सूचना-प्रबिधि

नेपालगन्ज, २५ भदौ – अधिवक्ता रामकुमार दीक्षितले नेकपा एमालेबाट राजीनामा दिएका छन् । अधिवक्ता दीक्षितले एउटा विज्ञप्ती जारी गर्दै आजकै मितिबाट नेकपा एमालेको कुनै पनि पदमा नबस्ने भन्दै विज्ञप्ती जारी गर्दै राजीनामा दिएका छन् । विज्ञप्तीमा “नेपालको संविधानले ग्यारेन्टी गरेको अभिव्यक्ति स्वतन्त्रता माथि प्रतिबन्ध लगाउने गरी केही दिन अगाडी नेपाल सरकारले सामाजिक संजाललाई बन्द गर्ने गरी गरेको अदुरदर्शी एवं घातक निर्णयले व्याप्त महंगी, बेरोजगारी, भ्रष्टाचार, कुशासनले आजिज युवाहरुको आक्रोशमा घ्युको काम गर्यो र काठमाडौँ लगायत देशभरमा उर्लेको निहत्था युवाहरुको महासागरलाई नियन्त्रणको नाममा भीड नियन्त्रण गर्ने सिद्धान्त विपरित २०८२÷५÷२३ गते टाउको, निधार र छातीमा ताकी ताकी गोली हानी १९ जना सपूतको हत्या र हजारौ युवाहरुलाई घाइते बनाएको प्रति स्तव्ध हुन् स्वाभाविक नै हो । सम्पूर्ण युवा सहिदलाई हार्दिक श...

रमेश कुमार बोहोरा मितिः २०८२ भदौ ९ गते, सोमबार नेपालमा मिडियामा मदिराको विज्ञापन बन्द गर्ने सरकारी निर्णयले लामो समयदेखि बहस निम्त्याउँदै आएको छ । एकातिर यो स्वास्थ्य र सामाजिक दृष्टिले अपरिहार्य निर्णय हो भन्ने पक्षधरहरू छन् भने अर्कातिर यसले मिडियाको आम्दानीका स्रोतलाई थिचेर अभिव्यक्ति स्वतन्त्रता र व्यवसायिक टिकाउपनामा चुनौती खडा गरेको छ भन्ने मिडिया क्षेत्रका प्रतिनिधिहरूको दृष्टिकोण छ । खासगरी विज्ञापनमा निर्भर हुने निजी सञ्चार माध्यमहरूको दृष्टिकोणले यो विषयलाई गम्भीर ढंगले बुझ्नु जरुरी छ । नेपालमा सञ्चार माध्यमहरू प्रायः विज्ञापनबाट चल्ने भएकाले यस्तो निषेधले उनीहरूको अस्तित्व र दिगोपनामा प्रत्यक्ष प्रहार गरेको छ भन्ने तथ्यलाई बेवास्ता गर्न सकिँदैन । विज्ञापनको संरचनात्मक स्वरूपमा हेर्ने हो भने सरकारी निकाय, ठूला कम्पनी र बहुराष्ट्रिय उत्पादनकर्ताहरू मुख्य स्रोत हुन्छन् । यिनैम...

काठमाडौं, ३१ श्रावण – आर्थिकन्युजका प्रबन्ध सम्पादक तथा नेपाल पत्रकार महासंघ काठमाडौं शाखाका सदस्य पत्रकार इन्द्र बानियामाथि राष्ट्रिय ट्रमा सेन्टरमा कार्यरत एक महिला कर्मचारीले हातखुट्टा भाँच्ने र ज्यान मार्ने धम्की दिएको घटनाप्रति नेपाल पत्रकार महासंघ काठमाडौं शाखाले कडा आपत्ति जनाएको छ । शाखाका सचिव रमेश कुमार बोहोराले शुक्रबार जारी गरेको प्रेस विज्ञप्तिमा पत्रकारमाथि अपशब्द प्रयोग, गालीगलौज, अभद्र व्यवहार र प्रत्यक्ष ज्यान मार्ने धम्की जस्तो गम्भीर कार्य कुनै पनि दृष्टिले स्वीकार्य नभएको स्पष्ट पारेका छन् । प्राप्त विवरणअनुसार पत्रकार बानियाले आफ्नो पेशागत दायित्वअनुसार आर्थिकन्युज डटकममार्फत साउन २९ गते ‘राष्ट्रिय ट्रमा सेन्टरमा आर्थिक लेनदेनमा दर्जनौं कर्मचारी नियुक्ति, प्रमुखलाई कारवाही र निलम्बनको उजुरी प्रति स्वास्थ्यमन्त्री मौन’ शीर्षकको समाचार प्रकाशन गरेका थिए । समाचारमा ...

नेपालगन्ज, ११ श्रावण – बाँकेमा मात्र नभई लुम्बिनी प्रदेशदेखि छिमेकी मित्र राष्ट्र भारतको उत्तरप्रदेशमा समेत मनोरञ्जनको दुनियाँ छुट्टै पहिचान बनाउन सफल सिने रोयलले आफ्नो दोस्रो वार्षिकोत्सव भब्यता साथ सञ्चारकर्मी तथा कर्मचारीहरु बीच मनाएको छ । दोस्रो वार्षिकोत्सव मनाउने क्रममा सिने रोयलले आप्mनो दुई वर्षको तथ्यांक सार्वजनिक गरेको छ । तथ्यांकमा ‘२०८० देखि २०८२ सम्मको दुईवर्षीय चलचित्र तथ्यांकले नेपाली फिल्मप्रति दर्शकको आकर्षण उल्लेखनीय देखाएको छ । यस अवधिमा कूल २०६ नेपाली फिल्म र २४७ हिन्दी फिल्म प्रदर्शनमा आए । २०८१ २०८२ को दुईवर्षे अवधिमा मात्र ११८ नेपाली र १२० हिन्दी फिल्म प्रदर्शन गरिएको’ बताईएको छ । यसैगरी, ‘नेपाली चलचित्र “पूर्ण बहादुरको सार·ी” ले ३८, ४६२ दर्शक तान्दै यस अवधिमा सबैभन्दा बढी हेर्न आएको नेपाली फिल्म बन्यो । यही फिल्म सबैभन्दा धेरै आम्दानी गर्ने नेपाली चलच...

काठमाडौं, ११ असार – वरिष्ठ पत्रकार तथा दृष्टि साप्ताहिकका सम्पादक शम्भुलाल श्रेष्ठलाई विशेष अदालतले समाचार सामग्रीका आधारमा तीन दिनभित्र अदालतमा उपस्थित हुन आदेश दिएको घटनाप्रति नेपाल पत्रकार महासंघ काठमाडौं शाखाले गम्भीर आपत्ति जनाएको छ । नेपाल पत्रकार महासंघ काठमाडौं शाखाका सचिव रमेश कुमार बोहोराद्वारा जारी विज्ञप्तिमा उल्लेख गरिएअनुसार दृष्टि न्यूज अनलाइनमा प्रकाशित ‘विशेष अदालतमा विचौलियाको चलखेल हटेन, सेटिङका मुद्दामा ३ महिनामै सफाइ’ शीर्षकको समाचारप्रति असन्तुष्टि जनाउँदै पत्रकार श्रेष्ठलाई अदालतमा उपस्थित हुन आदेश दिइनु प्रेस स्वतन्त्रतामाथिको प्रतिशोधपूर्ण कदम भएको आरोप लगाइएको छ । विज्ञप्तिमा भनिएको छ “विचौलिया, भ्रष्टाचार र न्यायपालिकाभित्रको अपारदर्शिता उजागर गर्नु पत्रकारको धर्म हो । तथ्यमा आधारित समाचार लेखेकै कारण पत्रकारलाई कारबाहीको प्रक्रियामा तान्नु अभिव्यक्ति स्वतन...

काठमाडौं, ५ असार – तामाकोसी सन्देश साप्ताहिकका प्रकाशक तथा नेपाल पत्रकार महासंघ काठमाडौं शाखाका पूर्व कोषाध्यक्ष वरिष्ठ पत्रकार रामचन्द्र बस्नेतमाथि विन मिडिया प्रा.लिमा कार्यरत लिला थापाद्वारा गरिएको गालीगलौज, अभद्र व्यवहार र ज्यान मार्ने धम्कीप्रति नेपाल पत्रकार महासंघ काठमाडौं शाखाले गम्भीर ध्यानाकर्षण जनाएको छ । शाखाका सचिव रमेश कुमार बोहोराले एक विज्ञप्ति जारी गर्दै उक्त घटना केवल व्यक्तिगत रिसइवी वा असहिष्णुताको परिणाम नभई स्वतन्त्र पत्रकारितामाथिको प्रत्यक्ष हमला भएको ठहर गरेको छ । विज्ञप्तिमा भनिएको छ, “यस प्रकारको आपत्तिजनक व्यवहारले लोकतान्त्रिक मूल्य, प्रेस स्वतन्त्रता र अभिव्यक्तिको अधिकारमा गम्भीर आघात पुर्‍याएको छ, जुन कुनै हालतमा स्वीकार्य छैन ।” शाखाका अनुसार पत्रकार बस्नेतले आफ्नो पेशागत जिम्मेवारी निर्वाह गरिरहेका बेला अपशब्द प्रयोग गर्दै ज्यान मार्ने धम्की दिएक...

डुडुवा, १ अषाढ – स्थानीय तह अन्र्तगत रहेका न्यायिक समितिहरुको कामकारवाही प्रक्रिया तथा सेवालाई थप गुणस्तरिय र प्रभावकारी बनाउन बाँके जिल्ला अदालतको टोलीले निरिक्षण गरेको छ । जिल्ला न्यायधिससहितको टोलीले शुक्रबार डुडुवा गाउँपालिका न्यायिक समितिको निरीक्षण तथा समितिसंग छलफल गरेको छ । गाउँपालिका अन्र्तगत रहेको न्यायिक समितिले प्रदान गर्ने सेवा, मुद्दा तथा विवाद दर्ता, मिसिलको व्यवस्थापन, राय तथा निर्णय, फैसला, मुद्दा सिफारिस र अभिलेखीकरणलगायत विभिन्न प्रक्रियाका बारेमा पालिकाका उपाध्यक्ष तथा न्यायिक समितिका संयोजक शाहिदा बानोले जानकारी गराउनु भएको थियो । जिल्ला अदालतका न्यायधिस दिपक घिमिरेले डुडुवाको न्यायिक समितिको न्याय सम्पादन, अदालतको कार्यशैली, ढाँचा र निर्णय प्रक्रिया र व्यहोराको कार्य व्यवस्थित रहेको बताउनुभयो । न्यायधिस घिमिरेले न्यायिक समितिको कार्य उत्कृष्ठ भएकाले सेवा...

काठमाडौं, २८ जेष्ठ – नेपाल पत्रकार महासंघ काठमाडौं शाखाले सञ्चारमाध्यममाथि जिल्ला अदालत काठमाडौंले दिएको अल्पकालीन अन्तरिम आदेशप्रति गम्भीर आपत्ति जनाएको छ । शाखाका सचिव रमेश कुमार बोहोराले प्रेस विज्ञप्ति जारी गर्दै प्रेस स्वतन्त्रताको विरुद्धमा आएको यो आदेशको पुनर्विचार गर्न सम्बन्धित निकायसँग आग्रह गरेका छन् । जिल्ला अदालत काठमाडौंका न्यायाधीश पीताम्बर शर्माको एकल इजलासले नेपालखबर डटकम र बिजमान्डु डटकममा प्रकाशित समाचारहरूबारे अल्पकालीन अन्तरिम आदेश जारी गर्दै “अप्रमाणित तथा तथ्यहीन समाचारहरू प्रकाशन, प्रसारण नगर्नू, नगराउनू र प्रकाशित समाचारहरू तुरुन्त हटाउनू” भन्ने निर्देशन दिएको थियो । उक्त आदेश नेपाल धितोपत्र बोर्डका अध्यक्ष सन्तोष नारायण श्रेष्ठद्वारा दायर रिट निवेदनमा सुनुवाइ गर्दै जारी गरिएको हो । शाखाको विज्ञप्तिमा भनिएको छ “सञ्चारमाध्यममा प्रकाशित वा प्रसारित समाचारप्...

नेपालगन्ज, २८ जेष्ठ – लुम्बिनी प्राविधिक विश्वविद्यालयको आयोजनामा नेपालगन्जमा ‘डिजिटल नवप्रवर्तन रूपान्तरण २०२५’ सम्बन्धी अन्तर्राष्ट्रिय सम्मेलन सम्पन्न भएको छ । नेपालका विभिन्न विश्वविद्यालयका उपकुलपति, डीन, प्राध्यापक, विषय विज्ञ तथा प्रदेश योजना आयोगका उपाध्यक्ष, प्रदेश लोक सेवा आयोगका अध्यक्ष, विश्वविद्यालयका सेवा आयोगका सदस्य तथा ख्याती प्राप्त विभिन्न विश्वविद्यालयका प्राध्यापक लगायत विषयगत विद्यार्थीहरूको सहभागितामा सम्पन्न भएको हो । लुम्बिनी सरकारका सामाजिक विकास मन्त्री जन्मजय तिमिल्सिनाले उद्घाटन गर्नु भएको उक्त सम्मेलनको उद्देश्य माथि प्रकाश पार्दै लुम्बिनी प्राविधिक विश्वविद्यालयका डिन डा.निरज केसीले यस क्षेत्र मै यो विश्वविद्यालय नयाँ भएका कारण यहाँका विद्यार्थीहरूलाई डिजिटल नवप्रवर्तन र रूपान्तरणका बारेमा जानकारी दिने उद्देश्यले सम्मेलन आयोजना गरिएको बताउनु भयो । न...

नेपालगन्ज, ११ जेष्ठ – बाँकेको नेपालगन्जमा बिद्यार्थी र एस.ओ.एस.अल्टरनेटिभ युथ क्लबका युवाहरुको लागी बिद्युतीय अपराध तथा सुरक्षा र बाल अधिकार तथा कर्तव्य बिषयक एक दिने अभिमुखीकरण शनिवार सम्पन्न भएको छ । एस.ओ.एस.युवालय नेपालगन्जको आयोजनामा नेपालगन्ज उपमहानगरपालिका वार्ड नं.२ घरवारी स्थित श्री नेपाल राष्ट्रिय आधारभूत बिद्यालय र वार्ड नं.१२ जय बागेश्वरी स्कूलबाट सात–सात जना बिद्यार्थीहरु र एस.ओ.एस.अल्टरनेटिभ युथ क्लबका युवा सहभागितामा साइबर अपराध, साइबर सुरक्षा सम्बन्धि अपनाउनु पर्ने सतर्कताहरु सामाजिक सञ्जालमा नचिनेका मानिसहरुको फ्रेन्ड रिस्कवेष्ट एसेप्ट नगर्ने, आफुनो फुसबुक, इन्साग्राम, वाटसाप तथा अन्य यस्तै प्रकृतिका सामाजिक सञ्जलामा बलियो पासवार्ड राख्ने, पासवार्ड कसैलाई नदिने र समय सञ्जाल परिर्वतन गरिरहने, आफूले प्रयोग गर्न मोबाइल फोन ल्यापटाप तथा अन्य यूतै प्रकृतिका बिद्युतीय सामा...