नेपाल–भारतका पत्रकार बीच नेपालगन्जमा आयोजित ऐतिहासिक जमघटबाट सीमानाकामा विद्यमान समस्या माथि बृहत छलफल : अगामी कार्यक्रम बहराईचमा भई सबै समस्याको हल खोजिने
नेपालगन्ज, १९ चैत्र – नेपाल–भारतका पत्रकार बीच नेपालगन्जमा आयोजित ऐतिहासिक जमघटबाट सीमानाका लगायतको समस्या माथि बृहत छलफल भई अगामी कार्यक्रम भारतको बहराईच जिल्लामा हुने गरी सबै समस्याको हल खोजिने सहमति भएको छ ।
शनिबार मधेश मिडिया मिसन नेपाल बाँकेले आयोजना गरेको होली मिलन कार्यक्रम र सीमानाका सम्बन्धमा मिडियाकर्मीको भूमिका सम्बन्धमा आयोजित अन्तरक्रिया कार्यक्रममा बोल्दै भारतीय पत्रकार अजय मिश्राले – नेपाल भारत बीचको सम्बन्ध धेरै नै प्राचीन छ । यसलाई अझ प्रगाढ बनाउनु जरुरी छ । नेपाल भारत बीच सीमा छ तर सम्बन्ध दुबै देशबीच अटुट छ । राजनीतिमा एकता नभए पनि जनतामा एकता छ । आफू नेपालको सौन्दर्यता अवलोकन गर्न सधंै यहाँ आउने गर्छु भने ।
त्यस्तै पत्रकार राजिब शर्माले –हाम्रो धर्म, संस्कृति र सभ्यता एक छ, यसको संरक्षण सम्बद्र्धन दुबै देशका जनताले मिलेर गर्नु जरुरी छ । उनले बादल वन के वरस...









