आस्था

धरान, ३ कार्तिक – धरान आसपासमा यसपटक सयपत्री फूल नफुलेपछि व्यवसायीले सयपत्रीका तयारी माला भारतबाट भित्र्याएका छन् । कोलकाताबाट लाखौँको तयारी माला असारअगावै ल्याइएको कृषि बजारका व्यवस्थापक लक्ष्मण भट्टराईले जानकारी दिए। ल्याइएका माला व्यावसायीहरुले धरान–१३ स्थित कृषि बजारमा रहेको कोल्डस्टोरमा भण्डारण गरेका छन् । हाल एक लाख ५० हजार माला भण्डार गरिएको र थप ५० हजार माला भारतबाट आउँदै गरेको व्यवसायीले कृषि उपज बजारलाई जानकारी गराएको उल्लेख गर्दै उनले नेपाली बजारको फूलबाट एक लाख ५० हजारको माला आउन सक्ने बताए । यो वर्ष नेपालमा फूल फुल्ने समयभन्दा अघि नै तिहार आएकाले स्थानीय उत्पादनको फूल बजारमा कम आउने भएपछि व्यवसायीले तिहार अगाडि नै फूलको माला व्यवस्थापन गरेका हुन् । विगत वर्ष २५ प्रतिशत धरानमा भारतबाट फूलका माला आयात गरिँदै आएको थियो तर यस वर्ष भने ७५ प्रतिशत नै तयारी माला भारतबाट आउने सम...

काठमाण्डौ, ३ कार्तिक – संस्कृति, पर्यटन तथा नागरिक उड्डयनमन्त्री जीवनराम श्रेष्ठले छिमेकी मित्रराष्ट्र चीनको समृद्धि र आधुनिकीकरणबाट नेपालले शिक्षा लिनुपर्ने बताएका छन्। चिनियाँ कम्युनिष्ट पार्टीको २० औं महाधिवेशनको अवसरमा ललितपुरमा फ्रेण्ड्स अफ सिल्क रोड क्लबले आयोजना गरेको फोटो प्रदर्शनी उद्घाटन गर्दै मन्त्री श्रेष्ठले सामाजिक र आर्थिक विकासलाई नयाँ उचाइमा पुर्‍याएर चीनले विश्वको पहिलो आर्थिक शक्ति राष्ट्रमा सूचीबद्ध हुने सफलता हासिल गरेको बताए। पछिल्लो समय चीनले गरिबी निवारणमा उच्चतम सफलता हासिल गरी गरिबी पूर्ण उन्मूलन गरेको भन्दै उनले औद्योगिकीकरण र सूचना प्रविधिको क्षेत्रमा चीनले पाएको सफलताबाट प्रेरणा लिनुपर्ने बताए। उनले नेपालसँग सीमा जोडिएको र नेपालको विकासमा एक असल मित्रको रूपमा चीन सरकारले नेपालको विकास निर्माणमा निरन्तर सहयोग गर्दै आएको बताए। फोटो प्रदर्शनीमा चिनियाँ...

नेपालगन्ज, ३ कार्तिक – निर्वाचन आयोग नेपालले आज विहिबार नेपालगन्जमा मिडिया अभिमुखीकरण कार्यक्रम सम्पन्न गरेको छ । प्रतिनिधिसभा तथा प्रदेशसभा निर्वाचन २०७९, प्रदेशस्तर मिडिया अभिमुखीकरण कार्यक्रम सम्पन्न गरिएको छ । अभिमुखीकरण कार्यक्रममा निर्वाचन आयोगका आयुक्त डा. जानकी कुमारी तुलाधरले ‘आचारसंहिताको उल्लंघनमा मिडियालाई ‘वाच डग’ को भूमिका निभाउन आग्रह गरेकी छिन् ।उनले विगतका निर्वाचन जस्तै यसपटक पनि मिडियाबाट निष्पक्ष भूमिकाको निरन्तरता आयोगले खोजेको बताइन् । उनले बदर मत घटाउन आयोगले मतदाता शिक्षालाई जोड दिँदै प्रचारप्रसारलाई अगाडि बढाएको उल्लेख गरिन् ।आयुक्त तुलाधरले आचारसंहिता पालना कार्यान्वयन चुनौतीपूर्ण रहेको भन्दै मिडियाबाट प्राप्त हुने सूचना र सन्देश आयोगका लागि कोशेढुंगा सावित हुने बताइन् । मिडियालाई सन्तुलित ढंगले समाचार सम्प्रेषण गर्न उनले आग्रह गरिन् ।बाँकेका प्रमुख जिल्ला अधिकारी...

काठमाण्डौ, ३ कार्तिक – रूसका राष्ट्रपति भ्लादिमिर पुटिनले मस्कोले नियन्त्रणमा लिएका युक्रेनका चार क्षेत्रहरुमा ‘मार्शल ल’ (सैनिक कानुन) लागू भएको घोषणा गरेका छन्। रसियाली अधिकारीहरूले युक्रेनको प्रमुख दक्षिणी शहर खेरसनमा युक्रेनी आक्रमणको चेतावनी दिएपछि पुटिनको यस्तो घोषणा आएको हो। ‘मैले रूसी महासङ्घका ‘डोनेट्स्क, लुगान्स्क, खेरसन र जापोरिजझिया’ गरी चार क्षेत्रमा ‘मार्शल ल’ लागू गर्ने आदेशमा हस्ताक्षर गरेको छु,’ पुटिनले टेलिभिजनमार्फत प्रसारण भएको राष्ट्रिय सुरक्षा परिषद्को बैठकमा भनेका छन्।उनले हामी रसिया र रसियाली जनताको लागि भरपर्दो भविष्य सुनिश्चित गर्न धेरै जटिल र ठूला समस्याहरु समाधान गर्नका लागि काम गरिरहेका बताए। सम्बोधनपछि क्रेमलिनले एक निर्दैशन जारी गर्दै बिहीबार बिहानदेखि सैनिक शासन लागू हुने जनाएको हो। क्रेमलिन वेबसाइटमा प्रकाशित कानुनले लुहान्स्क, डोनेट्स्क, जापोरि...

नेपालगन्ज, ३ कार्तिक – विगत तीन दशक बढिबाट हिन्दुहरुको मसिहाका रुपमा आफुलाई स्थापित गराएका हिन्दुवादी नेता दिवाकर शर्मा खनाल बाँकेका क्षेत्र नं.२ बाट प्रतिनिधि सभा सदस्यका लागि निर्वाचनमा होमिएका छन ।अर्ना चुनावी चिन्ह लिएर निर्वाचनमा होमिएका नेता खनाल यती बेला आफ्ना क्षेत्रमा भएका हिन्दुहरुको समस्यालाई बुझ्दै र आफुलाई मतको आवश्यकता परेको भन्ने सन्देश दिदँै हिडेका छन् । हिन्दु धर्मलाई राजनितिसंग जोड्न नहुन भन्दै आएका कतिपय व्यक्तिहरुले समेत खनालको अभियानलाई खुला रुपमा सहयोग गर्ने वचन समेत दिएका छन् । जित भन्दा पनि हिन्दुहरुको एकतालाई मुख्य मुद्दाको रुपमा लिने भन्दै उम्मेदवार खनालले अन्य धर्महरुको समेत संरक्षणाको बाटोमा हिन्दू धर्म भएको हुँदा यसको संरक्षण गर्नुपर्ने आफ्ना मतदाता माझ भन्ने गरेको बुझिएको छ ।हिन्दुहरुको अवस्थालाई विगत लामो समयदेखि विश्लेषण गर्दै आएको बताउने प्रतिनिधि सभा सद...

काडमाण्डौ, ३ कार्तिक – नेकपा एमालेसँग तालमेल गरेसँगै राष्ट्रिय प्रजातन्त्र पार्टी (राप्रपा) भित्र असन्तुष्टि बाहिरिएको छ । एमालेसँग चुनावी तालमेललाई लिएर राप्रपाका केन्द्रीय सदस्यले असन्तुष्टि जनाएका हुन् । तालमेल अनुचित भन्दै केन्द्रीय सदस्यले अध्यक्ष राजेन्द्र लिङ्देनलाई सचेतना पत्र लेखेका छन् । उनीहरूले मङ्सिर ४ मा हुने निर्वाचनको विषयमा गरिएको निर्णय र लिएको नीतिले राप्रपालाई दूरगामी असर पार्ने ठहर गरेका छन् । सचेनतापत्रमा १८ जना केन्द्रीय सदस्यको हस्ताक्षर रहेको छ । अर्जुन राई, दीपबहादुर शाही, किशोरबहादुर कार्की, जगत गौचन, नानीमैया आचार्य, जनकराज पाठक, आङ डिमा शेर्पा, मीना सुवेदी, राधेश्याम साह, इनु अधिकारी, केदार कोइराला, सावित्रा क्षेत्री, केशव रेग्मी, पूजा राणा, रामहरि थापा, रामेश्वर थापा, राजनारायण साह, सुष्मा मिश्र, यास्मिन ढुंगाना, बिन्दा गिरी, पदम तामाङ, अष्टमाया तामाङ, इ...

काडमाण्डौ, ३ कार्तिक – अगस्टमा अमेरिकी सभामुख न्यान्सी पेलोसीको ताइवान भ्रमणमा चीनलाई मध्यपूर्वका धेरै देशहरूले देखाएको अभूतपूर्व समर्थनले यस क्षेत्रको बदलिँदो राजनीतिलाई उजागर गर्‍यो। चीनको तीव्र रूपमा बढ्दो प्रभाव यस क्षेत्रमा व्यापार र लगानी जस्ता आर्थिक संलग्नताबाट सुरु भएको छ। यस क्षेत्रको राजनीतिक संवेदनशीलतालाई ध्यानमा राख्दै चीनले आफ्नो बेल्ट एण्ड रोड इनिसिएटिभ (बीआरआई) मार्फत पूर्वाधार निर्माण गर्नका लागि मध्यपूर्वका मुलुकहरूको मौन समर्थन देखिन्छ। जुन राजनीतिक प्रभावको फाइदा उठाउने चीनको प्रभावकारी उपकरण हो। तर अरब सरकारहरूले पनि आफ्नो बाह्य सम्बन्धमा अनावश्यक जटिलताहरू हटाउन 'एक चीन' नीति अपनाएका छन्। पश्चिम एसियाली र उत्तर अफ्रिका (वाना) बाट अमेरिकाको कथित विच्छेदनले चीनलाई यस क्षेत्रमा आफ्नो संलग्नतालाई थप गहिरो बनाउन सक्षम बनाएको छ। मध्यपूर्वमा चीनको चासो मुख्यतया आर्थिक...

काडमाण्डौ, ३ कार्तिक – चीनले अक्टोबर १६ मा हुने चिनियाँ कम्युनिस्ट पार्टीको राष्ट्रिय सम्मेलनअघि तीन भूतपूर्व प्रहरी प्रमुखहरूलाई घुस लिएको आरोपमा सजाय दिएको छ। सांघाई, चोकिङ र साङ्सीका तीन पूर्व प्रहरी प्रमुखहरूलाई हेबेई प्रान्तमा फैसला सुनाइएको चाइना डेलीले जनाएको छ। सांघाई सरकारका पूर्व उपमेयर र सांघाई सार्वजनिक सुरक्षा ब्युरोका पूर्व निर्देशक गोङ दाओनलाई हेबेई प्रान्तको ताङ्शान मध्यवर्ती जन अदालतले करिब ७३.४ मिलियन युआन (१०.४ मिलियन अमेरिकी डलर) घुस लिएको अभियोगमा आजीवन कारावासको सजाय सुनाएको छ। अदालतले गोन्गलाई उनको जीवनको लागि राजनीतिक अधिकारबाट पनि वञ्चित गरेको छ र उनको सबै व्यक्तिगत सम्पत्ति जफत गरेको छ। उनको अवैध लाभ राज्य कोषमा जम्मा गरिने पनि चाइना डेलीले रिपोर्ट गरेको छ। अर्को मुद्दामा, चोङकिङ नगरपालिका सरकारका पूर्व उप-मेयर र चोङकिङ सार्वजनिक सुरक्षा ब्युरोका पूर्व प्...

काडमाण्डौ, ३ कार्तिक – कात्तिक ८ गते मङ्गलवार कात्तिक कृष्ण औँसीका दिन खण्डग्रास (थोरै सूर्य ढाक्ने) सूर्य ग्रहण लाग्ने नेपाल पञ्चाङ्ग निर्णायक विकास समितिले जनाएको छ । ग्रहणले अपराह्न ४:५२ बजे स्पर्श गर्ने छ । ग्रहण लागेको ३२ मिनेटपछि बेलुकी ५:२४ बजे सूर्यास्त हुने समितिका कार्यकारी निर्देशक सूर्यप्रसाद ढुङ्गेलले जानकारी दिए । करिब ३२ मिनेट मात्र नेपालबाट ग्रहण देखिने उनले सुनाए । नेपालबाट नदेखिने भए पनि ग्रहणले बेलुकी साढे सात बजे छाड्ने छ । शास्त्रीय मान्यताअनुसार कात्तिक ८ गते बिहान ४:५२ बजेदेखि बाल, वृद्ध र बिरामीबाहेक अरूलाई भोजन निषेध गरिएको छ । ग्रहण बार्नेले कात्तिक ९ गते बिहान सूर्योदय नभएसम्म अन्न खान निषेध गरिएको छ । ग्रहणका समयमा स्नान, दान, श्राद्ध, जप, ध्यान, साधनालगायत कर्म गर्न शुभ मानिन्छ । ग्रहणका समयमा दीक्षा मन्त्र लिन पनि उत्तम हुने शास्त्रीय मान्यता रहेक...

पोखरा, ३ कार्तिक – युवा तथा खेलकुद मन्त्री महेश्वर गहतराज (अथक) ले स्वर्गीय खेलाडी निसिम थापाको परिवारलाई भेट गरी समवेदना दिनुभएको छ । नवौं राष्ट्रिय खेलकुदमा सहभागी हुने क्रममा दुर्घटना परी ज्यान गुमाएका थापाको परिवारलाई भेट्न मन्त्री अथक बिहिबार पोखरा महानगरपालिका १० माटेपानीस्थीत थापाको घरमा पुग्नुभएको हो । दुर्घटना लगत्तै दुःख व्यक्त गरेका मन्त्री अथकले बिहीबार बिहानै पोखरास्थित थापाको घरमा पुगेर थापाप्रति भावपुर्ण श्रद्धाञ्जली दिदै परिवारमा गहिरो समवेदना प्रकट गर्नु भएको छ । “खेलाडी निसिम थापाको निधनबाट राष्टूलाई ठुलो क्षति व्यहोरेको छ, शोकको यो घडीलाई शक्तिमा बदल्न म नेपाल सरकारको तर्फबाट अनुरोध गर्दछु” मन्त्री गहतराजले भन्नुभयो । सो क्रममा मन्त्री गहतराजले सम्मान स्वरुप स्वर्गीय थापालाई चेक सहित मरनोपरान्त स्वर्ण पदक प्रदान गर्नुभएको छ ।पोखरा रंगशाला परिसरमा थापाको अर्धकदको श...