नेपालगन्ज, ९ पाैष – नेपालगन्ज उपमहानगरपालिका भित्र अन्य वार्डहरू निन्द्रामा सुतिरहेकाे बेला वडा नं. १८ का वडाध्यक्ष दिपक कुमार बर्मा आफ्नाे वार्ड विकासका लागि अहाेरात्र खटि बाटाे, नाला निर्माण गराउन तल्लिन देखिएका छन् ।
नेपालगन्ज उपमहानगरपालिका वडा नं. १८ काे विशाल चौक नजिक रहेको उज्जवल नगरमा आर.सी.सी नाला सहित सडक निर्माण कार्य चल्दै गरेकाे जानकारी गराउँदै वडाध्यक्ष बर्मा थप ६ ठाउँमा सडक निर्माण कार्य भइ रहेको बताउनुभयाे ।
वडाध्यक्ष बर्मा सडक निर्माण कार्यका साथसाथै अन्य कार्यहरूलाई तदारूक्ताका साथ अगाडि बढाउँदै वार्डलाई कसरी सफल र सबल बनाउ सकिन्छ त्यसतर्फ याेजनाहरू आउने केही दिनमा सार्वजनिक गर्ने बताउनु भयाे ।
वडाध्यक्ष बर्माकाे भनाई अनुसार जेष्ठ नागरिकले पाउनु पर्ने सम्पुर्ण सेवा उनकै घरआँगनमा पुर्याउने मात्र नभई निःशुल्क स्वास्थ्य सेवा समेत घर मै पुर्याउने व्यवस्थापन गर्न हामी हाम्राे टिमसहित लागि परेकाे बताउनु भयाे ।
वडाध्यक्ष बर्माका अनुसार निर्माण कार्य तर्फ आउने केही दिन मै थप १५ वटा सडक निर्माण कार्य शुरु हुने जानकारी गराउँदै बजेट ल्याउन तथा निर्माण कार्यमा सहयोग गर्ने सम्पूर्ण आदरणीय ब्यक्तित्वहरूमा हार्दिक नमन ज्ञापन गर्नु भएकाे छ ।