अपराध

काठमाण्डौ, २६ श्रावण –काठमाडौं । एक माओवादी नेताले गौर हत्याकाण्ड पीडितसँग हालै भएको सम्झौता गलत भएको बताएका छन् ।नेकपा माओवादी केन्द्रका नेता रामकुमार शर्माले उक्त सम्झौता गलत भएको भन्दै पार्टी अध्यक्षसमेत रहेका प्रधानमन्त्री पुष्पकमल दाहाललाई आफनो गल्ति सच्चाउन आग्रहसमेत गरेका छन् । ‘नेपाल सरकार र मधेसी जनअधिकार फोरम नेपाल विच २०६४ भदौं १३ मा भएको २२ बुँदे सम्झौताको बुद्धा नं ३ र संयुक्त लोकतान्त्रिक मधेसी मोर्चा र नेपाल सरकार विच भएको ८ बुँदे सम्झौताको बुँदा नं ७ मा स्पष्ट रूपमा भनिएको छ, मधेस आन्दोलनका शिलशिलामा फोरमका नेता तथा कार्यकर्ता माथि लगाएका मुद्दाहरु खारेज गर्ने छ,’ उनले भनेका छन, ‘तसर्थ गृह मन्त्रालयले रूप सागर देवी उपाध्यायसँग २०८० साउन २३ गते गरेको ५ बुँदे सम्झौताको १ नं बुँदा मधेसी जन अधिकार फोरम र संयुक्त लोकतान्त्रिक मधेसी मोर्चा सँग गरिएको सम्झौताको विपरीत रहेको छ।’...

काठमाण्डौ, २६ श्रावण – सुन तस्करी प्रकरणमा सर्बाधिक खोजिएका दुई चिनियाँ नागरिक पक्राउ परेका छन । नेपाल प्रहरीको केन्द्रीय अनुसन्धान ब्युरो (सीआईबी) ले सर्वाधिक खोजीएका ती २ चिनियाँ नागरिकलाई त्रिभुवन अन्तर्राष्ट्रिय विमानस्थलबाट आज बिहान पक्राउ गरेको हो। सीआईबी स्रोतका अनुुसार आज बिहान चिनियाँ नागरिक ली गैलिन र लिओ फुयानलाई पक्राउ गरेर अनुसन्धानको दायरामा ल्याईएको छ । हिमालय एयरलाइन्सको उडानमार्फत चीनतर्फ प्रस्थान गर्दैगर्दा पक्राउ परेका उनीहरु हालै बरामद भएको ‘ब्रेक शु’मार्फत भएको सुन तस्करीमा संलग्नता रहेको खुल्न आएको जनाईएको छ ।...

काठमाण्डौ, २४ श्रावण – सरकारले गौर हत्याकाण्डबारे छानबिन गर्ने र दोषीलाई कारबाही गर्ने भनेर पीडित संघर्ष समितिसँग ५ बुँदे सहमति गरेलगत्तै केन्द्रीय राजनीतिमा तरंग पैदा भएको छ । खासगरी जनता समाजवादी पार्टी नेपालका अध्यक्ष उपेन्द्र यादव प्रधानमन्त्री पुष्पकमल दाहालको गौर हत्याकाण्डको छानबिन अघि बढाउने सक्रियतालाई लिएर आक्रोशित बनेका छन् । उनले आजै पार्टीको केन्द्रीय कार्यकारिणी समितिको बैठकसमेत बोलाएका छन् । सो बैठकले सरकार र गौर हत्याकाण्ड पीडित संघर्ष समितिबीच भएको पाँच बुँदे सहमतिबारे समिक्षा हुने बताईएको छ । यादवले प्रधानमन्त्री प्रचण्ड आजपाका अध्यक्ष प्रभु साहको प्रभावमा परेर आफूलाई फसाउन षड्यन्त्र गर्न लागेको त होईन ? भन्ने चासो राखेका छन् । यही सन्दर्भमा उनले आफूनिकट शीर्ष नेताहरुसँग अहिले भेटवार्ता गर्न लागेको बुझिएको छ । आजभन्दा १७ वर्षअघि भएको गौर हत्याकाण्डका दोषीलाई कारबाही...

काठमाण्डौ, २४ श्रावण – रुपन्देहीको पाँचतारे टाइगर प्यालेस रिसोर्ट हङकङमा बिक्री भएको विषयमा सरकार र अख्तियारले छानबिन अघि बढाएका छन् । विदेशी कम्पनी सिल्भर हेरिटेजले सञ्चालन गरेको उक्त तारे होटल अमेरिकामा रहेका एनआरएन बुद्धिसागर सुवेदी र अरु एनआरएनएहरुको कम्पनीले देश बाहिर खरिद गरेको विषय बाहिर आएपछि सरकार र अख्तियारले उक्त खरिदबारे छानबिन थालेका छन् । सुवेदीले लामो समयदेखि अमेरिकामा हायात, होलिडे इनलगायत होटल सञ्चालन गरेका छन् । उनै सुवेदी अध्यक्ष रहेको हिमालयन टाइगर इन्भेष्टमेन्ट एलएलसी कम्पनीले टाइगर प्यालेसको लगानीकर्ता कम्पनी सिल्भर हेरिटेज इन्भेष्टमेन्ट कम्पनी खरिद गरेको हो । हिमालयन टाइगर कम्पनी भने अमेरिकाको डेलावेयरमा रजिष्ट्रेशन छ । हङकङमा दर्ता रहेको सिल्भर हेरिटेजको शेयर हङकङमै खरिद भएको हो । उक्त खरिदसँगै रिसोर्टको सेयर स्वामित्व सुवेदी नेतृत्वको हिमालयन टाइगरमा सरेको छ ...

काठमाण्डौ, २२ श्रावण – राजश्व अनुसन्धान विभागले राजश्व छली गरेको आशंकामा ललितपुर वडा–२ सानेपामा बसोवास गर्ने भारतीय नागरिक नवलकिशोर चौधरीको कार्यालय (स्टोर) मा छापा हानेको छ। सो क्रममा विभागको टोलीले नक्कली भ्याट विल फेला पारेको हो । ती भारतीय नागरिक चौधरीले अहिलेसम्म २० भन्दा बढिको फर्म सञ्चालन गरिरहेका छन् । ती फर्मबाट उनले नक्कली विल बनाएर सामान बेच्ने गरेको रहस्योद्घाटन भएको छ । उनले हार्डवेयरको सामान बेच्दा पनि नक्कली भ्याट विल प्रयोग गर्ने गरेको पाईएको छ । उनी हुण्डी कारोबारमा समेत संलग्न रहेको बुझिएको छ । उनका हाल सञ्चालनमा रहेका फर्महरुमा शिभम प्याकेजिङ, काविला सप्लायर, निशा ट्रेड सप्लायर, युनिक हार्डवेयर र सिग्देल ईन्टरप्राईजेजलगायत रहेका छन् । चौधरीले यीनै चलेका फर्मबाट राजश्व छली गर्ने, नक्कली विल विजक जारी गर्नेजस्ता गैरकानूनी काम गर्दै आएका छन् ।...

काठमाण्डौ, २२ श्रावण – चीनका विदेशमन्त्री छिन ग्याङ तीन सातादेखि सार्वजनिक रूपमा नदेखिएकाले राजनीतिक अस्पष्टताका लागि परिचित देशमा चर्को अड्कलबाजी सुरु भएको सीएनएनले रिपोर्ट गरेको छ। उनले हङकङकस्थित टेलिभिजन प्रिजेन्टरलाई लिएर भागेपछि चिनियाँ सत्ताले नियन्त्रणमा लिएको विभिन्‍न अन्तर्राष्ट्रिय सञ्‍चारमाध्यमहरुले रिपोर्ट गरेका छन्। केही समयअघि चिनियाँ सामाजिक सञ्‍जालमा किन र टेलिभिजन प्रिजेन्टरका तस्बिरहरु भाइरल भएका थिए। क्यारियर कूटनीतिज्ञ र चिनियाँ नेता सी जिनपिङको विश्वासयोग्य सहयोगी, ५७ वर्षीय किन, संयुक्त राज्य अमेरिकाको लागि राजदूतको रूपमा छोटो कार्यकाल पछि डिसेम्बरमा विदेश मन्त्रीमा बढुवा भएको थियो। चीनको जासूस बेलुन अमेरिकामा खसालिएपछि सम्बन्धमा गिरावट आएपपछि विदेशमन्त्री किनले वाशिङटनको कडा आलोचना गरे। उनले मध्य जुनमा बेइजिङको भ्रमणका क्रममा अमेरिकी विदेशमन्त्री एन्टोनी...

काठमाण्डौ, २० श्रावण – गौर हत्याकाण्डका पीडित संघर्ष समितिले प्रधानमन्त्री पुष्पकमल दाहाल प्रचण्डसँग भेट गरेका छन् । आज बिहान प्रधानमन्त्री निवास बालुवाटारमा पीडितहरुसँग प्रधानमन्त्री दाहालको भेटवार्ता भएको हो । उक्त भेटका क्रममा संघर्ष समितिले अमानवीय गौर नरस‌‌हार दोषीहरूलाई कारबाहीको दायरामा ल्याउन माग गरेका थिए । त्यसका साथै उनीहरूले पीडितहरूले दोषीमाथि कारबाहीको माग गर्दै जारी राखेको आन्दोलनका बारेमा पनि जानकारी गराएका छन् । पीडित संघर्ष समितिको माग सम्बोधन गर्न आफू तयार रहेको जनाउँदै प्रधानमन्त्री दाहालले संघर्ष समितिसँग वार्ताका लागि छिटै नै गृह सचिवको नेतृत्वमा वार्ता टोली गठन गर्ने प्रतिबद्दतासमेत जनाएका छन् । यसैबीच गौर हत्याकाण्डका पीडितहरूले आज आठौँ दिन पनि धर्ना जारी राखेका छन् । रौतहटको चन्द्रपुरमा पीडित परिवारले सुरु गरेको धर्ना आठौँ दिन पनि जारी राखिएको छ ।...

काठमाण्डौ, २० श्रावण – जलवायु परिवर्तनलाई रोक्ने विषयमा चीनका शासकहरूको गोहीको आँसु अहिले पर्दाफास भएको छ । जलवायु वार्ताको लागि यसको प्रतिबद्धता बेइजिङलाई अस्वीकार्य राजनीतिक लक्ष्यहरू प्राप्त गर्न अनुमति दिइएको विषय हो। उपराष्ट्रपति हान झेङले ग्लोबल वार्मिङलाई सम्बोधन गर्ने क्रममा चीनको प्रतिबद्धता आफ्नो बैठक अस्वीकार्य राजनीतिक उद्देश्यहरूको अधीनमा रहेको औँल्याए । गत १९ जुलाईमा हान झेङ र अमेरिकी जलवायु दूत जोन केरी बीचको छलफलले जलवायु परिवर्तन विरुद्ध लड्न विश्वव्यापी प्रयासहरूलाई खतरामा पार्दै बेइजिङको भित्री मनसायलाई उजागर भएको अन्तर्राष्ट्रिय सञ्चार माध्यमहरूले खुलासा गरेका छन् । चीनको आधिकारिक सिन्ह्वा समाचार एजेन्सीले रिपोर्टका अनुसार,"चीन जलवायु परिवर्तनको सामना गर्न संयुक्त राज्य अमेरिकासँग सहयोग गर्न इच्छुक छ। तर केबल आफ्नो राजनीतिक मागहरू पूरा हुने सर्तमा" उपराष्ट्रपति झे...

काठमाण्डाै, १८ श्रावण - बेल्जियम र काभ्रेको नागरिकता प्राप्त गरेका चिनियाँ मूलका दावा छिरिङ पक्राउ परेसँगै टोखाको कृषि फार्ममा छापा मारिएपछि सय किलो सुन काण्डले राजनीतिक रंग बोक्न थालेको छ । त्रिभुवन अन्तर्राष्ट्रिय विमानस्थलबाट यसअघि नै सयौं किलो सुन तस्करी भई विभिन्न ठाउँमा गाल्दै प्रशोधन गर्दै भारत र नेपालका बजारमा बिक्री वितरण गरेको र त्यसमा राजनीतिक संरक्षण रहेको पाउन थालिएको हो । राजनीतिक संरक्षण प्राप्त भएको पुष्टि हुन थालेपछि सांसदहरू संसद् बन्द गर्दै आरोप प्रत्यारोपमा उत्रिएका छन् । माओवादी केन्द्रका नेताले एमाले माथि आरोप लगाउने र एमाले नेताले सत्ताधारी दलहरू माथि आरोप लगाउने क्रम बढेको छ । एमालेले सुन काण्डमा माओवादी उपाध्यक्ष कृष्णबहादुर महरा र उनका छोराको संलग्नता रहेको बताइरहँदा माओवादीहरू भने झापाको गिरिबन्धु टि स्टेटको जग्गा काण्डका मतियारको संलग्नता रहेको आरोप लगा...

काठमाण्डौ, १५ श्रावण – आज नेकपा (एमाले) का सांसद टोपबहादुर रायमाझीको सांसद पद निलम्बन गरिने भएको छ । दिउँसो १ बजे बस्ने प्रतिनिधिसभा बैठकमा रायमाझीको पद निलम्बन गरिएको जानकारी सभामुखले देवराज घिमिरेले जनाकारी गराउँनेछन्। ​ यसैगरी, आजको बैठकमा राष्ट्रपति कार्यालय र प्रधानमन्त्री तथा मन्त्रीपरिषदको कार्यालयवाट प्राप्त कार्यभार तोकिएको सबन्धी पत्रको ब्योहोरा पढेर सुनाइने भएको छ। यस्तै, बेपत्ता पारिएका ब्यक्तिको छानविन आयोग र सत्यनिरुपण मेलमिलाप आयोगको म्याद थप सबन्धि प्रस्ताव पेश गर्ने कार्यक्रम रहेको छ भने राष्ट्रियसभाबाट उत्पत्ति भएको नेपाल विश्वबिद्यालय विधेयक २०८० लाई समितिमा छलफलका लागि पठाउने प्रस्ताव पेश गरिनेछ ।...