राजनीति

काठमाण्डौ, १४ असोज – जापानका नव निर्वाचित लिबरल डेमोक्र्याटिक पार्टी (एलडिपी) नेता शिगेरु इसिबाले आगामी आर्थिक मन्दीको सम्बोधनका लागि अक्टोबर २७ का लागि आकस्मिक निर्वाचन गराउने तयारी रहेको बताएको स्थानीय सञ्चारमाध्यमले सोमबार जनाएका छन् । उनी अक्टोबर १ अर्थात् मंगलबार औपचारिक रूपमा जापानको प्रधानमन्त्रीको रूपमा नियुक्त हुनेछन् । संसद्मा बहुमत रहेको एलडिपीबाट शुक्रबार पार्टी नेता चुनिएपछि उनी प्रधानमन्त्रीको लागि निर्विकल्प उम्मेदवार बनेका हुन्। इसिबाले अक्टोबर २७ मा हुने आम निर्वाचनअघि अक्टोबर ९ मा संसद् विघटन गर्ने योजनालाई अन्तिम रूप दिइरहेको स्थानीय सञ्चारमाध्यमले जनाएका छन् । उनले एलडीपी नेतृत्वको दौडमा भाग लिने मन्त्रिमण्डलका पूर्व मुख्यमन्त्री कत्सुनोबु कातोलाई अर्थमन्त्रीको रूपमा नियुक्त गर्ने सम्भावना प्रबल रहेको जापानी सञ्चारमाध्यमले जनाएका छन् । नयाँ मन्त्रीमण्डलम...

काठमाण्डौ, १४ असोज – अनलाइन न्युज पोर्टल सिधा कुरा डटकमका कार्यकारी सम्पादक नवीन ढुंगाना र प्रकाशक युवराज कँडेललाई सर्वोच्च अदालतले जेल सुनाएपछि नेपाल पत्रकार महासंघले चासो जनाएको छ । सोमबार महासंघका महासचिव रोशन पुरीले विज्ञप्ति जारी गर्दै सर्वोच्चबाट भएको फैसलाप्रति गम्भीर ध्यानाकर्षण भएको जनाएका छन् । ‘समाचार स्रोतलाई विश्वास गरेर गलत समाचार प्रकाशन-प्रसारण गरेको स्वीकार गर्दै सम्बन्धित सञ्चार संस्थाले उक्त समाचार हटाएको र माफीसमेत मागिसकेको थियो’, उनले भनेका छन्, ‘स्रोतबाट प्राप्त सामग्री पत्रकारले प्रयोगशालामा परीक्षण गर्ने व्यवस्था नभएको र सञ्चारसम्बन्धी नीति तथा कानूनले त्यस्तो व्यवस्था नगरेको अवस्थामा प्रकाशित सामग्री गलत भएमा सच्च्याउने व्यवस्था पत्रकार आचारसंहितामा गरिएको छ ।’ सञ्चारमाध्यममा आएका सामग्रीमा चित्त नबुझेमा प्रचलित कानुनअनुसार प्रेस काउन्सिल नेपाल र अदाल...

काठमाण्डौ, १४ असोज – भौतिक पूर्वाधार तथा यातायात मन्त्री देवेन्द्र दाहालले हालैको प्राकृतिक प्रकोपबाट भौतिक पूर्वाधार क्षेत्रमा २५ अर्बभन्दा बढीको क्षति भएको बताएका छन् । अनेरास्ववियुले सोमबार काठमाडौंमा गरेको ‘सार्वजनिक यातायातको नियमन र विद्यार्थी सहुलियतको पूर्ण कार्यान्वयन’ विषयक कार्यक्रममा मन्त्री दाहालले प्राकृतिक प्रकोपबाट देशका केही स्थानमा पक्ली पुलदेखि सडक, झोलुङ्गे पुल बगाएर ठूलो क्षति भएको बताएका छन् । दाहालले क्षतिग्रस्त सडकहरूको मर्मत गरी यातायात सुचारु गर्ने सरकारको मुख्य प्राथमिकता रहेको धारणा राखे । चाडवाडअघि नै अवरुद्ध भएका सबै सडक सञ्जाल सुचारु भइसक्ने जानकारी दिँदै मन्त्री दाहालले अन्य सडकखण्ड पनि मर्मत गरिने बताए । उनले चाडवाडमा हवाई भाडा निकै महंगो देखिएकाले नियन्त्रण गर्न पनि सरकार लागिरहेको बताउए । यात्रुहरूलाई सहज रुपमा यात्रा गराउन प्रभावकारी र...

काठमाण्डौ, १४ असोज – नयाँ नेतृत्वलाई लिएर नेकपा मा‌ओवादी केन्द्रनिकट विद्यार्थी संगठन अखिल क्रान्तिकारीमा विवाद बढ्दै गएको छ । काठमाडौंको कीर्तिपुरमा जारी राष्ट्रिय सम्मेलनको बन्दसत्रमा उमेरहदको विषयलाई लिएर क्रान्तिकारी फरक फरक समूहबीच हानाहान भएको हो । अखिल क्रान्तिकारीमा नयाँ नेतृत्वका लागि दीपेश पुन, पवन कार्की र नरेश रेग्मीसहितका विद्यार्थी नेताहरू दौडमा छन् । यस्तोमा उनीहरूलाई माओवादीका कुनै न कुनै पदाधिकारीले साथ दिएका छन् । गुटगत विवाद बढ्दै जाँदा क्रान्तिकारीको सम्मेलनस्थल कीर्तिपुरमा उमेर हदको विषयलाई लिएर दुई समूहबीच कुटाकुट भएको हो । सार्वजनिक भएको एउटा भिडियोमा दुई समूहबीच घम्साघम्सी चलिरहेको छ। सुरक्षाका लागि तैनाथ प्रहरीले छुटाउन खोजे पनि ठूलो भिडबीचको घम्साघम्सी मिलाउन मुस्लिक परेको देख्न सकिन्छ । भिडबाट बाहिरका विद्यार्थी हान्, हान्, हान् भनिरहेको भिडियोमा ...

काठमाण्डौ, १४ असोज – इजरायलले लेबनानमा गरेको आक्रमणमा हेजबुल्लाहका अर्का दुई नेता मारिएका छन् । इजरायली सेनाले दक्षिणी लेबनानमा शनिबार गरेको हवाई आक्रमणमा हेजबुल्लाह नेता नबिल क्वाउक र कमाण्डर अलि कराकीको ज्यान गएको हो । हेजबुल्लाहले इजरायली सेना आईडीएफले गरेको आक्रमणमा कराकीको ज्यान गएको पुष्टि गरेको बीबीसीले जनाएको छ । कराकी हेजबुल्लाहको दक्षिणी मोर्चाका कमाण्डर हुन् । तर क्वाउकको मृत्युबारे भने केही उल्लेख गरेको छैन । १९८० मा हेजबुल्लाहमा आबद्ध भएका क्वाउक यसअघि संगठनको उपप्रमुख थिए । पछि उनी हेजबुल्लाहको दक्षिणी लेबनान क्षेत्रको प्रमुख थिए । हेजबुल्लाह प्रमुख हसन नसरल्लाह मारिएसँगै क्वाउकले संगठनको प्रमुखको जिम्मेवारी सम्हाल्ने अनुमान गरिएको थियो । नसरल्लाह इजरायली सेनाले शुक्रबार बेरुतमा गरेको हवाई आक्रमणमा मारिएका थिए । आईडीएफले आक्रमणमा नसरल्लाहसहित अन्य वरिष्ठ नेताहरू ...

पहिरोले क्षतिग्रस्त तातोपानी नाकाको लिपिङ पुल र चीनको केरुङ क्षेत्र नेपाली व्यवसायीका अर्बौंका सामान बाटोमै अलपत्र, स्याउ, लसुन, आँप, अनारलगायत खाद्यवस्तु कुहिने चिन्ता काठमाण्डौ, १४ असोज – बाढीपहिरोका कारण चीनसँगका प्रमुख दुई नाका तातोपानी र रसुवाबाट हुँदै आएको आयात व्यापार शनिबारदेखि ठप्प भएको छ । भोटेकोसीमा आएको बाढीले सीमा क्षेत्र नजिकैको अरनिको राजमार्गको लार्चा र लिपिङको मोटरेबल पुल बगाएको छ भने रसुवागढी नाका जोड्ने सडक जताततै छियाछिया बनेको छ । तातोपानी र रसुवाबाट व्यापार मात्र ठप्प भएको छैन बिजुली, सञ्चार यातायातको अभावमा स्थानीय बासिन्दा निकै ठूलो त्रासमा छन् । तातोपानीमा पैदल आउजाउ गर्नसमेत नसक्ने अवस्था छ । मालवाहक कन्टेनर बाटैमा अलपत्र छन् भने अर्बौं रुपैंयाँका व्यापारिक सामानको असुरक्षा भएको छ । यसबाट नेपाली व्यापारिले करोडौं रुपैयाँ नोक्सानी बेहोर्नुपर्ने परिस्थिति सिर्ज...

काठमाण्डौ, १४ असोज – हिजबुल्लाह प्रमुख हसन नसरल्लाहको मृत्युपछि इजरायलले आइतबार लेबनानसँगको सीमामा ट्याङ्कहरू तैनाथ गरेको छ । अल्जजीराले ट्याङ्कहरू तैनाथ गरेका तस्बिर सार्वजनिक गरेको छ । इजरायलले लेबनानमा हिजबुल्लाहका केन्द्रमा जमिनी आक्रमण गर्ने यस अघि नै चेतावनी दिएको थियो । अर्कोतर्फ नसरल्लाहको मृत्युपछि पनि इजरायलले लेबनानमा आक्रमण जारी राखेको छ । न्यूयोर्क टाइम्सका अनुसार लेबनानको स्वास्थ्य मन्त्रालयले यी आक्रमणमा ३३ जनाको मृत्यु भएको र १९५ जना घाइते भएको बताएको छ । रिपोर्टमा नसरल्लाहलाई मार्न इजरायलले सेप्टेम्बर २७ मा ८ वटा लडाकु विमान पठाएको दाबी गरेको छ । यसमार्फत हिजबुल्लाहको मुख्यालयमा २ हजार पाउण्ड मूल्यका १५ वटा बम खसालेको थियो । रिपोर्टका अनुसार यी अमेरिका निर्मित बीएलयू-१०९ बम थिए, जसलाई बंकर बस्टर पनि भनिन्छ । यी तोकिएको स्थानमा भूमिगत प्रवेश गर्न र विस्फोट गराउ...

काठमाण्डौ, १४ असोज – लेबनानी सशस्त्र समूह हिजबुल्लाह उसको समग्र नेता हसनल नसरल्लाहको हत्या र अन्य विनाशकारी आघातबाट लडखडाइरहेको बेला हवाई आक्रमणमा हिजबुल्लाहका अर्का एक शीर्ष अधिकारीलाई मारेको इजरायली सेनाले आइतबार बताएको छ । इजरायली सेनाले हिजबुल्लाहको केन्द्रीय परिषद्का उपप्रमुख नबिल काउकलाई शनिबार मारिएको बताएको छ । हिजबुल्लाहका तर्फबाट यसबारे तत्काल कुनै टिप्पणी आएको छैन । साथै आक्रमण कहाँ भएको थियो भन्नेबारे पनि जानकारी भएको छैन । हालैका साताहरूमा इजरायली आक्रमणहरूमा दशकौँसम्म मृत्यु र पक्राउबाट बच्दै आएका हिजबुल्लाहका संस्थापक सदस्यहरूलगायत धेरै वरिष्ठ कमान्डरहरू मारिएका छन् । मारिनेमा नसरल्लाहका नजिकका व्यक्तिहरू पनि थिए । हिजबुल्लाहलाई उसका पेजर र वाकी–टाकीहरूमा गरिएको परिष्कृत आक्रमणको लक्ष्य बनाइएको थियो । उक्त आक्रमणका लागि व्यापक रूपमा इजरायलमाथि दोष लगाइएको थियो । ...

काठमाण्डौ, १४ असोज – पाकिस्तानको हैदरावाद जिल्लामा सञ्चालन गरिएको पोलियोविरुद्धको खोप अभियानमा झण्डै १२ हजार बालबालिका सहभागी नभएको पाइएको छ । यति धेरै सङ्ख्यामा बालबालिकाले खोप नलिएका कारण पोलियो उन्मूलनमा अझै ठूलो चुनौती देखा पर्ने चिन्ता उत्पन्न भएको छ । पाकिस्तानबाट प्रकाशित हुने द एक्सप्रेस ट्रिब्युनका अनुसार जिल्लाका ११ हजार ७ सय ४ जना ५ वर्षमुनीका बालबालिकाले पोलियो खोप अभियानमा सहभागीता जनाएनन् । यस पटक जिल्लामा ८ दिन लामो पोलियो खोप अभियान सञ्चालन गरिएको थियो । तीमध्ये १० हजार ९ सय १३ बालबालिका घरमा थिएनन् भने ७ सय ९१ जना बालबालिकाका अभिभावकले खोप दिन अस्वीकार गरेका थिए । विश्व स्वास्थ्य संगठनको सहकार्यमा पाकिस्तानको स्वास्थ्य विभाग र जिल्ला प्रशासनले ८ दिने खोप अभियान सञ्चालन गरेका थिए । खोप अभियानका क्रममा ग्रामीण क्षेत्रमा स्वास्थ्यकर्मीलाई बन्धक बनाउनेदेखि हातप...

काठमाण्डौ, १४ असोज – प्यालेस्टिनी लडाकू समूह हमासले लेबनानको दक्षिणमा सोमबार भएको आक्रमणमा आफ्ना नेताको मृत्यु भएको जनाएको छ । ‘हमासका नेता फतह शरीफ अबु अल अमीनले जारी गरेको विज्ञप्तिमा भनिएको छ, ‘लेबनानमा रहेका हमासका विदेशमामिला हेर्ने नेताको दक्षिण लेबनानको अल बास क्याम्पमा रहेको आफ्नो घरमा भएको हवाई आक्रमणमा मृत्यु भएको छ ।’ आक्रमणमा उनकी श्रीमती, छोरा र छोरीसहितको मृत्यु भएको हमासले बताएको छ । लेबनानी राष्ट्रिय समाचार संस्थाले टायर शहर नजिकै अल बासमा हवाई आक्रमण भएको र शिविरलाई निशाना बनाइएको यो पहिलो पटक भएको जनाएको छ । पपुलर फ्रन्ट फर द लिबरेशन अफ प्यालेस्टाइन (पिएफएलपी) ले बेरुतको कोला जिल्लामा सोमबार बिहान भएको आक्रमणमा आफ्ना तीन जना सदस्यको मृत्यु भएको बताएको केही घण्टापछि उक्त वक्तव्य आएको हो । करिब एक वर्षअघि गाजा युद्ध सुरु भएयता इजरायलले लेबनानमा रहेका हमासका ...