नेपालगन्ज, १ चैत्र – नेपालगन्जमा सञ्चालन भइरहेको नेपालगन्ज मेयर कप (पुरुष) क्रिकेट प्रतियोगिता अन्तर्गत भएको खेलमा नेपालगन्ज च्याम्प्स ले जय बागेश्वरी स्पोर्ट्स क्लबलाई ८५ रनले पराजित गरेको छ।
टस जितेर पहिले ब्याटिङ गरेको नेपालगन्ज च्याम्प्सले निर्धारित ओभरमा १४९ रन बनायो। टोलीका लागि समशुदिन अन्सारीले उत्कृष्ट ब्याटिङ गर्दै ४८ बलमा ८१ रन बनाए। त्यस्तै नास्ता अन्सारले २२ बलमा ३१ रन जोड्दै टोलीलाई बलियो अवस्थामा पुर्याए। अन्य खेलाडी मध्ये आकाश बिष्टाले १७ रन बनाए भने जानु कसगार १२ रनमा अविजित रहे। टोलीले अतिरिक्त तर्फ २६ रन प्राप्त गरेको थियो।
१५० रनको लक्ष्य पछ्याएको जय बागेश्वरी स्पोर्ट्स क्लब भने दबाबमा पर्दै ९४ रन मै अलआउट भयो। टोलीका लागि मुकेश राधा ले सर्वाधिक ३३ बलमा ४६ रन बनाए भने सुजन डीसी ले १२ रन जोडे। अन्य ब्याट्सम्यानले उल्लेखनीय योगदान दिन सकेनन्।
नेपालगन्ज च्याम्प्सका बलरमध्ये नासिर अन्सारीले उत्कृष्ट बलिङ गर्दै ३ ओभरमा २३ रन दिएर ४ विकेट लिए। त्यसैगरी माबुल रत र साज्जात खानले समान २–२ विकेट लिए भने आकाश बिष्टाले १ विकेट हात पारे।
उत्कृष्ट प्रदर्शन गरेका समशुदिन अन्सारीलाई खेलको उत्कृष्ट खेलाडी घोषित गरिएको थियो।
खेलमा अम्पायरको भूमिकामा शामु खान र अतुल गुप्ता रहेका थिए। नेरी थापाले स्कोररको जिम्मेवारी सम्हालेका थिए भने विक्रम श्रेष्ठ खेलका म्याच रेफ्री रहेका थिए।