आस्था

नेपालगन्ज, १८ अषाढ – बालबालिकाहरुको भविष्य निर्माणमा अभिभावकको भुमिकालाई प्रभावकारी बनाउन नेपालगन्जमा अभिभावक सचेतना कार्यशाला गरिएको छ ।नेपालगन्ज उपमहानगरपालिका १० नं. वडा कार्यालयको सहयोगमा सूचना र मानवअधिकार अनुसन्धान केन्द्रले आज शुक्रबार आयोजना गरेको कार्यशालामा बालबालिकाको शिक्षा, ज्ञान सिकाउनमा अभिभावकको जिम्मेवारी र भुमिकाका बारेमा जानकारी गराइएको थियो । कार्यशालामा बालबालिकाको शिक्षा, विद्यालय, घरभित्रको बाताबरण, अभिभावकको समय व्यवस्थापन, जिम्मेवारी तथा दायित्व, बालमनोविज्ञान, विभिन्न कुलतमा फस्नबाट बचाउन, सकरात्मक सोचको विकासतर्फ उत्प्रेरित गर्ने लगायतका विषयमा सिविन नेपालगन्ज प्रमुख सिद्धराज पनेरु, शिक्षा विज्ञ कृष्णमुरारी प्रसाद भट्ट र पत्रकार शुक्रऋषि चौलागाईले सहजीकरण गर्नुभएको थियो । कार्यक्रममा कार्यबाहक वडाध्यक्ष नरबहादुर विष्ट, कार्यपालिका सदस्य बसन्ता जोशी,...

नेपालगन्ज, १८ अषाढ – शम्सेरगन्ज बाँके शिवशक्ति मावि पिडारीमा एकदिने निःशुल्क स्वास्थ्य शिविर सञ्चालन गरी ३ सय ४९ जनाको निःशुल्क स्वास्थ्य जाँच गरिएको छ । जसमा महिला १ सय ५७ जना र पुरुष १ सय ९२ जना रहेका थिए । निःशुल्क आयुर्वेद तथा बैकल्पिक चिकित्सा स्वास्थ्य शिविर प्रदेश सरकार लुम्बिनी प्रदेश स्वास्थ्य तथा जनसंख्या मन्त्रालय आयुर्वेद स्वास्थ्य निर्देशनालय बाँके आयुर्वेद स्वास्थ्य केन्द्रद्वारा आयोजित एक दिने निःशुल्क स्वास्थ्य शिविरमा ३ सय ५ जनाको निःशुल्क स्वास्थ्य जाँच गरिएको छ । निःशुल्क स्वास्थ्य शिविरमा बोल्दै बाँके आयुर्वेद स्वास्थ्य केन्द्र विकास समितिका अध्यक्ष जनकराम भण्डारीले आयुर्वेद औषधिको महत्वको बारेमा जानकारी गराउँदै आयुर्वेदी औषधि नियमित सेवन गर्न आग्रह गर्नुभयो ।बाँके आयुर्वेद स्वास्थ्य केन्द्र अस्पताल विकास समितिका सदस्य अछरी पोखरलले शिविरमा जाँच गरी प्राप्त...

प्रहलाद विश्वकर्मानेपालगन्ज, १८ अषाढ – कोभिड–१९ महामारीको तेश्रो लहरको पूर्वतयारी गर्ने क्रममा नेपाल रेडक्रस सोसाइटी बाँके शाखाले भेरी अस्पताल नेपालगन्जलाई स्वास्थ्य सुरक्षा सामग्री शुक्रवार हस्तान्तरण गरेको छ ।जिल्ला कोभिड व्यवस्थापन समितिका अध्यक्ष एवं प्रमुख जिल्ला अधिकारी शिवराम गेलाल मार्फत नेपाल रेडक्रस सोसाइटी बाँके शाखाका सभापति गोवर्धन सिंह सम्झनाले भेरी अस्पतालका मेडिकल सुपरिटेन्ट डा. प्रकाशबहादुर थापालाई संयुक्तरुपमा हस्तान्तरण गर्नु भएको छ । हस्तान्तण गरिएको सामग्रीहरुमा स्वाचलित सेनिटाइजर मेसिन २ थान, पी.पी.इ. ३५५ सेट र सेनिटाइजर ५ लिटरको ११३ जार गरी रु. ६ लाख ९४ हजार ३ सय ७५ बराबरको सामग्री रहेको छ । हस्तान्तरणका क्रममा प्र.जि.अ. गेलालले जहाँ दुःख त्यहाँ रेडक्रस भन्ने भावनाबाट देश विदेशमा मानवीय सेवा गर्दै आएको स्मरण गर्दै बाँके रेडक्रसको योगदान उल्लेखनीय रहेको ...

खजुरा, १६ अषाढ - खजुरा गाउँपालिका बाँकेकाे आयाेजनामा धान दिवसकाे अवसर पारी किसानहरूलाई प्राेत्साहन गर्न पुरस्कार वितरण गरिएकाे छ । खजुरा गाउँपालिका कृषि शाखाको आयोजनामा खजुरा गापाका प्रमुख प्रसाशाकीय अधिकृत मणिराम खरालको अध्यक्षतामा असार १५ गते मंगलबार धान दिवसका दिन किसानहरुलाई प्रोत्साहन गर्न बढी अन्न तथा तरकारी उत्पादन प्रतियोगिताका कृषकहरुलाई पुरस्कार वितरण कार्य सम्पन्न गरिएकाे बिनय यादवले बताए । किसान प्रतियाेगिता बारे कृषि शाखा कार्यालय खजुराले प्रकाशन गरेको सुचनाको आधारमा स्थानीय तहको सिफारिस सहित भरेको निबेदन फारम शाखामा दर्ता भए पश्चात प्राबिधिकहरु खेत खेतमा गई वडा सदस्यहरूको रोहबरमा बालि नमुना फरक फरक पलटबात १¬¬२ मिटरको दरले संकलन गरि बाली चुटेरा प्रत्येक पटकको बाली अलग अलग तौल गरिएको थियो र बाली प्रतियोगितामा भाग लिना धान, गहुँ, दलहन मसुरो, टमाटर, च्याउ र आलु बालीहरुलाई प...

नेपालगन्ज, १६ अषाढ – रोट्रयाक्ट क्लब अफ धरान घोपाले आफ्नो १८ औं चार्टर्ड डे सेलिब्रेशन तथा स्थापना समारोह अषाढ १५ गते मंगलबार प्राविधिको उपयोग गर्दै भर्चुअल सफलतापूर्वक सम्पन्न गरेको छ ।हाल कोभिड–१९ कोरोना भाईरसले थल परेको अवस्थामा प्राविधिको भरपुर उपयोग गरी क्लब तथा आमन्त्रित गरी करिब ६० जनाको उपस्थितिका साथ कार्यक्रम सञ्चालन गरिएको थियो । भर्चुअल समारोहमा रोटरी कल्ब अफ धरान घोपाका २०÷२१ र २१÷२२ का अध्यक्ष राजेश अग्रवाल, तुलसीप्रसाद जोसी तथा विभिन्न रोट्रयाक्ट क्लबका प्रतिनिधिहरु, ईन्ट्रयाक्टरहरु तथा मिडिया पार्टनरहरुको सहभागिता रहेको बताईएको छ । कार्यक्रम क्लबका सर्जेन्ट आर्टआर्म सिमोन कार्कीद्वारा सुरु गरिएको कार्यक्रम रितिकराज पासवानले होस्ट गरेर कार्यक्रमलाई निरन्तरता प्रदान गरेका थिए । क्लबकी अध्यक्ष रसमिता सुनुवारको स्वागत मन्तव्य सहित क्लबका सचिव सुरज साहले क्लबले १ वर्षभरी ...

नेपालगन्ज, १६ अषाढ - शिक्षकहरुलाई पनि कोरोना विरुद्धको खोप अविलम्ब लगाइनु पर्ने माग गर्दै नेपाल शिक्षक महासंघ नेपालगन्ज नगर समितिले ज्ञापन पत्र बुझाएको छ । नेपालगन्ज उपमहानगरपालिका प्रमुख डा.धवल शमसेर राणा समक्ष मंगलबार नगर क्षेत्र भित्रका शिक्षक तथा उमेर पुगेका विद्यार्थीहरुलाई पनि कोरोना विरुद्धको खोपको व्यवस्था गराउन मागसहित उक्त ज्ञापन पत्र बुझाएको हो । कोरोनाको बढ्दो जोखिममा शिक्षक लगातार रहदै आएकोले पेशागत दायित्व निर्वहनमा खोपले थप बल पुग्ने बताउँदै शिक्षकहरुलाई अविलम्ब खोपको व्यवस्थाको माग गरिएको जनाइएको छ । नगर अध्यक्ष मनोजराजा श्रीवास्तव तथा सचिव केशवराज शर्माको संयुक्त रुपमा हस्ताक्षरित उक्त ज्ञापनपत्र बुझाउँदै सो अवसरमा महासंघ केन्द्रिय सदस्यद्वय द्रोण वली, गणेशा कार्की, प्रदेश सदस्य मीना चन्द, नेपाल शिक्षक परिषद बाँके अध्यक्ष बृजेशबहादुर सिंह, नगरसमितिका पदाधिकारी तथा सद...

काेहलपुर, १५ अषाढ - कोरोना प्रभावित अति बिपन्न परिवारलाई रुम टु रिडले खाद्यान्न तथा स्वास्थ्य सामाग्री सहयोग गरेको छ । कोहलपुर नगरपालिकाको समन्वयमा खाद्यान्न तथा स्वास्थ्य सामाग्री सहयोग कार्यक्रमअन्तर्गत रुम टु रिडले सो सामाग्री सहयोग गरेको हो । मंगलबार एक कार्यक्रमका बीच कोहलपुर नगरपालिकाका शिक्षा प्रमुख अनन्तकुमार पौड्याल, रुम टु रिडका बरिष्ठ लेखा तथा प्रशासन सहायक शिवराज आचार्य, कार्यक्रम सहायक बसन्ती शाही लगायतले सो सामाग्री हस्तान्तरण गर्नुभएको थियो । कोहलपुर नगरपालिकाका विभिन्न वडामा रहेका अति विपन्न २९ घरपरिवारलाई सो सामाग्री सहयोग गरिएको रुम टु रिडका बरिष्ठ लेखा तथा प्रशासन सहायक आचार्यले बताउनुभयो । मंगलबार नै बैजनाथ गाँउपालिकाका १६ र राप्तीसोनारी ढकेरीका १० जना अति बिपन्न घरपरिवारलाई पनि सो सामाग्री सहयोग गरिएको आचार्यले जानकारी दिनुभयो । वितरण गरिएको सामाग्रीमा प्रत्ये...

अजय मिश्रकृष्णनगर, १५ अषाढ - कपिलवस्तु जिल्लाको कृष्णनगर नगरपालिकाले एक कार्यक्रम गरि १८ औं राष्ट्रीय धान दिवस मनाएको छ । कृष्णनगर नगरपालिका कृषि शाखाको आयोजना तथा श्री गणेश बहुउद्देशीय कृषक समुहको सहयोगमा धान उत्पादनमा बृद्धि खाद्य सुरक्षा आत्म निर्भता र समृद्धि नाराका साथ १८ औं धान दिवस तथा रोपाई महोत्सव मनाएको छ । उक्त कार्यक्रमका प्रमुख अतिथि कृष्णनगर नगरपालिकाका नगर प्रमुख रजत प्रताप शाहले कार्यक्रमको उद्धघाटन गर्नुभयो । प्रमुख अतिथि, कृष्णनगर नगरपालिका प्रमुख प्रशासकीय अधिकृत विजयकुमार कार्की, कृष्णनगर नगरपालिकामा कृषि शाखा प्रमुख चन्द्रराम चौधरी, वडाध्यक्षहरू, कर्मचारी, किसान लगायतको उपस्थितमा खेतमा रोपाई गरिएको छ । रोपाई पश्चात दही च्यूरा खाएर धान दिवस मनाएको छ। कार्यक्रम सञ्चालन कृषि शाखा कृष्णनगरका अधिकृत सुदिपकुमार मोर्यले गर्नुभयो । प्रत्येक वर्षको असार १५ गते खेतमा का...

राप्तीसोनारी, १४ अषाढ – राप्तीसोनारी–५ स्थित राप्ती पीडित सामुदायिक वनमा आज सोमबार राष्ट्रिय वृक्षारोपण दिवश मनाएको छ । जिल्ला वन बाँकेको आयोजनामा एक कार्यक्रम गरी विभिन्न जातका विरुवाहरु समेत वृक्षारोपण गरिएको थियो । जिल्ला वनले ७ हेक्टर क्षेत्रमा तारबार कम्पाउण्ड लगाएर बिरुवा लगाएको छ । जिल्ला डिभिजन वन कार्यालयका डिएफओ राजु क्षेत्री, बर्दिया राष्ट्रिय निकुञ्जका वाडेन श्यामकुमार शाह, वनका कर्मचारी, सामुदायिक वनका पदाधिकारी, ड द्यष्ििष्यल तचभभकका हेमन्तराज काफ्ले तथा गाउँलेको सहभागीतामा एक कार्यक्रम गरी वृक्षा रोपण गरिएको थियो । ५ हेक्टर क्षेत्रमा ८ हजार बिरुवा लगाउने भएको कुरा डिएफओ क्षेत्रीले बताएका थिए । त्यो वन क्षेत्र अतिक्रमणमा परेको र वन भित्र आधा दर्जन घर टहरा बनेको थाहा पाए पछि तिनी अतिक्रमण गरेकालाई हटाई त्यही क्षेत्रमा बिरुवा लगाईयो । डिएफओले आज राष्ट्रिय ब...

दुख हरण यादवगढवा, १४ अषाढ – रोटरी क्लब अफ लमहिले गढवा स्वास्थ्य केन्द्रलाई अक्सिजन कन्सन्ट्रेटर सहयोग गरेको छ ।रोटरी क्लब अफ लमहिका अध्यक्ष रविलाल आचार्यको सभापतित्व र गढवा गाउपालिका वडा नं ६ का अध्यक्ष तथा अस्पताल ब्यबस्थापन समितीका अध्यक्ष बाल चन्द्र हमालको प्रमुख आतिथ्यमा भएको सहयोग हस्तान्तरण कार्यक्रममा रोटरी क्लब अफ लमहिले कोरोना महामारीको दोस्रो लहरमा अक्सिजनको अभावले कसैको ज्यान न जाओस भन्ने उद्देश्यले सहयोग गरेको कुरामा बक्ताहरुले जोड दिएका थिए । कोरोना महामारीको समय ग्रामिण बस्तीका बिरामी तथा संक्रमितहरुलाई स्थानिय स्तरमै सर्वसुलभ सेवा प्रदान गर्ने सक्ने उद्देश्यले गढवा स्वास्थ्य चौकीलाई लगभग १ लाख २० हजार मूल्य बराबरको १ थान अक्सिजन कन्सन्ट्रेटर सहयोग गरिएको रोटरी क्लब अफ लमहीका अध्यक्ष रबिलाल आचार्यले बताउनुभयो । रोटरी क्लब अफ लमहीले सामाजिक उत्तरदायित्व बहन गर्दै...