शिक्षा/स्वास्थ्य

नेपालगन्ज, २ असार – हिन्दी पत्रकारिताको २०० वर्ष पूरा भएको ऐतिहासिक अवसरमा छिमेकी मित्रराष्ट्र भारतको बहराइचमा आयोजित æअन्तर्राष्ट्रिय पत्रकार सम्मेलन–२०२६Æ भव्य रूपमा सम्पन्न भएको छ । बहराइज जिल्लाको मान्यता प्राप्त पत्रकार एशोसिएसन, बहराइचद्वारा आयोजित उक्त सम्मेलनले पत्रकारिता, साहित्य, अभिव्यक्ति स्वतन्त्रता तथा लोकतान्त्रिक मूल्यहरूको संरक्षणमा सञ्चार क्षेत्रको भूमिकाबारे गहन विमर्श गरेको छ । सिआर रिसोर्टको हलमा सम्पन्न सो कार्यक्रममा भारत र नेपालका पत्रकार, साहित्यकार, तथा सामाजिक क्षेत्रका विशिष्ट व्यक्तित्वहरूको उल्लेखनीय सहभागिता रहेको थियो । सम्मेलनमा विचार गोष्ठी, लघु हाँस्य–व्यंग्य कविता वाचन, सम्मान तथा पत्रकारिता सम्बन्धी अन्तरक्रियात्मक वृहत् छलफल गरिएको थियो । प्रेस काउन्सिल अफ इण्डियाका पूर्व सदस्य सैइयद हुसैन रिजवीको अध्यक्षतामा सम्पन्न उक्त सम्मेलनका प्रमुख अति...

नेपालगन्ज, १ असार – पूर्व खेलाडी समाज बाँकेको आयोजनामा प्रथम वडा कप शारीरिक सुगठन प्रतियोगिता–२०८३ आइतबार नेपालगन्जमा सम्पन्न भएको छ । पूर्व खेलाडी समाज बाँकेका अध्यक्ष प्रकाशबहादुर श्रेष्ठको सभापतित्वमा सम्पन्न प्रतियोगिताको उद्घाटन नेपालगन्ज उपमहानगरपालिकाका प्रमुख प्रशान्त बिष्टले पानसमा दीप प्रज्वलन गरी गर्नुभएको थियो । कार्यक्रममा विशेष अतिथिका रूपमा ओलम्पियन तथा समाजका सल्लाहकार सुरेन्द्र हमाल, सल्लाहकार गोबर्धन सिंह सम्झना लगायतको उपस्थिति रहेको थियो । प्रतियोगितामा नौ वटा फिटनेस क्लबका ४० जना खेलाडीहरूले विभिन्न तौल समूहमा प्रतिस्पर्धा गरेका थिए । प्रतिस्पर्धामा खेलाडीहरूले उत्कृष्ट शारीरिक बनावट, मांसपेशीको विकास, प्रस्तुति कला तथा समग्र फिटनेस प्रदर्शन गर्दै दर्शकहरूको मन जितेका थिए । टिमतर्फ ओम फिटनेसले उत्कृष्ट प्रदर्शन गर्दै २ स्वर्ण, २ रजत र १ कांस्य पदकसहित प्रथ...

डुडुवा, ३१ जेठ – बाँकेको डुडुवा गाउँपालिकाले सुरक्षित बैदेशिक रोजगार सम्वन्धी समुदायस्तरिय सचेतना अभिबृद्धि कार्यक्रम गरेको छ । रोजगारीका लागि विदेश जानुभन्दा अघि थाहा पाउनु पर्ने कुराहरुको बारेमा घर परिवारका सदस्यलाई जानकारी दिइएको छ । नेपालबाट रोजगारीका लागि जाने अधिकाँस युवाहरु दुःख पाउने र केहीको अनाहकमा ज्यान जाने घटनाहरु बढीरहेकाले विदेश जानुभन्दा अघि सबै जानकारी भएमा जोखिमबाट बच्न सकिने बारे जानकारी गराइएको छ । डुडुवा गाउँपालिका रोजगार शाखाले आज वार्ड नंं. २ को बेतहनी, नौरीगौढी र बाणीमा सामुदायिक अभिमुखीकरण गरेको छ । कार्यक्रममा सहभागी अभिभावक, युवा, तथा विदेशबाट फर्किएका युवाहरुको सहभागिता रहेको थियो । सुरक्षित आप्रवान -सामी) कार्यक्रम अन्तर्गत सुरक्षित बैदेशिक रोजगार सम्वन्धी विभिन्न जानकारी प्रदान गरिएको थियो । वैदेशिक रोजगारीलाई सुरक्षित, व्यवस्थित र मर्यादित बन...

नेपालगन्ज, ३१ जेठ – रक्तदान जीवनदान भन्ने उद्देश्यका साथ नेकपा एमाले डुडुवा गाउँपालिका कमिटी बाँकेको आयोजनामा, नेपाल रेडक्रस सोसाइटी प्रादेशिक रक्त संचार केन्द्र नेपालगन्जको प्राविधिक सहयोगमा शनिवार रक्तदान कार्यक्रम सम्पन्न भएको छ । डुडुवा गाउँपालिका वार्ड नं.५ किमु कटुजमा आयोजित रक्तदान कार्यक्रममा शिक्षक, समाजसेवी, स्वयंसेवी रक्तदाता लगायत २३ जनाले रक्तदान गरेका छन् । नेकपा एमाले डुडुवा गाउँपालिका कमिटी बाँकेका अध्यक्ष महेश चौधरी, डुडुवा गाउँपालिका वार्ड नं.–५का वडाध्यक्ष झंकबहादुर थापा र डुडुवा गाउँपालिका वार्ड नं.–६ का वडाध्यक्ष मोहनराम मिश्र लगायतले प्रादेशिक रक्त संचार केन्द्र नेपालगन्जका प्रमुख उपेन्द्र रेग्मी, वरिष्ठ प्राविधिक सोमप्रकाश सापकोटा, सुनिता कुमाईलाई रगत संकलन गर्ने पाकेट हस्तान्तरण गरेर कार्यक्रमको उद्घाटन गर्नु भएको थियो । आयोजित रक्तदान कार्यक्रममा डुड...

नेपालगन्ज २९ जेठ – डुडुवा गाउँपालिकाको सञ्चार नीति निमार्णका क्रममा विभिन्न चरणमा छलफल तथा परामर्श गरिएको छ । संचार नीतिको मस्यौदा माथी पत्रकार तथा सञ्चार गृहका प्रकाशन सम्पादकसंग नेपालगन्जमा विहीबार सुझाव तथा परामर्श गरिएको छ । डुडुवा गाउँपालिकाले आयोजना गरेको परामर्श कार्यक्रममा मस्यौदा निर्माण समितिका विज्ञ सदस्य राकेश कुमार मिश्रले नीतिको मस्यौदा प्रस्तुतीकरण गर्नुभएको थियो । प्रस्तुत गरिएको मस्यौदामाथी पत्रकारहरुले सञ्चारसंग सम्वन्धित विभिन्न कानूनी कुराहरुमा सुझाव दिएका थिए । स्थानीय तहको सञ्चार तथा सूचना प्रवाहलाई व्यवस्थित, प्रभावकारी र उत्तरदायी बनाउन नीति निर्माण गर्न लागेको गाउँपालिका अध्यक्ष नरेन्द्रकुमार चौधरीले बताउनुभयो । उहाँले स्थानीय तहमा सञ्चार क्षेत्र तथा पत्रकारहरुको विकासका लागि नीतिगत रुपमा अघि बढने उद्देश्यले कानून बनाउन लागेको बताउनुभयो । कार्य...

नेपालगन्ज, जेष्ठ २९ – पूर्व खेलाडी समाज बाँकेको आयोजना तथा नेपालगन्ज उपमहानगरपालिकाको सहयोगमा आयोजित प्रथम मेयर कप अन्तर विद्यालय पौडी प्रतियोगिता २०८३ शुक्रबार नेपालगन्ज रंगशाला परिसरभित्र रहेको पौडी पोखरीमा सम्पन्न भएको छ । प्रतियोगितामा नेपालगन्जका १४ वटा विद्यालयका ८२ जना छात्र–छात्राको सहभागिता रहेको थियो। विभिन्न उमेर समूहका छात्र तथा छात्राहरूबीच फ्रिस्टाइल, ब्याकस्ट्रोक, ब्रेस्टस्ट्रोक र बटरफ्लाई विधामा प्रतिस्पर्धा गरिएको थियो । कार्यक्रमका प्रमुख अतिथि नेपालगन्ज उपमहानगरपालिकाका प्रमुख प्रशान्त बिष्ट रहेका थिए । प्रतियोगिताको सञ्चालन पूर्व खेलाडी समाज बाँकेका सचिव नरेन्द्र थापाले गरेका थिए । प्रतियोगितामा उत्कृष्ट प्रदर्शन गर्दै शिखा एकेडेमीका सुशान्त बोहरा उत्कृष्ट छात्र घोषित भए । उनले नगद रु. ५,५०० सहित सम्मान प्राप्त गरे । त्यस्तै स्प्रिङ्डेल एकेडेमीकी नित्याश्री दहित ...

मानपुर, २८ जेठ — जानकी गाउँपालिका स्तरीय बाल क्लब सञ्जालको आयोजनामा सरोकारवाला र बालबालिकाबीच पालिका स्तरीय संवाद कार्यक्रम बिहीबार सम्पन्न भएको छ । सामाजिक विकास मञ्च बाँके -एसडिएफ बाँके) र वल्र्ड भिजन इन्टरनेशनल नेपालको सहयोग तथा जानकी गाउँपालिका कार्यालयको समन्वयमा आयोजित कार्यक्रममा बालबालिकाले गाउँपालिका भित्रका विभिन्न समस्या तथा चुनौती बारे खुलेर आफ्नो धारणा राखेका छन् । कार्यक्रममा जानकी गाउँपालिकाका अध्यक्ष छब्बन खाँ, योजना शाखा प्रमुख शोभा पौडेल, सामाजिक विकास शाखा प्रमुख रामअचल धोबी, शिक्षा शाखा प्रमुख झुमीकुमारी ओली, महिला तथा बालबालिका शाखा प्रमुख कल्पना गाह, न्यायिक समितिका प्रतिनिधि जितबहादुर श्रेष्ठ, समाजिक विकास मञ्च बाँकेका बाल संरक्षण अधिकृत जनक चौधरी, पत्रकार तथा वडा नं. १ देखि ६ सम्मका बाल क्लबका पदाधिकारी एवं सदस्यहरूको सहभागिता रहेको थियो । कार्यक्रमको सहजीकरण प्र...

नेपालगन्ज, २८ जेठ – तक्षशिला एकेडेमी, मंगल प्रसाद मावि, होलि ल्याण्ड र हिमालयन विद्या निकेतन स्कुलले बाँके जिल्ला स्तरीय मेयर कप अन्तर विद्यालय -यु–१८) छात्रछात्रा फुटबल प्रतियोगिताको पहिलो दिन जित हासिल गरेका छन् । बाँके जिल्ला फुटबल संघको आयोजना र नेपालगन्ज उपमहानगरपालिकाको आर्थिक सहयोगमा सुरु भएको प्रतियोगिताको पहिलो खेलमा तक्षशिलाले नोबेल इङलिस मिडियम स्कुललाई १–० ले पराजित गरेको छ । तक्षशिलाको लागि रिदम रावतले ३६औं मिनेटमा गोल गर्नु भएको थियो । निर्णायक गोल गर्ने रिदम प्लेयर अफ द म्याच घोषित समेत हुनु भयो । उहाँलाई नेपालगन्ज म्याराथनका संस्थापक टिएस ठकुरी, नेपालगन्ज न्युरो अस्पतालका फार्मेसी प्रमुख दिपेश विष्टले पुरस्कृत गर्नु भयो । नेपालगन्ज रंगशालामा भएको अर्को खेलमा मंगल प्रसादले सडनडेथमा बाल विद्या मन्दिर कोहलपुरलाई पराजित गरेको छ । निर्धारित समयको खेल गोलरहित बराबरीम...

नेपालगन्ज, २६ जेठ – नेपालगन्ज उपमहानगरपालिका वडा नं. ६ मा रहेको २१० कट्ठा जग्गामा फैलिएको पोखरीलाई कर्बलाको नाममा कब्जा गर्न लामो समयदेखि प्रयास जारी रहेकै बेला नरैनापुर वडा नं. १ कटकुईया गाउँको दक्षिण तिर रहेको करीव २ विगाहा जग्गामा फैलिएको सरकारी पोखरी २०८३/२/२१ गते कब्जा गरिएको छ । प्राप्त जानकारी अनुसार नरैनापुर वडा नं. १ का वडा अध्यक्ष ईशाक जोलाहको मिलोमत्तो एवं निर्देशनमा वडा नं. १ महानितिया गाउँ बस्ने नूरमोहम्मद शाहको अध्यक्षतामा हुसैनी कर्बला महानितिया संचालक समिति बनाई २०८३/२/२१ गते उक्त संचालक समितिको नामावली सहितको बोर्ड पोखरीमा गाडेरकब्जा गरिएको हो । वडा अध्यक्ष ईशाक जोलाहले नरैनापुर वडा नं. १ मा रहेका सबै जग्गा प्रायः कब्जा गरिसकेको स्रोतको दावी रहेको छ । वडा अध्यक्ष ईशाक जोलाहले कब्रिस्तानको नाममा र ईदगाहको नाममा धेरै एलानी सरकारी जग्गा कब्जा गरीसकेको र गर्ने क्रम ज...

नेपालगन्ज, २६ जेठ – शिक्षाविद् तथा साहित्यकार किरण आचार्यको आत्मकथा ‘आरोह अवरोह’ एक विशेष समारोह बीच मंगलबार विमोचन गरिएको छ । असल शासन मिडियाद्वारा प्रकाशित उक्त कृतिको लुम्बिनी प्राविधिक विश्वविद्यालयका उपकुलपति प्रोफेसर डा. विनोदप्रसाद ढकाल, लेखक आचार्य, आचार्यका पती प्रा. डा. जनार्दन आचार्य, वरिष्ठ साहित्यकार सनत रेग्मी, लेखक नरेन्द्र जंग पिटर, भाषा आयोगका निवर्तमान सदस्य गोपाल अस्क, असल शासन मिडियाका अध्यक्ष नमस्कार शाह लगायले संयुक्त रूपमा विमोचन गरेका हुन् । विमोचन समारोहमा बोल्दै प्रमुख अतिथि लुम्बिनी प्राविधिक विश्वविद्यालयका उपकुलपति प्रोफेसर डा. विनोदप्रसाद ढकालले आत्मकथा कुनै व्यक्तिको जीवन वृत्तान्त मात्र नभई समाज र समयको इतिहास पनि हुने बताए । उनले किरण आचार्यको जीवनयात्रा संघर्ष, समर्पण र निरन्तरताको उदाहरण रहेको उल्लेख गर्दै ‘आरोह अवरोह’ ले शिक्षा, समाज र राष्ट्र...