खेल

नेपालगन्ज, २८ असार – नेपालगन्जका खेलाडी तथा खेलकर्मीहरुले खेलकुदले समाजलाई जोड्नु का साथै शारीरिक, मानसिक एवं संवेगात्मक रुपमा सकारात्मक समाज बनाउने बताएका छन् । नेपालगन्जमा महेन्द्र पुस्तकालयको आयोजनामा भएको खेलकुदले बनाउने समाज विषयक एक विमर्श कार्यक्रममा बोल्ने वक्ताहरुले खेलकुदले समाजलाई जोड्ने र सबल समाज बनाउन सघाउने बताए । कार्यक्रममा बोल्दै ओलम्पियन तथा लुम्बिनी प्रदेशका पूर्व मन्त्री सुरेन्द्र हमालले भने, ‘खेलकुदले समाजलाई अनुशासित बनाउँछ । राजनीतिमा जति ढिलो पुग्यो त्यति ठूलो मान्छे मानिन्छ, तर खेलमा तोकिएको समयभन्दा पाँच मिनेट ढिलो भएमा खेलबाट वाकआउट दिइन्छ ।’ उनले आफू क्यान्सरबाट पीडित भएपनि खेलले सिकाएको सकारात्मक उर्जाकै कारण रोगलाई जित्न कहीँ न कहीँ भूमिका खेलेको बताए । अर्का खेलाडी समसुद्दिन सिद्दिकीले खेलले समाजमा सकारात्मक प्रतिस्पर्धाको वातावरण बनाउने बताए ।...

नेपालगन्ज, २१ असार – कोहलपुरको मैटहवामा ग्रासरुट फुटबल प्रशिक्षण कार्यक्रमको औपचारिक रुपमा शुभारम्भ गरिएको छ । फिफा मास्टर विप्लव गौतमले एन्फा बाँकेका फुटबल प्रशिक्षक युवराज शाहीलाई बल हस्तान्त्रण गर्दै प्रशिक्षण कार्यक्रमको शुभारम्भ गर्नु भएको थियो । उद्घाटन समारोहमा बाँकेको फुटबल विकासमा महत्वपुर्ण सहयोग गरेको भन्दैं गौतमलाई बाँके जिल्ला फुटबल संघका अध्यक्ष एवम् अखिल नेपाल फुटबल संघका केन्द्रिय सदस्य भोजराज शाहीले सम्मान गर्नु भएको थियो । बिरबल फुटबल एकेडेमीले कोहलपुर नगरपालिका वडा नम्बर ३ मैटहवा स्थित ग्रासरुट फुटबल प्रशिक्षण कार्यक्रम संचालन गरिरहेको छ । जहाँ १६ वटा निजी तथा सामुदायिक विद्यालयका १ सय ७० भन्दा बढी बालबालिकाहरुलाई हरेक हप्ताको शनिबार, आइतबार र विदाको दिन विहान निःशुल्क रुपमा फुटबल प्रशिक्षण गराईन्छ । बिरबल फुटबल एकेडेमीको अध्यक्ष आशादेवी शाहीले उद्घाटन समारोहमा...

नेपालगन्ज, ५ असार – नेपालगन्जमा शुक्रवार सम्पन्न प्रथम मेयर कप महिला तथा पुरुष ५ एस हक्की प्रतियोगितामा पुरुषतर्फ महेन्द्र पार्क क्लब र महिलातर्फ त्रिभुवन चोक क्लब प्रथम भएका छन । पुरुषतर्फ महेन्द्र पार्क क्लबले बाँकेगाउँ क्लबलाई शुन्यको बिरुद्ध १ गोल अन्तरले पराजित गर्दै प्रथम हुन सफल भयो भने महिलातर्फ त्रिभुवन चोकले बाँके गाउँ क्लबलाई १ को बिरुद्ध ३ गोलले पराजित गर्दै प्रथम हुन सफल भयो । प्रतियोगिता अवधिभर राम्रो प्रदर्शन गरेका मोहम्मद अनस अन्सारी पुरुषतर्फ उत्कृष्ट खेलाडी घोषित भए भने, महिलातर्फ तनीसा अंसारी उत्कृष्ट खेलाडी घोषित भइन । त्यस्तै प्रतियोगिता अवधिभर ८ गोल गर्न सफल अनन्या बर्नवाल महिलातर्फ सर्बाधिक गोलकर्ता घोषित भईन भने पुरुषतर्फ ४ गोल गर्न सफल भएका रेहान अन्सारी सर्बाधिक गोलकर्ता घोषित भए । बिजयी खेलाडीहरुलाई समाजका अध्यक्ष प्रकाशबहादुर श्रेष्ठ , प्रमुख अत...

नेपालगन्ज, ४ असार – नेपालगन्ज उपमहानगरपालिकाको सहयोग तथा पूर्व खेलाडी समाज बाँकेको आयोजनामा प्रथम मेयर कप महिला तथा पुरुष ५ हक्की प्रतियोगिता–२०८३ आजदेखि नेपालगन्जमा सुरु भएको छ । प्रतियोगिताको उद्घाटन कार्यक्रम पूर्व खेलाडी समाज बाँकेका अध्यक्ष प्रकाशबहादुर श्रेष्ठको सभापतित्वमा सम्पन्न भएको थियो । कार्यक्रमका प्रमुख अतिथि नेपालका पूर्व अन्तर्राष्ट्रिय भलिबल रेफ्री अजीत कुमार शर्मा रहनुभएको थियो । प्रतियोगिता असार ४ र ५ गतेसम्म सञ्चालन हुने आयोजकले जनाएको छ । प्रतियोगितामा ४ महिला तथा ४ पुरुष टोलीको सहभागिता रहेको छ । खेलहरू लिग कम नक–आउट प्रणालीमा सञ्चालन भइरहेको छ । आज सम्पन्न खेलहरूको नतिजाअनुसार महिलातर्फ पहिलो खेलमा त्रिभुवन चोक क्लबले बाबु गाउँ क्लबलाई ३–० गोल अन्तरले पराजित गर्दै महत्वपूर्ण ३ अंक हात पार्यो । दोस्रो खेलमा बाँके गाउँ क्लबले महेन्द्र पार्क क्लबलाई १–० ग...

नेपालगन्ज, जेष्ठ २९ – पूर्व खेलाडी समाज बाँकेको आयोजना तथा नेपालगन्ज उपमहानगरपालिकाको सहयोगमा आयोजित प्रथम मेयर कप अन्तर विद्यालय पौडी प्रतियोगिता २०८३ शुक्रबार नेपालगन्ज रंगशाला परिसरभित्र रहेको पौडी पोखरीमा सम्पन्न भएको छ । प्रतियोगितामा नेपालगन्जका १४ वटा विद्यालयका ८२ जना छात्र–छात्राको सहभागिता रहेको थियो। विभिन्न उमेर समूहका छात्र तथा छात्राहरूबीच फ्रिस्टाइल, ब्याकस्ट्रोक, ब्रेस्टस्ट्रोक र बटरफ्लाई विधामा प्रतिस्पर्धा गरिएको थियो । कार्यक्रमका प्रमुख अतिथि नेपालगन्ज उपमहानगरपालिकाका प्रमुख प्रशान्त बिष्ट रहेका थिए । प्रतियोगिताको सञ्चालन पूर्व खेलाडी समाज बाँकेका सचिव नरेन्द्र थापाले गरेका थिए । प्रतियोगितामा उत्कृष्ट प्रदर्शन गर्दै शिखा एकेडेमीका सुशान्त बोहरा उत्कृष्ट छात्र घोषित भए । उनले नगद रु. ५,५०० सहित सम्मान प्राप्त गरे । त्यस्तै स्प्रिङ्डेल एकेडेमीकी नित्याश्री दहित ...

नेपालगन्ज, २८ जेठ – तक्षशिला एकेडेमी, मंगल प्रसाद मावि, होलि ल्याण्ड र हिमालयन विद्या निकेतन स्कुलले बाँके जिल्ला स्तरीय मेयर कप अन्तर विद्यालय -यु–१८) छात्रछात्रा फुटबल प्रतियोगिताको पहिलो दिन जित हासिल गरेका छन् । बाँके जिल्ला फुटबल संघको आयोजना र नेपालगन्ज उपमहानगरपालिकाको आर्थिक सहयोगमा सुरु भएको प्रतियोगिताको पहिलो खेलमा तक्षशिलाले नोबेल इङलिस मिडियम स्कुललाई १–० ले पराजित गरेको छ । तक्षशिलाको लागि रिदम रावतले ३६औं मिनेटमा गोल गर्नु भएको थियो । निर्णायक गोल गर्ने रिदम प्लेयर अफ द म्याच घोषित समेत हुनु भयो । उहाँलाई नेपालगन्ज म्याराथनका संस्थापक टिएस ठकुरी, नेपालगन्ज न्युरो अस्पतालका फार्मेसी प्रमुख दिपेश विष्टले पुरस्कृत गर्नु भयो । नेपालगन्ज रंगशालामा भएको अर्को खेलमा मंगल प्रसादले सडनडेथमा बाल विद्या मन्दिर कोहलपुरलाई पराजित गरेको छ । निर्धारित समयको खेल गोलरहित बराबरीम...

नेपालगन्ज, २५ जेठ – तेस्रो मेयर कप राष्ट्रिय स्ट्रेन्थलिफ्टिङ्ग तथा आई.बि.पी. च्याम्पियनसिप प्रतियोगिता – २०८३ को उपाधी ओम फिटनश सेन्टरसे जितेको छ ।   शनिबारदेखि शुरु भई आईतबार सम्पन्न खेलमा विभिन्न विद्याहरु राखिएको थियो । उक्त विद्याहरुको परीक्षणको लागि सम्बन्धित जानकारी विज्ञ प्रशिक्षकहरुद्वारा गरी प्रथम, द्धितीय र त्रितीय गरी करीब ९७ जना बढी सहभागी प्रतिभावान खेलाडीहरु मध्ये ९० बढीलाई विजेता घोषणा गरी प्रमाण पत्र, मेडलद्वारा सम्मानित गरिएको थियो । तेस्रो मेयर कप राष्ट्रिय स्ट्रेन्थलिफ्टिङ्ग तथा आई.बि.पी. च्याम्पियनसिप प्रतियोगिता – २०८३ को प्रतियोगितामा ओभर अल च्याम्पियनसिप स्ट्रेन्थलिफ्टिङ्ग मेन रू. १५ हजार करन बाडिया, ओभर अल च्याम्पियनसिप आईबिपि मेन रू. १५ हजार बिकल शाक्य, ओभर अल च्याम्पियनसिप स्ट्रेन्थलिफ्टिङ्ग वुमेन रू. १०, ओभर अल च्याम्पियनसिप आईबिपि वुमेन ...

नेपालगन्ज, २५ जेठ – बाँके जिल्ला स्तरीय मेयर कपअन्तर विद्यालय -यु–१८) छात्र–छात्रा फुटबल प्रतियोगिता–२०८३ आगामी बुधबारदेखि नेपालगन्जमा हुने भएको छ । बाँके जिल्ला फुटबल संघको आयोजना र नेपालगन्ज उपमहानगरपालिकाको आर्थिक सहयोगमा हुन लागेको प्रतियोगितामा छात्र तर्फ ३७ टिमको सहभागिता रहेको छ भने महिलातर्फ ११ टिमको सहभागिता रहेको छ । जेठ २४ गते हुने भनिएको प्रतियोगिता प्राविधिक कारणले केही समय ढिला गरी सुरु गर्ने तयारी गरेको आयोजक बाँके जिल्ला फुटबल संघका अध्यक्ष भोजराज शाहीले बताउनु भयो । प्रतियोगितामा बाँकेका ८ वटा स्थानीय तहका निजी तथा सरकारी विद्यालयहरुको सहभागिता रहेको छ । प्रतियोगिताको उद्घाटन खेलमा छात्र तर्फ साविक विजेता ब्राइटल्याण्ड स्कुल नेपालगन्ज र तक्षशिला एकेडेमीले प्रतिस्पर्धा गर्ने छन् । प्रतियोगिताको समुह ‘ए’ मा ब्राइटल्याण्ड, तक्षशिला एकेडेमी, नोबेल एकेडेमी, मंगलमावि, ...

नेपालगन्ज, १७ जेठ – बाँके जिल्ला स्ट्रेन्थलिफ्टिङ्ग संघको आयोजनामा तेस्रो मेयर कप राष्ट्रिय स्ट्रेन्थलिफ्टिङ्ग तथा आई.बि.पी. च्याम्पियनसिप प्रतियोगिता – २०८३ यही जेठ २३ र २४ गते -शनिबार र आईतबार) नेपालगन्ज रंगशाला कभर्ड हलमा आयोजना हुने भएको छ । स्ट्रेन्थलिफ्टिङ्ग खेलको प्रवद्र्धन, प्रतिभाशाली नयाँ खेलाडीहरूको पहिचान तथा स्थानीय स्तरमा खेलकुदको विकास गर्ने उद्देश्यले प्रतियोगिता आयोजना गर्न लागिएको हो । प्रतियोगितामा विभिन्न जिल्लाबाट महिला तथा पुरुष खेलाडीहरूको उल्लेखनीय सहभागिता रहने अपेक्षा गरिएको छ । विभिन्न तौल समूहमा प्रतिस्पर्धा गराइने उक्त प्रतियोगितामा उत्कृष्ट प्रदर्शन गर्ने खेलाडीहरूलाई नगद पुरस्कार, मेडल तथा प्रमाणपत्र प्रदान गरिने जनाईएको छ । प्रतियोगिताको विशेष आकर्षणका रूपमा नेपालको खेलकुद क्षेत्रमा ऐतिहासिक योगदान पु¥याउनु भएका ओलम्पियन खेलाडीहरूलाई सम्मान गरिने क...

खजुरा, १० जेठ – ब्रदर्श एफसीले प्रथम अशोक स्मृतिकप -यु–२०) फुटबल प्रतियोगिताको उपाधि जितेको छ । खजुरा गाउँपालिका–४ इ गाउँमा भएको खेलमा ब्रदर्श एफसीले महिन्द्र दल गण भुपु टिमलाई टाइब्रेकरमा ५–४ ले पराजित गर्दै उपाधि जितेको हो । प्रतियोगितामा विवाद उत्पन्न भएका कारण जेठ ३ गते फाइनल हुने तय भएको प्रतियोगिता ढिला गरी सम्पन्न भएको थियो । निर्धारित समय गोलरहित बराबरीमा खेल सकिएको थियो । टाइब्रेकरमा ब्रदर्शका अभियान थापा, सुरज विष्ट, समिर थापा, समिर राना र करण बैगारले गोल गर्नु भएको थियो । महेन्द्र दल गणको तर्फबाट राम बस्नेत, इन्द्रजित सुनार, आशिष घर्तीमगर र विधान विकले गोल गर्नु भयो । ब्रदर्शका करण बैगार प्लेयर अफ द फाइनल बने । प्रतियोगितामा ब्रदर्शका दिवस तामाङ्ग, उत्कृष्ट गोलकिपर महिन्द्र दल गणका प्रेम खत्री घोषित हुनु भयो । प्रतियोगिताको विजेता ब्रदर्शले ५१ हजार रुपैयाँ,...