शिक्षा/स्वास्थ्य

नेपालगन्ज, २४ माघ – असल शासन क्लबका पूर्ब अध्यक्षहरुको भेला सम्पन्न बास नेपालको आयोजनामा असल शासन क्लबका पूर्ब अध्यक्षहरुको भेला सम्पन्न भयो । बास नेपालको केन्द्रीय कार्यालयमा बाँकेमा रहेका असल शासन क्लबका पूर्ब अध्यक्षहरुको भेला सम्पन्न भएको हो । असल शासन क्लब जिल्ला समन्वय समिति बाँकेका संस्थापक अध्यक्ष तथा बास नेपालका कार्यकारी निर्देशक नमस्कार शाहले सञ्चालन गरेको कार्यक्रममा बिभिन्न असल शासन क्लबका पूर्ब अध्यक्षहरुले अनुभव सुनाएका थिए । प्रो पब्लिकको असल शासन कार्यक्रम अन्तर्गत २०५६ सालदेखि २०६५ सालसम्म बाँकेका बिभिन्न साविकका गाविस र नगरपालिकामा ६२ वटा असल शासन क्लबहरु कार्यरत थिए । बास नेपाल बाहेक सबै क्लबहरु निष्क्रिय रहेको हालको अवस्थामा असल शासन क्लबहरुले पु¥याएको योगदानको चर्चा गर्नका लागि भेला आयोजना गरिएको हो । कार्यक्रममा बोल्दै बास नेपालका कार्यकारी निर्देशक नमस्...

नेपालगन्ज, २२ माघ – नेपालगन्ज उपमहानगरपालिकामा हात्तीपाइले विरुद्धा औषधी खुवाउन महाभारत भएको छ । उपमहानगरमा १६ औँ पटक खुवाउँदा समेत मुक्त हुन नसकेपछि स्वास्थ्यकर्मीहरुलाई महाभारत जस्तै भएको हो । बाँके जिल्लामा २०६७ सालदेखि सुरु भएको हात्तीपाइले रोग विरुद्धाको औषधी १६ औँ पटक सेवन गर्दा समेत निवारण हुन सकेको छैन । नेपालगन्ज उपमहानगरपालिकामा हात्तीपाइले (लिम्फेटिक फाइलेरियासिस) रोग उन्मूलनका लागि सञ्चालन हुँदै आएको सामूहिक औषधि सेवन कार्यक्रम एक दशकभन्दा बढी समय बितिसक्दा पनि अपेक्षित सफलतामा पुग्न सकेको छैन । सरकार, दाता निकाय, स्वास्थ्यकर्मी र स्वयंसेवकको ठूलो लगानी र प्रयास हुँदाहुँदै पनि नागरिकस्तरमा औषधि सेवनको दर न्यून रहँदा यो अभियान अहिले ‘महाभारत’ जस्तै लामो र जटिल बन्दै गएको छ । स्वास्थ्य तथा जनसंख्या मन्त्रालयको नेतृत्वमा नेपालगन्ज उपमहानगरपालिका, स्वास्थ्य कार्यालय बाँके...

नेपालगन्ज, २० माघ – समुदायको समुन्नतिका लागि नागरिक समाज संगठित भएर अगाडि बढ्नुपर्नेमा आज नेपालगन्जमा आयोजित एक कार्यक्रममा जोड दिइएको छ । सामुदायिक रेडियो प्रसारक संघ (अकोराब) को आयोजनामा तथा गैरसरकारी संस्था महासंघ (एटिएन) को सहकार्यमा गरिएको समुदायस्तरमा नागरिक समाजको भूमिका विषयक छलफल कार्यक्रममा सहभागीहरूले यस्तो धारणा व्यक्त गरेका हुन् । कार्यक्रममा सामुदायिक रेडियो प्रसारक संघ अकोराबका अध्यक्ष अर्जुन गिरीले नागरिकले हरेक सवालमा प्रश्न गर्न सक्नु नै नागरिकको जवाफदेहिता भएको बताउनुभयो । उहाँले भन्नुभयो, “समुदायको आवाज सम्बन्धित ठाउँमा पुग्यो कि पुगेन, नागरिक समाजले भूमिका निभाउन सक्यो कि सकेन भन्ने विषय मिडियाले पनि उठान गर्न आवश्यक छ, जसले नागरिक समाजलाई अझ सबल बनाउन मद्दत पु¥याउँछ ।” नेपाल पत्रकार महासंघका पूर्व केन्द्रीय सदस्य झलक गैरेले देशमा भएका राजनीतिक आन्दोलन वा परि...

नेपालगन्ज, २० माघ – जनता समाजवादी पार्टी (जसपा)का अध्यक्ष अशोक राईले इस्तियाक राईले पार्टीलाई धोका दिएकाले कारवाही गरिएको स्पष्ट पारेका छन् । पार्टीका महासचिव समेत रहेका इस्तियाक राईलाई चुनाव जित्नका लागि राजनीतिमा अनैतिक कार्य गरेकाले कारवाही गरिएको अध्यक्ष राईले बताए । अध्यक्ष राईका अनुसार पार्टीको आधिकारिक निर्णय र सिद्धान्तलाई चुनौती दिने गतिविधि सहन नसकिने भन्दै उनले इस्तियाक राईको कदमलाई पार्टीप्रतिको विश्वासघातका रुपमा व्याख्या गरेका छन् । अध्यक्ष राईले भने, “पार्टी छोडेको छैन भन्ने, तर एमाले अध्यक्ष केपी ओलीबाट सूर्य चिन्ह लिएर चुनाव लड्न आउने कार्य राजनीतिमा अनैतिक मात्र होइन, पार्टी अनुशासनमाथिको ठाडो प्रहार हो ।” बाँके क्षेत्र नं.२ का प्रतिनिधिसभा सदस्य पदका उम्मेदवार इस्तियाक आफु जसपाको महासचिव नै भएको भन्दै नेता तथा कार्यकर्तालाई भ्रम पार्दै आएका छन् । यसअघि जसपा नेपालबाट च...

काठमाडौ, २० माघ – संशोधित छापाखाना तथा प्रकाशन ऐन र नियमावली कार्यान्वयनका क्रममा उत्पन्न कानुनी तथा संरचनागत अन्योलका कारण प्रदेश सरकारअन्तर्गत सञ्चार रजिष्ट्रारको कार्यालयमा हुँदै आएको अनलाइन सञ्चार माध्यमको दर्ता र पत्रकार परिचयपत्र नवीकरण प्रक्रिया पूर्ण रूपमा अवरुद्ध हुनु प्रेस स्वतन्त्रतामाथिको गम्भीर प्रहार भएको नेपाल पत्रकार महासंघ काठमाडौं शाखाले ठहर गरेको छ । नेपाल पत्रकार महासंघ काठमाडौं शाखाका सचिव रमेश कुमार बोहोराले २०८२ माघ २० गते मंगलबार जारी गरेको प्रेस विज्ञप्तिमा संघीय तहमा स्पष्ट कानुनी व्यवस्था, कार्यविधि र निर्देशन नहुँदा प्रदेश सरकार तथा सम्बन्धित कार्यालयहरू निर्णयविहीन अवस्थामा पुगेको उल्लेख गर्दै यस्तो अवस्था सामान्य प्रशासनिक समस्या नभई पत्रकारको पेशागत निरन्तरता, प्रेस स्वतन्त्रता र संघीय शासन प्रणालीको व्यवहारिक अभ्यासमाथिको प्रत्यक्ष आघात भएको स्पष्ट गरिएको...

दाङ, २० माघ - आर्थिक अभावका कारण पढाइ छाडेका मधु कौलिक र कृष्ण कौलिकलाई घोराही बनाऔँ अभियानले पढाउने भएको छ। १२ वर्षीय मधु र १० वर्षीय कृष्ण दिदी भाइ हुन् । घोराही १५ काठेकोहललस्थित सरस्वती माध्यमिक विद्यालयमा दुवैले कक्षा १ मा पढ्दा पढ्दै पढाइ छाडेको मधुले जानकारी दिइन् । केही वर्ष अगाडि उनको बुबाको निधन भएको थियो । बुबाको घर नेपालगञ्ज भएपनि माइत घोराही भएका कारण हाल मधुको परिवार घोराही मिलनचोकमा भाडा लिएर बस्छ । आमा गङ्गा कौलिकले घोराहीमै मिस्त्री काम गर्ने सन्दीपसँग विवाह गरेकी छन्। तर चारैजना साथै बस्छन् कान्छ बुबा सन्दिप पनि उनीहरूलाई पढाउने पक्षमै छन् । तर एकजनाको ज्याला मजदुरीले खान लाउन समेत समस्या परेकाले चाहँदा चाहँदै उनीहरूलाई पढाउन नसकेको सन्दीपको भनाइ छ । आफ्नो पढ्ने ठूलो धोको भएको मधु र कृष्णको भनाइ छ । उनीहरुलाई घोराही बनाऔँ अभियानको तर्फबाट आउँदो नयाँ शैक्षिक सत्रद...

नेपालगन्ज,  १९  माघ - पार्टीकाे विधान विपरित गई नेकपा एमाले सुर्य चिन्ह लिई बाँके क्षेत्र नं. २ बाट उम्मेदवारी दर्ता गरि चुनावमा हाेमिका पुर्वमन्त्री माेहम्मद ईस्तियाक राईलाई पार्टीले कार्वाही गर्दै पार्टीकाे महासचिव लगायत सबै जिम्मेवारी र सदस्यबाट समेत सबै हटाएकाे जनाएकाे छ । जनता समाजवादी पार्टीले आज विज्ञप्ति जारी गर्दै आगामी निर्वाचनमा पार्टीको निर्णय विपरीत कार्य गरेको भन्दै राईलाई पद तथा सदस्यताबाट निष्कासित गरिएको विज्ञप्ती मार्फत जनाएकाे छ । जसपाले नागरिक उन्मुक्ति पार्टी नेपाल र राष्ट्रिय मुक्ति पार्टी नेपालसँग संयुक्त रूपमा आगामी फागुन २१ गते हुने निर्वाचनमा एकीकृत चुनाव चिन्ह जाँतो (चकिया) लिएर निर्वाचनमा सहभागी हुने निर्णय गरेको जनाएको छ। सोही अनुसार निर्वाचन आयोगमा दर्ता गरी उम्मेदवारहरू चुनावी अभियानमा सक्रिय रहेको पार्टीले उल्लेख गरेको छ । तर नेपालगन्ज उपमहानगरपालिका–१...

नेपालगन्ज, १९ माघ – रक्तदाता दिवस २०८२ को अवसरमा “सेवा नै धर्म हो”, “तपाईले गरेको रक्तदान, कसैका लागी जीवनदान” नाराका साथ नेपाल रेडक्रस सोसाइटी उपशाखा बाँसगढी, नेपाल स्वयंसेवी रक्तदाता समाज नगर समिति, युवा सञ्जाल बाँसगढी लगायत १६ वटा बिभिन्न संघसंस्थाहरुको संयुक्त आयोजनामा आयोजित रक्तदान कार्यक्रममा ९ महिला सहित ७७ जनाले रक्तदान गरेका छन् । “प्रत्येक स्वस्थ युवा युवतीहरुले आफ्ना १८ वर्षको जन्मोत्सवमा रक्तदान गरौं ” बाँसगढी नगरपालिकाकाको संरक्षकत्वमा, बाँसगढी बजार प्रहरी बिट नजीक आयोजित रक्तदान कार्यक्रममा बाँसगढी नगरपालिकाका नगर प्रमुख खडक बहादुर खडका, नेपाल रेडक्रस सोसाइटी उपशाखा बाँसगढी नगर समितिका सभापति कमल बहादुर खत्री,सचिव दिनेश थापा, युवा सञ्जाल बाँसगढीका अध्यक्ष एक नारायण अधिकारी, नेपाल स्वयंसेवी रक्तदाता समाज बाँसगढी नगर अध्यक्ष विनोद परियार, बाँसगढी नगर अस्पतालका स्वास्थ्य...

खजुरा, १८ माघ – बैजनाथ गाउँपालिकाको सम्झना बजारमा एमाले क्षेत्र नं. ३ को सम्पर्क कार्यालय स्थापना भएको छ । सम्पर्क कार्यालयको एमाले बाँकेका उपाध्यक्ष समेत रहेका निर्वाचन परिचालन इन्चार्ज रत्न खत्री र क्षेत्र नं. ३ का एमाले उम्मेदवार सुमन मल्लले संयुक्त रुपमा उद्घाटन गरेका हुन् । उद्घाटन शत्रलाई सम्बोधन गर्दै खत्रीले अहिलेको निर्वाचन महत्वपूर्ण भएकोले कसैको बहकाउमा नलाग्न अपिल गरे । उनले एमालेको बहुमत नआए देश जर्जर अवस्थामा फस्ने बताउँदै सिंहदरवार, सर्वोच्च अदालत लगायत देशका महत्वपूर्ण संरचना जलाउनेहरुले देशलाई बर्बाद पार्ने बताए । ‘यो निर्वाचन देश बनाउने र जलाउने वीचको युद्ध हो । देश जलाएर आगो ताप्नेहरुको हातमा देश गए हामी सवै बर्बाद हुने छौँ,’ उनले भने । उनले बाँके क्षेत्र नं. ३ का मतदाताले पर्यटक उम्मेदवारलाई चिन्न र सोही अनुसार अगाडीबढ्न आग्रह गरे । ‘यसअघिको निर्वाचनमा बाहिरको...

नेपालगन्ज, १८ माघ – बाँके क्षेत्र नं. २ को उम्मेदवारीमा २२ जना रहेका थिए । जस मध्ये २ जनाले आफ्नो नाम फिर्ता लिएका छन् भने अन्य क्षेत्रमा करीब ६० जना उम्मेदवारहरुले बाँकेको ३ वटै क्षेत्रबाट उम्मेदवारी दर्ता गरिसकेका छन् । हाल उम्मेदवारी दर्ता गरिसकेका उम्मेदवारहरुले आ–आफ्नो क्षेत्रमा घरघैलो, कार्यालय उद्घाटन, मतदाता भेटघाट लगायत कार्य गरिरहेका छन् । तर केही दिन अगाडी मात्र निर्वाचन आयोगले सम्पूर्ण उम्मेदवारहरुलाई राखी निर्वाचन आचारसंहिता जारी भई सकेको जानकारी गराउँदै सो पालना गर्न सबैमा अनुरोध गरेको थियो । उक्त निर्वाचन आचारसंहितालाई हाल कति पार्टीका उम्मेदवारहरुले पालना गरिरहेका छन् भन्ने प्रश्न गम्भिर रुपमा उठेको छ । बाँके क्षेत्र नं. २ कै हकमा कुरा गर्नु पर्दा हाल जसपा नेपालबाट उम्मेदवारी दर्ता गरेका उम्मेदवार कमरुद्दीन राई घरदैलोमा व्यवस्था रहेका छन् । यसैगरी नेकपा एमा...