नेपालगन्ज, २३ बैशाख – नेकपा एमालेको तर्फबाट नेपालगन्ज उपमहानगरपालिकामा मेयर पदका उम्मेदवार पशुपतिदयाल मिश्र र उपमेयर पदको उम्मेदवार शान्ति ढकाललाई वडा नंं. २० अर्थात मनिकापुरमा शुक्रवार भब्य स्वागत गरिएको छ ।
बिहानै घरदैलोका लागि मनिकापुरमा पुग्दा त्यहाँका स्थानीयले निधारमा टिका र फुलगुच्छाले स्वागत गरे । जितको शुभकामना दिंदै स्थानीयले विकासको प्रतिवद्धता पनि खोजेका छन् ।
सबैभन्दा धेरै मतदाता भएको वडामा स्थानीयले गरेको स्वागतप्रति मेयर उम्मेदवार मिश्र र उपमेयर उम्मेदवार ढकालले कृतज्ञता व्यक्त गरे । मिश्रले भने,–‘यहाँको आर्शिवाद मेरो लागि अमुल्य छ । म सधैं यहाँहरुको साथ मै छु ।’ मनिकापुरको घरदैलोबाट आफु उत्साहित भएको उपमेयर उम्मेदवार ढकालले बताइन् ।