२०७७ फागुन २० गते
खाल अऊर त्वचा कय सुन्दरतम चमक लावयक अऊर खाल त्वचा सम्बन्धी समस्या से पिछा छोडवयक सब से अच्छा विश्वसनीय घरेलु सौन्दर्य उपायका माना जात हय ।
सफल अऊर सुलभ अपनावय मईहाँ सहज अऊर कम समय मईहाँ तयार होयवाला घरेलु सौन्दर्य नुस्खा जिका हम सभय घर कय चौका रसोई घर से तयार कय सकेम बहुत सहज नुस्खा लुकान रहत हय । साथेन चेहरन कय खालन कईहाँ कउनव नुक्सान (साईड इफेक्ट) से भी हम सब कोई निरधक होई कय कउनव डेर भी नाई रहत हय ।
पाठक लोग अगर आप सभय आपन सुन्दरता कईहाँ लम्बा समय तक जवान ताजगी रक्खेक चाहा जावा जात हय तौ घरेलु नुस्खा आप हम सब लोगन के खातिर बरदान कय रुप होई सकत हय ।
पाठक वर्ग खास कइके महिलन कय बारे मईहाँ ई नुस्खा कय जाद महत्व रहत हय । सौन्दर्य सम्बन्धी बातन कय काहे के महिला के सौन्दर्य श्रृंगार के बरदान मिला हय हर महिलन का १६ श्रृंगार कय अनुभव रहत हय लेकिन कुछ तरिका कुछ प्रयोग कैसे करा जात ई के जानकारी सही ढंग से जिका रहत हय उनके चेहरप चाँद के चमक रहत हय । बिना कोई केमिकल बिना आरटिफीसियल कय ।
आपन सुन्दरता पावयक खातिर हम सभय का कोई न कोई उपाय करा जात हय । कभ्भो गोरहर बनावय वाला फेयरनेस क्रिम, गोरहर कय आशामा तौ कभ्भो एन्टी एजिंग क्रिम से उमर का रोकेक दुष्प्रयास किहा जात हय ।
सुन्दरता आवय कय भ्रम मईहाँ कईमेर कय क्रिम कास्मेटिक लेप कय कारण चेहरक परिणाम (मुहासा, गडडा, आँखी के करीया घेरा, छाईहा, इलरर्जी) छाला पर रुखापन बिन जान कय छाला देखाई लागत हय ।
हम सभय कय रसोई घर मईहाँ कइमेर कय मसाला, तरकारी, अऊर फलफुल रहत हय जऊन की हम सब कय स्वस्थ्य कय साथेन सौन्दर्य कय दृष्टिकोण खातिर लाभकारी रहत हय ।
घरेलु नुस्खा बनावय समय मईहाँ ई जानेक जरुरी हय की सही मात्रा कैसेन उपयोग किहा जाय । साथेन सौन्दर्य कय उपयोग मईहाँ का आवश्यक हय ई भी बहुतय जरुरी हय ।
तौ पाठक वर्ग आज हम, आप सब कय खातिर लय कय आईहन सहज तयार होयवाला कछु सहज सरल अऊर सब से बढिया घरेलु सौन्दर्य नुस्खा ।
– एक कटुरीयम एक बडा चम्मच मुल्तानी माटी कय पावडर लिहा जाय । अब ईमा सही मात्रा मईहाँ चन्दन पावडर वा नीम पावडर मिलावा जाय, ई मिश्रण का गुलाब जल से घोरा पतला घोल बनावा जाय । ई पैक त्वचा मईहाँ नरमपन अऊर चमक लावयक खातिर बहुतय बढिया फेस पैक होय । ई कय प्रयोग रुखा खाल त्वचा वालेन युवा–युवती कय खातिर बहुतय फाईदाकारी होत हय ।
– एक टमाटर कय पिस कय गुदी का एक कटुरियम राख्खा जाय । अब ई मा एक छोट चम्मच शहद मिलायक दुनउ का बढिया से मिलाय लिन जाय । ई पैक आप कय खाल त्वचा कय खातिर प्राकृतिक चमक मईहाँ निखार लाय दि अऊर आप कय सुन्दरता कईहाँ बहुतय तरोताजा कई दि ।
– एक चम्मच शहद, एक चम्मच गिलिसरिन अऊर दुई चम्मच कागती कय रस लैके ई तिनव चिज कईहाँ एक कटुरिय मईहाँ एक साथेन मिलाईलेव । ई पैक आप कय खाल त्वचा कय रुपरंग मईहाँ निखार आवय लागी साथेन प्राकृतिक रुप मईहाँ बहुतय अच्छा काम करत हय । (स्रोतः समाज जागरण साप्ताहिक)