चीनको उच्च वृद्धिको युग समाप्त भएको हो ?
काठमाण्डौ, १५ फागुन – सन् २००८–२००९ मा अधिकांश विश्व ठूलो आर्थिक मन्दीबाट गुज्रिरहँदा चिनियाँ अर्थतन्त्र भने खासै प्रभावित भएन । चीन ठूलो परिमाणमा सरकारी खर्च गरेर देशको अर्थतन्त्रलाई विश्वव्यापी आर्थिक संकटकबाट जोगाउन सफल भएको थियो । पछि चीनले बाँकी विश्वलाई नै मन्दीबाट निकाल्न सघाउ पुर्यायो । पछिल्लो समय, युक्रेनमाथिको रुसी आक्रमण र तीन वर्षदेखि चलिरहेको महामारीका कारण विश्व पुनः मन्दीको नजिक धकेलिरहँदा चीनले पहिलेजस्तै उद्धार गर्ने सम्भावना कम छ ।
गतवर्ष चीनको अर्थतन्त्र तीन प्रतिशतले मात्रै विस्तार भयो । यो वर्षको पहिलो तीन महिनामा पनि चीनको वृद्धि सुस्त रहने प्रक्षेपण छ । वर्षका दोस्रो भागमा भने अर्थतन्त्र बलियो गरी पुनरोत्थान हुने निक्केईले डिसेम्बरमा ३७ अर्थशास्त्रीमाझ गरेको सर्वेक्षणले देखाएको छ । तथापि सबैभन्दा आशावादी पुनरोत्थान परिदृश्यअनुरूप पनि देशले पहिलेकै जस्तो उच्च आर्...
