समाज

नेपालगन्ज, ३१ भाद्र – बाँकेमा दुई दिने निषेधाज्ञा र जोर विजोरमा सवारी चलाउनुपर्ने नियम हटाइएको छ । जिल्ला प्रशासन कार्यालय बाँकेमा बुधबार बसेको जिल्ला कोभिड–१९ संकट व्यवस्थापन केन्द्रको बैठकले हप्ताको शुक्रबार र शनिबार लाग्दै आएको निषेधाज्ञा हटाउने निर्णय गरेको निमित्त प्रमुख जिल्ला अधिकारी हरी प्याकुरेलले बताउनुभयो ।बाँकेमा यसअघि जारी भएको जोर विजोरमा सवारी साधन सञ्चालन गरिने निर्णय समेत हटाइएको छ ।...

नेपालगन्ज, ३१ भाद्र – जिल्लाका विभिन्न आईसोलेसनमा रहेका ५ महिलासहित १० जना निको भएर घर फर्किने भएका छन् ।भाद्र १७ गते कोरोना संक्रमित देखिएका उनीहरु आज बुधबार डिस्चार्ज भई घर फर्किने भएको स्वास्थ्य कार्यालय, बाँकेका फोकल पर्सन नरेशबाबु श्रेष्ठले बताउनुभयो । हालसम्म बाँके जिल्लामा १ हजार ५ सय १२ जना कोरोना संक्रमित देखिएकोमा उपचारपछि १ हजार ८८ जना डिस्चार्ज भई घर फर्किसकेका छन् भने विभिन्न आईसोलेसनमा ४ सय १६ जना रहेको फोकलपर्सन श्रेष्ठले बताउनुभयो ।उहाँले बाँकेमा बिरामी निको हुने प्रतिशत ७१.९६ रहेको छ भने बिरामी मृत्यु दर ०.५३ प्रतिशत रहेको बताउँदै बाँकेमा रोग प्रकोप दर ०.२५ प्रतिशत मात्र रहेको बताउनुभयो । यसअघि ४ महिलासहित ८ जनाको मृत्यु भईसकेको समेत बताउनुभयो ।...

राप्तीसोनारी, ३० भाद्र– कोरोनाको महामहारीले देश संकटमा परेकाे बेला राप्तीसोनारी गाउँपालिका प्रमुख प्रशासकीय अधिकृत दलबहादुर बस्नेतको गाडी मोह देखिएको छ । कोरोना भाइरस (कोभिड–१९) को महामारीका बेला जोखिम व्यवस्थापन कम गर्न रकम अभाव भइरहेको बेला राप्तीसोनारी गाउँपालिकाका प्रमुख प्रशासकीय अधिकृत बस्नेतले स्कार्पियो गाडी खरिद गरेका छन् । महामारीका बेला अधिकृत बस्नेतले गाडी खरिद गरेपछि राप्तीसोनारी गाउँपालिका स्थानीयलगायत जनप्रतिनिधि समेत रुष्ट बनेका छन् । ४४ लाख ९५ हजार रुपैयाँ परेको उक्त गाडी भुसाल इन्टरनेशनल नेपालगन्जबाट खरिद भएको जिन्सी शाखाका महेन्द्र खड्काले बताए ।गाडी खरिदका लागी गाउँपालिका बोर्ड बैठकबाट पारित गराउनु पर्ने भए पनि प्रशासकीय अधिकृत बस्नेतले जनप्रतिनिधिलाई थाहै नदिई गाडी किनेको आरोप लागेको छ । ठूलो रकम खर्च गर्दा अनिवार्य रूपमा बोर्ड बैठकबाट पास गराउनु पर्छ । असार मसा...

नेपालगन्ज, ३० भाद्र – विद्युत चोरीको आरोप खेपिरहेका पुर्व मिटर रिडर नेपालगन्ज उपमहानगरपालीकाका वडा नंं. १० का उदयबहादुर सिंह श्रेष्ठले बाँकेका १८ जना पत्रकारलाई समाचार सम्प्रेशण गरे कै कारण धम्काएका छन् । भदौ २४ गतेका नेपाल विद्युत प्राधिकरण नेपालगन्ज वितरण शाखाले नेपालगन्ज उपमहानगरपालिका वडा नंं. १० बिपीचोक नजिकै रहेको श्रेष्ठको घरमा छापामारेको थियो । सो क्रममा कृषि मिटर जडान गरी विद्युत चोरी गरेको फेला पारेको थियो । प्राधिकरणले सोही विषयमा तीन दिने म्याद सहित विद्युतमा उपस्थिती हुन पत्र काटेको छ । विद्युतले घरमा छापामारी कृषि मिटर र व्यवसायीक मिटरको दुरुपयोग गरेको पाइएको भन्दै विद्युत लाइन काटेर मिटरहरु आफ्नो नियन्त्रणमा लिएको थियो । औषत मासिक खपत १०६९ यूनिट खपत देखिएको र कृषि कार्यमा उक्त मिटर प्रयोग गरेको नपाइएकोले कृषि मिटरको दुरुपयोग गरेको प्राधिकरणको ठहर थियो ।सोही सम्बन्धी स...

२१औं शताब्दी आधुनिकीकरणको युग, जहाँ बाँच्नको लागि टेक्नोलोजी महत्त्वपूर्ण भएको छ । हामी सबैको डिजिटल ग्याजेट जस्तैः फोन, ल्यापटप र कम्प्युटर, ट्याबलेट, इ–रिडरहरू आदि छन्, जहाँ हामी हाम्रो आँखा ख्याल नगरी सबै सुविधाहरू खपत गर्छौं । डिजिटल स्क्रिनमा आँखाको अत्यधिक एक्सपोजरको कारण, यसले आँखामा विभिन्न जटिलता जस्तैः सुक्खा र जलन पु¥याउन सक्छ । आज हामी डिजिटल उपकरण र सुख्खा आँखाको बारेमा छलफल गर्नेछौं । निकिता थापा छोटो परिचयआँसु आँखाका लागि महत्वपूर्ण छ किनभने यसले आँखा स्वस्थ राख्नुका साथै आँखालाई स्पष्ट दृष्टि तथा स्नेह प्रदान गर्छ । आँखा झिम्काउनु अर्थात् ब्लिंकिङ आँखाको लागि निकै महत्वपूर्ण छ, किनकि जब हामी आँखा झिम्क्याउँछौं, आँखाको आगाडि भएको आँसुको लेयर, आँखामा फैलिन्छ जसले आँखालाई चिल्लो र साफा सतह प्रदान गर्छ ।सुख्खा आँखा ः यो यस्तो अवस्था हो, जहाँ आँसु आँखालाई लुब्रिकेट गर्न र ...

हालै राष्ट्रिय वाणिज्य बैंकको अध्यक्ष नियुक्तिको सन्दर्भ विवादमा आयो । अढाई दशकदेखि विभिन्न सार्वजनिक पदमा रहँदै आएका नेताको नातेदार व्यक्ति उक्त पदका लागि सबभन्दा योग्य हुन वा नहुन सक्ने दुवै अवस्था थियो । – शंकरप्रसाद अधिकारी स्वतन्त्र, निष्पक्ष र पारदर्शी विधि तथा संयन्त्रले योग्यता परीक्षण गर्ने पद्धति नहुँदा योग्यता परीक्षण हुन पाएन । यदि उनी सबभन्दा योग्य थिए भने विवादले उनलाई निश्चय पनि अन्याय भयो ।पद्धति हुन्थ्यो भने न्यूनतम योग्यता र अनुभवसहित दरखास्त दिन सार्वजनिक सूचना जारी हुन्थ्यो । त्यस्तो योग्यता र अनुभव भएका इच्छुकले दरखास्त दिन्थे । योग्यता परीक्षणका लागि लिखित वा व्यवसायिक योजनाको प्रस्तुति वा अन्तर्वार्तामध्ये सबै वा कुनै विधिबाट योग्यता परीक्षण हुन्थ्यो । त्यस्तो परीक्षणले सबभन्दा योग्यको नाम सिफारिस गर्थ्यो । यसरी परीक्षणबाट सर्वोत्कृष्ट भएको व्यक्ति जुनसुकै नेता...

नेपालगन्ज, ३० भाद्र – समाज जागरण साप्ताहिक र सत्यमखबर अनलाईनका कानुनी सल्लाहकार अधिवक्ता पूर्णप्रसाद ढकाल कोरोना संक्रमित भएका छन् । विगत ४ दिनदेखि उनी भेरी अस्पतालद्वारा सञ्चालित कोरोना अस्पतालमा भर्ना रहेका छन् ।भेरी अस्पतालबाट अधिवक्ता ढकाल भन्छन्– ‘कोरोना भनेको केही होइन, हामी आफै सर्तक हुनुपर्छ, कोरोना बिरामीले चिसो खानु हुँदैन, डाक्टरले भने अनुसारको औषधी लिनुपर्छ, सर्तकता अपनाईयो भने घर मै सञ्चो भई कोरोनालाई मात दिन सकिन्छ ।’ भेरी अस्पतालको कोरोना वार्ड । तस्वीरः अधिवक्ता पूर्णप्रसाद ढकाल उनी अगाडी भन्छन्– ‘भेरी अस्पतालले सञ्चालन गरेको कोरोना अस्पतालमा सबै सुविधा राम्रो रहेको छ, समयमा तातो–तातो खाना, नास्ता पाईन्छ, आवश्यक परेको बेला औषधी उपलब्ध गराईन्छ, बाहिर भएको थ्रि स्टार होटल भन्दा कम छैन भेरी अस्पतालको कोरोना वार्ड ।’कोरोना भन्ने बित्तिकै त्रसित हुने सामाजिक परिवेस भएका बे...

नेपालगन्ज, ३० भाद्र – बाँकेमा मंगलवार पत्रकार, डाक्टर, प्रहरी र बैंक कर्मचारीसहित १८ महिला र २४ पुरुष गरी जम्मा ४२ जना डिस्चार्ज भएका छन् । नेपालगन्जको विभिन्न आईसोलुसनमा रहेका कोरोना संक्रमितहरु आज मंगलबार संक्रमण मुक्त भई घर फर्किने जिल्ला स्वास्थ्य कार्यालय बाँकेका कोरोना फोकलपर्सन नरेश श्रेष्ठले जानकारी गराउनुभयो । उनीहरु सबैलाई भदौ १६ गते कोरोना भाइरस संक्रमण पुष्टि भएको थियो । योसँगै बाँकेमा डिस्चार्ज हुनेको संख्या १ हजार ७८ पुगेको छ । तथ्यांकका हिसावले हेर्ने हो भने बाँकेमा निको हुने दर ७३.३८ प्रतिशत रहेको छ भने बिरामी मृत्युदर ०.५४ प्रतिशत तथा बाँकेको रोग प्रकोप दर ०.२४ रहेको छ ।जिल्लाका विभिन्न आइसोलेसनमा हाल पनि ३ सय ८६ जना बसिरहेका छन् । बाँकेमा कोरोना संक्रमितको संख्या १ हजार ४ सय ६९ पुग्दा ४ महिलासहित ८ जनाको भने मृत्यु भईसकेको छ ।...

काठमाण्डौ, २९ भाद्र – १ लाख रुपैयाँको लागि कोरोना बीमा गरेकाले अब २५ हजार रुपैयाँ मात्रै पाउने भएका छन् । व्यक्तिगत रुपमा ६ सय रुपैयाँ शुल्क र पारिवारिक रुपमा ३ सय रुपैयाँ शुल्क बुझाएर १ लाखको बीमा गर्नेले अब कोरोना पुष्टिपछि २५ हजार रुपैयाँ नगद पाउने छन् । बीमा समितिका सूचना अधिकृत निर्मल अधिकारीका अनुसार ५० हजारको बीमा गर्नेले पनि कोरोना पुष्टिपछि २५ प्रतिशत मात्रै अर्थात १२ हजार ५ सय पाउने छन् । आजदेखि लागू हुनेगरी कोरोना बीमाको मापदण्ड संशोधन गर्दै समितिले कोरोना पुष्टिपछि २५ हजार रुपैयाँ र त्यसपछि औषधि उपचारका लागि हुने खर्च बिल भर्पाईका आधारमा मात्रै दिने भएको हो । ‘पिसिआर पोजेटिभ रिपोर्ट आउनेवित्तिकै २५ प्रतिशत भुक्तानी दिइन्छ, बाँकी ७५ प्रतिशतसम्म रकम औषधि उपचारमा भएको खर्चको बिल बराबरको भुक्तानी दिइनेछ’ अधिकारीले सेतोपाटीसँग भने । तर संक्रमित घरमा वा होटलमा बसेक...

नेपालगन्ज, २९ भाद्र – नेपालगन्ज उपमहानगरपालिका भित्र हाल बटुवाहरुको ब्यङ्ग्य खेल नै शुरु भएको पाईन्छ । कहिले वडा नं. ७ का वडाअध्यक्ष जुम्मन खाँ, त कहिले वडा नं. २ का वडाअध्यक्ष सुनिलसिंह हमाल । आईतबार राती परेको वर्षामा वडा नं. ७ को अधिकांश स्थानमा जलमग्न, अध्यक्ष खाँद्वारा गरिएको ९० प्रतिशत विकासको अनुभूति गर्दै वडाबासीहरु । हाल दुईजना प्रतिनिधिहरुले गरेको काम त देखिन्छ तर गुनासोको पोका बाहेक केही देखिन्न भनी उन कै वडाबासीहरुको आरोप रहेको पाईन्छ ।सोमबार बिहान न्यूरोड पश्चिमदेखि स्टार लजसम्मका व्यापारी र घरबेटी समेत गरी करीब १७–१८ जनाको टोली वडा नं. २ को वडा कार्यालयमा गई वडाअध्यक्ष हमाललाई समस्या समाधानको अनुरोध गरेका छन् । वडा नं. २ मा आज सोमबार गरिएको गिलो माटोमा फसेको मोटरसाईकल, तस्वीर सत्यमखबर विकासप्रेमी वडाअध्यक्ष तुरुन्त एक्सनमा आई आजै समस्या समाधान गर्न सबैलाई आश्वासन ...