बुटवल, २० मंसिर – सशस्त्र प्रहरी बल, बोर्डर आउट पोष्ट कपिलवस्तु कृष्णनगरका सशस्त्र प्रहरी सहायक हवल्दार लिलबहादुर गुरुङलाई अख्तियारले नियन्त्रणमा लिएको छ ।
सेवाग्राहीबाट ३५ हजार घुस लिंदै गरेको अवस्थामा शुक्रबार नियन्त्रणमा लिइएको अख्तियार दुरूपयोग अनुसन्धान आयोगको बुटवल कार्यालयका सूचना अधिकारीले जानकारी गराउनुभयो ।
घरायसी सामान ओसार–पसारमा सहजीकरण गरिदिए बापत सेवाग्राहीबाट ३५ हजार घुस माग गरिरहेको भन्ने उजुरी तथा सूचनाको आधारमा अख्तियार दुरूपयोग अनुसन्धान आयोगको कार्यालय, बुटवलबाट खटिएको टोलीले हवल्दार गुरुङलाई नियन्त्रणमा लिएको हो ।
सूचना अधिकारीका अनुसार कपिलवस्तुको कृष्णनगर नगरपालिका वडा नम्बर १२ गोलघरस्थित मिलन रेष्टुरेण्ट एण्ड दुर्गा गेष्ट हाउसबाट रंगेहात नियन्त्रणमा लिइएको थियो ।