हात्तीपाइले विरुद्धा औषधी खुवाउन नेपालगन्ज उपमहानगरमा महाभारतः प्रमुख न्यौपाने
नेपालगन्ज, २२ माघ – नेपालगन्ज उपमहानगरपालिकामा हात्तीपाइले विरुद्धा औषधी खुवाउन महाभारत भएको छ । उपमहानगरमा १६ औँ पटक खुवाउँदा समेत मुक्त हुन नसकेपछि स्वास्थ्यकर्मीहरुलाई महाभारत जस्तै भएको हो ।
बाँके जिल्लामा २०६७ सालदेखि सुरु भएको हात्तीपाइले रोग विरुद्धाको औषधी १६ औँ पटक सेवन गर्दा समेत निवारण हुन सकेको छैन । नेपालगन्ज उपमहानगरपालिकामा हात्तीपाइले (लिम्फेटिक फाइलेरियासिस) रोग उन्मूलनका लागि सञ्चालन हुँदै आएको सामूहिक औषधि सेवन कार्यक्रम एक दशकभन्दा बढी समय बितिसक्दा पनि अपेक्षित सफलतामा पुग्न सकेको छैन । सरकार, दाता निकाय, स्वास्थ्यकर्मी र स्वयंसेवकको ठूलो लगानी र प्रयास हुँदाहुँदै पनि नागरिकस्तरमा औषधि सेवनको दर न्यून रहँदा यो अभियान अहिले ‘महाभारत’ जस्तै लामो र जटिल बन्दै गएको छ ।
स्वास्थ्य तथा जनसंख्या मन्त्रालयको नेतृत्वमा नेपालगन्ज उपमहानगरपालिका, स्वास्थ्य कार्यालय बाँके...
