खजुराको क्यान्सर अस्पताल पश्चिम नेपालकै गौरव, सोमवार ११ औं साधारण सभा हुँदै
खजुरा, ७ श्रावण – खजुरा स्थित प्रखर परोपकार मिसन नेपालको ११ औं साधारण सभा भोलि साउन ८ गते सोमवारका दिन आयोजना गरिंदैछ । पश्चिम नेपाल कै पहिलो सुविधा सम्पन्न क्यान्सर अस्पतालका प्रेरणा प्रदान गर्ने भारतका प्रसिद्ध महात्मा महामण्डलेश्वर स्वामी प्रखरजी महाराजको प्रमुख आतिथ्य र अस्पतालका संकल्पकर्ता दीन दयालजी महाराजको विशिष्ठ आतिथ्यमा उक्त साधारण सभा हुन लागेको हो ।बाँके जिल्लाको ऐतिहासिक क्षेत्र खजुरा र आसपासका आधारभूत स्वास्थ्य सेवाबाट वञ्चित सर्वसाधारण जनताको आवश्यकतालाई दृष्टिगत गरी चिरकालसम्म स्वास्थ्य सेवाबाट कोही पनि वञ्चित हुन नपरोस् भन्ने अभिप्रायबाट प्रेरित भई प्रखर परोपकार मिसन नेपालको २०६२ सालमा विधिवत दर्ता गरी प्रखर परोपकार मिसन क्यान्सर अस्पताल प्रस्तावित गरिएको थियो । स्थानीय नागरिक अगुवा किस्मतकुमार कक्षपतिको अध्यक्षतामा विशुद्ध मानव सेवा र नाफारहित गैरसरकारी संस्थाको रुपमा स...
