आस्था

नेपालगन्ज, २२ पौष – मण्टेश्वरी एशोसिएशन बाँकेको छैंठौं वार्षिकोत्सव सम्मान सहित मैत्रीपूर्ण वनभोज कार्यक्रमको आयोजना गरी सम्पन्न भएको छ । वार्षिकोत्सव कार्यक्रम डुडुवा गाउँपालिका वडा नं. ५ नानापुर स्थित सिद्धी विनायक लायन्स क्लब पार्कमा आयोजना गरिएको हो ।एशोसिएशनकी अध्यक्ष दुर्गा बजगाईको अध्यक्षतामा सम्पन्न वार्षिकोत्सवमा बाँके जिल्लाका विभिन्न १० वटा मण्टेश्वरी स्कुलका शिक्षिकाहरुलाई उहाँहरुको अध्यापन, क्रियाकलाप लगायतको आधारमा मण्टेश्वरी एशोसिएशन बाँकेले निर्धारण गरेको मापदण्डको आधारमा मूल्याङ्कन गरी जिल्लाभरका १८ वटा मण्टेश्वरी स्कुल मध्ये १० वटा मण्टेश्वरी स्कुलका शिक्षिकाहरुलाई उत्कृष्ट शिक्षिकाको रुपमा सम्मान गरिएको हो । सो अवसरमा सम्मानित शिक्षिकाहरुलाई एशोसिएशनका सल्लाहकार तथा वरिष्ठ पत्रकार पूर्णलाल चुकेले कदर पत्र सहित सम्मान गर्नु भएको छ । उहाँले सो अवसरमा बोल्दै भोलिका द...

नेपालगन्ज, २२ पौष – नेपाल रेडक्रस सोसाइटी पुरैनी उपशाखा बाँकेको १९ औं उपशाखा सभा सम्पन्न भएको छ ।रेडक्रसको प्रवर्तक जाँ हेनरी ड्यूनाको तस्बीरमा प्रमुख अतिथि नेपाल रेडक्रस सोसाइटी लुम्बिनी प्रदेशका उपमहासचिव राजकुमार वर्माले माल्यार्पण तथा ब्यानर वाचन गरी १९ औं उपशाखा सभाको उद्घाटन गर्नुभएको थियो ।पुरैनी उपशाखा बाँके की उपसचव मीरा अधिकारीद्वारा सञ्चालित उप शाखाका सभापति शिवकुमार वर्माको अध्यक्षतामा, वार्षिक प्रतिबेदन २०७९÷०८० र आय व्यय २०८०÷०८१ को प्रस्तावित प्रतिवेदन कार्यक्रम तथा आ.ब २०७९÷०८० मा १ लाख ११ हजार ७ सय ६३ रुपैया बराबरको खर्च बिवरण प्रस्तुत गर्नु भएको थियो । कार्यक्रममा विशिष्ट अतिथि नेपाल रेडक्रस सोसाइटी बाँके शाखाका कोषाध्यक्ष राकेश श्रीवास्तव, वडा नं.२२ का पूर्ववडाध्यक्ष बिद्याराम वर्मा, १९ का का.ब. वडाध्यक्ष राम सुहावन कुर्मी, पुरैनी उपशाखाका निर्वतमान सभापति फन बहाद...

काठमाण्डौ, २० पौष – ऐना आर्टस्को प्रस्तुति र ब्ल्याक हर्स जुत्ता कम्पनीको सहयोगमा लघु चलचित्र ‘पाउलो’ निर्माण भएको छ । जुत्ताको कथावस्तु रहेको ‘पाउलो’ को छायांकन काठमाडौंको पशुपति परिसरमा गरिएको थियो ।लघु चलचित्रमा प्रशान्त हुमागाइँ, सुवास सिलवाल, मोहन श्रेष्ठ, उद्धव दंगाल, नरेन भट्टराई, निश्चल कार्की, सम्पन्न दाहाल, लिजेश थापा र सन्देश थापाले अभिनय गरेका छन् । पाउलोमा रेनुका कार्कीको कास्टिङ डिरेक्सन र प्रोडक्सन म्यानेजमेन्ट चक्रप्रसाद पोख्रेलले गरेका छन् । सहायक निर्देशन करन साउदको रहेको छ । लघु चलचित्रको छायांकन नारायण जिसीले गरेकाहुन् र सम्पादन अनिलकुमार महर्जनले गरेका छन् । लघुचलचित्र ‘पाउलो’ पशुपती परिसरमा बस्ने परिवार विहिन एक सडक बालकको कथाहो । जसमा सुरुदेखि अन्त्यसम्म मुख्यपात्र जुत्तालाई नै बनाइएको छ । मानिस जन्मन्छ, हुर्कन्छ, विवाह गर्छ, विवाह पश्चात् श्रीमान वा श्रीमतीको...

ललितपुर, २० पौष – सञ्चारकर्मी नवराज बजगाई सम्मानित भएका छन । शुक्रबार ललितपुरमा आयोजित नेपाल डेरी एसोसिएसन बागमती प्रदेशको साधारण सभामा बागमती प्रदेश सभाकी उपसभामुख माननिय अप्सरा चापागाईले बजगाईलाई सम्मान गरेकी हुन ।नेपाल डेरी एसोसिएसन बागमती प्रदेशको ५औं वार्षिक साधारण सभा, नेपाल डेरी एसोसिएसन काठमाडौं जिल्ला समितिको दोश्रो र ललितपुर दुग्ध व्यवसायी समितिको १०औं वार्षिक सााधारणको अवसरमा बजगाईलाई सम्मान गरिएको हो । विगत दुई दशकदेखि पत्रकारिता क्षेत्रमा सक्रिय बजगाईलाई पत्रकारिताको माध्यमबाट समाज परिवर्तनमा योगदान पु¥याएबापत सम्मान गरिएको नेपाल डेरी एसोसियसन बागमती प्रदेशका अध्यक्ष टिका प्रसाद घिमिरेले जानकारी दिए । कार्यक्रममा उपसभामुख चापागाई, नेपाल डेरी एसोसियसनका केन्द्रिय अध्यक्ष प्रल्हाद दाहाल, दुग्ध विकास बोर्डका कार्यकारी निर्देशक डा. राजेन्द्रकुमार यादव, डेरी एसोसिएसनका पुर्व...

नेपालगन्ज, २० पौष – नेपालगन्ज स्थित लोकप्रिय सन्देश दैनिकको आयोजनामा बिहिवार २० औं पटक रक्तदान कार्यक्रम सम्पन्न भएको छ ।बिहिवार नेपालगन्ज उपमहानगरपालिका वडा नम्बर १८ का वडा अध्यक्ष दिपककुमार वर्मा र नेपालगन्ज उद्योग बाणिज्य संघका एशोसियट सदस्य कमल कार्कीले रक्तदान कार्यक्रमको उद्घाटन गर्नुभयो । कार्की नियमित रक्तदाता समेत रहनुभएको छ । सो अवसरमा वर्मा र कार्कीले रक्तदान जस्तो महान कार्यमा लामो समयदेखि निरन्तरता दिन सक्नु आफैमा महत्वपूर्ण भएको बताउनुभयो । लोकप्रियले १० बर्षदेखि त्रैमासिक रक्तदान गर्दै आएको छ ।हालसम्म करिब पाँच सय बढिले रक्तदान कार्यक्रममा सहभागिता जनाएको कार्यक्रम संयोजक दिनेश ठाकुरको भनाई छ ।...

नेपालगन्ज, १९ पौष – देश भित्रका पूर्वाधार निर्माण कार्यमा कुन वडाले कतिको फड्को मारेको अवस्था छ त्यो आजको प्राविधियुक्त समयमा कसैबाट लुकेको होला भनी भन्न सकिन्न । तर बाँके जिल्ला भित्र रहेका ८ वटै पालिका मध्ये उपमहानगरपालिका वडा नं. १८ का वडा अध्यक्ष दिपककुमार बर्माले गरेको कार्यलाई सबैले सराहना गरिरहेका छन् । आम नागरिकदेखि उन कै समकक्षीहरुले समेत वडा नं. १८ ले प्रत्यक्ष कार्यमा मारेको फड्को बारे चर्चा गरिरहेको पाईन्छ ।यसैक्रममा नेपालगन्ज वडा नं.–१८ मा थप पूर्वाधार विकास निर्माणमा एकपछि अर्को शुरूवात गरिएको छ । वडाको क्षेत्रभित्र रहेका सम्पूर्ण टोलहरूमा आवश्यकता अनुसारको मागलाई सम्बोधन गर्दै भौतिक पूर्वाधार बिकास निर्माणको कार्यको यस आर्थिक वर्षमा आज पाँचौ शुरूवात गरिएको छ । सोही क्रममा बिहिबार नागरिक टोल अन्तर्गत पण्डित महाराजको घर हुँदै दक्षिण हिरालाल प्रसाई (कवि) को घर अगाडी बाटो...

नेपालगन्ज, १८ पौष – चर्चित लोक दोहारी गायक पशुपति शर्माले ‘लुट्न सके लुट कान्छा’ गाउ“दा दर्शक महोत्सव मै झुमेका छन् । नेपालगन्जमा जारी छैठौं नेपालगन्ज महोत्सवमा शर्माले आफ्नो चर्चित गीत ‘लुट्न सके लुट’ गाउँदा महोत्सवका दर्शकको भरपुर रमाएका थिए ।पशुपति शर्मा मञ्च मै आउने बितिकै दर्शकहरुले ‘लुट्न सके लुट कान्छा’ बोलको गित गाउंन हुटिङ नै गरेका थिए । शर्माको ‘लुट्न सके लुट कान्छा’ बोलको गीत यूट्यूव, सामाजिक सञ्जाल र महोत्सवका मञ्चहरुमा सबैभन्दा बढी दर्शकहरुको डिमाण्ड हुने गरेको छ । गायक शर्माले झन्डै २ घण्टा लामो समयसम्म बिभिन्न गित गाएर दर्शकहरुलाई मनोरन्जन दिनुभएको थियो । गायक शर्माको ‘लुट्न सके लुट कान्छा’ स“गै चिन्ता छैन केइ मलाई अमेरिका यही मलाई जापान पनि यही मलाई बेलायत नि यही, सार·ी र्याई र्याई भयो जीवन तिरिमिरी झाइ, क्यार्न माया मारी छौ सानीले क्यार्न माया मारी छौ, स्याङ्जा जाने...

काठमाण्डौ, १८ पौष – बिहीबार (भोलि) नेपाल र भारतबीच दीर्घकालीन विद्युत व्यापार सम्झौतामा हस्ताक्षर हुने भएको छ। भारतीय विदेशमन्त्री एस जयशंकर नेपाल भ्रमणका अवसरमा दुई देशबीच हस्ताक्षर हुन लागेको हो। सम्झौतामा १० वर्षमा नेपाल–भारतबीच विद्युत व्यापारसम्बन्धी विस्तृत एक्सन प्लान समेटिने ऊर्जा मन्त्रालयका प्रवक्ता नवीनराज सिंहले जानकारी दिए। उनका अनुसार सम्झौतामा विद्युत व्यापारका लागि आवश्यक पूर्वाधार विस्तार लगायत विषय पनि समेटिने छन्। यसअघि प्रधानमन्त्री पुष्पकमल दाहाल 'प्रचण्ड' को भारत भ्रमण क्रममा (२ जुन २०२३) नेपाल र भारतबीच दीर्घकालीन विद्युत व्यापारको प्रारम्भिक सम्झौता भएको थियो। उक्त सम्झौतालाई मूर्त रूप १८ जुन २०२३ मा ऊर्जा सचिव दिनेशकुमार घिमिरे भारत गएका थिए। त्यसबेला नयाँदिल्लीमा सम्झौतापत्रमा हस्ताक्षर गरिने कार्यक्रम राखिएको थियो। तर त्यहाँको मन्त्रिपरिषदबाट सम्झौता ...

काठमाण्डौ, १८ पौष – टोकियोको हानेदा विमानस्थलमा यात्रुवाहक विमानसँग जापानी कोस्टगार्डको विमान ठोक्किँदा पाँच जनाको मृत्यु भएको छ । कोस्टगार्डको उक्त विमान सोमबारको विनाशकारी भूकम्पबाट प्रभावित क्षेत्रमा सहायता पुर्‍याउने कार्यमा संलग्न रहेको थियो । अचानक जलेको जापान एयरलाइन्सको विमानमा सवार सबै ३७९ यात्रुलाई बाहिर निकालिएको एयरलाइन्सले जनाएको छ । सामाजिक सञ्जालमा देखा परेको उक्त दुर्घटनाको फुटेजहरूमा सो बिमानमा एयरबस ए ३५० लाई मा रहेका यात्रुहरू भागिरहेको र तर्सिरहेको देखिएका थिए । उत्तरी जापानको होक्काइडोबाट उडेको जापान एयरलाइन्सको उक्त विमानमा आगलागी भए पछि भुकम्पको त्रासमा रहेको जापानलाइ थप दुःखद समाचार बन्न पुगेको थियो । नेपालपाना...

काठमाण्डौ, १८ पौष – हमासका शीर्ष अधिकारी सालेह अरोरीको मृत्यु भएको छ । इजरायल र हमास बीचको लडाईको बीचमा उनको मृत्यु भएको हो । हिजबुल्लाहको टेलिभिजन स्टेशनले बेरुतको दक्षिणमा भएको विस्फोटमा सालेहको मृत्यु भएको पुष्टी गरेको छ । उसका अनुसार दक्षिणी बेरुतमा ड्रोन आक्रमणको निशानामा सालेह अरोरी मारिएका हुन । अल जजीराका अनुसार सालेह अरोरी हमासको राजनीतिक ब्यूरोका उपप्रमुख थिए र प्यालेस्टिनी समूहको सशस्त्र शाखा कसम ब्रिगेडका संस्थापकसमेत हुन । उनको जन्म १९६६ मा कब्जा गरिएको वेस्ट बैंकको रामल्लाहमा भएको थियो। इजरायली जेलमा १५ वर्ष बिताए पछि सालेह अरोरी लामो समयदेखि लेबनानमा निर्वासित जीवन बिताइरहेका थिए। गत वर्ष अक्टोबरमा इजरायली सेनाले रामल्लाह नजिकैको उनको घर भत्काएको थियो। अमेरिकी सरकारले सन् २०१५ मा उनलाई विश्वव्यापी आतंकवादी घोषणा गरेको थियो र उनको बारेमा जानकारी दिनेलाई ५० लाख अम...