अपराध

नेपालगन्ज, २८ असोज – विजयादशमीको रात हत्या गरिएका बाँके कोहलपुर नगरपालिका – ८ पिपिरीका ४० वर्षीय चन्द्रबहादुर कामीको टाउको सेप्टिक ट्याङकी भित्र फेला परेको छ । जिल्ला प्रहरी कार्यालय बाँकेका प्रमुख एसपी तुलबहादुर कार्कीका अनुसार चन्द्रबहादुरको काटिएको टाउको घटनास्थलबाट झन्डै ५ सय मिटर पर घरको सेप्टिक ट्यांकी भित्र फेला परेको हो । हत्यामा प्रयोग भएको हँसिया पनि सेप्टिक ट्यांकीमै भेटिएको एसपी कार्कीले जानकारी दिए । प्रारम्भिक अनुसन्धानबाट रोल्पा घर भई पिपिरीमा बहिनीको घर बस्दै आएका २७ वर्षीय अनिल परियारको संलग्नता भेटिएको अनुसन्धानमा खटिएका प्रहरीहरूले जानकारी दिए । टाउको भेटिएको सेप्टिक ट्यांकी अनिलकी बहिनी अनिताको घरको हो। अनिल भने फरार रहेको र उनको खोजी भइरहेको एसपी कार्कीले जानकारी दिए । विजयादशमीका दिन चन्द्रबहादुर र अनीलले सँगै बसेर मदिरा सेवन गरेका थिए । त्यसक्रममा उनीहरू...

काठमाण्डौ, २८ असोज – संयुक्त राष्ट्र बाल एजेन्सीका अनुसार विश्वभरी आठमध्ये एक बालिका र युवतीले बलात्कार र यौन हिंसा सहेका छन्, जसमा सबैभन्दा बढी पीडित उप(सहारा अफ्रिकामा रेकर्ड गरिएको छ। युनिसेफले बालबालिका विरुद्धको यौन हिंसा सम्बन्धी आफ्नो पहिलो विश्वव्यापी अनुमान प्रकाशित गरेको छ, द्वन्द्व र असुरक्षाले ग्रस्त उप सहारा देशहरूमा ७९ मिलियन केटीहरू बलात्कृत हुने गरेका छन । जुन संख्याको पाँच मध्ये एक १९ वर्षको उमेर नपुग्दै यौन दुर्व्यवहार वा बलात्कारको अनुभव गरेको छ। ‘यो डरलाग्दो छ,’ केन्याको नैरोबीमा रहेको युनिसेफका बाल हिंसा विशेषज्ञ नन्काली मकसुदले भने, ‘यो पुस्ताको आघात हो।’ यौन दुव्र्यवहारको आघात भोगेका केटीहरू प्रायः विद्यालयमा सिक्न असमर्थ थिए, उनले भनिन्। युनिसेफको अनुमान छ कि विश्वव्यापी रूपमा यौन हिंसाले लगभग ३७० मिलियन अर्थात ८ मध्ये एक केटी र युवतीहरूलाई असर गरेको छ।...

काठमाण्डौ, २८ असोज – भारतको महाराष्ट्रका अजित पवार नेतृत्वको राष्ट्रवादी कांग्रेस पार्टी (एनसीपी) नेता बाबा सिद्दिकीको गोली हानी हत्या गरिएको छ । शनिबार राति मुम्बईको बान्द्रा पूर्वमा उनीमाथि कैयौं राउण्ड गोली चलाइएको थियो । त्यसपछि उनलाई गम्भीर अवस्थामा लिलावती अस्पतालमा भर्ना गरिएको थियो । यस घटनाको केही समयपछि महाराष्ट्रका मुख्यमन्त्री एकनाथ शिन्देले पत्रकार सम्मेलनमा बाबा सिद्दिकीको मृत्यु भएको पुष्टि गरेका थिए । मुख्यमन्त्री शिन्देले यस घटनामा दुई जनालाई पक्राउ गरिएको र एकजना फरार रहेको बताए । पक्राउ पर्नेमा एकजना हरियाणा र एक उत्तर प्रदेशका रहेका छन् । झण्डै ४८ वर्षदेखि कांग्रेसमा रहेका बाबा सिद्दिकी यसै वर्ष फेब्रुअरीमा एनसीपी (अजित पवार गुट) मा प्रवेश गरेका थिए । बाबा सिद्दिकीले १६–१७ वर्षको उमेरदेखिनै कांग्रेसमा काम गर्न थालेका थिए । १९९२ र १९९७ मा, बाबा सिद्दीकी कांग्रेसको ...

काठमाण्डौ, २३ असोज – विमानस्थलको गोप्य जानकारी संदिग्ध चिनियाँ जासुसलाई उपलब्ध गराएको आरोपमा जर्मनीमा एक जना चिनियाँ महिला पक्राउ परेकी छिन् । जर्मन प्रहरीले लाइपजिग शहरबाट उनलाई पक्राउ गरेको हो । पक्राउ परेकी महिलाको नाम याची एक्स रहेको जर्मन प्रहरीले जनाएको छ । समाचार संस्था एपीका अनुसार उनलाई जर्मनीको गोपनियता कानुन उल्लङ्घन गरेको आरोपमा पक्राउ गरिएको हो । उनले चीनको जासुसी निकायका लागि काम गरिरहेको आशंका गरिएको छ । उनी लाइपजिगस्थित हले विमानस्थलमा लजिस्टिक सेवा उपलब्ध गराउने कम्पनीमा कार्यरत थिइन् । उक्त विमानस्थलले हवाइ यात्रु र कार्गो सेवा दिँदै आएको छ । यद्यपि उक्त विमानस्थल खासगरी कार्गो सेवाका लागि परिचित रहेको एपीले जनाएको छ । समाचारमा जनाइएअनुसार सन् २०२३ को अगस्टदेखि यस वर्षको फेब्रुअरीसम्म उनले जियान गुओ नाम गरेका व्यक्तिलाई विमानस्थलको जानकारी बारम्बार चुहाउँदै आ...

मितिः २०८१ असोज २३ गते, बुधबार बिष्णु गिरी ‘निश्चल’ नेपालमा अधिकांश बजार अनुगमन उजुरीको आधारमा हुने गरेको छ । नेपाल सरकारले हालसम्म कुन कुन वस्तु वा सेवाको मूल्य निर्धारण सम्बन्धी मापडण्ड कुन कुन निकायले तयार गर्ने भन्ने एकिन हुन नसक्दा अधिकतम मूल्य आधिकारीक तथा सही हो वा होइन भन्ने समस्या नै छ यसको कारण लाखौ उपभोत्ता ठगिको शिकार हुनु परेको छ । ठूला चार्डपर्व नजिकिएसँगै आम उपभोत्ताले थेग्न नसक्ने गरी अति आवसकिय बस्तुको मुल्य बुद्धि हुदाँ पनि सरोकारवाला निकाय मौन छ । अझ बाढि पहिरो र प्राकृतिक प्रकोपको बहानामा यातायातको असहजतालाई बहाना बनाएर बस्तु तथा सेवामा मुल्य बृद्धि हुदाँ समेत बजार अनुगमन भएको छैन । सामाजिक अभियान्ताहरुले बजारमा असोभाबिक मुल्य बृद्धि भएको छ भनि आवाज उठाउदाँ समेत सरोकारबाला निकाय मानै देखिन्छ । हालै मात्र अभियान्ता आसिका तामाङ्गले यातायातको भाडा , हवाईजहाजको भाडा खा...

काठमाण्डौ, २२ असोज – चिनियाँ सरकारसँग सम्बन्धित उच्च कुशल ह्याकरहरूको समूहले पछिल्ला केही दिनमा धेरै अमेरिकी दूरसञ्चार कम्पनीहरू ह्याक गरेको छ । अमेरिकी मिडिया रिपोर्टका अनुसार चिनियाँ ह्याकरहरूले वायरट्याप वारेन्ट अनुरोधहरूमा पहुँच प्राप्त गरेको बताइएको छ । यस ह्याकिङबाट भएको क्षतिको बारेमा अझै अनुसन्धान भइरहेको छ । चिनियाँ ह्याकरहरूले अमेरिकाका प्रमुख दूरसञ्चार कम्पनीहरू एटी एण्ड टी, भेरिजोन र लुमेन लगायत धेरै प्रमुख ब्रोडब्यान्ड र इन्टरनेट प्रदायक कम्पनीहरूलाई निशाना बनाएका छन् । चिनियाँ ह्याकरहरूको घुसपैठले सम्भावित राष्ट्रिय सुरक्षा जोखिमहरूको बारेमा अमेरिकी अधिकारीहरू बीच गम्भीर चिन्ता खडा गरेको छ । अमेरिकी टेलिकम्युनिकेसन कम्पनीहरूमा चिनियाँ ह्याकरहरूले गरेको यो साइबर हमला अत्यन्त आधुनिक र परिष्कृत भएको रिपोर्टहरूले बताएका छन् । यसले साइबर जासुसी र विभिन्न सुरक्षा मुद्दाहरू...

काठमाण्डौ, २२ असोज – कराँचीमा बम विस्फोट हुँदा दुई जना चिनियाँ नागरिक मारिएका छन् । सोमबार कराँचीको जिन्नाह अन्तर्राष्ट्रिय विमानस्थल नजिक बम विस्फोट हुँदा दुई जना चिनियाँ नागरिक मारिएको र कम्तिमा १० जना घाइते भएको बिबिसीले जनाएको छ । पाकिस्तानस्थित चिनियाँ दूतावासले घटनामा केही स्थानीय समेत मारिएको हुनसक्ने जनाएको छ । दूतावासले उक्त आक्रमणलाई आतंकवादी हमला भनेको छ । बम विस्फोट भएको स्थाननजिक चिनियाँ इन्जिनियरहरू एउटा पावर प्रोजेक्टमा काम गरिरहेको र 'आतंककारी' हरूले उनीहरूलाई निशाना बनाएको दूतावासको दाबी छ । पृथकतावादी बलोचिस्तान लिबरेसन आर्मीले विस्फोटको जिम्मा लिएको छ । सोमबार विज्ञप्ति जारी गरी बिएलएले चिनियाँ इन्जिनियर र उच्च अधिकारीहरूलाई लक्षित गरी आक्रमण गरिएको उल्लेख छ । नेपाल पाना...

नेपालगन्ज, २२ असोज – अस्वभाविक लेनदेन गरेको अभियोगमा बाँके प्रहरीले एक जनालाई पक्राउ गरेको छ । पक्राउ पर्नेमा नेपालगन्ज उपमहानगरपालिका वडा नम्वर १५ बस्ने राजेन्द्रकुमार गुप्ता रहेको जिल्ला प्रहरी कार्यालय बाँकेले जनाएको छ । लागु औषध मुद्दामा प्रहरी हिरासतमा रहेका व्यक्तिलाई छुटाइ दिन्छु भन्दै गुप्ताले तीन लाख सात हजार भारतीय रुपैयाँ लिएको प्रहरीको भनाइ छ । ‘प्रहरीको हिरासतमा रहेका व्यक्तिलाई छुटाइ दिन्छु भन्दै गुप्ताले अस्भाविक रकम लिएको पाइयो प्रहरी स्रोतले भने– ‘हिरासतमा रहेका प्रतिवादी र प्रतिवादीका परिवारले जानकारी गराएपछि उनलाई पक्राउ गरिएको हो । अनुसन्धान भइरहेको छ ।’ गुप्ताले एक लाख ५० हजार रकम भने फिर्ता गरेको बुझिाएको छ । गएको साउन १३ गते लागु औषध नियन्त्रण ब्युरो नेपालगन्ज शाखा र जिल्ला प्रहरी कार्यालयबाट खटिएको टोलिले सुर्खेत गुर्भाकोट नगरपालिका वडा नं.६ बस्ने २९ वर्षी...

नेपालगन्ज, २२ असोज – बाँके प्रहरीले ठुलो परिमाणमा लागु औषध ब्राउन सुगरसहित दुई जनालाई पक्राउ गरेको छ । नेपालगन्ज उपमहानगरपालिका–१५ जमुनाह स्थित लागु औषध नियन्त्रण ब्युरो नेपालगन्ज र जिल्ला प्रहरी कार्यालय बाँकेको संयुक्त प्रहरी टोलीले चेकजाँच गर्ने क्रममा एक सय ५० ग्राम लागु औषधसहित दुई जनालाई पक्राउ गरेको बाँके प्रहरीले जनाएको छ । पक्राउ पर्नेमा बहराईच जिल्ला जनपद नानपारा, भारतका ४४ वर्षीय सविर अहमद खान रहेका छन् । रुपैडियाबाट आउँदै गरेका खानलाई चेकजाँच गर्दा ३ प्याकेट लागु औषध ब्राउन सुगर जस्तो देखिने खैरो धुलो पदार्थ बरामद गरिएको प्रहरी स्रोतले जनाएको छ । खान संगै रहेका नेपालगन्ज उपमहानगरपालिका–४ का २५ वर्षीय बब्लु हलवाईलाई पनि नियन्त्रणमा लिएर थप अनुसन्धान भैरहेको जनाईएको छ ।...

नेपालगन्ज, १६ असोज – ९९ ग्राम लागूऔषध ब्राउन सुगरसहित २ जनालाई पक्राउ गरिएको छ । लागु औषध नियन्त्रण व्यूरो महेन्द्रनगर कञ्चनपुर, ला.औ.नि. व्युरो नेपालगन्ज तथा जिल्ला प्रहरी कार्यालय बाँकेबाट खटिएको संयुक्त प्रहरी टोलिले रुपैडिहा बस्ने राहुल शुक्ला र लालचन्द्र कामीलाई पक्राउ गरिएको छ । पक्राउ परेका लालचन्द्र कामीको घरमा खानतलासी गर्दा रुपैडिया बस्ने राहुल शुक्लाको पाईन्टको खल्तीबाट प्लाष्टिकको दुई पोकासहित तौल गर्दा १०२ ग्राम र प्लाष्टिक हटाई तौल गर्दा ९९ ग्राम लागू औषध ब्राउन सुगरसहित पक्राउ गरिएको प्रहरीले जनाएको छ । उनका साथमा लागु औषध व्राउन सुगर तौल गर्न प्रयोग गरिने डिजिटल तराजु थान–१, सहित लाल चन्द्र कामी र राहुल शुक्लालाई नियन्त्रणमा लिई कानूनी प्रक्रिया अगाडी बढाईएको जिल्ला प्रहरी कार्यालय बाँकेले जनाएको छ ।...