प्रदेश ५

चितवन, १५ भाद्र – चितवनका थप ५३ जनामा कोरोना भाइरसको संक्रमण पुष्टि भएको छ । भरतपुर अस्पताल कोभिड–१९ प्रयोगशाला र धुलिखेलस्थित प्रयोगशालाबाट आइतबार राति प्राप्त विवरणमा चितवन ठेगाना भएका ५३ जनामा संक्रमण पुष्टि भएको हो उल्लेख छ ।संक्रमण पुष्टि हुनेहरु १० महिने शिशु देखि ६५ वर्षीया वृद्धासम्म छन् । भरतपुरमा आइतबार राति गरिएको परीक्षणमा चितवनका १८ जना, गोरखा, रुपन्देही र पूर्वी नवलपरासीका एकरएक जनामा कोरोना संक्रमण पुष्टि भएको प्रयोगशालाकी प्रमुख डा.नितु अधिकारीले जानकारी दिइन् । चितवनका संक्रमण पुष्टि हुनेमा सबैभन्दा धेरै भरतपुर महानगरपालिकाका छन् । ती मध्ये ६ जना महिला र ६ जना पुरुष छन् । उनीहरूको भरतपुर अस्पताल स्वाब केन्द्र, पुष्पाञ्जली अस्पताल, पुरानो मेडिकल कलेज र क्वारेन्टिनबाट स्वाब संकलन गरिएको हो ।यस्तै पूर्वीचितवनको राप्ती नगरपालिकाका ६ जनामा संक्रमण पुष्टि भएको छ ।ती मध्ये...

नेपालगन्ज, १४ भाद्र – जिल्ला प्रहरी कार्यालय बाँकेका प्रहरीले १३ किलो लागू औषध गाँजासहित दुई जनालाई शनिबार पक्राउ गरेको छ । ईलाका प्रहरी कार्यालय बनकट्टी बाँकेबाट खटिएको प्रहरी टोलीले चेकजाँच गर्ने क्रममा बाँके कोहलपुर नगरपालिका ११ बस्ने ४२ बर्षिय बिसराम थारु र राप्तीसोनारी गाउँपालिका ५ गोरधुई बस्ने २५ बर्षिय रामबहादुर चौधरीलाई उक्त परिमाणको गाँजासहित शनिबार डुडुवा गाउँपालिका ५, कमरसाबाट पक्राउ गरिएको बाँके प्रहरी प्रबक्ता प्रहरी नायब उपरीक्षक सुबास खड्काले जानकारी गराउनुभयो ।बाँके प्रहरीले उनीहरुको साथबाट २ वटा प्लाष्टिकको बोरा र २ वटा प्लाष्टिकको झोलामा बनाई राखेको १३ किलो गाँजा बरामद गरेको जनाएको छ । गाँजासहित पक्राउ परेका उनीहरुलाई नियन्त्रणमा लिई थप आवश्यक अनुसन्धान भैइरहेको जिल्ला प्रहरी कार्यालय बाँकेले बताएको छ ।...

नेपालगन्ज, १४ भाद्र – मोहर्रम पर्वमा शनिबार रातभरी जागरण गरि दुरुद फातिहा लगायत धार्मिक परम्परा अनुसार मनाईएको छ । विश्वभर कोभिड–१९ को महामारी फैलिएको अवस्थामा समेत धार्मिक सद्भावलाई मध्यनजर गरी मोहरर्म पर्वलाई स्वास्थ्य सम्बन्धी मापदण्ड अपनाई मनाएका छन् । नेपालगन्ज सहित जिल्लाको विभिन्न स्थानमा कोरोना भाइरसको जोखिम उच्च देखेपछि मोहरर्म पर्वलाई घर मै मनाउन संयुक्त मोहरर्म समितिले पर्व अगावै पत्रकार भेटघाटमा जानकारी गराईसकेको थियो ।अरबी पात्रो अनुसार १४४२ हिजरी अर्थात इस्लाम धर्मवलम्बीहरुको नयाँ वर्ष एवं मोहरर्मको ९ तारीख अर्थात भाद्र १३ गते विभिन्न स्थान र घरघरमा मुस्लिम परम्परा अनुसार ताजिया राखिने तथा भाद्र १४ गते स्थानीय कर्बलामा बिसर्जन गरिएको छ । प्रत्येक वर्ष झै यस वर्ष पर्वमा भब्यता नभएपनि स्थानीय प्रशासनको सहयोगमा मोहर्रम पर्व मनाउन पाउनु नै ठूलो कुरा भएको जिकिर गर्दै...

नेपालगन्ज, १४ भाद्र – नेपालगन्जमा भएको पिसिआर परीक्षणबाट आज आईतबार १० जनामा कोरोना संक्रमण पुष्टि भएको छ । जन स्वास्थ्य कार्यालय बाँकेका फोकल पर्सन नरेशबाबु श्रेष्ठका अनुसार जिल्लामा गरिएको परिक्षणबाट १० जना कोरोना संक्रमण पुष्टि भएको बताउनुभयो ।फोकल पर्सन श्रेष्ठका अनुसार जिल्लामा यो सँगै १ हजार जना संक्रमितहरु पुगेका छन् भने २ सय ६७ जना उपचाररत रहेका छन् । जस मध्ये ७ सय २७ जना उपचार पछि निको भई घर फर्किसकेका छन् । जस मध्ये ३ महिला सहित ६ जनाको मृत्यु भईसकेको छ ।...

नेपालगन्ज, १४ भाद्र – बाँकेमा दुर्घटनामा परि एक जना शिक्षकको मृत्यु भएको छ । राप्तीसोनारी गाउँपालिका १ कुसुम घर भई नेपालगन्जस्थित महाराजा मा.बि. मा कार्यरत ३३ बर्षीय शिक्षक चेवन देबकोटाको राप्तीसोनारी गाउँपालिका ८ शम्शेरगन्जमा उहाँले चलाईरहेको भे ८ प २२३८ नम्बरको मोटरसाइकल र ना ४ ख २१३९ नम्बर ट्रक ठोक्किदा उहाँको घटना स्थल मै मृत्यु भएको प्रहरीले जनाएको छ । आज आईतबार बिहान ३ बजे उहाँको कुसुम घर नजिक छिमेकीको बच्चालाई सर्पले डसेपछि उहाँले उद्दारका लागि नेपालगन्ज ल्याउँदै गर्दा शम्शेरगन्ज सशस्त्र प्रहरी चेक पोस्टमा ट्रकसँग ठोक्किएर दुर्घटना भएको हो ।बच्चाको पनि उपचारका क्रममा मृत्यु भएको प्रहरीले जनाएको छ । बच्चाको आमाको भने भेरी अस्पतालमा उपचार भइरहेको छ ।ट्रक र चालकलाई नियन्त्रण लिएर अनुसन्धानका लागि ईलाका प्रहरी कार्यालय कोहलपुरमा ल्याइएको छ ।शव पोष्टमार्टमका लागि भेरी अस्पतालमा ल्...

नेपालगन्ज, १४ भाद्र – बाँके जिल्लामा आज आईतबार थप २४ जनाले कोरोना जितेर घर फिर्ता भएका छन् । स्वास्थ्य कार्यालय बाँकेका अनुसार जिल्लाका बिभिन्न आइसोलेशन सेन्टरबाट आज आईतबार २४ जना घर फर्किन लागेका छन् । पछिल्लो समय घर फर्किनेहरुको संख्या पनि लगातार बढिरहेको छ । यद्दपि कोरोना संक्रमितको संख्या पनि जिल्लामा दैनिक बढिरहेको छ । घर फर्किने क्रममा आज आईतबार ६ वर्षीया बालिकादेखि ४८ वर्षका पुरुष गरी ५ महिला र १९ पुरुष रहेको कोरोना फोकल पर्सन नरेशबाबु श्रेष्ठले जानकारी गराउनुभयो ।जिल्लामा हालसम्म ७ सय २७ जना डिस्चार्ज भइसकेका छन् । कोरोना संक्रमितको संख्या ९ सय ९० पुग्दा ३ महिलासहित ६ जनाको मृत्यु भईसकेको छ ।...

नरैनापुर, १४ भाद्र – बाँकेको नरैनापुर गाउँपालिकाले मोहर्रम पर्वमा आज आईतबार सार्वजनिक बिदा दिएको छ ।मुस्लिम धर्मावलम्बीहरुको पर्व मोहर्रममा आज आईतबार सार्वजनिक बिदा दिइएको गाउँपालिकाका उपाध्यक्ष जयन्तिदेवी श्रीवास्तबले बताउनुभयो । कोभिड–१९ का कारण सिर्जित असहज परिस्थितिका कारण सामाजिक दुरी कायम गरेर भिडभाड नगरी पर्व मनाउन उपाध्यक्ष श्रीवास्तबले आग्रह गर्नुभएको छ ।उच्च स्वास्थ्य सतर्कताका अपनाउँदै घर मै बसी आ–आफ्नो परिवारमा हर्षोल्लासका साथ मोहर्रम पर्व मनाउन गाउँपालिकाबासीलाई अनुरोध गरिएको छ ।...

नेपालगन्ज, १३ भाद्र – बाँके जिल्लामा शनिबार ६ महिला, ५ पुरुष गरी ११ जनामा कोरोना संक्रमण पुष्टि भएको छ । नेपालगन्जमा भएको पिसिआर परीक्षणबाट शनिबार एकैदिन ११ जनामा कोरोना संक्रमण पुष्टि भएको छ ।स्वास्थ्य कार्यालय बाँकेका फोकल पर्सन नरेशबाबु श्रेष्ठका अनुसार ६ महिला ५ पुरुष गरि जम्मा ११ जनामा कोरोना संक्रमण पुष्टि भएको आफ्नो स्टेटसमार्फत जानकारी गराउनुभयो ।फोकल पर्सन श्रेष्ठका अनुसार जिल्लामा यो सँगै ९ सय ८६ जना संक्रमितहरुको पुगेका छन् भने २ सय ७७ जना उपचाररत रहेका छन् । जस मध्ये ७ सय ३ जना उपचार पछि निको भई घर फर्किसकेका छन् । जस मध्ये ३ महिला सहित ६ जनाको मृत्यु भईसकेको छ ।...

नेपालगन्ज, १३ भाद्र – नेपालगन्जस्थित गणपति डेन्टल क्लिनिक नेपालगन्जले कोरोना संक्रमण रोकथामका लागि स्वास्थ्य तथा जलपान सामाग्री वितरण गरेको छ । अनलाईन खोजखवर मिडिया पार्टनर रहेको यो अभियानमा क्लिनिकले शनिबार आफ्नै कार्यालय अगाडी सडकमा हिड्ने सर्वसाधरण आम नागरिकहरुलाई मास्क, चाउचाउ तथा खानेपानी वितरण गरेको क्लिनिक सञ्चालक समेत रहेका डा. प्रतिक श्रेष्ठले जानकारी गराउनुभयो ।उहाँका अनुसार, करिब चार सयजनालाई मास्क वितरण गरिएको छ । कोरोन भाइरस महामारीका बीच फ्रन्टलाइनमा खटिएर जनताको सेवामा अहोरात्र खटिएका सुरक्षाकर्मीलाई थोरै भएपनि राहत पुगोस् भन्ने उद्देश्यले स्वास्थ्य तथा जलपान सामाग्री वितरण गरिएको उहाँको भनाइ छ । यसअघि क्लिनिकले जमुनाह नाकादेखि धम्बोझी चौकसम्म सड्कमा खटिएका नेपाली सेना, सशस्त्र प्रहरी र नेपाल प्रहरीलाई एन ९५ मास्क, सेनिटाइजर, सर्जिकल ग्लव्स, ग्लूकोन डी, विष्कुट...

नेपालगन्ज, १३ भाद्र – नेपालगन्ज उपमहानगरपालिका वडा नं. २ का बहुदलकुमार मौर्यले वडा कार्यालयले सडक र नाला विस्तारका नाममा नियम विपरीत काम गरेको आरोप लगाएका छन् ।नियम विपरीत नाला बनाउँदा आफ्नो घरको अघिल्लो भागमा क्षती पुगेको उनको भनाई रहेको छ । न्यूरोडबाट घरवारीटोल निस्कने उक्त सडक सात मिटर फराकिलो गर्ने सहमति भएपनि वडा कार्यालयले अहिले साढे ८ मिटर सडक फराकिलो बनाइरहेको छ । जसका कारण स्थानीयको धेरै क्षती भएको उनको भनाई छ । वडा अध्यक्ष सुनिलसिंह हमालले आफै हस्ताक्षर गरेर गरेको निर्णय आफैले उल्टाएर स्थानीयलाई दुख दिएको मौर्यको आरोप छ ।नाला बाटो बनाउनु भन्दा अगाडी सम्बन्धित वडाका जनप्रतिनिधि उपमहानगरका प्रतिनिधि, वडाबासी लगायतको सहभागितामा एउटा सहमति कायम गरिएको थियो । जस अन्तर्गत ७ मिटर भित्र नाला, बाटो बनाउने उल्लेख गरिएको भएतापनि वडाअध्यक्षले आफ्नो मनपरी तवरले शनिबारको दिनमा डोजर लगाई...