समाज

नेपालगन्ज, ८ कात्तिक – लुम्बिनी स्पोर्टस अवार्डको प्रचार–प्रसार संयोजकमा खेल पत्रकार गजे थापा (जी.थापा) मनोनित हुनु भएको छ । खेलाडी र खेलकर्मीको योगदानलाई सम्मान गर्दै उहाँहरुको हौसला बढाउन आयोजना गर्न लागिएको लुम्बिनी स्पोर्टस अवार्ड आगामी मंसिर १८ गते हुँदैछ । लुम्बिनी प्रदेशमा पहिलो पटक हुन लागेको लुम्बिनी स्पोर्टस अवार्डको प्रचार–प्रसारलाई तिव्रता दिनको लागि थापालाई संयोजकमा मनोनित गरिएको आयोजक रंगशाला नेपाल मिडिया प्रालीका प्रबन्ध निर्देशक कमल खत्रीले बताउनु भयो । संयोजकमा मनोनित थापा खेल पत्रकारितामा एक दशकदेखि सक्रिय हुनुहुन्छ । नागरिक दैनिकबाट पत्रकारिता सुरु गर्नु भएका थापा हाल कालपृष्ठ दैनिकको खेल विधा संयोजक हुनु हुन्छ भने रंगशाला न्युज डटकमको सम्पादक रुपमा खेल पत्रकारितामा सक्रिय हुनुहुन्छ । फोटो पत्रकारितामा सक्रिय रहनु भएका थापा नेपाली फुटबलको चर्चित टिम मनाङ मस्र्याङदी...

नरैनापुर, ७ कार्तिक - पुर्व निर्धारित कार्यक्रम अनुसार नरैनापुर वार्ड नं. ०६ जमुनी स्थित बृन्दावन धाममा आज १०८ पीपल सहित अन्य जात का गरी २५० थान बोट रोपी १०००० दश हजार पीपल रोपण अभियान को शुभारम्भ गरिएकाे छ । नरैनापुर वार्ड नं ०६ का बडाध्यक्ष प्रेमचन्द्र मौर्य, बन समितिका अध्यक्ष भोलाप्रसाद मौर्य, हिन्दु स्वयंसेवक संघ भेरी बिभागका संघ चालक रामकुमार दीक्षित, नरैनापुरका संघ चालक रामतीर्थ यादव, राप्ती सोनारीका संघ चालक डा. राममनोहर मौर्य, बिश्व हिन्दु परिषद नरैनापुरका अध्यश्र प्रमोदकुमार शर्मा, बिहिप नरैनापुरका सचिव राधेश्याम यादव, बिहिप वार्ड नं ०३ का अध्यक्ष एवं समाजसेवी सुन्दरलाल यादव, बरिष्ठ समाज सेवी राजितराम यादव, जीवनलाल यादव दीपनारायण यादव, शोभाराम यादवलगायत आम जनसमुदायले पीपलको बोट रोपी शुभारम्भ गर्नु भएको थियो। बोट रोप्नु अघि पण्डित विनोद शास्त्री, नन्दकिशोर ...

नेपालगन्ज, ५ कार्तिक – बरिष्ठ कलाकार कमल बिके निर्माेहीको सहयोगार्थ नेपालगन्जमा साँस्कृतिक कार्यक्रम सम्पन्न भएको छ । मृगौला रोगबाट पीडित निर्माेहीको उपचार सहयोगका लागि बास नेपालले साँस्कृतिक कार्यक्रम सम्पन्न गरेको हो । उज्यालो, प्रेम र एकताका माध्यमबाट सुशासन र समृद्धिको सन्देश प्रबाह गर्ने उद्देश्यले तिहारका मौलिक सँस्कृति र मान्यताहरुलाई प्रबद्र्धन गर्नका लागि तिहारका रंगहरु कार्यक्रम सम्पन्न गरिएको हो । कार्यक्रममा सामुहिक देउसी, भैलो, साँस्कृतिक प्रस्तुति, नृत्य, नाटकलगायतका प्रस्तुतिहरु गरिएको थियो । स्थानीय फरक, फरक कला र संस्कृतिलाई एकै मञ्चबाट प्रस्तुत गरिएको उक्त कार्यक्रममा अस्वस्थ अवस्था मैं पुगेका बरिष्ठ कलाकार निर्माेहीले आफुलाई सहयोगका लागि सहयोगी हातहरु अघि बढेको देख्दा खुशी लागेको बताए । उनी ह्विलचियर मै मञ्च चढ्दा सहभागिहरु भावुक बनेका थिए । निर्माेही मृ...

बर्दिया, २ कात्तिक – बर्दिया जिल्लाको बढैयाताल गाउँपालिकामा पछिल्लो समय प्रशासनिक निष्क्रियता र कर्मचारीको मनोमानी व्यवहारले स्थानीय नागरिक त्रसित भएका छन् । गाउँपालिकामा नियुक्त लेखा अधिकृत नारायण राज त्रिपाठीले महिनौँदेखि “सिस्टम चलेको छैन” भन्ने कारण देखाउँदै जनतालाई झुलाउँदै आएको स्थानीयहरूले गुनासो गरेका छन् । विशेषगरी गाउँपालिका वडा नं. ४ र ५ मा पर्ने पिक्निक स्थलको ठेक्कासँग सम्बन्धित धरौती रकम फिर्ता माग गर्न आएका स्थानीय व्यवसायी महिनौँदेखि उनीसँग दौडधुप गरिरहेका छन्, तर समस्या समाधान नभएको गुनासो छ । ठेक्का बापतको धरौटी रकम फिर्ता गर्न माग गर्दा त्रिपाठीले पटक–पटक “सिस्टम चलेको छैन, पछि आउनु” भन्दै नागरिकलाई फर्काउने गरेको आरोप लागेको छ । गाउँपालिकाले चालु आर्थिक वर्षको साउन २३ गते पिक्निक स्थल व्यवस्थापनका लागि ठेक्का बोलपत्र आह्वान गरेको थियो । बोलपत्रमा सहभागी भएका स्था...

नेपालगन्ज, २ कात्तिक – लुम्बिनी स्पोर्टस अवार्ड संयोजक चाहना शाह चाहना शाह तेस्रो एसियन युथ गेम्समा सहभागि हुन बहराइन जानु हुने भएको छ । उहाँलाई लुम्बिनी स्पोर्टस अवार्ड आयोजक रंगशाला नेपाल मिडिया प्रालीले विदाई गरेको छ । शाहलाई नेपालगन्ज उपमहानगरपालिकाको निवर्तमान उपप्रमुख उमा थापा, रंगशाला नेपाल मिडिया प्रालीका प्रबन्ध निर्देशक एवम् कालपृष्ठ दैनिकका सम्पादक कमल खत्री, गायक एवम् संगीतकार सुनिल सिंह क्षेत्री र खेल पत्रकार गजे थापा (जी.थापा) ले विदाई गर्नु भयो । युथ ओम्पिक एम्वेसडर शाह ट्राइथोलनका अन्तर्राष्ट्रिय अफिसियल हुनुहुन्छ । बहराइनमा अक्टोवर २२ देखि ३१ सम्म हुन लागेको तेस्रो एसियन युथ गेम्समा शाहले अन्तर्राष्ट्रिय टेक्निकल अफिसियलको रुपमा जिम्मेवारी निर्वाह गर्नु हुनेछ । उक्त प्रतियोगितामा १२ अन्तर्राष्ट्रिय अफिसियल सहभागि हुदैछ । त्यसमा चार महिला रहेका छन् । शाह भने नेपालबाट प्र...

रमेश कुमार बोहोरा मितिः २०८२ कार्तिक २ गते, आईतबार हरेक क्रान्ति वा आन्दोलनले एउटा सपना बाँडेको हुन्छ, सुखद् भविष्यको कल्पना गरेको हुन्छ । आम जनतामा उत्साहको लहर ल्याएको हुन्छ । विश्वका हरेक मुलुकमा हुने राजनीतिक परिवर्तनको मूल ध्येय यही हो । नेपालको राजनीतिक इतिहासममा ४० को दशकयता थुप्रै परिवर्तन भयो । ती परिर्वनहरुमध्ये २०८२ भदौ २३-२४ को जेनजी क्रान्ति अभूतपूर्व रह्यो । असंगठित समूहको यो क्रान्तिले व्यवस्थाको साटो जनताको अवस्था परिवर्तनको माग राखेको थियो । वर्तमान राजनीतिक प्रणालीका केही आधारभूत पक्षहरुको सुधार चाहेको थियो र छ । २४ घण्टामै सत्ता ढल्ने गरी भएको जेनजी क्रान्ति वा आन्दोलन नेपालको राजनीतिक र सामाजिक इतिहासमा अद्वितीय र असामान्य घटना बन्न पुग्यो । आन्दोलनका पृष्ठभूमिहरु जेजस्तो थियो भनिए पनि अप्रमाणिक ती कथित विश्लेषणहरुको कुनै अर्थ छैन र देश अहिले नयाँ मोडमा उभिएको छ...

-क्षितिज विक्रम खनाल मितिः २०८२ कार्तिक १ गते, शनिबार कार्तिक कृष्ण पक्षको त्रयोदशी तिथिमा मनाइने धनतेरस हिन्दू संस्कृतिको अत्यन्त महत्वपूर्ण पर्व हो, जसले तिहार वा दीपावलीको औपचारिक सुरुवात गर्दछ। ‘धन’ अर्थात् सम्पत्ति र ‘तेरस’ अर्थात् त्रयोदशी तिथि यी दुई शब्दको संयोजनले बनेको ‘धनतेरस’ केवल धनसम्पत्तिको पूजा मात्र होइन, आरोग्य, समृद्धि र आन्तरिक प्रकाशको प्रतीक हो। यस दिनको महत्व भौतिक, धार्मिक र दार्शनिक सबै दृष्टिलेअत्यन्त गहिरो छ। हिन्दू परम्परामा दीपावलीको समय केवल उज्यालो बाल्ने र नयाँ वस्तु किन्ने मात्र होइन, जीवनमा नकारात्मकता हटाएर आत्मशुद्धि र सन्तुलनको सुरुवात गर्ने पर्व हो। धनतेरस त्यस पर्व यात्राको पहिलो दिन हो , जहाँ शरीर, मन र आत्माको सन्तुलनलाई धन, स्वास्थ्य र विवेकको रूपमा पूजा गरिन्छ। पौराणिक दृष्टिले धनतेरसको मूल जड समुद्र मन्थनसंग सवन्धित छ। कथा अनुसार देवता र असु...

नेपालगन्ज, ३१ असोज – सिटिजन लाइफ इन्स्यूरेन्सले आफनो आठौं बार्षिकोत्सको उपलक्ष्यमा आयोजना गरेका रक्तदान कार्यक्रममा नेपाल प्रहरी, शाखा कर्मचारी, बैंक कर्मचारी, खेलाडी, स्वयंसेवी रक्तदाता लगायतले २१ जनाले रक्तदान गरेका छन् । प्रादेशिक रक्त सञ्चार केन्द्र नेपालगन्जमा आयोजित रक्तदान कार्यक्रममा सिटिजन लाइफ इन्स्योरेन्स नेपालगन्ज शाखा म्यानेजर अन्जुकुमारी बानियाले सुशील कोइराला प्रखर क्यान्सर हास्पिटल खजुरामा नेपाल रेडक्रस सोसाइटी बाँके शाखाद्वारा सञ्चालित रक्त सञ्चार इकाई केन्द्र खजुराका प्रमुख होमराज गिरीलाई रगत संकलन गर्ने पाकेट हस्तान्तरण गरी कार्यक्रमको शुभारम्भ गर्नु भएको थियो । आयोजित रक्तदान कार्यक्रममा अल्क बहादुर शाही, जीवन चौधरी, हेम बहादुर थारु, धनेश्वर यादव, मान बहादुर जिसी, शिवा गुप्ता, मञ्जिल सिंह, सुरेश थापा, गोपाल शाही, अभिमन्यु थारु, ईभाजेलिना दहित, सलिम कुरैशी,...

रमेश कुमार बोहोरा मिति : २०८२ असोज ३१ गते, शुक्रबार नेपालको राजनीतिक इतिहासमा नेपाली कांग्रेस एउटा यस्तो शक्ति हो जसले देशलाई लोकतन्त्रको उज्यालोमा पुर्‍यायो तर अहिले आफ्नै छायाँभित्र हराएको जस्तो देखिन्छ । इतिहासमा अंकित त्याग, संघर्ष र बलिदानका गौरवपूर्ण पानाहरू अहिले केवल स्मृतिको तहमा सीमित भइरहेका छन् । मुलुक पुनः संक्रमणकालीन जटिलताबाट गुज्रिरहेको छ जहाँ पुराना शक्ति संरचनाहरू ढल्दै छन् र नयाँ पुस्ता सडकमा परिवर्तनको स्वर उठाइरहेछ । यही अवस्थामा नेपाली कांग्रेस आफैंसँग प्रश्न गरिरहेको छ । हामी कहाँ छौं र अब कहाँ जाने ? सन् १९४७ मा प्रजातान्त्रिक मूल्य र मान्यताको बीज रोप्ने उद्देश्यले स्थापित भएको नेपाली कांग्रेसले राणा शासनविरुद्धको क्रान्तिमा निर्णायक भूमिका खेलेको थियो । बी.पी. कोइरालादेखि गणेशमान सिंह र किशुनजीहरूसम्मको नेतृत्वले देशलाई लोकतन्त्र, संविधान र नागरिक अधिकारका म...

नेपालगन्ज, ३० असोज – नेपालगन्जमा हुन लागेको लुम्बिनी स्पोर्टस अवार्डलाई अन्तर्राष्ट्रिय स्पोर्टस ब्रान्ड केल्मीले सहयोग गर्ने भएको छ । आगामी मंसिर १८ गते नेपालगन्जमा पहिलो पटक हुन लागेको लुम्बिनी स्पोर्टस अवार्डलाई केल्मीले सहप्रायोजन गर्ने भएको हो । बिहिबार आयोजक लुम्बिनी स्पोर्टस अवार्ड संयोजक चाहना शाह र केल्मी नेपालको प्रतिनिधित्व गर्ने केल्मी नेपालगन्ज सोरुम प्रतिनिधि सिर्जना थपलियाले सम्झौतापत्र आदान–प्रदान गर्नु भयो । खेलाडी र खेलकर्मी उपलब्धीलाई सम्मान गर्दै आयोजना हुन लागेको लुम्बिनी स्पोर्टस अवार्डमा जोडिन पाउँदा खुसी लागेको थपलियाले बताउनु भयो । उहाँले भन्नु भयो,‘नेपालगन्जमा हुन लागेको यो कार्यक्रम निकै राम्रो छ । खेलक्षेत्रमा हुने यस्ता सम्मानले नेपाली खेलाडी र खेलकर्मीको मनोबललाई बढाउने काम गर्छ । अवार्ड कार्यक्रममा सहकार्य गर्ने अवसर दिएकोमा आयोजकलाई धन्यवाद । कार्यक्र...