आस्था

काठमाण्डौ, ८ बैशाख – चीनको सांघाईमा कोरोना संक्रमण बाट ३ जनाको मृत्यु भएको छ । पछिल्लो लकडाउन सुरु भएयता सांघाईमा कोरोनाबाट पहिलो पटक मृत्यु भएको घटना सार्वजनिक भएको हो । संक्रमण फैलिन थालेपछि मार्च अन्तिममा सांघाईमा लकडाउन गरिएको थियो। मार्च १ देखि सांघाईमा पुनः कोरोना संक्रमण फैलिन थालेको हो । साउथ चाइना मर्निङ पोस्टका अनुसार त्यस यता सहरमा संक्रमितको संख्या ३ लाख ५० हजार नाघेको छ । सांघाई स्वास्थ्य आयोगले सोमबार कोरोना बाट ३ जनाको मृत्यु भएको जानकारी दिएको हो । आयोगका अनुसार मृत्यु हुनेहरूमा ८९ देखि ९१ वर्षका रहेका छन् ।त्यस्तै उनीहरूले कोरोना विरुद्धको खोप नलगाएको पनि आयोगले बताएको छ । सांघाईका अधिकारीहरूका अनुसार सहरमा ६० वर्षमाथिका करिब ३८ प्रतिशत नागरिकले खोपको पूर्ण मात्रा लगाएका छन् ।चीनको प्रमुख आर्थिक सहर सांघाईमा पछिल्लो पटक दैनिक औसत २५ हजारका दरले संक्रमण पुष्टि भएको छ...