आर्थिक

काठमाण्डौ, २७ चैत – पाकिस्तानमा उत्पन्न आर्थिक संकटको बीचमा विश्व बैंकले इस्लामाबादलाई संघीय तथा प्रान्तीय खर्चलाई संवैधानिक जनादेशसँग मिलान गरी राष्ट्रिय वित्तीय नीति अपनाउन आग्रह गरेको छ । सङघीय तथा प्रान्तीय राजस्व एकल बिक्री कर (जीएसटी) संकलन एजेन्सीमा विलय गरी अर्को बजेटमा कृषि, पूँजीगत लाभ र अचल सम्पत्तिमा प्रभावकारी रूपमा कर लगाउन आग्रह गरेको छ । आगामी आर्थिक बर्षको बजेटमा राष्ट्रिय वित्तीय ढाँचाको विकास र कार्यान्वयन सहित संघीय तथा प्रान्तीय वित्तीय उत्तरदायित्व र ऋण सीमा ऐन कार्यान्वयन गर्न विश्व बैंकले पछिल्लो नीतिगत सल्लाहमा पाकिस्तानी सरकारलाई सुझाब दिएको छ । यो प्रस्ताव अर्को अन्तर्राष्ट्रिय मुद्रा कोष कार्यक्रमको हिस्सा बन्ने अपेक्षा गरिएको छ । पाकिस्तानका अर्थमन्त्री मुहम्मद औरङ्गजेबले अर्को हप्ता विश्व बैंक र आइएमएफको बैठकमा वाशिङ्टनमा ऋणदातासँग छलफल गर्नेछन् ।...

काठमाण्डौ, २७ चैत – भारत सरकारको सहयोगमा सङ्खुवासभाको चिचिला गाउँपालिका–३ स्थित दिदिङ आधारभूत विद्यालयको भवन निर्माण हुने भएको छ। भारत सरकार र नेपाल सरकारबीच भएको सम्झौता अन्तर्गत उच्च प्रभाव सामुदायिक विकास परियोजनाबाट निर्माण हुने विद्यालय भवनको भारतीय दूतावास, काठमाडौंका प्रथम सचिव अविनाशकुमार सिंह र चिचिला गाउँपालिकाका अध्यक्ष पासाङ नुर्बु शेर्पाले शिलान्यास गरेका छन्। नेपाल-भारत विकास सहकार्य अन्तर्गत ४ करोड करोड आर्थिक सहयोगमा दुई तले विद्यालय भवन बन्ने भएको हो। ‘नेपाल–भारत विकास सहकार्य’ अन्तर्गतको भारत सरकारको अनुदान सहयोग यस विद्यालयलाई आवश्यक अन्य सुविधासँगै दुई तल्ले शैक्षिक तथा प्रशासनिक भवनको निर्माणमा उपयोग गरिनेछ,’ दूतावासले विज्ञप्तिमा भनेको छ। परियोजनाको कार्यान्वयन सङ्खुवासभाको चिचिला गाउँपालिकामार्फत हुनेछ। चिचिला गाउँपालिकाका अध्यक्षले प्राथमिकताका क्षेत्रम...

काडमाण्डौ, २५ चैत – २१ वर्षमा भारतीय अनुदान सहयोगमा नेपालमा पाँच सय ५० वटा उच्च प्रभाव सामुदायिक विकास परियोजना अघि बढेका छन्। काठमाडौंस्थित भारतीय दूतावासका अनुसार सन् २००३ यता नेपालका विभिन्न क्षेत्रमा पाँच सय ५० वटा भन्दा बढी उच्च प्रभाव सामुदायिक विकास परियोजना अघि बढाइएकामा ४ सय ८८ वटा परियोजना सम्पन्न भइसकेका छन् । यी मध्ये कोशी प्रदेशका विभिन्न क्षेत्रमा ८५ वटा परियोजना रहेका छन् जसमा एउटा परियोजना खोटाङमा छ । भारत सरकार र नेपाल सरकारबीच भएको सम्झौता अन्तर्गत पहिले साना विकास परियोजनाका नामले परिचित यो परियोजनालाई उच्च प्रभाव सामुदायिक विकास परियोजनाको रुपमा अघि बढाइएको हो। भारत सरकारले स्वतन्त्रता दिवस र गणतन्त्र दिवसको अवसरमा नेपालका विभिन्न अस्पताल, स्वास्थ्य चौकी र शैक्षिक संस्थालाई ९७४ वटा एम्बुलेन्स र २३४ वटा स्कुल बस उपहारस्वरुप प्रदान गरिसकेको दूतावासले जनाएको छ...

काठमाण्डौ, २३ चैत – पाकिस्तानका पूर्वप्रधानमन्त्री इमरान खानका लागि रावलपिंडीको अदियाला जेलमा ७ वटा कक्ष छुट्याएको छ । सामान्यतया कारागारमा १० जना कैदीको सुरक्षाका लागि एकजना कर्मचारी तैनाथ हुन्छन् । तर खानको सुरक्षाका लागि मात्रै १४ सुरक्षाकर्मी अडियाला जेलमा छन् । यति मात्र होइन, जेलमा इमरान खानका लागि छुट्टै खाना बनाइन्छ । यो अन्य कैदीहरूलाई दिइँदैन । पाकिस्तानको पञ्जाब सरकारले बुधबार लाहोर उच्च अदालतमा सुनुवाईको क्रममा यो जानकारी दिएको हो । खानको सुरक्षाका लागि हरेक महिना करिब १२ लाख पाकिस्तानी रुपैयाँ अर्थात् करिब ५ लाख ८० हजार नेपाली रुपैयाँ खर्च हुने गरेको सरकारले अदालतमा जानकारी दिएको छ । इमरान खान गत वर्ष अगस्टदेखि पाकिस्तानको जेलमा छन् । तोसखाना मुद्दामा उनलाई ३ वर्ष कैद सजाय सुनाइएको थियो । यसबाहेक, पाकिस्तानमा यस वर्ष फेब्रुअरीमा भएको चुनावको केही दिन अघि, खानलाई तीनव...

काठमाण्डौ, २३ चैत – चीनको प्रमुख नीतिगत बैंकको रुपमा रहेको चाइना विकास बैंक (सिडिबी) ले यस वर्ष देशभर कृषि विकास र संरक्षणका साथै उत्पादकत्व सुधारका लागि आर्थिक सहयोग बढाएर दोब्बर बनाएको छ । बैंकले यस वर्षको पहिलो चौमासिकमा कृषि क्षेत्रको विकासका लागि ३६ करोड ५० लाख अमेरिकी डलर बराबरको विशेष ऋण जारी गरेको छ । जुन ऋण एक वर्ष अघिको समान अवधिमा जारी गरिएको ऋण रकमको दोब्बर भन्दा बढी हो । खाद्य सुरक्षा तथा कृषि उत्पादनको सहज आपूर्तिलाई सुनिश्चित गर्न बैंकले हालका वर्षहरूमा चीनका प्रमुख १३ वटा अन्न उत्पादन क्षेत्रहरूमा उच्च-मानक सहितको खेतीको विकास र उन्नयनका लागि मध्यम र दीर्घकालीन वित्तीय सहयोग प्रदान गरेको छ । अर्को चरणमा, बैंकले ग्रामीण क्षेत्रमा पूर्वाधार र कृषि क्षेत्रमा विज्ञान–प्रविधि नवप्रवर्तन जस्ता प्रमुख क्षेत्रहरूमा समावेशी वित्तीय सहयोगलाई सुदृढ पार्ने योजना राखेको छ ।...

काठमाण्डौ, २३ चैत – संयुक्त राज्य अमेरिकाले भारतलाई रूसी तेल खरिद घटाउन आग्रह नगरेको बताएको छ । “अमेरिकाले भारतलाई रूसबाट तेल आयात रोक्न वा घटाउन आग्रह पनि गरेको छैन र युक्रेनसँग युद्ध सुरु भएदेखि नै रूसबाट खरिद गरिएको कच्चा तेल खरिद र प्रशोधनका लागि कुनै पनि भारतीय संस्थालाई प्रतिबन्ध लगाएको छैन,” अमेरिकी ट्रेजरी डिपार्टमेन्टका वरिष्ठ अमेरिकी अधिकारीहरूले बताएका छन् । “यसमा कुनै प्रतिबन्ध छैन, हामीले भारतलाई रूसी तेल खरिद घटाउन भनेका छैनौं,” आतङ्कवादी वित्तपोषणका लागि कार्यवाहक सहायक मन्त्री अन्ना मोरिसले दिल्लीमा भएको अनन्त केन्द्रको एक सत्रमा सोधिएको प्रश्नको जवाफमा भने । जी–७, युरोपेली सङ्घ र अस्ट्रेलियाले रूसी तेलको मूल्य मापनको दोस्रो चरणमा केन्द्रित सत्रमा उनले भने, “रूससँग कुनै पनि व्यापार गर्न सकिँदैन भनेर निर्देशन दिइएको छैन ।” मोरिसले भने एक पटक परिष्कृत भएपछि प्राविधिक...

काठमाण्डौ, २३ चैत – भारतमा मुद्रास्फीतिको जोखिम र बलियो आर्थिक वृद्धि दुवैको सम्भावना रहेको बताउँदै केन्द्रीय बैङ्कले शुक्रबार लगातार सातौँ पटक ब्याज दरमा कुनै परिवर्तन गरेको छैन । भारतीय रिजर्भ बैंक अफ इन्डिया (आरबीआई) ले आफ्नो महत्त्वपूर्ण ‘पुनः खरिद् सम्झौता (रिपो रेट)’ ६.५० प्रतिशत कायम रहने बताएको छ । विश्वका प्रमुख केन्द्रीय बैंकहरूले यस वर्ष ब्याजदर कटौतीको सङ्केत दिएका छन् । भारतमा मुद्रास्फीति घट्दो क्रममा छ, तर अझै पनि आरबीआईको चार प्रतिशतको लक्ष्यभन्दा माथि छ । सरकारले देशका विभिन्न भागमा गर्मी बढ्ने र यसले खाद्यान्नको मूल्य वृद्धि हुने चेतावनी समेत दिएको छ । बलियो आर्थिक वृद्धिले पनि दर कटौतीको तत्काल आवश्यकतालाई कम गरेको छ । उत्पादन क्षेत्रमा वृद्धि भएसँगै भारतको अर्थतन्त्र डिसेम्बरमा पूरा भएको त्रैमासिकमा ८.४ प्रतिशतको दरले वृद्धि भएको छ । यसले विश्लेषकहरूको स...

काठमाण्डौ, २३ चैत – भारत सरकारले ३ं करोड ६१ लाख सहयोगमा खोटाङ जिल्लाको रावा बेसी गाउँपालिकास्थित शारदा माध्यमिक विद्यालयको विद्यालय र छात्रावास भवन निर्माण गरिएको छ। 'नेपाल-भारत विकास सहकार्य’ अन्तर्गत निर्माण भएको भवनको बिहीबार जिल्ला समन्वय समितिका प्रमुख सनबहादुर राई, रावा बेसी गाउँपालिकाका अध्यक्ष फटिककुमार श्रेष्ठ र काठमाडौंस्थित भारतीय दूतावासका प्रथम सचिव सुमन शेखरले संयुक्त रुपमा उद्घाटन गरे। ‘नेपाल–भारत विकास सहकार्य’ अन्तर्गतको भारत सरकारको अनुदान सहयोग दुई तल्ले विद्यालय भवन, छात्रावास भवनको निर्माण र दुवै भवनका लागि आवश्यक फर्निचरको खरिदका लागि उपयोग गरिएको थियो । यो परियोजना जिल्ला समन्वय समिति, खोटाङमार्फत कार्यान्वयन गरिएको हो। भारत सरकार र नेपाल सरकारबीच भएको सम्झौता अन्तर्गत पहिले साना विकास परियोजनाका नामले परिचित यो परियोजनालाई उच्च प्रभाव सामुदायिक विकास पर...

काठमाण्डौ, २२ चैत – दक्षिणी भारतीय राज्य तेलङ्गनाको एक औषधि कम्पनीमा बिस्फोट हुँदा कम्तीमा पाँच जनाको मृत्यु हुनुका साथै १६ जना घाइते भएको बिहीबार प्रहरीले जनाएको छ । प्रहरीका अनुसार तेलङ्गना राज्यको सङ्गारेड्डी जिल्ला चन्दापुर गाउँस्थित कम्पनीभित्र बुधबार साँझ बिस्फोट भएको थियो । बुधबार साँझ चन्दापुर गाउँको औषधि कम्पनी एसबी अर्गानिक्स प्राइभेट लिमिटेडमा बिस्फोट भई आगलागी हुँदा औषधि कम्पनीका सह–निर्देशक सहित पाँच जना कर्मचारीको मृत्यु भएको तथा अन्य १६ जना घाइते भएको प्रहरी अधिकारीले बताएका छन् । घटनापछि आगलागी नियन्त्रणमा लिन अग्नि नियन्त्रक र उद्धारकर्मीहरू घटनास्थलमा पुगेका थिए भने घाइतेहरूलाई अस्पताल पुर्‍याइएको थियो । प्रारम्भिक अनुसन्धानले कारखानाभित्रको केमिकल रिएक्टर बिस्फोट भई आगलागी भएको अनुमान गरिएको छ । प्रहरीका अनुसार बिस्फोटको प्रभावले औद्योगिक परिसरको एउटा भवन...

काठमाण्डौ, २० चैत – ब्राजिलियामा मार्च २८ र १९ मा भएको जी२० विकास कार्य समूह बैठकमा भारतका तर्फबाट अभय ठाकुरले सहभागिता जनाएका छन्। बैठकमा उनले ग्रामीण विकास, सामाजिक कल्याण, महिला सशक्तिकरण, शिक्षा, र स्वास्थ्य सेवा सहित विभिन्न क्षेत्रहरूमा डीपीआई- सक्षम राष्ट्रिय कार्यक्रमहरूको भारतको सफल उपयोगलाई जोड दिएका छन्। सामाजिक सञ्‍जाल प्लेटफर्क एक्सको एक पोष्टमा भारतीय विदेश मन्त्रालयका आधिकारिक प्रवक्ता रणधीर जैसवालले भने, 'ओएसडी (जी२०) अभय ठाकुरले मार्च १८-१९ मा ब्राजिलियामा जी२० विकास कार्य समूहको बैठकमा भाग लिए। जसमा उनले असमानता विरुद्ध लड्ने प्राथमिकतालाई समर्थन गर्दै, उनले ग्रामीण विकास, सामाजिक कल्याण, महिला, शिक्षा र स्वास्थ्यका क्षेत्रमा भारतको सफल डीपीआई-सक्षम राष्ट्रिय कार्यक्रमहरू जोड दिएका छन्।' यसअघि फेब्रुअरीमा, केन्द्रीय विदेश र संसदीय मामिला राज्यमन्त्री वी मुरली...