समाचार

डुडुवा, २६ चैत – डुडुवा गाउँपालिकाले पाँच शैय्याको आधारभुत अस्पताल संचालनमा ल्याएको छ । डुडुवा–२ बेतहनी स्वास्थ्य केन्द्र अन्तर्गत पाँच शैय्याको आधारभुत अस्पतालको बुधबारदेखि सेवा प्रारम्भ गरेको छ । मेडिकल अधिकृत डा. रामगोपाल तिवारीको नेतृत्वमा १८ जनाको टोलीले अस्पतालको २४ सै घण्टा सेवा संचालन गर्ने पालिकाका स्वास्थ्य शाखा प्रमुख सिताराम चौधरीले बताउनुभयो । उहाँका अनुसार अस्पतालमा आधुनिक प्रयोगशाला, औषधी फार्मेशी, डिजिटल एक्स–रे, भिडियो एक्स–रे लगायतको सेवा उपलब्ध हुनेछ । नेपाल सरकारले तोकेको मापदण्ड अनुसार विपन्न, गरिब तथा असहाय, ज्येष्ठ नागरिकलाई निःशुल्क उपचार सेवा तथा औषधी वितरण र अन्यलाई सहुलियतमा उपचार सेवा उपलब्ध गराइने शाखा प्रमुख चौधरीले बताउनुभयो । पालिका अध्यक्ष नरेन्द्रकुमार चौधरीले एक कार्यक्रमका विच अस्पतालको शुभारम्भ गर्दै पालिकाले आफ्नै सिमित साधन स्रोतबाट आधारभ...

बर्दिया, २६ चैत - बर्दियाको बढैयाताल गाउँपालिकामा पुर्नस्थापना केन्द्र तथा सेवा केन्द्रको स्थापना तथा संचालन सम्वन्धमा नियमावली निमार्ण गरिएको छ । ऐनलाई कार्यान्वयनका क्रममा नियमावलीको आवश्यकता अनुसार नियमावली तयार गरिएको गाउँपालिका उपाध्यक्ष लक्ष्मीकुमारी अधिकारीले बताउनुभयो । उहाँले महिला तथा बालिकाविरुद्ध हुने हिंसा सम्बोधनका लागि ऐन कानूनको आवश्यकता भएकाले नीतिगत रुपमा पहल गरिएको भन्दै यसलाई प्रभावकारी रुपमा कार्यान्वयन गर्ने प्रतिबद्धता गर्नुभयो । उपाध्यक्ष अधिकारीले यो ऐन र नियमावलीले हिंसा पिडित महिला तथा बालिकालाई न्यायका लागि सहयोग पुग्ने विश्वास व्यक्त गर्दै ऐन कानूनबारे समुदायमा प्रचार प्रसारका लागि चेतना अभिबृद्धिको कार्य गर्ने बताउनुभयो । महिला, कानून र विकास मञ्च काठमाण्डौको सहयोगमा सूचना र मानव अधिकार अनुसन्धान केन्द्र नेपालगन्जको प्राविधिक सहयोगमा नियमावलीको मस...

नेपालगन्ज, २५ चैत - मानव अधिकार जिल्ला समन्वय समिति बाँकेले सबै पालिकाहरुमा स्थानीय तह समन्वय समिति गठन गर्ने निर्णय गरेको छ । त्यसका लागि सबै पालिकाहरुमा पत्राचार गर्ने निर्णय गरिएको हो । समितिको आज जिल्ला समन्वय समितिको सभाहल नेपालगञ्जमा सम्पन्न बैठकमा समग्र जिल्लाको मानव अधिकारको अवस्थाबारे छलफल समेत गरिएको छ । जिल्ला समन्वय समिति बाँकेका प्रमुख ज्ञानेन्द्र कुमार चौधरीको अध्यक्षतामा सम्पन्न बैठकमा मानव अधिकारको संरक्षण र प्रबद्र्धनको अवस्थाका बारेमा छलफल गरिएको हो । मधेश मानव अधिकार गृह (माहुरी होम) कपिलबस्तुको सहकार्य एवम् पिबिआईको सहयोगमा आयोजित छलफल तथा बैठकमा कार्यक्रम संयोजक रिखिराम निगमले माहुरी होम र पिबिआई परियोजनाले गरिरहेका काम र मानव अधिकारको अवस्था तथा चुनौतीबारे प्रस्तुतिकरण गरेका थिए । माहुरी होमले मानव अधिकार, लैङ्गिक समानता, सामाजिक न्याय र सिमान्तकृत सम...

नेपालगन्ज, २५ चैत - होटल पौवाले मानवसेवा आश्रममा आश्रय लिइरहेका आश्रयबिहिनहरुलाई खाना खुवाएर १० औ स्थापना दिवस बनाएको छ । पौवाको नेपालगन्ज शाखाले मानवसेवा आश्रम नेपालगन्जमा आश्रितहरुलाई खाना खुवाएर स्थापना दिवस मनाएको हो । स्थापना दिवसका दिन संस्थाको सामाजिक उत्तरदायित्व अन्तर्गत जेष्ठ नागरिक, शारिरिक कमजोरी तथा मानसिक कमजारी रहेका आश्रितहरुलाई खाना प्रदान गरिएको होटल पौवाका अध्यक्ष दुर्गाप्रसाद भण्डारीले बताए । आश्रय बिहिनहरुका लागि ठुलो योगदान गरिरहेको मानवसेवा आश्रमको अभियानमा थोरै भएपनि जोडिन पाउनु पौवाका लागि गौरवको विषय भएको उनले बताए । अध्यक्ष भण्डारीले पौवाका २० वटै शाखाले स्थापना दिवसमा कुनै न कुनै सामाजिक उत्तरदायित्वको कार्य गरिरहेको जानकारी दिए । पौवा नेपालगन्जका महाप्रबन्धक गिरिराज पाण्डेले मानवसेवा आश्रममा आश्रित जेष्ठ नागरिक र आश्रित व्यक्तिहरुलाई खाना खुवाएर आ...

खजुरा, २५ चैत – मानवी स्पोर्टस क्लब र एक्स आर्मी लेडेन्ज टिम दोस्रो योगिनीगोल्ड कप फुटबल प्रतियोगिताको क्वाटर फाइनलमा प्रवेश गरेका छन् । प्रतियोगिता अन्तर्गत मंगलबार भएको पहिलो खेलमा मानवी स्पोर्टस क्लबले जय किसान स्पोर्टस क्लबलाई १–० ले पराजित गरेको छ । बाँके खजुरा गाउँपालिका वडा नम्बर २ स्थित योगिनी माविको खेल मैदानमा भएको पहिलो खेलमा मानवीका लागि सुदिप विकले खेलमा निर्णायक गोल गर्नु भएको थियो । सुदिपले खेलको २१औं मिनेटमा गरेको गोल निर्णायक बन्यो । खेलमा मानवीका सुदिप प्लेयर अफ द म्याच घोषित हुनु भयो । सुदिपलाई हरित सृजना सामुदायिक वन उपभोक्ता समिति सचिव गंगा शाही र स्थानीय समाजसेवी रामबहादुर महताराले पुरस्कृत गर्नु भयो । यसैगरी दोस्रो खेलमा एक्स आर्मी टिमले चन्द्र ज्योति युवा क्लबलाई पेनाल्टी सुटआउटमा ५–३ ले पराजित गरेको थियो । निर्धारित समयको खेल १–१ को बराबरीमा सकिएको थिय...

डुडुवा, २५ चैत – डुडुवा गाउँपालिकाले वार्ड नं. १ र २ अन्तर्गत रामनगर पाझा क्षेत्रलाई पर्यटन क्षेत्रको रुपमा विकास गर्न थालेको छ । उक्त क्षेत्रमा धार्मिक पर्यटन विकासका लागि स्टेचु अफ शिवः, कृषि विद्यालय, पार्क लगायतका योजना निर्माण गर्न लागिएको गाउँपालिका अध्यक्ष नरेन्द्रकुमार चौधरीले बताउनुभयो । उहाँका अनुसार गाउँपालिको अति दुर्गम तथा बाढी प्रभावित क्षेत्रलाई पर्यटनको रुपमा चिनाउन त्यस क्षेत्रको विकास गर्न लागिएको हो । कृषि विद्यालयका लागि चार कोठे भवनको निर्माण कार्य शुरु गरिएको छ । केही दिन अघि गाउँपालिका अध्यक्ष चौधरीले ४ कोठे भवनको शिलान्यास गर्नु भएको हो । डुडुवा–२ स्थित पशुपति माध्यमिक विद्यालय अन्र्तगत रहने गरी कृषि विषयको अध्ययन अध्यापनका लागि भवन निमार्ण गर्न लागिएको अध्यक्ष चौधरीले बताउनुभयो । करिब रु ७० लाखको लागतमा निर्माण शुरु भएको भवन असार मसान्तसम्म निमार्ण कार...

नेपालगन्ज, २४ चैत – होटल पौवाले आफ्नो १० औं वार्षिकोत्सव -स्थापना दिवस) को अवसरमा ‘पौवा स्वाद उत्सव–२०८२’ को आयोजना गर्ने भएको छ । होटल पौवाले आज मंगलबार पत्रकार भेटघाट कार्यक्रममा आयोजना बारे जानकारी गराउँदै नेपाली मौलिक स्वाद, संस्कृति तथा आतिथ्य सत्कारको अनुपम संगमका साथ यही चैत्र २६, २७ र २८ गते उक्त कार्यक्रमको आयोजना हुने जनाएको छ । स्वदेशी लगानी, सामूहिक स्वामित्व र नेपाली आतिथ्य संस्कृतिलाई आधार बनाएर अघि बढिरहेको होटल पौवा प्रालीले आफ्नो गौरबमय १० वर्ष पूरा गरेको छ भने १० वर्ष अघि चैत २५ गते नेपाली हस्पिटालिटीको घोषणा गर्दै सेवा आरम्भ गरेको पौवाले १० वर्षे गौरवमय यात्रा पूरा गरेको पत्रकार भेटघाटमा जनाईएको छ । नेपाली स्वाद, नेपाल आतिथ्य र नेपाली परिकारलाई देश विदेशमा ब्राण्डीङ गर्ने लक्ष्य लिएर सेवा दिँदै आएको होटल पौवाले १० औँ वार्षिकोत्सवको अवसरमा देशभर रहेका सम्पूर्ण शाखा...

खजुरा, २४ चैत – राईजिङ स्टार क्लब र सीतापुर युनाईटेड बर्दियाले दोस्रोयोगिनीगोल्ड कप फुटबल प्रतियोगिता सोमबार जित हासिल गरेका छन् । बाँके खजुरा गाउँपालिका वडा नम्बर २ स्थित योगिनी माविको खेल मैदानमा भएको पहिलो खेलमा राईजिङ स्टार क्लबले २७ स्टार क्लबलाई १–० ले पराजित गरेको छ । खेलमा २७ स्टार क्लबको तर्फको आत्मघाती गोलभएको थियो । २७ स्टारका निशान्त मगरले खेलको २६औं मिनेटमा आप्mनै पोस्टमा गोल गर्नु भएको थियो । खेलमा राईजिङ स्टारका क्षितिज रानाले प्लेयर अफ द म्याचको ट्रफी जित्नु भयो । उहाँलाई जेष्ठ नागरिक सोकबहादुर खत्री र स्थानीय समाज सेवी तुलसी पुनले पुरस्कार प्रदान गर्नु भएको थियो । यसैगरी सोमबारको दोस्रो खेलमा सीतापुर युनाईटेडले मोर्डन एफसीलाई २–० ले पराजित गरेको छ । सीतापुर युनाईटेडको तर्फबाट पहिलो गोल खेलको २५औं मिनेटमा सुजन शाही ठकुरीले गर्नु भएको थियो भने दोस्रो गोल अरुण चल...

नेपालगन्ज, २४ चैत्र – गोपाल नीना फाउन्डेशन नेपालद्वारा विश्व खेलकुद दिवसको अवसरमा जयन्दू बाल सुधार गृहलाई खेलकुद सामग्री हस्तान्तरण गरिएको छ । सोमवार आयोजित एक कार्यक्रमका वीच बाँकेको डुडुवा गाउँपालिका–६ आसमानपुर स्थित जयन्दू बाल सुधार गृहका बालकहरुका लागि बाँकेका सहायक प्रमुख जिल्ला अधिकारी महेन्द्र गुरुङ र फाउन्डेसनका सहनिर्देशक डा. तृप्ती पाल रमणले बाल सुधार गृहका प्रमुख किशोर शर्मालाई खेलकुद सामग्री हस्तान्तरण गर्नु भएको हो । बाल सुधार गृहलाई हस्तान्तरण गरिएका खेल सामग्रीहरुमा भलिबल ४ थान, फुटबल ४ थान, भलिबल नेट १ थान, टेबुल टेनिस २ थान, क्रिकेट बल ब्याट सहित ६ थान, लुडो ३ थान, चेस ३ थान, स्किपिङ डोरी ५ थान, क्यारेम बोर्ड ३ थान, ब्याडमिन्टन २ सेट र तौल नाप्ने मेसीन १ थान रहेको छ । सो अवसरमा प्रमुख अतिथि बाँकेका सहायक प्रमुख जिल्ला अधिकारी महेन्द्र गुरुङले राज्यले बाल सुधार...

नेपालगन्ज, २४ चैत – बाँकेमा नदीजन्य पदार्थको अवैध उत्खनन रोक्न जिल्ला समन्वय समितिले अनुगमन गरेको छ । बाँकेको राप्तीसोनारी गाउँपालिका अन्तर्गत राप्ती नदीका विभिन्न खोलाहरुमा अबैध नदीजन्य उत्खननबारे स्थालगत अनुगमन गरेको हो । जिल्ला समन्वय समितिका प्रमुख ज्ञानेन्द्रकुमार चौधरी नेतृतवको टोलीले राप्तीसोनारी अन्र्तगत गुलरी–ढलैया, जलालाघाट र टिकुलीपुर घाटको अनुगमन गरेको हो । अनुगमनका क्रममा मापदण्ड विपरित मनोमानी ढंङ्गले नदीको बहाब नै परिवर्तन गरि ग्राभेल बालुवा खनेको, खोलामा धेरै हैभी इक्युभमेन्टको प्रयोग गरी अबैध उत्खनन गरेको, अबैध तरिकाले बढी गहिराई खनेको लगायत भेटिएको समन्वय प्रमुख चौधरीले बताउनुभयो । सबै खोलामा अहिले अबैध तरिकाले मापदण्ड विपरित नदीजन्य पदार्थको उत्खनन भईरहेकोले त्यसको नियन्त्रण तथा कारवाहीका लागि पहल गरेको उहाँले बताउनुभयो । अबैध उत्खननको नियन्त्रणका लागि स्थ...