मितिः २०७८ जेष्ठ २५ गते
सन्ध्या शर्मा
कोरोना काल म यी “घरेलु नुस्खा” दवाई कय रुप म उपाय घरहिन म तयार करा जाय अउर बढावा जाय इम्युनीटि पावर । बद्लत मौसम कय साथेन आम आदमिनका कैइ मेर कय शरीर मैंहा परेशानिक लक्षण महशुस होय लगत हय । जैसेः ठन्ड, गरम से प्रायः खाशी अउर गटई म खरास खस–खस होब, शरीर मैंहा दर्द, सर्दी बुखार, होब । यी मेर कय समस्या मैंहा सरल अउर सहज नुस्खा घरहिन तयार कय सका जात हय ।
(१) हर्दीः हर्दी कय दवाई बहुतै उपयोगी माना गवा हय । रात म खाना खाए कै आधा घन्टा बाद हर्दी दुध का चुरय के थोरा गुनगुना दूध पिया जाय । हर्दी मैंहा ब्यकटेरिया मारेक क्षमता भरिपुर्ण रहत हय । शरीर कय दर्द, शर्दि, ख्राश, बाहुतैइ फाइदा करत हय ।
(२) पुदिना अउर करिया जिरा सुख्खा खाशी य गटई के ख्राश कैंहा दुर करेम बहुतै उपयोगि नुस्खा माना जात हय । ५,७ ताजा पुदिना कय पत्ती अउर करिया जिरा १ चिम्मच १÷२ लिटर पानी मैंहा उबाल कय दिन मा एक बेर भाप लिया जाय ।
(३) लेवाङ ः खाशी अउर गटई ख्रास कय खातिर घरेलु उपाय मैंहा लेवाङ का भुज कय पावडर बनाई लेव, लेवङ पावडर, मिश्रि, अउर शहद तीनो समान का बराबर मात्रा मैंहा लै के दिन मा २ से ३ बेर खाए से खाशी, ख्राश का फाइदा मिलत हय ।
(४) अदरक (आदि)ः गरम मौसम म होय वाला सर्दी जुखाम मैंहा आदि के साथे कगती निबुवा, शहद मिलाय आगि मैंहा गुनगुना कईके खाए से सर्दी जुखाम मा बहुत जल्दी फाइदा मिलत हय ।
(५) खानाः रसोई घर मैंहा खाना बनावत मसला कय भुमिका महत्वपूर्ण रहत हय । मसला मैंहा हर्दी, धनिया, जीरा, लासुन, दालचिनी कय प्रयोग फाइदाजनक रहत हय । अऊर गुनगुना पानी, हार्बल चाय, काढा पिये से रोग प्रतिरोधक क्षमता का बढअवम मद्दत करत हय ।
अन्तिम मैंहा सलाह हय जादा तबियेत खराव होय तब डाक्टर से सलाह जरुरी हय ।