समाज

सत्यम खबर बाँके,२० असोज । बाँकेको राप्ती सोनारी गाउँपालिका ९ मुगु खोला नजिकै शनिवार बिहान भएको सडक दुर्घटनामा मृत्यु हुने सबै जनाको सनाखत भएको छ । दाङबाट नेपालगञ्ज आईरहेको रा १ ज १६६२ नम्बरको हायस कोहलपुरबाट पूर्व जाँदै गरेको लु १ ख ७७२९ नम्बरको ट्रकसँग ठोक्किँदा ६ जनाको मृत्यु भएको हो भने १७ जना घाईते भएका छन् । पूर्वपश्चिम राजमार्गमा बिहान ९ बजे भएको दुर्घटनामा हायसमा सवार २३ जनामध्ये ४ जनाको घटनास्थलमै मृत्यु भएको थियो भने २ जनाको उपचारका लागि नेपालगञ्ज मेडिकल कलेज शिक्षण अस्पताल कोहलपुर ल्याउँदै गर्दा मृत्यु भएको जिल्ला ट्राफिक प्रहरी कार्यालय बाँकेका प्रहरी निरीक्षक हिरेन्द्र रोकायले बताए । घटनामा पश्चिम दाङकी ३० वर्षीया तुल्सी रावत, तुलसीपुर उपमहानगरपालिका वडा नं. ८ बस्ने २८ बर्षीया बसन्ती चौधरी, सोही ठाँउ बस्ने ५० बर्षीया नारायणी श्रीष, तुलसीपुर ६ का हायस चालक ३८ बर्षीय सुवन च...

बाँके,२० असोज । पूर्वपश्चिम राजमार्ग अन्तरगत बाँकेको राप्ती सोनारी गाउँपालिकामा ट्रक र माइक्रो बस ठोक्किँदा माइक्रो बसका चालकसहित ६ जनाको मृत्यु भएको छ । दुर्घटनामा अन्य १७ जना घाइते भएका छन् । दाङबाट नेपालगन्ज आउँदै गरेको रा १ ख १६६२ नम्बरको हाइस माइक्रो बस र नेपालगन्जबाट विपरित दिशाबाट जाँदै गरेको लु १ ख ७७२९ नम्बरको ट्रक आज बिहान करिब सवा ९ बजेतिर राप्तीसोनारी गाउँपालिका ९ मुगुवा खोला नजिक ठोक्किएका थिए । घाइतेहरुको नेपालगञ्ज मेडिकल कलेज शिक्षण अस्पताल कोहलपुरमा उपचार भइरहेको छ भने मृतकहरुको सनाखत हुन नसकेको इलाका प्रहरी कार्यालय कोहलपुरका प्रहरी नायव उपरिक्षक रमेशबहादुर सिंहले जानकारी दिएका छन् । घाइतेमध्ये केहीको अवस्था गम्भीर रहेको प्रहरीले जनाएको छ ।...

‘लगाएको बाली भित्र्याउन पाउँदैनौं, राहतका नाममा कनिका छरिन्छ,’ राप्तीसोनारी गाउँपालिका–१, कुसुमका यमबहादुर खड्काले आक्रोश पोख्दै भने, ‘निकुञ्ज भएपछि खुबै सास्ती पाएका छौं ।’ बर्षौंदेखि लगाउँदै आएको अन्नवाली बाँके राष्ट्रिय निकुञ्जबाट आउने जनावरले खाइदिँदा कुसुमका स्थानीयहरु सोचेअनुसार अन्नबाली भित्र्याउन पाउँदैनन् । ‘हामीले लगाएको बाली जंगली जनावरले नष्ट गरिदिन्छ,’ खड्काले भने, ‘हुने खानेलाई त केही फरक नपर्ला, हुँदा खानेहरु भोकभोकै मर्ने अवस्था छ ।’ जंगली जनावरले नष्ट गर्न थालेपछि कुसुमका स्थानीयबासीहरु जमिन बाँझै राख्न बाध्य छन् । ‘सयौं विगाहा खेतीयोग्य जमिन बाँझै राखेका छौं,’ कुसुमकै पदमराज वलीले भने, ‘लगाएर के गर्नु ? फल्न नपाउँदै जंगली जनावरले सखाप पारिदिन्छन् ।’ निकुञ्ज कार्यालयले तारवार नगरिदिँदा खेतीयोग्य जमिन बाँझो भएको उनको भनाई छ । निकुञ्जले तारवार नगर्दा त्यस क्षेत्रका कृषकहर...

बाँके, १९ असोज । युरोपियन युनियनकी राजदुत भेरोडिना केडीले बाँकेको डुडुवा गाउँपालिका अन्र्तगत बाढी र डुबानबाट प्रभावित क्षेत्रको अवलोकन तथा बाढी पिडितसंग भेटघाट गरेकि छन । उनले विपत प्रभावित क्षेत्र गाउँपालिकाको होलिया आसपास राप्ती नदीको कटानको अवलोकन गरिन । अवलोकनपछि गाउँमा आयोजित स्थानीयसंगको भेटघाट क्रममा उनले बाढी डुबानको समस्याले चिन्तित भएको बताउदै विपत व्यवस्थापनका लागि गाउँपालिकाले बनाएको योजना राम्रो रहेको बताईन । केडीले विपत आएको अवस्थाका बारेमा स्थानीयहरुको अनुभव सुन्दै महिला, गर्भवती, बालबालिका र बृद्धलाई विपतबाट कसरी जोगाउने सो सम्वन्धी कार्यक्रमका बारेमा जानकारी लिईन । त्यसक्रममा गाउँपालिकाका अध्यक्ष नरेन्द्रकुमार चौधरीले गाउँपालिका क्षेत्रमा विपत व्यवस्थापनको अवस्थाका बारेमा जानकारी गराउदै जिल्लाकै अति प्रभावित क्षेत्र रहेकाले पञ्चबर्षिय योजना निमार्ण गरि कार्य गरिरहेको बत...

भारतको गुजरातबाट दशैँ मनाउन घर फर्किएका दैलेख सिङ्गौडीका लालबहादुर शाही बिहान झिसमिसेमै रुपैडिहा बसपार्कमा आइपुगे । दुई दिनको यात्रा सकेर रुपैडिहासम्म पुग्दा उनी थकित देखिन्थे । उनलाई एउटै कुराको चिन्ता थपिएको थियो कि सीमाना रुपैडिहामा बसेका भारतीय प्रहरीको गाली सहनुपर्छ भन्ने । ‘कमाएको पैसा घर आँगनमै पुगेको बेला लुटिने आशङ्कामा डराइडराइ जमुनाहासम्म आइपुगेँ’, शाहीले भने । तर, जब उहाँ जमुनाहा पुगे ढुक्कसँग नेपाल प्रवेश गरे । दुई वर्षसम्म नेपाल नआएकोले उनी ढुक्कसँग घर पुग्नेमा आशावादी देखिन्थे । उनीजस्तै भारतको सिमलाबाट नेपाल फर्किदै गरेका जाजरकोट जगतीपुरका आइते विकलाई पनि उस्तै चिन्ता थियो । उनले भभने, ‘सीमामा भारतीय प्रहरीले दुःख दिन्छ, सामान खोतलेर हैरान बनाउँछ भन्ने चिन्ता थियो तर त्यसो भएन ।’ दशैँ नजिकिएसँगै भारतबाट घर फर्कने नेपालीलाई सुरक्षित गन्तव्यसम्म पुर्याउन नेपाल प्रहरीले राम...

बाँके,१८ असोज । जिल्ला ट्राफिक प्रहरी कार्यालय बाँकेले नजिकिँदै गरेको दशैं, तिहार र छठ पर्वलाई लक्षित गरेर विशेष सुरक्षा योजना लागू गर्ने तयारी गरेको छ । नागरिकको सुरक्षाका लागि चाडपर्व लक्षित विशेष सुरक्षा योजना लागू गरिएको ट्राफिक कार्यालय बाँकेका प्रमुख प्रहरी निरीक्षक हिरेन्द्र रोकायले जानकरी दिए । बाँके जिल्लाबाट र जिल्लामा प्रवेश गरेर बाहिरीने सवारीमा सवार नागरिक (यात्रु) लाई सहजताका लागि नेपालगञ्ज र कोहलपुर बसपार्कमा नागरिक सहायता कक्षको स्थापना गर्ने भएको उनले बताए । उनका अनुसार नेपालगञ्ज बसपार्कमा सहायता कक्ष स्थापना भईसकेको छ । कोहलपुरमा उक्त कक्ष स्थापनाको तयारी भईरहेको छ । उनका अनुसार भिडभाड हुने स्थल र टिकट काउन्टरहरुमा हुन सक्ने ठगी एवं अपराधिक क्रियाकलापलाई नियन्त्रण गर्न सादा पोशाकका प्रहरी परिचालन गरिने छ । यसैगरी बसपार्क क्षेत्रमा यात्रुको जानकारीकालागि माईकिङ् गर्ने र...

बाँके,२७ असोज । एउटै मन्त्रालय मातहतका सरकारी निकायबीचको द्वन्द्व बढ्दै गएपछि जिल्ला अदालत बाँकेमा लुटपाटको मुद्दासमेत दायर भएको छ । संस्कृति पर्यटन तथा नागरिक उड्डयन मन्त्रालय मातहत रहेका नेपाल वायु सेवा निगम र नेपाल नागरिक उड्डयन प्राधिकरणबीच द्वन्द्व बढेसँगै मुद्दा दायर भएको हो । नेपाल नागरिक उड्डयन कार्यालय नेपालगन्जका तत्कालिन निर्देशक प्रतापबाबु तिवारी र उड्डयन प्राधिकरणविरुद्ध नेपाल वायु सेवा निगम नेपालगन्जका प्रमुख मुक्तिराम पाण्डेले मुद्दा दायर गरेका छन् । तिवारी भने यहाँबाट सरुवा भएर हाल निगमको केन्द्रीय कार्यालयमा कार्यरत छन् । नेपालगन्ज विमानस्थल पसिरसरमा रहेको निगमको इन्जिनियरिङ युनिटको भवन गत असार १९ गते राती डोजर लगाएर उड्डयन कार्यालयले भत्काइदिएपछि सुरु भएको दुई निकायको विवाद अदालतसम्मै पुगेको छ । भवन भत्काइदिएपछि निगमका प्रमूख पाण्डेले उड्डयन कार्यालय प्रमूख तिवारीविरुद्...

बाँके,१७ असोज । जनजागरण समाज खजुराको अध्यक्षमा नसिरुल निशा निर्वाचित् भएकी छन् । समाजको बुधवार खजुराखुर्दमा भएको १५ औँ साधारण सभाले नसिरुललाई अध्यक्षमा निर्वाचित् गरेको हो । अध्यक्षका लागि मन्शाराम कहार र मायादेवी काँदुले पनि उम्मेदवारी दिएपछि निर्वाचन भएको थियो । कुल दुई सय मतदाता मध्ये ९३ जना सदस्य निर्वाचनमा सहभागी भएका थिए । निर्वाचनमा नसिरुलले ६९ मत प्राप्त गरेर विजयी हुँदा अध्यक्षका अर्का उम्मेदवार मायादेवीले १४ र मन्शारामले ७ मत मात्र प्राप्त गरेको जनजागरण समाजले जनाएको छ । चार मत बदर भएको थियो । खजुरा गाउँपालिकाकी उपाध्यक्ष एकमाया विकको प्रमुख आतिथ्यतामा सम्पन्न साधारणसभाले उपाध्यक्षमा रमेशकुमार काँदु, सहसचिवमा हनुमान राँढ र कोषाध्यक्षमा खेमराज बर्मालाई चयन गरेको सदस्य सचिव समेत रहेका जनजागरण समाजका कार्यकारी ब्यवस्थापक रामबहादुर पुनले जानकारी दिए । समाजको विधानमा कार्यकारी ब्य...

बाँके,१७ असोज । जिल्ला समन्वय समिति बाँकेको समन्वय अधिकारीको अध्यक्षता मा रहेका कार्यालय प्रमुख हरुको समितिले बाँकेबाट क्षेत्रिय सरकारी कार्यालय जिल्लामै यथावत रहने गरि बिभिन्न निर्णयहरु गरी सम्बन्धित मन्त्रालयमा पठाएको छ । केही दिन देखि बाँके बाट क्षेत्रियसरकारी कार्यालय सार्ने चलखेल भईरहेकोमा सो कुरालाई नियन्त्रण गर्न मँगलवार जिल्ला समन्वय समिति बाँकेमा बैठक बसेर त्यस्तो निर्णय भएको हो । प्रदेश सभा साँसद बिजय बहादुर यादवको आतिथ्यमा भएको बैठकमा नेपालगञ्ज बाट सार्न लागिएको ५ वटा कार्यालयको लागि नेपालगञ्जमै भवन उपलब्ध गराउने निर्णय भएको समितिले जनाएको छ । मँगलवार भएको निर्णय अनुसार भेरी यातायात ब्यवस्था कार्यालय लाई जिल्ला शिक्षा कार्यालयको नया भवनमा, निर्वाचन कार्यालय लाई महिला बालबालिका कार्यालयमा तथा तथ्याँक कार्यालय लाई सहकारी डिबिजन तथा प्रशिक्षण कार्यालयमा स्थान्तरण गर्न सम्बन्धित म...

बाँके,१५ असोज । बाँकेको कोहलपुर नगरपालिकामा सोमवार दुई जना प्रेमी जोडीले बिष सेवन गरि आत्महत्या गरेको कोहलपुर प्रहरीले जनानएको छ । कोहलपुर नगरपालिका वडा नम्बर १० चटार निवासी ४१ वर्षिय खुसीराम थारु र ३५ वर्षिय राधा थारु छिमेकी थिए । उमेरले पाका र विवाहित भएकाले उनिहरु बीचको हेलमेललाई समाजले खासै महत्व दिएन । तर उनीहरुबिच बढ्दै गएको हेलमेलले अन्तत दुबैको ज्यान लिएको छ । दुबै विवाहित भएपनि एकआपसमा बढ्दै गएको आकर्षणका कारण आत्महत्याको बाटो रोजेको खुल्न आएको छ । ४१ वर्षिय खुसीराम र उनकी प्रेमीका भनिएकी राधाले सोमबार बैजनाथ गाँउपालिका ,७ पेडारीमा बिष सेवन गरि आत्महत्या गरेका हुन । ईलाका प्रहरी कार्यालय कोहलपुरका प्रहरी निरिक्षक मान बहादुर विसीले सल्फास नामक विषादी प्रयोग गरेर दुबैले आत्महत्या गरेको जानकारी दिए । विसीले घटनास्थलबाट सल्फास नामक विषादीको ४ वटा खाली सिसि समेत बरामद गरिएको बताए । ...