सकिल अहमद राई
नेपालगन्ज, ५ जेष्ठ – बाँकेको जानकी गाउँपालिका वडा नम्बर ५ मा नेपाली काँग्रेसका टिकानाथ यादव दोब्बर बढी मतले वडाअध्यक्ष पदमा निर्वाचित भएका छन् । उनी ७९५ मतको अन्तरले निर्वाचित भएका हुन् । नवनिर्वाचित वडाअध्यक्ष यादवले १५२० मत प्राप्त गरेका छन् ।
उनका निकटतम प्रतिद्धन्द्धी नेकपा एमालेका रमेशकुमार बर्माले ७२५ मत प्राप्त गरे । उक्त वडामा वडाअध्यक्षसहित काँग्रेसको प्यानलै निर्वाचित भएको छ । यस्तै जनता समाजवादी पार्टी(जसपा)का राजेन्द्रकुमार कुर्मीले ३७८ मत प्राप्त गरेका छन् ।
राप्रपाका धर्मराज हरिजनले ७३ र जनमत पार्टीका पटेश्वर चमारले २६ मत प्राप्त गरे । यस्तै जानकी ५ को वडा सदस्यमा कांग्रेसका जुलफकार अली मनिहार १५०१ र महम्मद सरीफ खाँ १४७८ (खुल्ला सदस्य), कान्ति काँदु १५५० र निर्मला हरिजन १५३७ मत ल्याएर निर्वाचित भएका छन् ।
नेपाली काँग्रेस जानकी ५ इकाई कार्यसमितिका सह सचिव कफील सिद्धिकि तथा युवा टिमका शेर खानको अहम भूमिका रहेको थियो ।