कर्णालीलाई ६–० ले पाखा लगाउँदै एपिएफ सेमिफाइनलमा प्रवेश
नेपालगन्ज, ८ वैशाख – नेपालगन्ज रंगशालामा जारी अन्तर्राष्ट्रिय आमन्त्रण लुम्बिनी कप महिला फुटबल प्रतियोगिताको अन्तिम क्वाटर फाइनल खेलमा विभागीय टोली सशस्त्र प्रहरी बलको एपिएफ क्लबले जित हासिल गरेको छ । कर्णाली प्रदेश प्रदेश फुटबल संघ विरुद्ध ६–० गोल अन्तरले जित निकाल्दै विभागीय टोली सशस्त्र प्रहरी बलको एपिएफ क्लब सेमिफाइनलमा प्रवेश गरेको हो ।
खेलको सुरुवाती अवस्थामा दुबै टोलीको खेल निकै प्रतिस्पर्धात्मक देखिएको थियो । खेलको १८ औ मिनेटसम्म पुग्दा सुरुमा कसले गोल गर्छ भन्ने उत्सुकता निकै तिब्र थियो । पहिलो हापको १८ औ मिनेटमा कर्णाली प्रदेश फुटबल संघले आत्मघाती गोल गर्न पुग्यो । कर्णालीका टिना रावतले आत्मघाती गोल गरेपछी एपिएफले एक गोलले अग्रता लिन सफल भयो । आत्मघाति गोल संगै कर्णाली टिम आत्तिएको अवस्थामा प्रस्तुति दिइरहेको थियो ।
खेलको पहिलो हापको ३५ औ मिनेटमा एपिएफका रेनुका अधिक...
