नेपाल–भारत मित्रताकाे प्रतिक : बनारसमा पशुपतिनाथ महादेव मन्दिर
काठमाण्डौ, १६ चैत्र –नेपाल र भारतबीच एकताको प्रतिक रहेको पवित्र शहर बनारसमा अवस्थित श्री साम्राज्येश्वर पशुपतिनाथ मन्दिरले हरेक वर्ष कैयौँ श्रद्धालू र पर्यटकलाई आकर्षित गर्दै आएको छ ।विश्वको सबैभन्दा पुराना शहरमध्ये एक बनारस हिन्दू धर्मावलम्बीका लागि अत्यन्त महत्वपूर्ण तीर्थस्थल पनि हो । काशी–विश्वनाथ मन्दिर परिसरमा निर्मित करिडोर गत डिसेम्बर महिनामा खुला गरिएको थियो । त्यसयता त्यहाँ पर्यटकको आगमन बढेको छ ।काशी विश्वनाथ परियोजनाको पहिलो चरण उद्घाटन भएसँगै अब त्यहाँ श्रद्धालू आउने संख्या पनि बढेको छ भने यस परिसर अझ व्यवस्थित भएको छ । यो परियोजनाले श्री साम्राज्येश्वर पशुपतिनाथ महादेव मन्दिरसहित धेरै धार्मिकस्थललाई फाइदा पुगेको छ ।
नेपाली मन्दिर र मिनी खजुरा हो भनेर चिनिने यो शिव मन्दिरको धेरै ठूलो धार्मिक महत्व छ । १९ औं शताब्दीमा नेपालका राजाद्वारा निर्मित यो मन्दिर काठमाडौँमा रहेको...
