काठमाण्डौ, २२ जेष्ठ – भविष्यको स्वास्थ्य आपतकालसँग लड्न एक समन्वयात्मक प्रतिक्रियाको आवश्यकतालाई जोड दिँदै प्रधानमन्त्री नरेन्द्र मोदीले विश्व व्यापार सङ्गठन ९डब्लूटीओ० ले लचिलो विश्वव्यापी आपूर्ति शृङ्खला निर्माण गर्नुपर्ने बताएका छन्।
दोस्रो ग्लोबल कोभिड शिखर सम्मेलनमा ुमहामारी रोकथाम र पूर्व तयारीलाई प्राथमिकताु भन्ने विषयमा सम्बोधन गर्दै प्रधानमन्त्री मोदीले विश्व स्वास्थ्य सङ्गठन ९डब्लूएचओ० लाई लचिलो विश्वव्यापी स्वास्थ्य सुरक्षा संरचना निर्माण गर्न सुधार गर्न जोड दिए। आफ्नो भाषणका क्रममा प्रधानमन्त्री मोदीले आपूर्ति शृङ्खलालाई स्थिर र अनुमानित राख्नको लागि खोप र उपचारका लागि डब्ल्यूएचओको स्वीकृति प्रक्रियालाई सुव्यवस्थित बनाउन आह्वान गरेका छन्। ‘विश्व समुदायको एक जिम्मेवार सदस्यको रूपमा, भारत यी प्रयासहरूमा मुख्य भूमिका खेल्न तयार छ।’
‘भविष्यको स्वास्थ्य आपत्कालहरूसँग लड्न एक समन्वित प्रतिक्रिया आवश्यक छ। हामीले लचिलो विश्वव्यापी आपूर्ति शृङ्खला निर्माण गर्नुपर्दछ र खोप र औषधिहरूमा समान पहुँच सक्षम गर्नुपर्दछ। डब्ल्यूटीओ नियमहरू थप लचिलो हुनुपर्छ। थप लचिलो विश्वव्यापी स्वास्थ्य सुरक्षा संरचना निर्माण गर्न डब्लूएचओलाई सुधार र बलियो बनाउनुपर्छ,’ प्रधानमन्त्री मोदीले भने। अमेरिकी राष्ट्रपति जो बाइडेनको निमन्त्रणामा प्रधानमन्त्री मोदी दोस्रो ग्लोबल कोभिड भर्चुअल शिखर सम्मेलनमा सहभागी भए। प्रधानमन्त्रीले भारतले महामारीविरूद्ध जनता केन्द्रित रणनीति अपनाएको पनि बताए।
ुहामीले हाम्रो वार्षिक स्वास्थ्य सेवा बजेटको लागि अहिलेसम्मकै उच्च विनियोजन गरेका छौँ। हाम्रो खोप कार्यक्रम संसारमा सबैभन्दा ठुलो हो। हामीले करिब ९० प्रतिशत ज्येष्ठ नागरिक र ५ करोडभन्दा बढी बालबालिकालाई पूर्ण खोप लगाएका छौँ,’ उनले भने।