अवधी

नेपालगन्ज, ३ भाद्र – नेपाल मोहर्रम समिति धम्बोझीका अध्यक्ष मेराज अहमद हिमालयको अध्यक्ष तथा सामाजिक सद्भाव समितिका संयोजक दिपक लोधको अगुवाईमा विभिन्न क्षेत्रका सामाजिक व्यक्तित्वहरुलाई सम्मान गरिएको छ । नेपालगन्ज उपमहानगरपालिका बाँकेमा मुस्लिम, थारु तथा अन्य धर्मावलम्बीहरुद्वारा शहीद इमाम हुसैन र कर्बलाका अन्य शहीदहरुको सम्झनामा मनाइने पवित्र मोहर्रम पर्वको अवसरमा नगर भित्र शान्ति, सुरक्षा र सद्भावको वातावरण स्थापित गर्न सहकार्य र सहयोग गरेको हुँदा उक्त सम्मान सम्बन्धित समाजका अग्रजहरुलाई प्रदान गरिएको सामाजिक सद्भाव समितिका अध्यक्ष लोधले बताउनुभयो । सम्मानित हुनेहरुमा सशस्त्र प्रहरीका एसपी जनक बस्नेत, डा. विनोद कर्ण, डा. बैभव टण्डन, दैनिक नेपालगन्जका झलक गैरे, सत्यमखबर डटकमका चन्द्रेश्वरराज त्रिपाठी, इमरान अहमद हलवाई रहेका छन् । सम्मानित हुने सम्पूर्णलाई प्रमुख जिल्ला अधिकारी...

नेपालगन्ज, ३ भाद्र – तिज नृत्य प्रतियोगिता संगै फेसन सो र मिसेज नेपालगन्जको पहिलो अडिसनबाट २१ जना छनोट भएका छन् । मिसेज नेपालगन्जको लागि भएको पहिलो अडिसनबाट २१ जना गृहणी महिला छनोट भएका हुन् । ६७ जना प्रतिस्पर्धी मध्येबाट २१ जना महिला छनोट गरिएको आयोजक अवधि मिडिया ग्रुप प्रा.लि.द्वारा सञ्चालित जी नेपाल फोरके टेलिभिजनले जनाएको छ । मिसेज नेपालगन्ज प्रतियोगिताको निर्णायकमा सुबिना अधिकारी, गिता क्षेत्री वर्नवाल, नृत्य निर्देशक भरत महतो, कृष्णा पाण्डे लगायत रहेका थिए । नृत्य बिद्याको अडिसन भने भोली शनिबार ४ गते मेरो प्लानेटमा ११ बजेदेखि हुने आयोजकले जनाएको छ । प्रतियोगिहरुले ३ मिनेटको गितमा आफ्नो प्रस्तुती राख्नुपर्ने टेलिभिजन प्रमुख आशिष गुप्ताले बताए । प्रतियोगिताको फाइलनमा नायिका करिश्मा मानन्धर, पुर्व मिस नेपाल सदिक्षा श्रेष्ठ सहभागि हुने र फाइनल यही ११ गते हुने आशिष गुप्ताले ...

नेपालगन्ज, २ भाद्र – नेपालमा सनातनी हिन्दु धर्मावलम्बीहरुको ८० प्रतिशत भएर समेत नेपाललाई हिन्दु राष्ट्रबाट हटाईएको हु“दा पुनः हिन्दु राष्ट्र कायम गराउन मेरो उम्मेदवारी भनी आज विहिबार पत्रकार सम्मेलनमा हिन्दुवादी नेता दिवाकर खनालले आफ्नो उम्मेदवारी घोषणा गर्नु भएको छ ।हिन्दुवादी नेता खनालले लुम्बिनी प्रदेश नं. ५ बाँके जिल्लाको क्षेत्र नं. २ बाट प्रदेश सांसद तथा संसदिय सभा सदस्यका लागि शिवसेना नेपालका केन्द्रिय अध्यक्ष राजकुमार रौनियारको स्वतन्त्र उम्मेदवारी घोषणा गरिएको बताउनुभयो । हिन्दुवादी नेता खनालले हिन्दु राष्ट्र निर्माणको लागि, विश्वभरी छरिएर रहेको ॐकार परिवार (बैद्विक) सनातनीहरुलाई एकत्रित गर्न, बैद्विक सनातनी भित्र रहेका विकृति विसंगति जस्ता कुरीतिहरुलाई समाप्त गर्न, यस क्षेत्रमा रहेको शक्ति पीठ श्री बागेश्वरी मन्दिर तथा देशै भरिरहेका शक्ति पीठ तथा मन्दिर, गुम्बा तथा ॐकारहरु...

नेपालगन्ज, १ भाद्र - साहु समाज बाँकेले वडा नम्बर ५ पिपल चौतारा स्थित धर्मशालामा बनेको राधाकृष्ण मन्दिरमा भब्य श्रीकृष्ण जन्माष्टमीको बिधिवत धार्मिक कार्यक्रमको आयोजन गर्ने भएको छ । समाजले यही भाद्र ३ गते गर्ने "श्रीकृष्ण जन्माष्टमी तिथिमा" जन्म महोत्सव जागरण कार्यक्रममा साङ्गीतिक भजन-किर्तन मण्डली भारतको अयोध्याबाट आउने र सोही आयोजनको अवसरमा भाद्र ८ गते "प्रसादीग्रहण" भण्डारा गरिने साहु समाजका जि. सचिव प्रदीप साहले जानकारी गराउँदै महोत्सवमा सबैको उपस्थितका लागि अनुरोध गरेका छन । समाजले प्रत्येक बर्ष बिषेश आयोजनका साथ श्रीकृष्ण जन्माष्टमी र बिषेश चाड पर्व धुमधामका साथ मनाउँदै आएको छ ।...

नेपालगन्ज, ३० सावन - मस्तिष्कघात भएर उपचार गराईरहेका पत्रकार उदयराज जैसवाललाई नेपाल प्रेस युनियन बाँकेले आर्थिक सहयोग गरेको छ । युनियन बाँकेका अध्यक्ष अर्जुन ओलीको नेतृत्वमा सोमबार जिल्लाको डुडुवा गाउँपालिका वडा नम्बर ३ बनकट्टीस्थित जैसवालको घरमै पुगेर परिवारलाई चेक हस्तान्तरण गरिएको हो ।युनियन अध्यक्ष ओलीले उनकी धर्मपत्नी रानी जैसवाललाई १० हजार रुपैयाँको चेक हस्तान्तरण गरेका हुन् । पत्रकार जैसवालको एक महिना अघि स्वास्थ्यमा अचानक समस्या देखिएको थियो । स्वास्थ्य अवस्था झन् गम्भिर बन्दै गएपछि भारतको लखनउस्थित एक अस्पतालमा उनको उपचार भइरहेको छ । नेपाल प्रेस युनियनको साधारण सदस्य रहेका ३२ वर्षीय जैसवाल पत्रकारिता पेशामै आवद्ध रहेका छन् । उनी डुडुवामा रहेको रेडियो सफल एफ.एम.मा कार्यरत छन् । चेक हस्तान्तरण गर्दै अध्यक्ष ओलीले आर्थिक अवस्था कमजोर भएका जैसवाललाई थोरै भएपनि राहत मिलोस् भनेर आर्थ...

नेपालगन्ज, ३० सावन –डुबान, कटान र पटानले संकट निम्त्याउँदै आएको जिल्लास्थित राप्तीमा ४१ किमि पक्की तटबन्ध निर्माण गर्न भारत सरकार सहमत भएको छ । भारतको जल संसाधन, नदी विकास एवं गंगा संरक्षण विभागले नेपाल–भारत सीमादेखि उत्तर राप्तीका दुवै किनारमा तटबन्ध निर्माण गर्न प्राविधिक अनुगमनसहित लाग्ने खर्च १० अर्ब ४४ करोड ८० लाख रुपैयाँ अनुदान सहयोग दिने भएको छ । निर्माणका क्रममा १ अर्ब रुपैयाँ नेपाली पक्षले बेहोर्नुपर्ने सम्झौता भएको छ । गत असार १४ देखि २० सम्म पटनामा जलस्रोत तथा सिँचाइ विभाग र भारतको जल संसाधन नदी विकास एवं गंगा संरक्षण विभागका अधिकारीबीच छलफल भएको थियो । उक्त बैठकमा भारतीय पक्ष तटबन्ध निर्माणका लागि सघाउन सहमत भएको हो । ‘राप्तीको तटबन्धसम्बन्धी विस्तृत परियोजना प्रतिवेदनमाथि ७ दिनसम्म सक्रिय ढंगले लामो छलफल चल्यो,’ बैठकका सहभागी तथा जनताको तटबन्ध कार्यक्रम फिल्ड कार्यालय न...

काठमाण्डौ, ३० सावन –लोकतान्त्रिक समाजवादी पार्टी (लोसपा)का नेता राजेन्द्र महतोले राष्ट्रपतिले नागरिकता विधेयक फिर्ता गरेर मधेसी जनताको भावनामाथि कुठाराघात गरेको आरोप लगाएका छन् । केपी ओली सरकारले यही कुरा अध्यादेशमार्फत ल्याउँदा स्वीकृत गरिएको तर सार्वभौम संसदले ल्याएको नागरिकता विधेयक अस्वीकृत गर्नु गलत भएको उनले बताए । राष्ट्रपतिबाट नागरिकता विधेयक फिर्ता भएपछि लोकान्तरसँग कुरा गर्दै महतोले राष्ट्रपति जनताको कठघरामा उभिनु पर्ने बताए । ‘यसअघि हामीपनि सरकारमा भएको बेलामा ओलीजीले अध्यादेश ल्याउँदा स्वीकृत गर्नुभएको थियो । सर्वोच्चको अनुसार संसदबाट विधेयक पारित गरेपछि कसरी बेठीक भयो ?’ महतोले भने, ‘त्यही कुरा अध्यादेशमा आउदा स्वीकृत गर्ने, सार्वभौम संसदले पारित गरेर पठाएको विधेयक फिर्ता गर्ने ? कसरी नैतिक भयो ?’ संसदबाट पारित विधेयक फिर्ता गर्ने राष्ट्रपतिको संवैधानिक अधिकार भएपनि ...

नेपालगन्ज, २४ साउन – अवधी÷हिन्दी भाषा साँस्कृतिका महान पण्डित, भक्तकवि, सन्तशिरोमणि तुलसीदास जी महाराजको ५२५ औं जयन्ती एवं २३ औं अवधी दिवसको अवसरमा तृतीय अन्तरदेशीय अवधी महोत्सव–२०७९ नेपालगन्जमा भब्य रुपमा मनाईएको छ ।बाँके जिल्लाको नेपालगन्ज उपमहानगरपालिका वार्ड नं.–१४ बाबुगाउँ स्थित रहेको मेरो प्लानेटमा अवधी साँस्कृतिक प्रतिष्ठान केन्द्रिय कार्य समितिको आयोजनामा सम्मान अर्पण बिचार संगोष्ठी (कार्यपत्र प्रस्तुती), बिचार गोष्ठी साँस्कृति नृत्य तथा बहुभाषिक कवि गोष्ठी सम्पन्न भएको छ । प्रथम चरणको कार्यक्रम अवधी साँस्कृतिक प्रतिष्ठान केन्द्रिय कार्य समितिका सल्लाहकार पशुपति दयाल मिश्राको अध्यक्षतामा प्रतिष्ठानका अध्यक्ष बिष्णुलाल कुम्हार र महासचिव बीरेन्द्र यादवद्वारा सञ्चालित कार्यक्रमका प्रमुख अतिथि मधेशी आयोग नेपालका अध्यक्ष डा. बिजयकुमार दत्त, बिशिष्ट अतिथि केन्द्रिय सदस्य बिजयकुमार...

नेपालगन्ज, १७ साउन – नेपालगन्ज उपमहानगरपालिका वडा नं. १७ स्थित थुकैलामा चौलिक्का पछाडी गाईको मासुसहित बाँकेमा दुई जना पक्राउ गरिएको छ । विशेष सूचनाको आधारमा गाई काट्दै गरेको अवस्थामा प्रहरी टोलीले नेपालगन्ज उपमहानगरपालिका वडा नं. १७ थुकैलाका ४६ बर्षिय सलाउद्दिन जोलाहा र सोही स्थानका ५३ बर्षिय बदरुद्दिन जोलाहालाई गाईको मासुसहित रंगेहात पक्राउ गरिएको बाँके प्रहरीले जनाएको छ । उनीहरुको साथबाट मासु काट्न प्रयोग हुने औजारसहित करिव एक क्विन्टल गाईको मासु बरामद भएको प्रहरीले जनाएको छ ।...

जानकी, ९ साउन - जानकी गाउँपालिका वडा नम्बर ५ को आयोजनामा सामुदायिक विद्यालयका २५ जना छात्रालाई साइकल वितरण गरेको छ । आइतबार आयोजित कार्यक्रम अन्तर्गत विद्यालय शिक्षामा छात्राहरुको शैक्षिक निरन्तरताका लागि लक्षित वर्गका किशोरीहरुलाई आकर्षित गर्न साइकल हस्तान्तरण गरिएको हो । वडा कार्यालय बेलहरीले एक समारोहबीच वडा परिसर मै छात्राहरुलाई साइकल हस्तान्तरण गर्दै गाउँपालिका प्रमुख छब्बन खाँले वडा नम्बर ५ का छात्रालाई साइकल हस्तान्तरण गर्दै उच्च शिक्षासम्म पुग्ने शुभकामना दिएका थिए । कार्यक्रमका प्रमुख अतिथी रहेका गाउँपालिका प्रमुख छब्बन खाँले सम्बोधन गर्दै विद्यालय शिक्षामा छात्राको शैक्षिक निरन्तरताका लागि लक्षित वर्गका किशोरीलाई साइकल हस्तान्तरण गरेको बताउनु भयो ! यसैगरी घर भन्दा दुरीमा विद्यालय पर्ने कक्षा ९ मा अध्ययनरत छात्राहरुलाई प्राथमिकतामा राखेर साइकल वितरण थालिएको बताए । वितरण क...