आर्थिक

नेपालले श्रीलंका संकटबाट पाठ सिक्न जरुरीकाठमाण्डौं, १४ साउन – श्रीलंकाका लागि पूर्व नेपाली राजदूत प्राध्यापक डाक्टर विश्वम्भर प्याकुर्‍यालले चीनको बीआरआई परियोजनाबाट पीडित हुने देशको संख्या बढ्दै गएको बताएका छन् । खबरहबले आयोजना गरेको ‘नेपालमा विदेशी ऋण, अवसर र चुनौती तथा श्रीलंका संकट दोहोरिन नदिन के गर्ने ?’ विषयक कार्यक्रममा बोल्दै पूर्वराजदूत प्याकुर्‍यालले बीआरआई परियोजनाबाट पीडित हुने देशको संख्या बढ्दै गएको बताएका हुन् । उनले श्रीलंकामा अहिले आइपरेको संकटका पछाडि चिनियाँ ऋण पनि एउटा कारण रहेको बताए । चीनबाट महंगो ब्याजदरमा ऋण लिने देशमा आर्थिक संकट चुलिदै गएको भन्दै उनले यो समस्या धेरै देशमा देखिएको पनि बताए । चिनियाँ ऋणबाट आंशिक फाइदा भएका देश र आर्थिक संकटमा परेका देशको सूचि आफूसँग रहेको पनि उनले बताए । आवश्यकताका आधारमा आफूले त्यसलाई सार्वजनिक गर्ने पनि उनले बताए । प...

काठमाण्डौं, १४ साउन – पछिल्ला केही वर्षमा विश्वका ४० वटा देशको आर्थिक अवस्था नाजुक बनेको छ । श्रीलंका आर्थिक अवस्थामा टाट पल्टिएपनि लगत्तै अरु पनि केही देश सोही अवस्थामा पुगेका हुन् । श्रीलंकापछि दक्षिण एसियामा पाकिस्तानको अवस्था पनि कमजोर बनेको छ । अधिवक्ता किरण पौडेलले श्रीलंका संकटपछि पाकिस्तान, इथोपिया, हंगेरी, ताजकिस्तान लगायत ४० देशको अवस्थाको आर्थिक अवस्था निकै कमजोर बन्न सक्ने बताएका हुन् । चीनबाट सञ्चालित परियोजनाका कारण धेरै देशको हालत खराब अवस्थामा पुगेको उनको भनाई छ । चीनले महंगो ब्याजदरमा दिने ऋण तिर्न नसक्दा धेरै देशको हालत नाजुक बनेको पनि उनको भनाई छ । पछिल्लो समय चिनियाँ महंत्वाकांक्षी परियोजना धेरै देशमा लागू गराउने नाममा कमजोर देशलाई ऋणमा फसाउने योजना पनि डरलाग्दो बन्दै गएको उनको भनाई छ । बिआरआईभन्दा एमसीसी पास गरेर नेपालले आफ्नो दुर्गति रोकेको अधिवक्ता पौडेल...

नेपालगन्ज, १२ साउन – शुभारम्भ बचत तथा ऋण सहकारी संस्था लिमिटेडका सञ्चालक व्यवस्थापक कृपाराम बाडिया जमाकर्ताहरुको करोडौ रुपैयाँ हिनामिना गरी हाल फरार रहेका छन् । विगत २ वर्षदेखि शुभारम्भ बचत तथा ऋण सहकारी संस्था लिमिटेडको अफिस कहाँ छ भनी समेत जमाकर्ताहरुलाई जानकारी नभएपछि खोजतलास जारी गरिएको छ ।सोही क्रममा जमाकर्ता अजयकुमार गुप्ताले समेत ४ लाख ५० हजार जम्मा गरेको तर हाल सञ्चालक व्यवस्थापक कृपाराम बाडिया भारततर्फ फरार रहेको हुँदा पैसा कहिले पाउने, कसले दिने विषय अन्यौल रहेको हुँदा कानुनी प्रक्रिया तर्फ जाने बताउनुभयो । यसबारे केही समयको लागि शुभारम्भ बचत तथा ऋण सहकारी संस्था लिमिटेडको अध्यक्षको जिम्मेवारी बहन गर्नु भएका गेहेन्द्र केसीको भनाई अनुसार मेलै साथीको नाताले केही सहयोग गर्न पहल गरेको थिए । उक्त पहल गर्दा मेरो २०–२५ लाख रुपैया समेत लगानी भईसकेको बताउनुभयो ।अध्यक्ष गेहेन...

काठमाण्डौ, १० साउन –कोइलामा आधारित थर्मल प्लान्ट माथिको निर्भरता कम गर्न लागिरहेको भारतले सौर्य ऊर्जाको स्रोतबाट उत्पादन हुने विद्युतको जडित क्षमता साढे ५७ हजार मेगावाट पुर्याएको छ । गत जुन ३० तारिकसम्मको अवधिमा सौर्य ऊर्जा प्रविधिबाट उत्पादित विद्युतको जडित क्षमता यति पुगेको हो । ६ हजार मेगावाट रुफटपसहित सौर्य विद्युतको जडित क्षमता ५७ हजार ७ सय ५ मेगावाट पुगेको भारत सरकारका नवीकरणीय ऊर्जा मन्त्री भागवन्त खुबाले लोकसभा बैंठकलाई सम्बोधन गर्ने क्रममा जानकारी गराएको भारतीय सञ्चार माध्यमहरूले जनाएका छन् । उनले वायु ऊर्जाको स्रोतबाट उत्पादन हुने विद्युतको जडित क्षमता पनि ४० हजार ७ सय ८८ मेगावाट पुगिसकेको बताए । सन् २०२२ को अन्त्यसम्ममा नवीकरणीय ऊर्जाको स्रोतबाट उत्पादन हुने विद्युतको जडित क्षमता १ लाख ७५ हजार मेगावाट पुर्याउने भारतको लक्ष्य छ । जसमा १ लाख मेगावाट सौर्य विद्युत र ६० हज...

काठमाण्डौ, १० साउन –चिनियाँ ऋणकाे कारणा श्रीलंकामा उत्पन्न आर्थिक संकटले त्यहाँ विद्रोह निम्याएकाे छ । टापु राष्ट्रकाे रूपमा चिनिने श्रीलंकाका राष्ट्रपति गोटाबाया राजापाक्षेका कारण त्यहाँ आर्थिक संकट आएकाे अर्थविद्हरू बताउँछन्र । राष्ट्रपति गोटाबाया राजापाक्षे कोलम्बोबाट अज्ञात गन्तव्यमा भाग्नु र श्रीलंकाका आम जनताले राष्ट्रपति निवास र प्रधानमन्त्री निवास कब्जा गर्नु चीनसँग ऋण लिइ आर्थिक संकट उत्पन्न हुनु खतराको ज्वलन्त उदाहरण हो। बेल्ट एन्ड रोड इनिसिएटिभ अन्तर्गत चिनियाँ ऋण नलिन अन्य साना राष्ट्रहरूलाई गम्भीर चेतावनी दिइएकाे छ । पछिल्लाे समय चिनियाँ ऋण जालकाे चपेटामा अधिकांश साना देशहरू परिरहेका छन् । डेढ दशकअघि श्रीलंका सरकारले लिबरेशन टाइगर्स अफ तमिल इलमसँग जुधिरहेको बेला चीनले श्रीलंकामा प्रवेश गर्न थालेको थियो। साे बेला अमेरिकाले श्रीलंकालाई सिधा सैन्य सहायता बन्द गरेक...

काठमाण्डौ, ९ साउन – काठमाडौं महानगरपालिका–९ तिनकुने गैह्रिगाउँको कल सेन्टरबाट प्रहरीले १ जना चिनियाँ नागरिकसहित ४१ जनालाई पक्राउ गरेको छ । चिनियाँ नागरिकले संचालन गरेको स्काई वर्ल्ड सर्भिस प्रालिमा छापा मारेर केही मानिसलाई नियन्त्रणमा लिएको जिल्ला प्रहरी परिसर काठमाडौंका एसपी दिनेशराज मैनालीले रातोपाटीलाई बताए ।कल सेन्टरको आवरणमा ‘ठगी धन्दा’ संचालन गरेको सुराकीका आधारमा प्रहरीले सोमबार स्काई वर्ल्डमा छापा मारेको थियो । कल सेन्टरमा कार्यरत १४ जना महिला र २७ जना पुरुषलाई प्रहरीले पक्राउ गरेको छ । पक्राउ गरिएकाहरुलाई भृकुटीमण्डपस्थित नगर प्रहरी कार्यालयमा राखिएको छ । पक्राउ पर्नेमा कैलाली घर भएकी २२ वर्षीया सुस्मिता मिलिसैना, कोटेश्वर बस्ने २० वर्षीया शुभेच्छा नेपाल, बारा घर भएकी २० वर्षीया समिक्षा गुप्ता, नवलपरासी घर भएकी २२ वर्षीया अनु परियार, कञ्चनपुर घर भइ कोटेश्वर बस्ने २२ वर्षीया...

नेपालगन्ज, ९ साउन - द आर्ट अफ लिभिङ नेपालकी कन्ट्री को–अर्डिनेटर मिखा माथेमाले बाँकेको जयेन्दु बाल सुधार गृहलाई व्यक्तिगत रुपमा ६५ हजार रुपैयाँको खेलकुद र शैक्षिक सामग्री सहयोग गर्नु भएको छ । गत जेठमा सुधार गृहको स्थलगत अवलोकन गरेकी माथेमाले आफूले सक्दो सहयोग गर्ने प्रतिबद्धता जनाएकी थिइन् । द आर्ट अफ लिभिङ मुख्यालय भारतको बेङ्ग्लोरबाट आएका स्वामी ओमकारानन्दले बाल सुधार गृहकी इन्चार्ज विमला काउचालाई आइतबार ती सामग्री हस्तान्तरण गरेका हुन् । द आर्ट अफ लिभिङका स्वयंसेवक सुधीर गौतमका अनुसार कापी ३८० वटा, कलम ३८० वटा, ड्रङग कापी ५० वटा, पेन्सिल कलर सेट ५० वटा, फुटबल ३ वटा, भलिबल ३ वटा, क्रिकेट सेट र १२ वटा लेदर बल, भलिबल जाली, ब्याटमिन्टन ४ वटा, ब्याटमिन्टन कक ६ वटा, चेस ५ वटा, लुडो ५ वटा, क्यारेम बोर्ड एउटा हस्तान्तरण गरिएको हो । ‘तिमीहरुको मैले मुहारमा तनाव देखिरहेको छु । मानसिक र श...

जानकी, ९ साउन - जानकी गाउँपालिका वडा नम्बर ५ को आयोजनामा सामुदायिक विद्यालयका २५ जना छात्रालाई साइकल वितरण गरेको छ । आइतबार आयोजित कार्यक्रम अन्तर्गत विद्यालय शिक्षामा छात्राहरुको शैक्षिक निरन्तरताका लागि लक्षित वर्गका किशोरीहरुलाई आकर्षित गर्न साइकल हस्तान्तरण गरिएको हो । वडा कार्यालय बेलहरीले एक समारोहबीच वडा परिसर मै छात्राहरुलाई साइकल हस्तान्तरण गर्दै गाउँपालिका प्रमुख छब्बन खाँले वडा नम्बर ५ का छात्रालाई साइकल हस्तान्तरण गर्दै उच्च शिक्षासम्म पुग्ने शुभकामना दिएका थिए । कार्यक्रमका प्रमुख अतिथी रहेका गाउँपालिका प्रमुख छब्बन खाँले सम्बोधन गर्दै विद्यालय शिक्षामा छात्राको शैक्षिक निरन्तरताका लागि लक्षित वर्गका किशोरीलाई साइकल हस्तान्तरण गरेको बताउनु भयो ! यसैगरी घर भन्दा दुरीमा विद्यालय पर्ने कक्षा ९ मा अध्ययनरत छात्राहरुलाई प्राथमिकतामा राखेर साइकल वितरण थालिएको बताए । वितरण क...

काठमाण्डौ, ८ साउन –नेपालमा कम्युनिस्ट उदयपछि चिनियाँ प्रभाव बढेको थियो। त्यस समय नेपालमा चीनको महत्वाकांक्षी परियोजना बेल्ट एन्ड रोड सम्झौतालाई कार्यान्वयन गर्ने विषयमा व्यापक चर्चा भएको थियो। त्यसबाट भारत निराश पनि बनेको थियो। तर, पछिल्लो समय सीमा अतिक्रमण, मुलुकको आन्तरिक मामिलामा हस्तक्षेपलगायतका कुराहरुले दुई देशबीच बढ्दो अविश्वासका कारण चीनले नेपालमा हासिल गरेको प्रारम्भिक लाभको स्तर अहिले घट्दै गएको देखिन्छ । यसले कूटनीतिक सम्बन्ध, व्यापारमा नकारात्मक प्रभाव पारेको छ भने अझ महत्त्वपूर्ण कुरा चिनियाँ राष्ट्रपति सी जिनपिङको पाल्तु परियोजना बीआरआई परियोजना पनि अघि नबढ्ने भएको छ। The National flag of Nepal blowing in the wind in front of a clear blue sky सन् २०२१ मा चीन समर्थक नेपालका प्रधानमन्त्री केपी शर्मा ओलीलाई सत्ताबाट बाहिरिएपछि अवस्था परिवर्तन भएको थियो। नेपालले मार्च २०...

बेइजिङ (चीन), ८ साउन – चीनले आइतवार सयौं निक्षेपकर्ताहरूको विरोधलाई तितरबितर पारेको छ। उनीहरू नगद संकटमा परेका बैंकहरूबाट आफ्नो पैसा फिर्ता गर्न माग राख्दै प्रदर्शन गर्दै थिए। चीनको हेनान प्रान्तका चार ग्रामीण बैंकहरूले अप्रिलदेखि लाखौं डलरको निक्षेप जम्मा गरिसकेका छन् । तर ती बैंकहरूले पहिले नै कोविडबाट प्रभावित हजारौं ग्राहकहरूको जीविकालाई खतरामा पारेको छ। हेनानको प्रान्तीय राजधानी झेङझाउ सहरमा सयौं निक्षेपकर्ताहरूले आफ्नो पैसा फिर्ता माग्दै प्रदर्शन गरेका छन्, तर चिनियाँ अधिकारीहरूले उनीहरूको मागलाई बेवास्ता गरिरहेका छन्, सीएनएनले रिपोर्ट गरेको छ। आइतवार, 1,000 भन्दा बढी निक्षेपकर्ताहरू देशको केन्द्रीय बैंक, पिपुल्स बैंक अफ चाइनाको झेंग्झाउ शाखा बाहिर भेला भएर ठूलो विरोध प्रदर्शनकारी सुरु गरेका थिए। आन्दोलन दबाउन स्थानीय सरकारले सादा लुगा लगाएको थियो । यो निक्षेपकर्ताहरू...