शिक्षा/स्वास्थ्य

वीरगन्ज, १३ भाद्र – वीरगन्जमा थप ३ जना कोरोना संक्रमित व्यक्तिको मृत्यु भएको छ । मृत्यु हुनेमा एक महिला र दुई पुरुष रहेको वीरगन्ज हेल्थ केयर अस्पतालका प्रवक्ता डाक्टर अतुलेश चौरसियाले जानकारी दिए । वीरगन्जकी ६५ वर्षीया महिलाको शुक्रबार साँझ साढे ५ बजे नारायणी अस्पतालमा मृत्यु भएको हो । यस्तै वीरगन्ज–१२ निवासी ४३ वर्षीय पुरुषको शुक्रबार राति १२ बजे वीरगन्ज हेल्थ केयरमा मृत्यु भएको डा. चौरसियाले बताए ।उनको नेसनल मेडिकल कलेजबाट रिफर गरेको केही घण्टामै मृत्यु भएको हो । ती पुरुष एचआइभी संक्रमित पनि रहेको अस्पतालले जनाएको छ ।यस्तै शुक्रबार राती नै अर्का ३७ वर्षीय कोरोना संक्रमित पुरुषको पनि मृत्यु भएको छ । वीरगन्ज हेल्थ केयरबाट रिफर भएर काठमाडौं लाने क्रममा उनको बाटो मै मृत्यु भएको हो ।परिवारले पुरुषको मुग्लिङ नपुग्दै मृत्यु भएको अस्पताललाई जानकारी गराएका छन् । मृतक तीन जना कै शव नेपाली स...

धरान, १३ भाद्र – विपी कोइराला स्वास्थ्य विज्ञान प्रतिष्ठान धरानमा थप एक कोरोना संक्रमितको मृत्यु भएको छ । प्रदेश नम्बर २ सिरहाको भदैया ६ की ८४ वर्षीय वृद्धको मृत्यु भएको प्रतिष्ठानले जनाएको छ । उनको राति ११ बजेर २० मिनेटमा निधन भएको हो । भदौ ६ गते प्रतिष्ठानमा भर्ना भएकी उनको भदौ ७ गते पिसिआर रिपोर्ट पोजेटिभ आएको थियो ।‘उनको मिगौलाको समस्या आएपछि डाइलोसिस पनि गरिएको थियो । त्यसपछि उपचारका क्रममा मृत्यु भयो’– प्रतिष्ठानका प्रवक्ता डा.सापकोटाले भने ।उनलाई अत्याधिक खोकी लाग्ने, श्वास फेर्न समस्या र ज्वरो आएपछि परिवारले विपी प्रतिष्ठान ल्याएको थियो । प्रतिष्ठानमा हालसम्म उपचारको क्रममा मृत्यु हुने कोरोना संक्रमितको कुल संख्या १६ पुगेको पनि प्रतिष्ठानले जनाएको छ ।...

नेपालगन्ज, १३ भाद्र – बाँकेका विभिन्न आइसोलेसनबाट आज शनिबार १० जना निको भाई घर फर्किने भएका छन् । जसमध्ये महिला ४ र पुरुष ६ जना रहेको स्वास्थ्य कार्यालय बाँकेका फोकल पर्शन नरेशबाबु श्रेष्ठले बताउनुभयो ।फोकल पर्शन श्रेष्ठका अनुसार शुक्रबारसम्म १८ हजार ९ सय ७८ जनाको पिसीआर जाँच हुँदा आज शनिबारसम्म ९ सय ७५ जनामा कोरोना पोजेटिभ देखिएको छ भने ७ सय ३ जना निको भई घर फर्किसकेका छन् ।विभिन्न आइसोलेसनमा २ सय ६७ जना उपचाररत रहेका छन् । ३ महिलासहित ६ जनाको मृत्यु भईसकेको छ ।...

नेपालगन्ज, १३ भाद्र – काठमाडौंस्थित आदिम कलेजले छात्रवृत्ति योजना ल्याएको छ । कोरोना भाइरस (कोभिड–१९)का कारण अभिभावकहरु आर्थिक चपेटामा परेको बेला कक्षा ११ का विद्यार्थीका लागि छात्रवृत्ति दिने भएको हो ।कलेजका प्रिन्सिपल शंकरप्रसाद शर्माले न्यूनतम ५० देखि एक सय प्रतिशतसम्म छात्रवृत्ति दिने निर्णय गरिएको जानकारी दिए । ‘कोरोना महामारीको असरले गर्दा अभिभावकहरुको आम्दानी घटेको छ, यो संकटको समयमा कलेज सञ्चालक समितिको बैठकले छात्रवृत्तिको निर्णय गरेको हो’ प्रिन्सिपल शर्माले भने । सहायक प्रिन्सिपल कृष्ण दाहालका अनुसार कक्षा ११ मा पढ्ने सबै विद्यार्थीहरुलाई सम्पूर्ण शुल्कमा ५० देखि एक सय प्रतिशतसम्म छात्रवृत्ति दिईनेछ । ‘हामी सबै कठिन अवस्थाबाट गुज्रिरहेका छौं’ दाहालले भने, ‘यस्तो बेला नाफा मात्रै सोचेर हुँदैन, हामीले अभिभावकहरुको समस्या पनि बुझ्नुपर्दछ ।’कलेजले विद्यालय तहमा कक्षा ११ र १२ म...

नेपालगन्ज १२ भाद्र – आफ्नो मर्यादालाई जोगाउन नेपालगन्ज उपमहानगरपालिकाका मेयर डा. धवल शम्सेर राणाले बाँकेका क्षेत्र नं. २ का संघीय सांसद मोहमद ईस्तियाक राईले गलत निर्णय गरेका कारण भेरी अस्पतालको भेन्टिलेटर खरिदका लागि स्थानीय पूर्वाधार साझेदारी कार्यक्रम अन्तर्गतको डेढ करोड रकम फ्रिज भएको आरोप लगाएका छन् । शुक्रवार पत्रकार सम्मेलनमा मेयर राणाले भने,–‘सांसद मोहम्मद राईले उपमहानगरभित्र दिएको सम्पूर्ण योजना कार्यान्वयन गराउने तर सोही निर्णय कार्यान्वयन नगराउने भन्ने होइन, उहाँले रकम कोभिडको खातामा हाल्दिनालाई पत्र लेग्नु पर्ने थियो । उहाँले त्यसो गरेको भए कोलेनिकालाई पत्र लेख्दा उपमहानगर कोभिडको खातामा पैसा आउँथ्यो । तर भेरी अस्पतालको लागि भेन्टिलेटर किन्ने निर्णय गरिदिनु भए छ, त्यसो निर्णय उहाँले गर्न पाउनु हुन्न, सो निर्णयलाई कोलेनिकाले स्वीकार गर्ने अवस्था नै थिएन ।’ मेयर डा. ...

नेपालगन्ज, १२ भाद्र – बाँकेको खजुरा गाउँपालिकाले गत वर्ष कार्तिक ६ र ७ गते आयोजना गरेको बृहत खजुरा सम्मेलनको स्मारिका प्रकाशन गरी विमोचन गरेको छ ।खजुराको विकास र समृद्धिको महत्वपूर्ण आधारकारुपमा रहेको उक्त स्मारिका खजुरा गाउँपालिकाले आफ्नो सम्पत्तीका रुपमा ग्रहण गरेको छ । खजुरा गाउँपालिका अध्यक्ष किस्मतकुमार कक्षपति, उपाध्यक्ष एकमाया विक, प्रमुख प्रशासकीय अधिकृत बमबहादुर केसी, बृहत खजुरा सम्मेलन व्यवस्थापन समिति संयोजक भक्तबहादुर केसीले शुक्रवार पालिका मै आयोजिक कार्यक्रममा संयुक्त रुपमा स्मारिका विमोचन गरेका छन् । सो अवसरमा बोल्दै खजुरा खजुरा गाउँपालिका प्रमुख कक्षपतिले खजुरा सम्मेलनबाट पारित २१ बँुदे घोषणापत्रमा टेकेर खजुराको समृद्धि र विकासमा अगाडि बढ्ने बताए । उनले १५ वर्षमा खजुराको काँचुली फेर्न गाउँपालिकाले १५ वर्षे गुरुयोजना बनाएर अगाडि बढाएको बताए । अध्यक्ष कक्षपतिले सम्मेलन...

नेपालगन्ज, १० भाद्र – बाँके जिल्लामा शुक्रबार ९ महिला, ६ पुरुष गरी १५ जनामा कोरोना संक्रमण पुष्टि भएको छ । नेपालगन्जमा भएको पिसिआर परीक्षणबाट शुक्रबार एकैदिन १५ जनामा कोरोना संक्रमण पुष्टि भएको छ । स्वास्थ्य कार्यालय बाँकेका फोकल पर्सन नरेशबाबु श्रेष्ठका अनुसार ९ महिला ६ पुरुष गरि जम्मा १५ जनामा कोरोना संक्रमण पुष्टि भएको आफ्नो स्टेटसमार्फत जानकारी गराउनुभयो ।फोकल पर्सन श्रेष्ठका अनुसार जिल्लामा यो सँगै ९ सय ७१ जना संक्रमितहरुको पुगेका छन् भने २ सय ७२ जना उपचाररत रहेका छन् । जस मध्ये ६ सय ९३ जना उपचार पछि निको भई घर फर्किसकेका छन् । जस मध्ये ३ महिला सहित ६ जनाको मृत्यु भईसकेको छ ।...

नेपालगन्ज, १२ भाद्र – बाँकेका विभिन्न आइसोलेसनबाट आज शुक्रबार ११ जना निको भाई घर फर्किने भएका छन् । जसमध्ये महिला ३ र पुरुष ८ जना रहेको स्वास्थ्य कार्यालय बाँकेका फोकल पर्शन नरेशबाबु श्रेष्ठले बताउनुभयो । फोकल पर्शन श्रेष्ठका अनुसार हालसम्म १८ हजार ९ सय ७८ जनाको पिसीआर जाँच हुँदा ९ सय ५६ जनामा कोरोना पोजेटिभ देखिएको छ भने ६ सय ९३ जना निको भई घर फर्किसकेका छन् ।विभिन्न आइसोलेसनमा २ सय ५७ जना उपचाररत रहेका छन् । ३ महिलासहित ६ जनाको मृत्यु भईसकेको छ । बाँकेमा आसोलेसन बेड ६ सय ३, आइसियु बेड ५३, भेन्टिलेटर २१, आइसोलेसन सेन्टर र अस्पताल संख्या १४, क्वारेन्टाइनमा १ सय ९० जना, विगत २४ घण्टा भित्र ३६ जना कोरोना पोजेटिभ थपिएका छन् भनी फोकल पर्शन श्रेष्ठले पठाएको म्यासेजर सूचना र रिपोर्टमा उल्लेख गरिएको छ ।...

नेपालगन्ज, ११ भाद्र – बाँकेमा बिहिबार ३३ जना कोरोना संक्रमित थपिएका छन् । भेरी अस्पताल नेपालगन्जका अनुसार बाँकेका विभिन्न पालिका र अन्य जिल्लाबाट संकलन गरिएको स्वाव परिक्षणका क्रममा ३३ जनामा कोरोना संक्रमण पुष्टि भएको छ ।नयाँ संक्रमित मध्ये नेपालगन्जका १२, कोहलपुरका ७, जानकीका ६ तथा राप्तीसोनारी र खजुराका १÷१ जना रहेका छन् । संक्रमितहरु ६ वार्षिय बालिकादेखी ५८ वर्षिय पुरुषसम्म रहेको भेरी अस्पतालले जनाएको छ । त्यसैगरी भेरी अस्पतालको प्रयोगशालामा गरिएको परिक्षणमा बर्दियाका २ जना तथा गोर्खा, नवलपरासी, कपिलवस्तु, रुकुम, मकवानपुर र तनहुँका १÷१ गरी जिल्ला बाहिरका ८ जनामा समेत संक्रमण देखिएको छ । बर्दिया बाहेक अन्य जिल्लाका ६ जना बाँके मै कार्यरत कर्मचारी भएको बताईएको छ ।हालसम्म कोरोना संक्रमितहरुको संख्या ९ सय ५३ पुगेको छ भने ६ सय ८२ जना उपचारपछि निको भई घर फर्की सकेका छन् । योसँगै २ सय ६...

नेपालगन्ज, ११ भाद्र – नेपालगन्ज उपमहानगरपालिका वडा नं. ७ निवासी ७० वर्षीय महिलाको विहिबार मृत्यु भएको छ ।जन स्वास्थ्य कार्यालय बाँकेका फोकल पर्सन नरेशबाबु श्रेष्ठद्वारा जारी प्रेस नोटका अनुसार कोरोना संक्रमणका कारण बिहिबार बिहान नेपालगन्ज उपमहानगरपालिका वडा नम्बर ७ का ७० बर्षिया महिलाको मृत्यु भएको छ । मृतक महिला भदौ ३ गते छातिको समस्या भई नेपालगन्ज मेडिकल कलेज शिक्षण अस्पताल नेपालगन्जमा भर्ना भएकी थिइन् । कोरोनाको आशंकामा स्वाब संकलन गरी परिक्षणका लागि पठाइएकोमा भदौ ५ गते आएको नतिजामा कोरोना संक्रमण पुष्टि भएको थियो ।उनको स्वास्थ्य अवस्था जटिल बन्दै गएपछि भदौ ६ गते नेपालगन्जबाट नेपालगन्ज मेडिकल कलेज शिक्षण अस्पताल कोहलपुरमा भेन्टिलेटरसहितको थप उपचारका लागि लगिएको र उपचार कै क्रममा बिहिवार बिहान ११ः३० बजे उनको मृत्यु भएको जन स्वास्थ्य कार्यालयका फोकल पर्सन श्रेष्ठद्वारा जारी गरिएको ...