खेल

नेपालगन्ज, ३१ वैशाख – १७औं जिल्ला स्तरीय राष्ट्रपति रनिङ्ग शिल्ड छनोट प्रतियोगिताको उपाधि कोहलपुर नगरपालिकाले जितेको छ । नेपालगन्ज रंगशालामा भएको बाँके जिल्ला स्तरीय रनिङ्ग शिल्ड छनोट प्रतियोगितामा नेपालगन्ज उपमहानगरपालिका दोस्रो र खजुरा गाउँपालिका तेस्रो भयो । कोहलपुर नगरपालिकाले २२ स्वर्ण, ९ रजतर १३ कास्य पदक प्राप्त गर्दै यस वर्षको उपाधि जितेको हो । दोस्रो भएको नेपालगन्ज उपमहानगरपालिकाले प्रतियोगितामा १५ स्वर्ण, ११ रजतर १९ कास्य पदक जितेको थियो भनेखजुरा गाउँपालिकाले ८ स्वर्ण, ४ रजत तथा ९ कास्य पदक जितेको थियो । बिजेताहरूलाई कोहलपुर नगरका नगर प्रमुख पूर्ण प्रसाद आचार्यले पुरस्कार प्रदान गर्नु भएको थियो । कोहलपुर नगरपालिकाले यस अघि १६ औं जिल्ला स्तरीय राष्ट्रपति रनिङ शिल्ड प्रतियोगिता जितेको थियो । प्रतियोगितामा राप्ती सोनारी गाउँपालिकाले अनुशासन तर्फ उत्कृष्टताको पुरस्कार पाएको छ ।...

खजुरा, ३१ वैशाख – न्यु बागमति युवा क्लबले प्रथम अशोक स्मृतिकप -यु–२०)फुटबल प्रतियोगितामा सफलता हासिल गरेको छ । न्यु बागमति युवा क्लबले बुधबार योगिनी युवा क्लबलाई १–० ले पराजित गरेको छ । खजुरा गाउँपालिका–४ डी गाउँस्थित मिनि रंगशाला मैदानमा भएको खेलमा न्यु वागमतिको लागि अनिपाल शाहीले खेलमा निर्णायक गोल गर्नु भएको थियो । शाहीले ४८औं मिनेटमा गोल गर्दै बागमतिलाई जित दिलाउनु भयो । खेलमा शाही प्लेयर अफ द म्याच घोषित हुनु भयो । उहाँलाई आयोजकश्री दिफेमस महिन्द्र दल गण भु.पु संघ बाँके अध्यक्ष कृष्णलाल गिरी र प्रतियोगिता संयोजक एवम् खजुरा गाउँपालिका वडा नम्बर ४ का निर्वतमान अध्यक्ष तिलकवीर सुनारलगायतले पुरस्कृत गर्नु भएको थियो । श्री दिफेमस महिन्द्र दल गण भु.पु संघ बाँकेको आयोजना, सुन्दर विहानी युवा क्लब जानकीगाउँपालिका–०४बाँकेको सहआयोजना र ब्रदर्श एफसीको विशेष सहयोगमा भैरहेको प्रतियोगिताला...

नेपालगन्ज, ३० वैशाख – नेपालगन्जको धम्बोझी क्लबले प्रथम अशोक स्मृति कप -यु–२०)फुटबल प्रतियोगितामा जित हासिल गरेको छ । खजुरा गाउँपालिका–४ डी गाउँस्थित मिनि रंगशाला मैदानमा धम्बोझी क्लबले न्यु दर्पण स्पोर्टस क्लबलाई पेनाल्टी सुटआउटमा ५–४ ले पराजित गरेको छ । निर्धारित समयको खेल १–१ को बराबरीमा खेल सकिएको थियो । खेलमा धम्बोझीका गोलकिपर नविनराज परियार प्लेयर अफ द म्याचबाट पुरस्कृत हुनु भयो । उहाँलाई आयोजक श्री दि फेमस महिन्द्र दल गण भु.पु संघ बाँके अध्यक्ष कृष्णलाल गिरी र प्रतियोगिता संयोजक एवम् खजुरा गाउँपालिका वडा नम्बर ४ का निर्वतमान अध्यक्ष तिलकवीर सुनारले पुरस्कृत गर्नु भएको थियो । श्री दि फेमस महिन्द्र दल गण भु.पु संघ बाँकेको आयोजना, सुन्दर विहानी युवा क्लब जानकी गाउँपालिका–०४ बाँकेको सहआयोजना र ब्रदर्श एफसीको विशेष सहयोगमा भैरहेको प्रतियोगितालाई एलिसा ज्वैलर्सले मुख्य प्रायो...

खजुरा, ३० वैशाख – खजुरा गाउँपालिकाको छात्र र छात्रा टिमले नेपालगन्जमा जारी १७औं जिल्ला स्तरीय राष्ट्रपति रनिङ्ग शिल्ड छनोट प्रतियोगितामा कबड्डी तर्फ स्वर्ण जित्न सफल भएको छ । नेपालगन्ज रंगशालामा भएको छात्र तर्फको फाईनमा खजुराले नेपालगन्ज उपमहानगरपालिकालाई पराजित गरेको थियो । छात्र तर्फको कबड्डीमा बैजनाथ गाउँपालिका तेस्रो र कोहलपुर नगरपालिका तेस्रो भयो । छात्रा तर्फको कबड्डीमा खजुराले नेपालगन्जलाई पराजित गरेको थियो । छात्रा कबड्डीमा बैजनाथ तेस्रो र कोहलपुर तेस्रो भएको छ । यसैगरी छात्र तर्फको हाइजम्पमा नेपालगन्ज उपमहानगरपालिकाका अविनास थारु प्रथम, नरैनापुरका मोहम्मद मुक्तार खाँ दोस्रो र नेपालगन्जकै रमित थारु तेस्रो हुनु भयो । अविनासले १.६४ मिटर, रमित र मोहम्मदले समान १.६१ मिटर जम्प गरेपनि फाउलको आधारमा रमित दोस्रो हुनु भएको एथ्लेटिक्सका पुर्व राष्ट्रिय प्रशिक्षक चन्द्र गुरुङले बताउ...

खजुरा, २८ वैशाख – न्यु डाँफे स्पोर्टस क्लबले प्रथमअशोक स्मृतिकप फुटबल प्रतियोगितामाविजयी सुरुआत गरेको छ । खजुरा गाउँपालिका–४ डी गाउँस्थित मिनि रंगशाला मैदानमा भएको उद्घाटन खेलमा न्यु डाँफे स्पोर्टस क्लबले सडनडेथमा -७–५ ले) कालिका युवा क्लब बर्दियालाई पराजित गरेको हो । निर्धारित समयको खेल गोलरहित बराबरीमा सकिएको थियो । खेलमा उत्कृष्ट प्रदर्शन गर्नेन्यु डाँफे स्पोर्टस क्लबका रोयलपुन मगर प्लेयर अफ द म्याचबाट पुरस्कृत हुनु भयो । आइतबारदेखि सुरु भएको प्रतियोगितामा २० वर्ष उमेर समुहका खेलाडीहरुले प्रतिस्पर्धा गरिरहेका छन् । प्रतियोगिता अन्तर्गत सोमबार सिमलघारी एफसी र चन्द्र ज्योति युवा क्लब बिच प्रतिस्पर्धा हुनेछ । श्री दिफेमस महिन्द्र दल गण भु.पु संघ बाँकेको आयोजना र सुन्दर विहानी युवा क्लब जानकी गाउँपालिका–०४ बाँकेको सहआयोजनामा भैरहेको प्रतियोगितालाई एलिसा ज्वैलर्सले मुख्य प्रायोजन गरेको...

कोहलपुर, २७ बैशाख – बाँके कोहलपुरको शिखा एकेडेमीले राष्ट्रिय पौडी प्रतियोगिताको उपाधि जितेको छ । शिखा एकेडेमी र नेपालगन्ज स्वीमिङ क्लबले शनिबार कोहलपुरमा आयोजना गरेको दोस्रो शिखा स्कुल स्तरीय राष्ट्रिय पौडी प्रतियोगितामा १३४ अंक ल्याएर शिखा स्कुलले उपाधि जितेको हो । प्रतियोगितामा लिटिल एञ्जल्स स्कुल ललितपुर १०१ अंक ल्याएर दोस्रोर १९ अंक ल्याएर बागेश्वरी एकेडेमी कोहलपुर तेस्रो, ८ अंक ल्याएर सोफिया रेसिडेन्सियल स्कुल नेपालगन्ज चौथो र ५ अंक ल्याएर लुम्बिनी वल्र्ड स्कुल रुपन्देही पाँचौं भएको पौडी प्राविधिक चन्द्रराम चौधरीले जानकारी दिनुभयो । प्रतियोगितामा लिटिल एञ्जल्स स्कुलबाट ६/६ वटा स्वर्ण पदक जितेरछात्र विभुषण शाक्य र छात्रा लुनिरा शाक्य सर्वोत्कृष्ट खेलाडी घोषणा भए । प्रतियोगितामा देशभरीका २४ वटा विद्यालयका १०२ जना विद्यार्थीले भाग लिएका थिए । कार्यक्रममा आयोजक शिखा एक...

खजुरा, २७ वैशाख – प्रथम अशोक स्मृतिकप फुटबल प्रतियोगिता आज आइतबारदेखि खजुरामा शुरु हुँदैछ । स्थानीय खेलाडीहरुलाई प्राथमिकता दिएर आयोजना गर्न लागिएको प्रतियोगिताको तयारी पुरा भएको आयोजक श्री दि फेमस महिन्द्र दल गण भु.पु संघ बाँकेले जनाएको छ । सुन्दर विहानी युवा क्लब जानकी गाउँपालिका–०४ बाँकेको सह आयोजनामा हुन लागेको प्रतियोगिताको उद्घाटन खेलमा न्यु डाँफे स्पोर्टस क्लब र कालिका युवा क्लबले प्रतिस्पर्धा गर्ने भएका छन् । जेठ ३ गते सम्म चल्ने प्रतियोगितामा १२ टिमको सहभागिता रहेको छ । बाँके खजुरा गाउँपालिका–४ डी गाउँस्थित मिनि रंगशालामा हुने प्रतियोगिताको विजेता टिमले ५१ हजार रुपैयाँ, उपविजेताले ३१ हजार रुपैयाँ, ट्रफी, मेडल, प्रमाणपत्र पाउने आयोजक श्री दि फेमस महिन्द्र दल गण भु.पु संघ बाँके अध्यक्ष कृष्णलाल गिरीले बताउनु भयो । प्रतियोगिताको सर्वोत्कृष्ट खेलाडीलाई ५ हजार रुपैयाँ, सर्वाधिक ग...

नेपालगन्ज, २५ बैशाख – नेपालगन्ज उपमहानगरपालिकाले स्थानिय, राष्ट्रिय, अन्तर्राष्ट्रिय खेलाडीहरुलाई एक साथ सम्मान गरेको छ । नेपालगन्ज उपमहानगरपालिकामा आज आयोजित सम्मान कार्यक्रममा २०२५ जुलाई १६ देखि १९ सम्म थाईल्याण्डको पटायामा सम्पन्न १२ औं वल्र्ड स्टे«न्थ लिफ्लि· तथा इन्फलाइन बेन्च प्रेश प्रतियोगितामा बाँके जिल्लाबाट प्रतिनिधित्व गरी पदक प्राप्त विजयी खेलाडीहरुमा सन्तोष काजी श्रेष्ठ -सिल्भर), मोहित गुप्ता -गोल्ड तथा कास्य) र करण बाडिया -गोल्ड र सिल्भर) मेडललाई उपमहानगर प्रमुख प्रशान्त बिष्ट, ओम फिटनेश सेन्टरका लाभराज श्रेष्ठ लगायतले सम्मान गरेका छन् । उक्त सम्मान कार्यक्रममा स्थानिय स्तरमा अन्य खेलमा सहभागी खेलाडीहरुलाई समेत सम्मान गरिएको थियो । सम्मान कार्यक्रमका प्रमुख अतिथि उपमहानगर प्रमुख बिष्टले – खेलाडीहरुको प्रोत्साहन स्वरुप आउने बजेटमार्फत बजेट बिनियोजित गरिनुका ...

कोहलपुर, २३ बैशाख – बाँकेमा आगामी २६ वैशाखमा अन्तर विद्यालय स्तरीय राष्ट्रिय पौडी प्रतियोगिता हुने भएको छ । शिखा एकेडेमी कोहलपुर र नेपालगन्ज स्वीमिङ क्लबले संयुक्त रुपमा दोस्रो शिखा अन्तर विद्यालय स्वीमिङ च्याम्पियनसीप २०८३ आयोजना गर्न लागेका हुन् । मंगलबार कोहलपुरमा आयोजित पत्रकार सम्मेलनमा प्रतियोगितामा देशभरका १८ विद्यालयका एक सय बढी खेलाडीले भाग लिने निश्चित भइसकेको खेल संयोजक सूर्यमणि अधिकारीले जानकारी दिनुभयो । प्रतियोगितामा ८, १०, १२, १४, १७ र सो भन्दा माथि उमेर समूहका छात्र र छात्राबीच पौडीका २४ वटा इभेन्टमा प्रतिष्पर्धा हुने प्रतियोगिताका प्राविधिक चन्द्रराम चौधरीले बताउनु भयो । ८ र १० वर्ष मुनिका खेलाडीले २५ मिटर र सो भन्दा माथिका उमेर समूहले ५० मिटर र १०० मिटरमा प्रतिष्पर्धा गर्नेछन् । खेलाडीले फ्रि स्टाइल, ब्याक स्टोक, बेस्ट स्टोक र बटर फ्लाइ गरी चार वटा स्टोकमा सहभागिता...

नेपालगन्ज, २० बैशाख – नेपालगन्ज उपमहानगरपालिका वडा नं. ५ को वडा कार्यालयद्वारा खेलाईएको वडा स्तरीय क्रिकेट प्रतियोगितामा वडा नं. ४ को टीम प्रथम भएको छ । शनिबार सम्पन्न फाईनल क्रिकेट प्रतियोगितामा वडा नं. ४ को क्रिकेट टीम प्रथम भएपछि गौरव स्मृति तथा विओर सेल्फ फाउण्डेशनद्वारा प्रथम हुने टीमका विजयी खेलाडीहरुलाई सम्मान गरिएको छ । आज आईतबार गौरव स्मृति तथा विओर सेल्फ फाउण्डेशनको कार्यालयमा एक कार्यक्रमको आयोजना गरी विजयी खेलाडीहरुलाई दोसल्लाह ओढाई सम्मान गरिएको छ । प्रमुख अतिथि एवम् जग्गादाता बर्माले खेलाडीहरुको उ्रत्कृष्ट क्रिकेट खेलको प्रशंसा गर्दै आउने दिनमा थप सफलताको शुभकामना व्यक्त गरेका थिए । कार्यक्रममा गौरव स्मृति तथा विओर सेल्फ फाउण्डेशनका संरक्षक प्रदीप शाहले हाम्रो वडा नं. ४ का खेलाडीहरुले आज जिल्ला मै वडाको नाम बनाउन सफल भएकोमा हार्दिक बधाई तथा आउने दिनमा देश मै उक्...