समाज

नेपालगन्ज, १७ असोज – कोभिड १९ का कारण अति जोखिममा रहेका परिवारलाई आय आर्जनमा सहयोग गर्ने उदेश्यले युनेस्को बाँकेले बैजनाथ गाउँपालिकामा विभिन्न सामाग्री वितरण गरेको छ ।प्लान इन्टरनेसनल नेपालको साझेदारी र गिभ २ एसिया तथा मेटलाइफ फाउन्डेसनको आर्थिक सहयोगमा बैजनाथ गाउँपालिकामा सञ्चालित कोभिड १९ प्रतिकार्य र पुनस्र्थापना परियोजना अन्तर्गत सो सामाग्री वितरण गरिएको क्लबले जनाएको छ । कोभिड १९ का कारण अति जोखिममा रहेका बैजनाथ गाउँपालिकाका १ देखि ४ नम्बर सम्मका चार वटा वडाका २४ परिवारलाई विभिन्न सामाग्री वितरण गरिएको क्लबका संरक्षक प्रवेज अली सिद्दिकीले बताउनुभयो ।उहाँले सो गाउँपालिकामा आठ वटै वडाका १ सय २८ परिवारलाई आयआर्जनका लागि विभिन्न सामाग्री सहयोग गर्ने योजना रहेको जनाउँदै सबैलाई क्रमशः वितरण गरिंदै जाने बताउनुभयो । एक परिवारलाई २५ हजार रुपियाँ बराबरको सामाग्री वितरण गरिएको हो । ...

नेपालगन्ज, १६ असोज – शुक्रबार देशभर २ हजार ७ सय २२ जना कोरोनाका संक्रमित थपिएका छन् । एकै दिनमा थपिने यो हालसम्मकै धेरै संख्या हो ।स्वास्थ्य तथा जनसंख्या मन्त्रालयका प्रवक्ता डा. जागेश्वर गौतमका अनुसार पछिल्लो २४ घण्टामा सो संख्याका संक्रमित थपिएका हुन् । यीसहित हालसम्म देशभर संक्रमित हुनेको संख्या ८२ हजार ४ सय ५० पुगेको छ । पछिल्लो २४ घण्टामा ३ हजार ३ सय ७ जना कोरोनाबाट निको भएका छन् । हालसम्म कोरोनाबाट निको हुनेको संख्या ६० हजार ६ सय ९६ पुगेको छ ।हाल देशभर सक्रिय संक्रमितको संख्या २१ हजार २ सय ३४ रहेको छ । यस अवधिमा मृतक थप ११ जनामा कोरोना पुष्टि भएको छ । यीसहित हालसम्म कोरोनाबाट मृत्यु हुनेको संख्या ५ सय २० पुगेको छ ।यस अवधिमा १४ हजार ७ सय ३९ जनाको पिसिआर परीक्षण भएको छ ।...

काठमाण्डौ, १६ असोज – स्वास्थ्य तथा जनसंख्या मन्त्री भानुभक्त ढकालले कोरोनाको कारण तत्काल लकडाउन गर्ने सरकारको योजना नरहेको बताउनु भएको छ । उहाँले कोरोनाको जोखिम हटि नसकेको भन्दै स्वास्थ्य सुरक्षा र सावधानी अपनाई दैनिक व्यवहार क्रियाकलाप गर्न सबैमा आग्रह गर्नुभएको छ । लकडाउन हुने भन्ने हल्ला चलेको भन्दै नेपाल उद्योग बाणिज्य महासंघ र राष्ट्रिय व्यवसायिक पहलका प्रतिनिधिहरु आज स्वास्थ्यमन्त्री ढकाललाई भेट्न पुगेका थिए । उनीहरुले व्यवसायहरू विस्तारै खुल्न लागेको अवस्थामा फेरि लकडाउनको हल्लाले त्रसित बनेको भन्दै स्वास्थ्य मापदण्ड पालना गरेर व्यवसाय सञ्चालन गर्न तयार रहेको मन्त्रीलाई सुनाएका थिए ।प्रतिउत्तरमा मन्त्री ढकालले हल्लाको पछि नलाग्न अनुरोध गर्दै तत्काल लकडाउन नहुने बताउनु भएको छ । उहाँले मास्क लगाउने, सामाजिक दूरी कायम गर्ने र हात धुने वा स्यानिटाइज गर्ने विषय आफ्नै लागि हो भन्ने...

दाङ, १६ असोज – डाँडापारीको सूर्य अस्ताउने दिशामा रहेकाले तापक्रम मत्थर भइसकेको छ ।पिप्रहवा डाँडा नजिकै मयाखोला सामुदायिक वन छ । त्यही पिप्रहवा डाँडामा बस्छिन् ६३ वर्षीया रामप्यारी शाह । यो दंगिशरण गाउँपालिका वडा नं. ५ मा पर्छ । हामी पुग्दा उनी घरमा थिइनन् । घर लिप्नका लागि थुपारेर राखेको माटो आँगनमा थियो । सानो ताल्चा झुण्ड्याइएको थियो ।बुधबार बेलुका घडीमा ६ बज्नै लाग्दा उनी घर आइन् । गाउँमा घिउ र मह खोज्न गएकी रहेछिन् ।उनी घर आइपुग्ना साथ दुई बिराला निस्किए, एउटा खैरो र अर्को सेतो रंगका । ती बिराला उनको वरिपरि म्याउ–म्याउ गर्दै लुटपुट गर्न थाले । आफ्नो भन्ने यी बिराला मात्रै हुन भन्ने रामप्यारीलाई लाग्छ । ती बिराला उनीसँगै सुत्छन् । ‘यिनीसँगै बोल्छु, सँगै खेल्छु, सुत्छु,’ रामप्यारीले भनिन् ‘यी बाहेक मेरा अरु आफ्ना भन्ने कोही छ्रैनन् ।’शाहको हातमा स–सना दुई वटा प्लाष्टिकका डिब्बाहरु...

नयाँदिल्ली, १६ असोज – भारतमा प्रमुख प्रतिपक्षी कांग्रेस आईका नेता राहुल गान्धीलाई बिहीबार दिउँसो उत्तर प्रदेश प्रहरीले धक्कामुक्का ग¥यो ।हाथरस सामुहिक बलात्कारकी पीडित युवतीको परिवार भेट्न जान लागेका राहुल र उनकी बहिनी तथा कांग्रेसकी युपी नेतृ प्रियंका गान्धीको टोलीलाई प्रहरीले रोकेको थियो ।प्रहरीले गाडी रोकेपछि उनीहरू पैदलै हिँड्न थालेपछि प्रहरीले रोक्न खोजेको थियो । सोही क्रममा राहुलमाथि हातपात भएको हो । प्रहरीले धकेल्दा राहुल भुइँमा लडेका थिए । उनलाई प्रहरीले अहिले हिरासतमा लिएको छ । सामुहिक बलात्कारमा परेकी युवतीको शव जलाउँदै प्रहरी । हाथरसमा के भएको थियो ?उत्तर प्रदेशको हाथरसमा गत सेप्टेम्बर १४ मा २० वर्षीया दलित युवती घाँस काट्न गएकी थिइन् । धेरै समयसम्म उनी नफर्किएपछि आमाले खोजी गरेकी थिइन् । उनले छोरीलाई बोलाइन्, बेस्सरी चिच्याइन् ।एकछिन पछि बारीमा उनी विक्षिप्त अवस्थामा भेटि...

नरैनापुर, १६ असोज – बाँकेको नरैनापुरमा ९० बर्ष माथिका ज्येष्ठ नागरिकलाई सम्मान गरिएको छ ।३० औं अन्तर्राष्ट्रिय ज्येष्ठ नागरिक दिवसका अवसरमा नरैनापुर गाउँपालिकाले विहिबार गाउँपालिकाको कार्यालय प्राङ्गणमा आयोजना गरेको कार्यक्रममा ९० बर्ष माथिका ३५ जना ज्येष्ठ नागरिकलाई सम्मान गरिएको हो । ६ वटै वडाका ज्येष्ठ नागरिकलाई सम्मान गर्न आयोजित कार्यक्रममा गाउँपालिकाका अध्यक्ष इस्तियाक अहमद शाहले ज्येष्ठ नागरिकलाई सम्मान गर्ने संस्कारको विकास गर्न आवश्यक रहेको बताउनुभयो । बुद्ध बुवाआमाको माया, इज्जत र सम्मान विनाको परिवार र समाजमा खुसी र सन्तुष्टि मिल्न नसक्ने भन्दै अध्यक्ष शाहले बुवाआमालाई जिउँदो देउताको संज्ञा दिनुभयो ।प्रमुख प्रशासकीय अधिकृत महेन्द्रजंग शाहीले संविधानले नै ज्येष्ठ नागरिकलाई राज्यबाट विशेष संरक्षण तथा सामाजिक सुरक्षा प्रदान गरेको अवस्थामा उनीहरुको सम्मान र सहयोगमा कुनै कञ्जु...

नेपालगन्ज, १५ असोज – भेरी अस्पताल नेपालगन्जका एकजना बरिष्ठ चिकित्सकको कोरोना भाइरस संक्रमणबाट मृत्यु भएको छ । भेरीको कोभिड आइसोलेसन वार्डमा उपचाररत् उनको आज विहिबार दिउँसो मृत्यु भएको अस्पतालका मेसु डा.प्रकाश थापाले पुष्टि गर्नुभएको छ । हाल उनी प्रादेशीक अस्पताल सुर्खेतमा प्रमुख कन्सल्टेन्ट अर्थोपेडिक सर्जनका रुपमा कार्यरत थिए । उनलाई सुर्खेत मै भाइरस संक्रमण भएको थियो । सुरुमा उनलाई त्यही उपचार गरिएको थियो ।तर अवस्था सुधार नभएपछि असोज २ गते सुर्खेतबाट ल्याएर भेरी अस्पतालमा भर्ना गरिएको थियो । रेमडिसिभिर औषधिसँगै उनलाई दुईपटक प्लाज्मा थेरापीबाट पनि उपचार गरिएको थियो ।...

नेपालगन्ज, १५ असोज – कोरोना पुष्टि भएका थप दुई जनाको मृत्यु भएको छ । उनीहरुको नेपालगन्ज मेडिकल कलेज कोहलपुरमा मृत्यु भएको छ । नेपालगन्ज उपमहानगरपालिका वडा नं. ४ निवासी ५२ वर्षिय पुरुषको भेरी अस्पताल नेपालगन्ज र भेरी गंगा नगरपालिका–५, सुर्खेत निवासी ७५ वर्षिय महिलाको नेपालगन्ज मेडिकल कलेज, शिक्षण अस्पताल कोहलपुरमा उपचाररत हुँदै मृत्यु भएको स्वाथ्य कार्यालय बाँकेका फोकलपर्सन नरेशबाबु श्रेष्ठले बताउनुभयो ।योसँगै बाहिर जिल्लाबाट उपचारका क्रममा यहाँ आएर मृत्यु भएकाको संख्या ८ र बाँकेका मात्रै १७ जनाको मृत्यु भइसकेको छ ।...

नेपालगन्ज, १५ असोज – कोरोना भाइरसको महामारीका कारण लामो समयदेखि बन्द रहेको प्रसिद्ध शक्तिपीठ माता बागेश्वरीको द्धार खोल्नुपर्ने माग गरिएको छ ।सरकारले आन्तरिक उडान, सार्वजनिक यातायात लगायतका कार्यहरु खुल्ला गरिसकेकाले मन्दिरको द्धार समेत खोल्नुपर्ने माग गरिएको छ । कोरोना महामारीको जोखिमका कारण बन्द गरिएको सार्वजनिक यातायात लगायतका सवारी सधानहरु सरकारले खोलेसँगै बन्द गरिएका मठ मन्दिर पनि खोल्नु पर्ने कशौधन बैश्य समाजले माग गरेको छ ।सर्वसाधारणको पुजा अर्चनाका लागि हिन्दुहरुको पबित्र आस्थाको केन्द्र बागेश्वरी मन्दिरको द्धार खोल्न समाजका अध्यक्ष नन्दलाल बैश्य तथा महासचिव सत्यनारायण बैश्यले बुधबार जिल्ला प्रशासन कार्यालय बाँकेलाई ज्ञापन–पत्र बुझाउनु भएको छ ।सहायक प्रमुख जिल्ला अधिकारी दिर्घराज उपाध्यायलाई बुझाइएको ज्ञापन–पत्रमा बागेश्वरी मन्दिरको द्धारसँगै दशैंको मुखमा आइसकेको नवदुर्गा मा...

नेपालगन्ज, १५ असोज – विगत ३ महिना अगाडी छिमेकी राष्ट्र भारतको बिहार प्रदेशका नायक सुशान्तसिंह राजपूतको ‘हत्या वा आत्महत्या’ घटनाको अनुसन्धानको क्रममा प्रहरीले ड्राग्स कनेक्सनको एंगलबाट घटनालाई अनुसन्धान गरिरहेको छ । सुशान्तसिंह राजपूतको प्रेमिका मानिएकी रिया चक्रवर्तीलाई २४ दिन अगाडी प्रहरीले पक्राउ गरी अनुसन्धानको थालनी गरेपछि हाल बलिउडका दिग्गज कलाकारहरु पनि त्यसमा जोडिंदै गएका छन् । बलिउडमा पहिलो पटक नायकहरु पनि जोडिएका छन् । नायकहरुको नाम आएको पहिलो पटक हो । यो घटनामा शाहरुख खान लगायत चार जना बलिउड नायकहरुको नाम एकैपटक जोडिएको छ । नाम जोडिने बलिउड नायकहरुमा शाहरुख खान, रणबीर कपूर, अर्जुन रामपाल र डिनो मोरिया रहेका छन् । दैनिक भाष्करले एनसीबीका अधिकारीको श्रोतलाई उदृत गर्दै जनाए अनुसार अर्जुन रामपालले शाहरुख खानलाई ड्रग्स सप्लाई गर्ने काम गर्दै आएका थिए । यसअघि बलिउ...