अवधी

२०७७ चैत्र ११ गते नेपाल मईहाँ २ मेर के मनई रहत हय । ई मा एक जात हय पहाडी वर्ग केर दोसर हय मधेशी वर्ग केर । ई मा देखव तो पावा जात हय कि पहाडी वर्ग बहुतय शिक्षित अऊर धनी हय मूला मधेशी जातिमा न तव शिक्षा हय न तव ऊ धनीन हय । मधेशीन मईहाँ एक वर्ग हय ऊ का पिछडा जात कहा जात हय । ई जाति का आगे बढावेक खातिर उनका ओवीसी कय श्रेणी मा सुचीकृत कर दिहा गवा हय । ई पिछडा वर्गमा हय कुशवाहा, कुर्मी, कुम्हार, कंहार, कमार, केवट, कानु, तेली, कलवार, नुनिया, बनिया, भेडिहर, माली, मल्लाह, मुसलमान, वरैड, यादव, राजभर, राजधौव, रौनियार, लोहार, लोध, सुडी, सैनी, सोनार, हलुवाई, हमाज, अयात, केवरत, वर्णवाल, जोगिया, बिन, बेलदार, बोट, अऊर ईनका बडै जईसन जात केर आगे बढावेक ई ओबीसी काम करत आवा हय । ई जातन केरि विकास करेक खातिर ओबीसी सरकार के आगे आपन मांग उठावत हय । मूला सरकारी स्तर मा जऊन सहयोग आवत हय उत्ता रकम से पिछडा वर्ग ...

शुभम् शर्मानेपालगन्ज, २० फागुन – विगत कुछ समय से बाँके जिला मईहाँ महिलन परिहन यौन हिंसा बढ्तय गवा हय । घटना मईहाँ संलग्न अपराधी कईहाँ पकरैयक खातिर आज–कल रोजय सांझ कय समय मईहाँ तमामन संघ संस्था से विरोध प्रदर्शन किहा जात हय ।नेपालगंज कय त्रिभुवन चउक परिहन मंगलबार कय दिन मईहाँ स्कुली विद्यार्थी लोगन सडक नाटक कय माध्यम सें अपराधी पकरैयक मांग सहित प्रर्दशन करिन रहाय । ई घटना खाली रात कय नाही बल्की आजकल दिन दहाडेन होइ लाग हय औ ई प्रकार कय घटना सें प्रमाणित होत हय कि अब ई बाँके जिला, नेपालगंज उपमहानगरपालिका, नगरपालिका, शहर औ गाउँपालिका समेत मईहाँ महिलन कय उप्पर होय वाला हिंसा कोई न कोई प्रकार सें होतय रहत हय । हालिन मईहाँ एक घटना नेपालगंज उपमहानगरपालिका कय भित्तर घटा हय, जि कय घटना विवरण जिला पुलिस कार्यालय मईहाँ किटानी जाहेरी दर्ता हुई चुका हय । ऊ घटना मईहाँ स्कुल कय परिसर मईसे एक...

– ‘विद्रोही’ २०७७ फागुन २० गतेबाँके जिला मईहाँ स्व. प० योगेश्वर प्रसाद मिश्र ‘वैद्य’ जी तमाम समाज सेवा कार्य करिकय ऊ कऊनौ समय मईहाँ बहुतय चर्चित भए रहें । वैद्य जी कय जनम १९७२ साल सावन महिना मईहाँ भवा रहय । बाँके जिला मईहाँ ऊ समय मा कऊनौ पत्रपत्रिका नाय रहय । ई बात का मनन करिकय २०१६ साल मा मात्रभूमि हिन्दी साप्ताहिक पत्रिका वैद्य जी दर्ता कराईन रहय । ई मेर वैद्य जी बाँके जिलामा पत्रकारिता कय निउ डालयक काम किहिन रहय । नेपालगंजमा ऊ ई पत्रिका कय प्रधान सम्पादक बन कय काम किहिन । १९९३ साल मा नारायण हाई स्कूल कय स्थापना अऊर ऊ कय बाद सरस्वती विद्यालय आऊर प्रेम पुस्तकालय ‘महेन्द्र पुस्तकालय’ जईस संस्था कय स्थापना उन्ही कय प्रेरणा अऊर सहयोग से भवा रहय । वैद्य जी कुछ दिन तक नारायण माध्यमिक विद्यालय मा अध्यापन जईस काम किहिन । १९९८ मा नेपाल राज्य प्रज्ञा सम्मेलन कय स्थापना करिकय हिंया राजनीतिक चेतन...

२०७७ फागुन २० गते – सन्ध्या शर्मा (चौबे) खाल अऊर त्वचा कय सुन्दरतम चमक लावयक अऊर खाल त्वचा सम्बन्धी समस्या से पिछा छोडवयक सब से अच्छा विश्वसनीय घरेलु सौन्दर्य उपायका माना जात हय ।सफल अऊर सुलभ अपनावय मईहाँ सहज अऊर कम समय मईहाँ तयार होयवाला घरेलु सौन्दर्य नुस्खा जिका हम सभय घर कय चौका रसोई घर से तयार कय सकेम बहुत सहज नुस्खा लुकान रहत हय । साथेन चेहरन कय खालन कईहाँ कउनव नुक्सान (साईड इफेक्ट) से भी हम सब कोई निरधक होई कय कउनव डेर भी नाई रहत हय । पाठक लोग अगर आप सभय आपन सुन्दरता कईहाँ लम्बा समय तक जवान ताजगी रक्खेक चाहा जावा जात हय तौ घरेलु नुस्खा आप हम सब लोगन के खातिर बरदान कय रुप होई सकत हय ।पाठक वर्ग खास कइके महिलन कय बारे मईहाँ ई नुस्खा कय जाद महत्व रहत हय । सौन्दर्य सम्बन्धी बातन कय काहे के महिला के सौन्दर्य श्रृंगार के बरदान मिला हय हर महिलन का १६ श्रृंगार कय अनुभव रहत हय ले...

फागुन १६ गते, आईतबारआज से लगभग ६१–६२ बरस पहिले कय ई बात होय जिका हम हियाँ एक लघु कहानी कय रुप मईहाँ प्रस्तुत करयक चाहित हँय ।विक्रम सम्वत २०१२–०१३ साल कय आस पास कय जेष्ठ–आषाद कय महिना होय । ऊ साल सायद सुखा परय तना भवा रहय । काफी लम्बे समय से पानी नाय गिरा रहय । चारऊ तरफ ताल–तलैया सब सूखि गए रहय । हमरे ई नेपालगंज कय रानी तलऊवा भी सूखि गवा रहय । हमरे साथे खेलैय वाले तमाम साथी रहय । जिन कय साथ हमहू लोग ईधर उधर खेलै चले जावा जात रहय । बाल काल कय साथी मईहाँ बदलू धोबी, अख्तर अली, सुरेश कुमार, बाबूलाल, फैयाज, नारायण गोपाल क्षेत्री, हैदर जईसे प्रमुख रहय । ई मईहाँ कुल हम जोली रहय तव कुछ हम लोगन से ३–४ बरस तक छोट रहय ।एक दिन कय बात होय हम अउर बदलू दूनौ जने अउर साथी लरिकेन कय साथ अपने घर कय पिछुवारे गड्हा मईहाँ खेलय गवा गा । ई गड्हा ऊ साल सुखाय गवा रहय । तब से आज तलक ई गड्हा पूरा कबहुँ सुखान नाई हय ।...

फागुन १६ गते, आईतबारयहय चईत १६ गते हम आर्यन लोगन कय महान परव होली आवय वाला हय । होली कय बात होय अऊर हमरे बाबा स्व. मोहनलाल वैश्य अउर हमरे बप्पा स्व. रामगोपाल वैश्य कय जिकिर नहोय अईस तो होइन नाय सकत हय ।ई नेपालगंज नगरीया मईहाँ होली खेलय कय इतिहास बहुतय पुरान हय । ई नगर कय त्रिभुवन चऊक मईहाँ खेलय वाला होली तो देशै भरए मईहाँ प्रसिद्ध हय । पचासन साल पहिलय त्रिभुवन चऊक कय पच्छु तर्फ घी पिघलावै वाला बहुतय वडा लोहे कय कढाव रक्खा रहय । होली मईहाँ यही कढाव मईहाँ खुब गाढा लाल रंग घोरा जात रहय । ई रंगीन पानी मईहाँ होली खेलय वालेन कईहाँ बोर दिहा जात रहय । हियाँ धमार गावय वाले लोग जुटत रहेंय । होली कय गीतन से बसन्त कय ऋतु मईहाँ निखार आए जावा करत रहय । जईसन होली नकचियाय २ महिना पहिलेन से होली कय हुडदंगी लोग ठऊर ठऊर से लकडी चोराय के लावंय अऊर ऊ लकडी का होलिका जलावय वाले ठऊर मईहाँ जमा करतय जात रहय...

आज से चालिस–पचास वर्ष पहिले अवधी समाज मइहाँ गंगा दशहरा से लइकै भादौं मासान्त तक पुरुष वर्ग वालक से लइकै वयस्यक तक के लोगन के बीच अखाडा मइहाँ कूदै औ कुश्ती लडै कय प्रतियोगिता होत रहय, डंड–वैठक, मग्दर भाँजै, लाठी चलावै, अखाडा कूदब जस कसरतै करैक चलन रहय । गाउँ– घर कय बिटिया– बहुरिया झलुवा – झूलत रहीं । यी अवसर मइहाँ झलुवा झूलैं वाली मेंहरुवै “कजरी” ‘सावन’ बारह मासा जस लोक गीत गवति रहीं अउर पुरुष वर्ग “वीरगाथा महाकाव्य” कय रचना ढोलक–मँजीरा के साथ सुनावत रहें । यी काव्य एकल एवं सामूहिक दूनौ तरह से क्षेत्र–क्षेत्र कय अनुसार गावैक चलन रहा । वर्षत मइहाँ कौनव व्यापार– धंधा होत नाय रहय, तब आदमी लोग खाली रहत रहँय वही समय मइहाँ का रहैं अतः सोमवार कय दिन भगवान शंकर कय ब्रत–पूजन–हवन, कीर्तन करत रहें अउर वाँकी दिनन मइहाँ एक्कठै होइकै आल्हा गावैं औ सुनैक खातिर वडा इच्छा करत रहँय । अव यी “आल्हा” वास...

– ‘विद्रोही’ नेपाल कय पत्रकारिता कय जब जिकिर किहा जाई बाँके जिला कय नाम दुसर तिसर स्थान मईहाँ ई जरुर आवत हय । हिंया वि.सं. २०११ साल से पत्रकारिता कय निऊ डाला गवा रहय । वि.सं. २०११ साल मईहाँ स्व. महावीर प्रसाद गुप्ता कय साप्ताहिक नयाँ सन्देश पहिल पत्रिका निकलारहय । मूला ई पत्रिका सरकारी मान्यता से नाय निकला रहय । प्रज्ञा परिषद कय आर्थिक सहयोग मईहाँ भारत कय उत्तर प्रदेश कय राजधानी लखनऊ जऊन कि नेपालगंज से १९० किलोमिटर दुरी पर हय, हुँवा से ई पत्रिका छपी कय आवत रहय । ई पत्रिका १ वरस तक निकला बाद मईहाँ पईसा कय कभी कय कारण बन्द हुई गवा । इके बाद मईहाँ २०१२ साल मईहाँ बब्रुबाहन सिंह अऊर अनिरुद प्रसाद सिंह कय सम्पादन मईहाँ मंगल ज्योति नाम कय पत्रिका मुखपत्र मंगलप्रसाद माध्यमिक विद्यालय निकालिस । ई पत्रिका कय १ अंक सिरिफ प्रकाशित भवा । ईके ठिक ५ साल बाद २०१६ साल मईहाँ प० स्व. योगेश्वर प्रसाद मिश्र...