नेपालगन्ज, १४ असोज – नेपालगन्जमा पटक पटक हिन्दु धर्मावलम्बीहरुको अस्था र अस्मितामाथि दुव्यर्वहार हुँदा समेत प्रहरी प्रशासनको मौनतालाई अब तोड्ने भन्दै समस्त ॐ कार परिवार एकजुट भई नेपालगन्ज हिन्दु समाजद्वारा नेपालगन्ज बन्दको घोषणा गरेका छन् ।
गाई काटेको बिरोधमा सामान्य स्टेटस लेखिएको भरमा सम्पूर्ण हिन्दुहरुलाई विशेष सामुदायका वर्गले तारगेट गरेर आईतबार बिहान गरिएको जक्काजाम तथा विरोध प्रदर्शनले के देखियो भने यस क्षेत्रमा गाई काटेर खानेहरु कै बोलबाला रहेको छ, हिन्दुहरुको आस्थाको केन्द्र तथा नेपालको राष्ट्रिय जनावर गाई काटेर खानेहरुको बिरोध गर्दा यत्रो जुलुस प्रदर्शन गर्नुभन्दा गाई काट्नेलाई कसरी नियन्त्रण गर्न सकिन्छ भन्ने तर्फ लाग्नुपर्ने थियो तर त्यसो नगरेर उल्टै सम्पूर्ण हिन्दू धर्मावलम्बीहरुको आस्थामा चोट पुग्ने गरी जक्का जाम, शक्ति प्रदर्शन गरिनुका साथै नेपालको संविधानमा उल्लेख नभएको ‘शर तन से जुदा’ को नारा लगाउनुले समेत यिनीहरुको मानसिकता के छ भन्ने बुझिएकै हुँदा मंगलबार बिहानदेखि नेपालगन्ज पूर्ण रुपमा बन्द गरिने नेपालगन्ज हिन्दु समाजले जनाएको छ ।
मंगलबार बिहान नेपालगन्ज पूर्ण रुपमा बन्द गर्न आ–आफ्नो स्थानबाट सम्पूर्ण हिन्दु धर्मावलम्बीहरुले पहलकदमी गर्नुपर्ने ॐ कार परिवार नेपालगन्ज हिन्दु समाजले बताउँदै सो दिन बागेश्वरी मन्दिरको चिल्डे«न पार्कमा बिहान १० बजे भेला हुने समेत जनाएको छ ।
हिन्दु राष्ट्र भएको देशलाई इस्लामीकरण गर्ने सोचका साथ जसपाबाट निर्वाचित वडा नं. ५ का जनप्रतिनिधि तथा सदभाव समितिको नाम भजाउने केही पात्रले गर्दा नै बाँकेको सद्भाव बिथोलिएको बताउँदै सम्पूर्ण ॐ कार परिवार नेपालगन्ज हिन्दु समाज एकजुट भई नेपालगन्ज बन्द सफल बनाउन सहकार्य गर्न अनुरोध गरेका छन् ।
आज नेपालगन्जको गौशालामा ॐ कार परिवार नेपालगन्ज हिन्दु समाजको छलफल भेलामा उक्त भनाई सार्वजनिक गरिएको हो ।