आस्था

नेपालगन्ज, ११ असोज – नेपाल सरकारले भारतबाट घर फर्किने सम्पूर्ण नेपालीहरुलाई सीमा नाकामै खोप लगाउने भएको छ ।भारतबाट फर्किँदा कोरोना महामारीको संक्रमण पनि आउन सक्ने र चाडबाडका बेला जोखिम बढ्न सक्ने भन्दै प्रधानमन्त्री शेरबहादुर देउवाको निर्देशनमा स्वास्थ्य तथा जनसंख्या राज्यमन्त्री उमेश श्रेष्ठले सीमा मै खोप लाउने व्यवस्था गरेका छन् ।स्वास्थ्य मन्त्रालयका सचिव, जनस्वास्थ्य विभागका प्रमुख, विश्व स्वास्थ्य संगठन र युनिसेफका प्रतिनिधिसहितको उच्चस्तरीय समितिको बैठक राखेर मन्त्री श्रेष्ठले भारतबाट नेपाल आउने सबै व्यक्तिको सीमानामै इन्टलिजेन्ट टेष्ट गर्ने तथा खोप नलगाई आएकालाई त्यहीँ खोप लगाइ दिएर सुरक्षित रूपमा गाउँ पठाउने अभियान चलाउने निर्णय गराएका हुन्, यसका लागि खोप छुट्टाइसकेको श्रेष्ठले बताए । पुरानो मौज्दात १५ देखि १७ लाख मात्रा र हालै चीनबाट ल्याएको खोप पनि भएकाले भारतमा खोप नलगाई ...

नेपालगन्ज, ११ असोज – हुम्लाको लिमी लाप्चादेखि हिल्सासम्मको सीमा समस्या अध्ययन गर्न गठित नेपाल–चीन सीमा अध्ययन समितिले नेपाल सरकारलाई तयार गरिएको प्रतिवेदन बुझाएको छ ।गृह मन्त्रालयका सहसचिव जयनारायण आचार्यको संयोजकत्वमा गठित समितिले आईतबार मन्त्रालयमा गृहमन्त्री बालकृष्ण खाँणलाई प्रतिवेदन बुझाएको हो । मन्त्रिपरिषद् बैठकले १६ भदौमा चीनसँगको सीमा अध्ययनका लागि समिति बनाएको थियो ।प्रतिवेदन बुझ्दै मन्त्री खाणले समितिले स्थलगत अध्ययन गरेर सत्यतथ्य पत्ता लगाई तयार पारेको प्रतिवेदन कार्यान्वयन गर्न आफूले पहल गर्ने बताए । ‘यहाँहरूले स्थलगत अध्ययन गरी हुम्लाको लिमी लाप्चादेखि हिल्सासम्मको सीमाबारे सत्य तथ्य जानकारी समेटेर प्रतिवेदन बनाउनुभएको छ । यसले मुलुकका अन्य स्थानमा रहेका सीमाबारे पनि अध्ययन गर्न बाटो खुलेको छ,’ प्रतिवेदन बुझ्ने क्रममा खाँणले भने, ‘अध्ययनमा यहाँहरूले औँल्याउनु भएका विषयवस्तु क...

नेपालगन्ज, ९ असाेज - डुडुवा गाउँपालिकाको हिरमिनियामा निःशुल्क कान शिविर असोज ९ गते शनिवार सम्पन्न भएको छ । उक्त शिविर एसओएस युवालय नेपालगन्जको मुख्य संयोजनमा भएको हो । एसओएस युवालय नेपालगन्जमा आवद्ध रहेका एसओएस युवा क्लब नेपालगन्ज, लियो क्लब अफ नेपालगन्ज सेन्ट्रल, तथा लायन्स क्लब अफ नेपालगन्ज सेन्ट्रलको संयुक्त आयोजनामा र बी.एन. सामुदायिक कान उपचार सेवा सिद्धार्थ अस्पताल नेपालगन्जको प्राविधिक सहयोगमा सम्पन्न भएको निःशुल्क कान शिविरमा डुडुवा गाउँपालिका वार्ड नं.६ हिरमिनियाको विभिन्न गाउँबाट कानका विरामीहरुले कानको जाँच गराएका थिए । सो शिविरमा महिला पुरुष गरी १५३ जनाले सेवा लिएका थिए । कानको स्वास्थ्य परिक्षणमा ८० पुरुष तथा ७३ महिलाको ३४ जना कान पाक्ने रोग, ३९ जनामाकाने गुजी भरीएको, ११ जना कान कम सुन्ने बिमारी रहेको पत्ता लागेको थियो । ३४ जना कान समस्या भएको मध्ये निम्नआय भएका १३ जन...

नेपालगन्ज, ९ असोज – श्याामनन्द कला तथा संस्कृति प्रतिष्ठान नेपालको पहिलो साधारण सभा सम्पन्न भएको छ । वरिष्ठ कलाकार शयामानन्दसिंह ठकुरी मूख्य संरक्षक रहेको प्रतिष्ठानका अध्यक्ष सागरसिंह ठकुरीको अध्यक्षतामा सम्पन्न भएको साधारण सभाले सर्वसम्मतबाट ११ सदस्यीय नयाँ कार्यसमिति चयन गरेको हो ।साधारण सभाले अध्यक्षमा पुनः सागरसिंह ठकुरी, भिमबहादुर सिंह उपाध्यक्ष, सन्तोष राढ सचिव, निरज देवकोटा सह सचिव, सागर क्षेत्री कोषाध्यक्ष र सदस्यहरु सुन्दर गुरुङ, सबितासिंह ठकुरी, सन्दीप अधिकारी, डिबि भण्डारी, टेकराज जैसी, शोभा गुरुङलाई चयन गरेको छ ।यसैगरि सल्लाहकार समितिमा डा. बिजय प्रधान, आर.के. देवकोटा, ससिराम कार्की र प्रेस सल्लाहकारमा खम्व पुनलाई चयन गरेको छ । नेपालगन्ज उपमहानगरपालिका ९ बाँकेमा हाल रहेको प्रतिष्ठानको कला संग्राहलयले हाम्रो मौलिक कलाकृतिको संरक्षण, प्रवद्र्धन र कलाको बिकासमा टेवा पु¥याउ...

शुभम शर्मानेपालगन्ज, ९ असोज – ‘प्रेस स्वतन्त्रता सेनानी स्व. श्रीरामगोपाल वैश्य स्मृति प्रतिष्ठानलाई व्यवस्थित बनाउन म भरमग्दुर प्रयास गर्नेछु’ उक्त भनाई प्रतिष्ठानका अध्यक्ष नन्दलाल वैश्यले भन्नु भएको छ ।शनिबार दिन नेपालगन्जमा प्रतिष्ठानले भेला कार्यक्रमको आयोजना गरेको थियो । उक्त कार्यक्रम प्रतिष्ठानको रकम जुन कि अध्यक्ष नन्दलाल वैश्य र शैलेन्द्रकुमार वैश्यको नाममा रहेको व्यक्तिगत खातामा जम्मा छ, उक्त रकम संस्थाको नाममा जमा गर्न भेला बोलाईएको थियो । स्व.श्रीरामगोपाल वैश्य प्रतिष्ठान राजनीतिक वर्चस्वका कारण खिंचातानमा परेकोले केही पदाधिकारी एकअर्काको मुख देख्नसम्म तयार छैनन्, यस्तो अवस्था त्यहाँ विद्यमान रहेको छ । यसको कारण प्रतिष्ठानको कार्यमा विभिन्न बाधा अवरोध समेत उत्पन्न भएको छ । २०७८ पौष महिनामा प्रेस स्वतन्त्रता सेनानी वैश्यको पूर्णतिथि रहेको छ । विगत अढाई वर्षदेखि प्रतिष्ठा...

नेपालगन्ज, ९ असोज – नेपालको राष्ट्रपति कार्यालय चीनका राष्ट्रपति सी चिनफिङको जीवनी समेटिएको पुस्तक सार्वजनिक गर्ने थलो बनेको छ । चिनियाँ राष्ट्रपतिको कम्युनिष्ट विचार र उनले गरेका कामको नेपालमा प्रचारप्रसार गर्ने माध्यम राष्ट्रपति विद्यादेवी भण्डारी बनेकी छन् ।नेपाली स्वाभिमान र स्वाधिनताको धज्जी उडाउँदै चिनियाँहरुले नेपालको सर्वोच्च निकायलाई पुस्तक प्रचार–प्रसार विभाग बनाएको हुन् । कम्युनिस्ट पृष्ठभूमि भए पनि विद्यादेवी भण्डारी देश कै राष्ट्रपति हुन् । उनले अर्का देशका राष्ट्रपतिको पुस्तक प्रवर्द्धन गर्ने, अर्को देशका राष्ट्रपतिको विचार प्रवर्द्धन गर्ने काम गर्न नहुने तर्क विद्वानहरुको रहेको छ । तर राष्ट्रपति पदमा बसेर अर्को देशको राजनीतिक विचाराधारा प्रवर्द्धन गर्नुले नेपालको राष्ट्रपति कार्यालय र राष्ट्रपति कतिसम्म चीनको कब्जामा छ, दबाब तथा प्रभावमा छ भन्ने देखाउँछ ।अझ किताब प्रवर्द्धन ...

नेपालगन्ज, ९ असोज – मधेश मिडिया मिशन नेपाल बाँके जिल्ला कार्य समितिको जिल्ला भेलाद्वारा आज शनिबार नयाँ कार्यसमिति चयन गरिएको छ ।चन्द्रेश्वरराज त्रिपाठीको अध्यक्षतामा गठित मधेश मिडिया मिशन नेपालको बाँके जिल्ला शाखा उपाध्यक्षमा मनोजकुमार कौशल, सचिवमा सन्ध्या शर्मा र कोषाध्यक्षमा चन्दा सिंहलाई भेलाद्वारा सर्वसम्मत चयन गरिएको छ । यसैगरी सदस्यहरुमा समिर अली, शुभम् शर्मा, आकाश गुप्ता, शकिल अहमद राई र अशोककुमार मौर्यलाई चयन गरिएको छ ।नव गठित जिल्ला शाखा अध्यक्ष त्रिपाठीले मधेश मिडिया मिशन नेपालद्वारा हालसम्म गरिएको कार्यहरु सराहनी भएको भन्दै अगामी दिनमा अवधी भाषी पत्रकार मित्रहरुको बृहत विकासका लागि कार्य गर्ने प्रतिबद्धता जनाउनुभयो । नेपाल पत्रकार महासंघ लुम्बिन प्रदेश सदस्य मो. आरिफ अन्सारीको प्रमुख आतिथ्यतामा सम्पन्न जिल्ला भेलामा विशिष्ठ अतिथि कशौंधन वैश्य समाजका अध्यक्ष नन्दलाल...

नेपालगन्ज, ८ असोज – हुम्लामा उत्तरी छिमेकी चीनले सीमा अतिक्रमण गरेको पुष्टि भएको छ । चीनले मुख्यत दुई ठाउँमा बलमिच्याइँ गरेको र अन्य ठाउँमा पनि नेपाली भूमिभित्र पसेर गतिविधि गरिरहेको पाइएको हो ।गृह मन्त्रालयका सहसचिव जयनारायण आचार्यको नेपाल चीन सीमा अध्ययन टोलीले यो तथ्य पत्ता लगाएको हो । हुम्लामा रहेको १२ नम्बर पिल्लर चीन आफैले नयाँ बनाएको खुलेको छ । लाप्चा भञ्याङ लिमीको लाप्चा क्षेत्रमा सीमाना अतिक्रमण भएको छ भने सीमानामा रहेको ९.२ को सीमा स्तम्भको बीचमा एकतर्फी रुपमा तारबार गरेको पाइएको छ । तारबारबारे नेपाललाई कुनै जानकारी छैन ।हुम्लाको सीमा ५.१ र ५.२ लाई तारबार गरी चिनियाँ क्षेत्रतिर पारेर राखिएको छ । पुरानो ५.२ नम्बरको जंगे पिल्लर पनि उखेलेर नयाँ बनाइएको फेला परेको छ । गप्पुतोचामा पनि नेपाली भूमि अतिक्रमण भएको देखिएको छ । स्थानीयका अनुसार नेपालले बनाएको बाटो समेत चीनले आफ्नोतिर पारेको...