जानकी, २६ फागुन – बाँकेको जानकी गाउँपालिका वडा नम्बर २ बेलभारमा सञ्चालन हुने दोस्रो वडा स्तरीय क्रिकेट प्रतियोगितामा बेलभारमा टाईगर टीम विजय तथा बेलभार फाइटर टीम उप विजय भएको थियो ।
हाम्रो अभियान वडा भित्रको खेलाडी पहिचान भन्ने मुल नारासहित यही फागुन २४ गतेदेखि सञ्चालित दोस्रो वडा स्तरीय क्रिकेट प्रतियोगिताको बुधबार सम्पन्न भएको आयोजकले जनाइएको छ ।
खेलकुद विकासको विस्तार, खेल तथा खेलाडी दुबैको पहिचानको विकास गर्ने उद्देश्यका साथ एकता शिक्षा समाज कल्याण संस्था बाँकेको आयोजना र जानकी गाउँपालिका वडा नम्बर २ वडा कार्यालयको सहकार्य तथा जानकी गाउँपालिका बाँकेको समन्वयमा वडा स्तरीय क्रिकेट प्रतियोगिता गरिएको संस्थाका अध्यक्ष सकिल अहमद राईले जानकारी दिनुभयो थियो ।
प्रतियोगितामा बेलभारबाट सहभागी दुई ओटा टिम र बकोटियाबाट सहभागी एक ओटा टिम गरि ३ ओटा टिमले दर्ता गरेका थिए । भने प्रत्येक टिममा १४ जना खेलाडी सहभागी गराइने आयोजकले जनाएको छ ।
कार्यक्रमक प्रमुख अतिथि जानकी गाउँपालिकाका वडा नं. २ का वडा अध्यक्ष चन्द्रिकाप्रसाद गुप्ताले युवाहरुको लागि क्रिकेट मैदानको निर्माण गर्ने प्रतिबद्धता गर्नुका साथै कबड्डी प्रतियोगिता गराउने उहाँको मूल एजेण्डा रहेको बताउनु भएको थियो ।
प्रतियाेगितामा मैन अफ द म्याच बेलभारकाे टाईगर टिमका कप्तान विशाल ठाकुर तथा बेलभारका फाइटर टीमका शिवा कश्यपले ट्राफी जितेका थिए ।
विजेतालाई ११ हजार तथा उपबिजेतालाई ५१ सय पुरस्कार स्वारूप गाउँपालिकाको नियमानुसर चेक मार्फत रकम उपलब्ध गराईएकाे थियो । विजय हासिल गरेका प्रत्येक खेलाडीहरूलाई प्रमाण पत्र, मेडल प्रदान गरिएकाे थियाे ।
प्रतियाेगितापछि आयाेजित पुरस्कार वितरण कार्यक्रममा समाजसेवी रक्षाराम कुर्मी, वडा सदस्यहरु, कार्यपालिका सदस्य तरावती खाटिक लगायत अन्य सामुदायीका भद्रभला व्यक्तित्वहरू गरि करीब १५० बढीको उपस्थिति रहेको थियो ।