समाज

नेपालगन्ज, २२ भाद्र – बाँकेमा आईतवार ३ महिलासहित ६ जनामा कोरोना भाइरस पुष्टि भएको छ । भेरी अस्पतालको प्रयोगशालामा परिक्षण गरिएको नेपालगन्ज, कोहलपुर, राप्तीसोनारी र सिम्टा सुर्खेतका गरी जम्मा ६ जनामा कोरोना पुष्टि भएको स्वास्थ्य कार्यालय बाँकेका फोकल पर्सन नरेश श्रेष्ठले बताउनुभयो । हालसम्म बाँके जिल्लामा १ हजार २ सय ५७ जना कोरोना संक्रमित देखिएकोमा उपचारपछि ८ सय ३१ जना डिस्चार्ज भई घर फर्किसकेका छन् भने विभिन्न आईसोलेसनमा ४ सय २० जना रहेको फोकलपर्सन श्रेष्ठले बताउनुभयो ।उहाँले बाँकेमा बिरामी निको हुने प्रतिशत ६६.११ रहेको छ भने बिरामी मृत्यु दर ०.४८ प्रतिशत रहेको बताउँदै बाँकेमा रोग प्रकोप दर ०.२१ प्रतिशत मात्र रहेको बताउनुभयो । यसअघि ३ महिलासहित ७ जनाको मृत्यु भईसकेको समेत बताउनुभयो ।...

नेपालगन्ज, २२ भाद्र – अस्पतालमा कार्यरत दुई चिकित्सकमा कोरोना संक्रमण देखिएपछि बाँकेको खजुरास्थित सुशील कोइराला प्रखर क्यान्सर अस्पताल सिल गरिएको छ । चिकित्सकसहित १० जनामा कोरोना भाइरस संक्रमण पुष्टि भएपछि अस्पताल सील गरिएको छ ।अस्पतालका प्रमुख विश्वराम पौडेलका अनुसार, २ जना चिकित्सक, ३ जना प्रशासन शाखाका कर्मचारी, १ जना नर्स र ५ जना अस्पताल सहयोगीलाई भाइरस संक्रमण देखिएको छ । यसअघि अस्पतालका गाडी चालकलाई पनि कोरोना भाइरस संक्रमण देखिसकेको थियो । अस्पतालमा भाइरस संक्रमण देखिएपछि अन्य सबै चिकित्सिक, स्वास्थ्यकर्मी र कर्मचारी सेल्फ क्वारेन्टिन बसेका छन् ।उनीहरुको पीसीआर परीक्षणको तयारी भइरहेको छ । अस्पतालमा ४२ जना कर्मचारी कार्यरत रहेका छन् ।...

काठमाण्डौ, २२ भाद्र – पार्टीभित्र रहेका प्रतिस्पर्धीलाई पेलेर अगाडि बढेपछि नेपाली कांग्रेसका सभापति शेरबहादुर देउवा तत्काल नसुल्झिने विवादमा फसेका छन् । यसअगाडिका विवाद भागबन्डामा टुंग्याएका देउवाका लागि यसपालि त्यो उपाय प्रभावकारी देखिएन ।पार्टीमा भिन्न गुट चलाइरहेका वरिष्ठ नेता रामचन्द्र पौडेल र पूर्वमहामन्त्री कृष्णप्रसाद सिटौला पक्षले विभाग गठनमा भाग नै लिएनन् । बरू उनीहरूले अहिले विभाग गठन गर्नु विधानविपरीत हुने र विभागले काम गर्ने समय नपाउने भएकोले त्यसको औचित्य नहुने अडान राखेका छन् ।यही गाँठो फुकाउन नसक्दा १४ औं महाधिवेशनको मुखमा देउवा विवादमा फसेका हुन् । विभाग र शुभेच्छुक संस्थामा गरी एक हजार जनाभन्दा बढीलाई देउवाले ‘पद बाँडेपछि’ काँग्रेसभित्र पछिल्लो समय विवाद चर्किएको छ । विवादको सुरूआत देउवाले गत पुस ११ मा एकलौटी निर्णयबाट गरेका थिए ।केन्द्रीय समितिमा देउवा पक्ष बहुमतमा...

नेपालगन्ज, २२ भाद्र – कोरोना संक्रमण देखिएपछि मृत्यु भएका नेपालगन्ज उपमहानरपालिकाका कर्मचारी युवराज बिक्रम घलेको सोमबार अन्त्येष्टी गरिएको छ । ५९ वर्षीय घलेको सोमबार बिहान बाँकेको राप्ती नदी सिधनियाँ घाटमा हिन्दु संस्कार अनुसार अन्त्येष्टी गरिएको हो । तस्वीर : प्रमुख जिल्ला अधिकारी रामबहादुर कुरुम्वाङको फेसबुकबाट नेपाली सेनाको सलामीसहित घलेको अन्त्येष्टी गरिएको बाँकेका कोरोना फोकल पर्सन नरेश श्रेष्ठले जानकारी गराउनुभयो । नेपालगन्ज वडा नं–९ का घलेको आईतबार साझ ८ः३० बजे मृत्यु भएको थियो ।भाद्र १८ गते पौने ३ बजे नेपालगन्ज मेडिकल कलेज कोहलपुरमा भर्ना भएका घले मुटुको रक्त नलिमा समस्या रहेको उपचारमा संलग्न डाक्टरले जानकारी गराएका छन् । उहाँको स्वास्थ्यमा सुधार नआएपछि समस्या बढ्दै गएर मृत्यु भएको अस्पताल स्रोतले जनाएको छ ।मृतकको भाद्र १५ गते कोरोना परीक्षण रिर्पोट पोजेटिभ देखिएको थियो । घले...

नेपालगन्ज, २२ भाद्र – बाँके जिल्लाको खजुरा गाउँपालिकामा कोभिड–१९ को संक्रमण दर बढ्दै गईरहेको अवस्थालाई मध्यनजर गर्दै खजुरा क्षेत्र नेपालगन्ज गुलरिया सडक खण्डको कपास विकास समितिदेखि बि.पि. प्रतिक्षालय ५०० मिटरसम्म सबै वडाहरुमा लागू हुने गरी निषेधाज्ञा जारी गरिएको छ । जिल्ला प्रशासन कार्यालय बाँकेद्वारा जारी सूचनामार्फत सबैलाई जानकारी हुने गरी आज सोमबार राती १२ बजेदेखि भाद्र २७ गते राती १२ बजेसम्मको लागि सवारी साधन, व्यवसाय, पसलहरु सञ्चालन तथा हिडडुल गर्न समेत पूर्ण रुपमा निषेध गरिएको छ ।उक्त निषेधाज्ञा जारी समयसम्म अतिआवश्यक एम्बुलेन्स, शववाहन, दमकल, झण्डावाला कुटनीतिक सावरी साधन, लामो दुरीका मालवाहक साधनहरु, निर्माण सामग्री ढुवानीका साधनहरु, अतिआवश्यक सेवा सञ्चालनमा खटिएका जनशक्तिले प्रयोग गर्ने सवारी साधनहरु र अनुमति पत्र प्राप्त सवारी साधन बाहेकका कुनै कसैले सो अवज्ञा गरे वा काममा...

डुडुवा, २२ भाद्र – नेकपा डुडुवा गाउँपालिका र जसपा डुडुवा बाँकेको संयुक्त अभियान डुडुवा संघर्ष समितिको आयोजनामा राप्ती नदीको घाट र पुलमा सोमबार सरसफाई कार्यक्रम सम्पन्न गरिएको छ ।डुडुवा संघर्ष समितिमार्फत सिधनियाँ घाट तथा राप्ती पुलको छेउछाउमा रहेका फोहोर मैला सरसफाई गरिएको संघर्ष समितिका सकिल खानले बताउनुभयो । उक्त सरसफाईन कार्यक्रम नेकपा डुडुवा, जनता समाजबादी पार्टी डुडुवा र संघर्ष समितिको संयुक्त आयोजनामा सम्पन्न गरिएको सरसफाई कार्यक्रममा सहभागि खानले जानकारी गराउनुभयो ।समितिले नदी छेउँमा निर्माण गरिएको स्नान स्थल, चेन्जिङ्ग कोठा तथा मन्दिर वरिपरि रहेको फोहर र राप्ती पुलमा जम्मा भएको धुलो तथा फोहरकोे सफाई गरेको छ । राजनीति स्वार्थ नभई समाज हितमा पनि सक्रियता रहने गरी सरसफाई कार्यक्रम गरिएको समितिका प्रेस संयोजक सूर्यलाल यादवले बताउनुभयो । घाटमा रहेको स्थान घर, धारा, मन्दिरक...

बागलुङ, २२ भाद्र – आदर्श सञ्चार सहकारी संस्था लिमिटेड बागलुङद्वारा सञ्चालित आदर्शसञ्चार डटकमको प्रथम वार्षिकोत्सवका अवसरमा ढोरपाटनका पहिरो पीडितहरुका लागि १ लाख ५१ हजार १ सय ५१ रुपैयाँ आर्थिक सहयोग गरिएको छ ।आदर्श सञ्चार डट कमको वार्षिकोत्सवको खर्च कटाएर र संस्थाका शेयर सदस्यहरुसँग संकलित रकम पहिरो पीडितका लागि सहयोग गरिएको संस्थाका अध्यक्ष हुमा कुमारी जि.सी.(अञ्जु)ले वक्तत्व मार्फत जानकारी दिनु भएको छ । संस्थाले २०७६ भदौ २१ गतेदेखि आदर्श सञ्चार डट कम सञ्चालनमा ल्याएको थियो । आदर्श सञ्चार सहकारी संस्था लिमिटेड बागलुङ साविक धौलागिरी क्षेत्र कै पहिलो सञ्चार सहकारी हो । सूचना तथा सञ्चारको संस्थागत विकाससँगै आम समुदायको आर्थिक, सामाजिक र साँस्कृतिक रुपान्तरणका क्षेत्रमा काम गर्ने लक्ष्य उद्देश्यका साथ संस्था स्थापना भएको हो ।सहकारीमार्फत सूचना, सञ्चार र आर्थिक विकास भन्ने नाराका साथ २०६...

नेपालगन्ज, २२ भाद्र – जिन्सी सहायक युवराज विक्रम घलेको कोरोना संक्रमणका कारण निधन भएपछि नेपालगञ्ज उपमहानगरपालिकाले गहिरो दुःख ब्यक्त गरेको छ । उपप्रमुख उमा थापा मगरका अनुसार घलेको निधन भएपछि आज सोमबार एकदिन शोक मनाउन कार्यालय बन्द गरिएको छ । मंगलबारदेखि तीन दिनसम्म कार्यालय सील गर्ने निर्णय भएको छ ।उपमहानगरपालिका कार्यालय आईतबारदेखि सुचारु हुनेछ । नेपालगञ्ज उपमहानगरपालिकाका प्रमुख डा. धवलशम्शेर राणाले घलेको निधनबाट उपमहानगरपालिकाले इमान्दार राष्ट्रसेवक कर्मचारी गुमाएको बताउँदै शोक सन्तप्त परिवारमा सहानुभुति प्रकट गर्नुभएको छ ।...

काठमाण्डौ, २२ भाद्र – अर्थमन्त्रालयको समेत जिम्मेवारी लिएका प्रधानमन्त्री केपी शर्मा ओलीले आज नेपालका व्यवसायीहरुसँग छलफल गरेका छन् । उद्योग वाणिज्य क्षेत्रका प्रतिनिधहरुसँगको प्रधानमन्त्रीले आज बालुवाटारमा बोलाएर छलफल गरेका हुन् । उक्त छलफल कार्यक्रममा व्यवसायीहरुले लकडाउन कै बीचमा व्यवसाय तथा बजार खुकुलो बनाउनुपर्ने, उद्योग तथा व्यापार गर्नका लागि सहजता हुनुपर्ने लगायतका माग राखेका थिए । उनीहरुले कसरी यो बीचमा उद्योग व्यवसाय चलाउन सकिन्छ भनेर सुझाव पनि दिएका छन् ।व्यवासायीहरुले अहिलेको समयमा इकमर्श लगायतका व्यवसायमा सरकाकरै अवरोध देखिँदा थोरै भए पनि भइरहेको व्यापारमा प्रभाव परेकोबारे जानकारी दिइएको एक व्यवसायीले सेतोपाटीलाई जानकारी दिए ।त्यस्तै, व्यवसायीले विद्युतीय सवारी साधनमा लगाएको कर घटाउन पनि माग गरेका थिए। भर्खरै मात्र राजीनामा दिएर बाहिरिएका युवराज खतिवडाले विद्युतीय सवारी...

नेपालगन्ज, २२ भाद्र – जिल्लाका विभिन्न आईसोलेसनमा रहेका १ महिलासहित ६ जना निको भएर घर फर्किने भएका छन् ।भाद्र ८ गते कोरोना संक्रमित देखिएका उनीहरु आज सोमबार डिस्चार्ज भई घर फर्किने भएको स्वास्थ्य कार्यालय, बाँकेका फोकल पर्सन नरेशबाबु श्रेष्ठले बताउनुभयो । हालसम्म बाँके जिल्लामा १ हजार २ सय ५१ जना कोरोना संक्रमित देखिएकोमा उपचारपछि ८ सय ३१ जना डिस्चार्ज भई घर फर्किसकेका छन् भने विभिन्न आईसोलेसनमा ४ सय १३ जना रहेको फोकलपर्सन श्रेष्ठले बताउनुभयो ।उहाँले बाँकेमा बिरामी निको हुने प्रतिशत ६६.४३ रहेको छ भने बिरामी मृत्यु दर ०.५६ प्रतिशत रहेको बताउँदै बाँकेमा रोग प्रकोप दर ०.२१ प्रतिशत मात्र रहेको बताउनुभयो । यसअघि ३ महिलासहित ७ जनाको मृत्यु भईसकेको समेत बताउनुभयो ।...