महोत्सवमा भिटेनको माग गर्दै दर्शक आन्दोलित, दर्शकलाई झुक्याएर लुटिएको आरोप
नेपालगन्ज, २८ माघ - बाँकेको नेपालगन्जमा जारी महोत्सवमा तनावग्रस्त स्थितिका कारण स्थगित भएको छ । नेपालगन्जको कारकाँदो स्थित सडक डिभिजन परिसरमा जारी चौथो प्रादेशिक औद्यौगिक लघु, घरेलु तथा कृषि, प्रविधि, व्यापार एवं पर्यटन महोत्सवमा आयोजकले दर्शक बीच उनीहरुले माग अनुसारको कलाकार उभ्याउन नसक्दा दर्शकले ढुंगामुढा गरेका छन ।
आयोजकले जारी कार्यक्रममा माघ २३ गते दर्शक माझ उनीहरुले खोजेका कलाकारलाई ल्याउने प्रतिबद्धता गर्दै महोत्सव अवधि समेत बढाईको जनाएको थियो । त्यस क्रममा भिटेनलाई ल्याउन कै लागि समय सिमा बढाएको दर्शकलाई जानकारी गराइएको थियो । जस पश्चात दर्शकलाई भिटेनलाई हेर्न उत्साहित भएका थिए ।
तर आयोजकले शनिवारका लागि र्यापर मिष्टर डीको प्रस्तुति रहने कार्यक्रम तय गरेर प्रचारप्रसार गरेको थियो । यता मिष्टर डीले शनिवार बिहान आफ्ना व्यक्तिगत फेसबुक एकाउन्ट मार्फत आयोजकले झुठको खेती गरेको बत...









