मिति २०७८ बैशाख ९ गते
– सन्ध्या शर्मा
सन्धय शर्मा
गरमी मैंहा (लू) से बचैक कुछ उपाय
आजकाल तौ गरमी हरेक दिन बढतै जात है मने ई गरमी मैंहा लू चलत है औ ई लू लागेसे हर आदमिन कैंहा एकदम हैरान कै देत है ।
ई गरमी मैंहा बचैक खातिर कुछ उपाय है जउन आप लोग ईका अपनावा जाय काहे ईका अपनाए से बहुत फाइदा मिली ।
(१) गरमी के मौसम मैंहा आप लोग नीम कै ३ – ४ ठउर पाती खाली पेट मैंहा खाये से पेट ठीक रहत है शरीर मैंहा ज्यादा गरमी नाय रहत ठण्ड रहत है औ पेट मैंहा रहा किटाणु मरत है । नहाय से पहिले १०–१५ ठउर पाती पानी मैंहा उबाल के ऊ पानी कैंहा ठण्डा होयक बाद मैंहा नहाए से फूडा फुंसी नाय निकरत औ खाज खुजुली नाय होत है ।
(२) गरमी मौसम मैंहा पियाज कै सेवन करेसे औ घाम मैंहा निकरे से पहिले पियाज जेब मैंहा रक्खेसे शरीर मैंहा तनिकौ लू कै असर नाय परत है अजमाय के तौ देखा जाय ।
(३) गरमी कै मौसम मैंहा मेंहदी लू अउर गरमी कै असर कम करत है । हरेर मेंहदी कै पाती पिसके पाव के तरवा मैंहा लगाएसे शरीर के अन्य भागमा ठण्ढक पहुचावत है ई साथेन तरवा कै जलन मैंहा रहत मिलत है ।
(४) गरमी कै मौसम मैंहा गाजर, टमाटर, सन्तरा तिनौं के बराबर भागमा रस निकारके प्रत्येक दिन पिये से शरीर मैंहा भवा कमजारी औ शरीर कंैहा ठण्ढक पहुचावत है ।
(५) गरमी कै मौसम मैंहा खरबुज्जा प्रत्येक दिन खाना खायेक बाद मैंहा खरबुज्जा सेवन करेसे पेट कै गरमी दूर होत है औ लू लागेसे बचावत है अउर आलसपनौं हटावत है । खरबुज्जा कै सुखान बिया देशी घी मैंहा तलिकै खायेसे चक्कर आवब बन्द होई जात
है ।
(६) अनन्नास से फाइदा जउन है प्रति दिन अनन्नास कै सरबत पिये से शरीर मैंहा ताजगी औ ठण्ढक कै एहसास मिलत है ईके साथेन पियासौ मिटावत
है, खाली पेट मैंहा अनन्नास कै रस पिये से शरीर कै गरमी शान्त होत है ।
(७) गरमी के मौसम मैंहा खीरा एकदम फाइदेजनक रहत है काहे से ईमा पानी कै मात्रा सैंगर रहत है वही से खीरा बहुतै फाइदावाला चीज हैै । खीरा औ उके साथे कागती निब्बु कै रस मिलायके चेहरा परिहा लगाएसे घाम से जला त्वचा एकदम सामान्य बनाय देत है ।
(८) नरिवल कै पानी तौ एकदमै फाइदा जनक रहत है गर्भवती मेंधरुवै लोग नरिवल कै पानी हप्ता हप्ता मैंहा ३–४ दफी ४ महिना तक पिये से होयवाला बच्चा एकदम सुन्दर होत है । शरीर मैंहा ताजगी प्रदान करत है औ लू लाग है तौ ऊ कै उपाय जउन है नरिवल कै पानी के साथेन कालाजीरा पीसके शरीर परिहा लेप लगायेसे शान्ति मिलत है ।
(९) पपिता से फाइदा अगर आप लोगन मैंहा कोई कैंहा बेर बेर दस्त यानी पातर पानी जस टट्टी होेत है तौ कच्चा हरेर पपिता उबाल के सेवन करेसे २–३ दिन मैंहा आप कैंहा पूर्ण लाभ मिली औ पेंचिसौं मैंहा बहुत फाइदा करत है ।
(मान्स) गोस अगर हाली नाय गल है तौ पपिता कै टुकरा ढारेसे मान्स एकदम हाली गलि जात है ।
(नेपालगन्ज उपमहानगरपालिका वार्ड नं.– १४, बाँके)
(स्रोतः समाज जागरण साप्ताहिक)