श्रम/रोजगार

नेपालगन्ज, १५ चैत - अनलाइन पत्रकार संघ बाँकेको दोस्रो नियमित बैठक कमल न्याैपानेकाे अध्यक्षतामा अाईतबार नेपालगन्जमा बसेको छ । उक्त बैठकले कोरोना संक्रमणको अबस्थामा हुने रगत अभावलाई ध्यानमा राखेर बैशाख पहिलो साता नयाँ बर्षको अवसरमा बृहत रक्तदान कार्यक्रम गर्ने लगायतका चारवटा महत्वपूर्ण निर्णय गरेको छ ।रक्तदान कार्यक्रमका लागि संघका उपाध्यक्ष जावेद अन्सारीको संयोजकत्वमा भीष्म लोध र प्रेणा गिरी सदस्य रहेको तीन सदस्यीय रक्तदान कार्यक्रम उपसमिति गठन समेत गरेको छ । बाँके शाखालाई अनलाइन पत्रकार संघ नेपालको केन्द्रीय कमिटीले देशभरकै पहिलो जिल्ला शाखाका रूपमा अनुमोदन गरी मान्यता प्रदान गरेकोले बैठकले संघको केन्द्रीय समितिलाई धन्यवाद समेत दिएको छ । बैठकले बाँकेमा सञ्चालन भैरहेका अनलाइनहरूलाई संघको सदस्यमा आबद्ध हुने आग्रह गर्ने र यसका लागि सामाजिक सञ्जाल मार्फत सूचना सार्वजनिक गर्ने निर्णय पनि ...

२०७७ चैत १४ गते शुक्रऋषि चौलागाई स्याहार सुसार पाउने उमेरका सफी मोहम्मद किंघरियन अहिले पनि गुजाराकै लागि गाउँ÷टोल चाहर्छन् । ७५ वर्षिय किंघरियन एका विहानै घरबाट निस्किन्छन् र साँझपख मात्र पुग्छन् । ‘किंगरी’ (एक प्रकारको वाजा) बजाएर सीदा (चामल, पैंसा) माग्दै जीवन धानीरहेका छन् । उनी नेपालगन्जदेखि करिब ६ किलोमिटर पुर्व पुरैनी किंघरियनपुर्वामा बस्छन् । किंघरियन, लोपोन्मुख र संकटोन्मुख जाति मध्येको एक हो । राष्ट्रिय जनगणना अनुसार नेपालमा किंघरियनहरुको जनसंख्या करिब १ हजार ३ सय ५० रहेको छ । ंिकंघरियनहरु साविकको पुरैनी– ७ र ८ मा बसोवास गर्दछन् । सो क्षेत्र हाल नेपालगन्ज उपमहानगरपालिकाको वडा नं. २२ मा पर्दछ ।मुस्लिम समुदायको उपेक्षित जातिका रुपमा हेरिने किंघरियनहरु ंिकंगरी (चिकारा) बजाएर गुजारा गर्ने हुनाले नै किंघरियन कहलीन थालेका हुन् । ंिकंगरी बजाउने, कड्खा र बिरहा लगायतका गीत गाउँने मोह...

नेपालगन्ज, १४ चैत – “काँचो ईट्टा तयार भएर पनि पकाउन चाहिएको कोईला आफूसित सिजन कै बेला नभएपछि अब कस कहाँ हारगुहार गर्न जाने” भनी प्रश्न यतिबेला बाँकेका ईट्टा उद्योगीहरुले गरिरहेका छन् ।भारतको विभिन्न राज्यबाट नेपाललाई सप्लाई गर्दै आईरहेको कोईला भारत सरकारले रोक लगाएपछि लुम्बिनी प्रदेशका ईट्टा व्यवसायीहरुलाई समस्या भईरहेको श्रद्धा ईट्टा उद्योगका सञ्चालक सुधिरप्रताप सिंहले बताउनुभयो ।सञ्चालक सिंहका अनुसार हाल भारतका कोईला व्यवसायीहरुले उपलब्ध गराउँदै आएको कोईला भारत सरकारले रोक लगाएपछि सिजन कै बेला तयार भएको काँचो ईट्टा समेत पकाउन नपाएको बताउँछन् । सञ्चालक सिंहले भन्नुभयो– “भारतको बंगाल, गुहाटी, वनारसको डिपो, झारखण्डको धनवादलगायतका स्थानहरुबाट कोईला आउने गरेको छ । तर रोक लगाएपछि अब यहाँका ईट्टा उद्योगीहरुलाई समस्या परेको बताउनुभयो ।” अब तेस्रो मुलुकबाट कोईला ढुवानी भईरहेको अवस्था विद्य...

कोहलपुर, १३ चैत – बाँके जिल्लाका चार पालिकामा सञ्चालित सुरक्षित आप्रवासन परियोजना (सामी) को अर्धवार्षिक समिक्षा सम्पन्न भएको छ । बिहीबार नेपाल सरकार र स्वीस सरकारबीच भएको दुई पक्षीय सम्झौता अन्तर्गत श्रम, रोजगार तथा सामाजिक सुरक्षा मन्त्रालय नेतृत्व र हेल्भटास नेपालको प्राविधिक सहयोगमा सञ्चालित सुरक्षित आप्रवासन परियोजनाको अर्धवार्षिक समिक्षा गरिएको हो । सुरक्षित आप्रवासन परियोजना (सामी) का संयोजक मिना चौधरीले बाँके जिल्लामा भएका काम र प्रगतिहरुको विस्तृत रुपमा प्रस्तुतीकरण गरेकी थिइन् । प्रस्तुतीकरणमा उनले आप्रावासी स्रोत केन्द्रमा ७५ जनाको केश प्राप्त भएको बताइन् । जसमध्ये ४० वटा केशहरुको समस्याको समाधान भएको उनले बताइन् । समाधान भैसकेका व्यक्तिहरुको २२ लाख १० हजार रुपैयाँ र्फिता पाएको सामी परियोजनाका संयोजक चौधरीले बताइन् ।यस्तै उनका अनुसार परियोजनाले बाँकेमा ४ हजार ५ सय जनालाई स...

नेपालगन्ज, ८ चैत्र – नेपाल पुस्तक तथा स्टेशनरी व्यवसायी महासंघ जिल्ला शाखा बाँकेको नेतृत्वमा किशोर आचार्य निर्वाचित भएका छन् । शनिबार भएको सातौं जिल्ला अधिवेशनबाट आचार्य निर्वाचित भएका हुन् ।अन्तिम समयसम्म सर्वसम्मत नेतृत्व चयनका लागि अग्रजहरुले गरेको प्रयास सफल हुन नसकेपछि निर्वाचन प्रक्रियामा गएको महासंघको निर्वाचनमा भारी मतान्तरले आचाय बिजयी भएका हुन । आचार्य सँगको चुनावमा मन्दिरा पाण्डे प्रतिस्पर्धी रहेकी थिईन । आचार्यले ८६ मत ल्याउँदा पाण्डेले ५९ मत ल्याईन् । निर्वाचनमा अध्यक्षसँगै द्वितीय उपाध्यक्ष र सचिवको समेत मतदान भएको थियोे । प्रथम उपाध्यक्षमा सागर ज्ञवाली, सहसचिव मोतिप्रसाद सुवेदी, कोषाध्यक्ष मोहन चन्द सहित कार्यसमितिका १४ जना सदस्य निर्विरोध निर्वाचित भएका थिए । द्वितीय उपाध्यक्ष प्रदिप सापकोटाले ९२ मत ल्याई बिजयी भए भने निकटतम प्रतिद्वन्द्वी असरफ खानले ५४ मत प्राप्त गर...

डुडुवा, ४ चैत – बाँकेको डुडुवा गाँउपालिका ५ नं वडा कार्यालयको प्रशासनिक भवनको निर्माण कार्य शुरु भएको छ । नानापुरस्थित निर्माण थालिएको भवन गाउँपालिका अध्यक्ष नरेन्द्रकुमार चौधरी र वडाध्यक्ष प्रशुराम बुढाथोकीले संयुक्त रुपमा शिलान्यास गरेका छन् ।भवनको शिलान्यास गर्दै गाँउपालिका अध्यक्ष चौधरीले वडा कार्यालयको आफ्नै भवन नभएकाले दैनिक कार्य सञ्चालन गर्नमा समस्या भएपछि भवन बनाउन लागेको बताउनुभयो । उहाँले कार्यालयको भवनको सुविधा भएपछि सेवाग्राहीलाई सेवा प्रवाहमा सहजतासँगै गुणस्तरियता बढ्ने विश्वास व्यक्त गर्नुभयो । अध्यक्ष चौधरीले भौतिक पूर्वाधारसहित सडक, शिक्षा, स्वास्थ्य, कृषि, पशु लगायत क्षेत्रको विकास एवम् विस्तार गरी पालिकालाई नमूनाका रुपमा बनाउन गाउँपालिका लागि परेको बताउनुभयो । करिब तीन कठठा जग्गाको क्षेत्रफलमा निर्माण हुन लागेको ५ कोठे भवनको निशान निर्माण सेवा मुगुले ठेक्का लिएको ...

काठमाण्डौ, ४ चैत – प्रेस काउन्सिल नेपालले पूर्वमन्त्री तथा नेपाली काँग्रेसका नेता नविन्द्रराज जोशी विषयमा आएका समाचारमा गम्भीर ध्यानाकर्षण भएको जनाएको छ ।काउन्सिलले आज एक विज्ञप्ति जारी गर्दै जोशीका विषयमा कतिपय सञ्चारमाध्यम, पत्रकार तथा सामाजिक सञ्जाल प्रयोगकर्ताले निधन भएको भनी गलत र भ्रमपूर्ण समाचार सामग्री सम्प्रेषण गरेकोमा गम्भीर ध्यानाकर्षण भएको जनाएको हो । काउन्सिलका उपप्रशासकीय अधिकृत (सूचना अधिकारी) रामशरण बोहराद्वारा हस्ताक्षरित विज्ञप्तिमा पत्रकार तथा सञ्चारमाध्यमले जिम्मेवारी बोधको समेत ख्याल नगरी हल्ला र अनुमानका भरमा तथ्यहिन÷पुष्टि नभएका सामग्री सम्प्रेषण भएको देखिएकाले त्यस्ता सञ्चारमाध्यमलाई कारबाही प्रकृया अगाडी बढाउनुका साथै सामाजिक सञ्जालबाट पोष्ट गर्ने पत्रकारलाई सचेत गराएको उल्लेख छ ।को पहिला हुने भन्ने होडबाजीमा पुष्टिबेगर मानिसको जीवनसँग सम्बन्धित मानवीय संवेद...

नेपालगन्ज, २ चैत – बाँकेमा सञ्चालित अनलाईन मिडियालाई व्यवस्थित गर्नुका साथै अनलाइन मिडियाको समग्र विकासका लागि नेपालगन्जमा अनलाइन पत्रकार संघ गठन गरिएको छ ।सोमबार नेपालगन्जमा भएको अनलाइन मिडियाका प्रकाशक, सम्पादक र प्रतिनिधी लगायतको बुहत भेलाले सेतोखरी मिडिया प्रालीका प्रकाशक तथा प्रधानसम्पादक कमल न्यौपानेको संयोजकत्वमा नौ सदस्यीय तदर्थ समिति समेत गठन गरेको छ । भेलाले जावेद अन्सारीलाई सहसंयोजक, रामु ओलीलाई सचिव संगीता पाठक (सन्ध्या) लाई सहसचिव र असलम खाँलाई कोषाध्यक्षमा चयन गरेको छ । कार्य समिति सदस्यमा सुनिता पन्त, प्रेरणा गिरी, भिष्म लोध, दिक्षा विसीलाई चयन गरेको छ । गठित तदर्थ समितिको पहिलो बैठक सोमबार नै बसेको छ । उक्त बैठकले हरेक महिनाको १५ गते मासिक नियमित बैठक बस्ने, संघ आधिकारीक दर्ताका लागि आवश्यक प्रक्रिया अघि बढाउने, नविकरण र दर्ता नभएका अनलाईन दर्ताको प्रक्रिया अघ...

पर्वत, २८ फागुन – पर्वत जिल्लाको कुश्मा नगरपालिका वडा नं. ११ पकुवास्थित साना किसान कृषि सहकारी संस्थाका शेयर सदस्यहरुका लागि आयोजित एक दिने सहकारी सचेतना तालिम बिहीवार सम्पन्न भएको छ । संस्थाको आयोजना तथा साना किसान विकास लघुवित्त संस्था इलाका कार्यालय पोखराको सहयोगमा सम्पन्न भएको हो । संस्थाका शेयर सदस्यहरुलाई सहकारीमा पूँजि निर्माण र पूँजि परिचालनका लागि सक्रिय बनाउने, वित्तीय साक्षरता तथा सहकारीका मूल्य मान्यता र सिद्धान्तको जानकारी गराउने उद्देश्यले तालिम आयोजना गरिएको संस्थाका अध्यक्ष डम्बर बहादुर वि.क.ले जानकारी दिनुभयो ।सहकारीलाई प्रभावकारी रुपमा अगाडि बढाउनका लागि सदस्यहरुलाई यसबाट हुने फाइदा, सहकारीका सदस्यहरुको काम कर्तव्य र अधिकारका बारेमा जानकारी आवश्यक छ भन्ने महसुस गरेर तालिम आयोजना गरेका हौ, अध्यक्ष विकले भन्नुभयो–‘तालिममा सहभागी शेयर सदस्यहरु उत्साहित भएर जानु भएको छ...

नेपालगन्ज, फागुन २६ – नेपालगन्ज उपमहानगरपालिकालाई महानगरपालिकामा विकास गर्नका लागि सम्भाव्यता अध्ययन सुरु भएको छ । महानगरपालिकाका लागि डिपिआरसँगै एकीकृत विकास योजना समेत तयार भईरहेको छ । नगर प्रमुख डा. धवल शम्शेर राणाका अनुसार बुधबार यसै सन्दर्भमा पारम्भिक तयारी तथा छलफल सम्पन्न भएको छ । नगर प्रमुख राणाले राजनीतिक पार्टीको आवद्धता भन्दा माथी उठेर आम जनतासँगको अन्तरक्रियालाई जोड दिन सुझाव दिनुभयो । आम नागरिकहरु आप्mनो शहरलाई महानगरपालिका बनाउन इच्छुक भएपनि राजनीतिक दलमा आवद्ध नेता कार्यकर्ताहरु भविष्यको राजनीतिक पदलाई प्राथमिकता दिने भएकाले जनताको सुझाव महत्वपूर्ण हुने राणाले बताउनुभयो ।डिपिआरको काम गरिरहेको संस्था अपडेनका मनिषराज जोशीले प्रारम्भिक चरणको कार्य असारभित्रै सम्पन्न गर्ने योजनाका साथ अघि बढेको जानकारी दिनुभयो । कार्यक्रममा प्रमुख प्रशासकीय अधिकृत ओमवहादुर खड्का, वडाअध्यक...