज, २० असाेज – नेपालगन्ज रंगशालामा जारी प्रथम बागेश्वरी नकआउट फुटबल प्रतियोगितामा न्यू डाँफे स्पोर्टस क्लव र रोयल नेपालगन्ज फुटबल क्लव फाइनलमा प्रवेश गरेका छन् । न्यू डाँफेले नेपाली सेनाको भैरवप्रसाद गण र रोयलले हेल्थविनिफिटनेसलाई पराजित गर्दै फाइनलमा प्रवेश गरेका हुन् ।पहिलो खेलमा न्यू डाँफेले भैरवप्रसाद गणलाई १–० गोलले पराजित गर्यो । खेलको २४ मिनेटमा सुदीप सलामीले गरेको गोल नै निर्णायक भएको थियो । भैरवप्रसाद गणको डीएरिया बाहिरबाट पाएको फ्रिकिकलाई सलामीले गोलमा परिणत गरेका थिए । त्यसपछि दुवैतर्फबाट केही अवसर सिर्जना गरेपनि गोल हुन सकेन । यो खेलमा न्यू डाँफेका कृष्ण रानाभाट म्यान अफ द म्याच भए । उनलाई जीमप्रशिक्षक अमृत घलेले पुरस्कृत गरे । अर्को खेलमा रोयलले हेल्थ विनिफिटनेसलाई २–० गोलले पराजित गर्यो । रोयलको तर्फबाट यमबहादुर बुढाथोकीले १२ मिनेट र भुपेन्द्र शाहीले २३ मिनेटमा ग...