रुपैडिहा, १४ पौष – सोमबार रुपैडिहामा हिन्दू संगठनका कार्यकर्ताहरूले स्थानीय हनुमान मन्दिरबाट विशाल जुलुस निकालेका छन् । उनीहरूले विरोध गर्दै सेन्ट्रल बैंक स्क्वायरमा बंगलादेश सरकार प्रमुख मुहम्मद युनुसको पुत्ला जलाएका थिए ।
अधिवक्ता विवेक शुक्लाको नेतृत्वमा हिन्दूहरूको विशाल विरोध मार्च स्थानीय हनुमान सरोवरबाट सुरु गरिएको थियो । स्थानीय प्रहरी चौकीको अगाडि हुँदै सेन्ट्रल बैंक स्क्वायर, स्टेशन रोड बिरोध जुलुश पुगेको थियो । जुलुस बजागाजा साथ बजार हुँदै रामलीला स्क्वायर, मालगोदाम स्क्वायर हुँदै फेरि एनएच ९२७ हुँदै सेन्ट्रल बैंक स्क्वायरमा पुगी कोण सभामा परिणत भएको थियो ।
भेलालाई सम्बोधन गर्दै डा. सनतकुमार शर्माले बंगलादेशको युनुस सरकार बंगलादेशमा अल्पसंख्यक हिन्दूहरूमाथि भइरहेको अत्याचारलाई चुपचाप हेरिरहेको बताए । हाम्रो भारत सरकार अब उठ्नुपर्छ, पाकिस्तानमा हिन्दूहरू पूर्ण अल्पसंख्यक बनेका छन्, तर बंगलादेशले सबै सीमा पार गरिसकेको छ । एक हिन्दू युवकलाई झुण्डले झुण्ड्याएर हत्या, नाङ्गो पारेर, कुटपिट गरेर जलाएर मार्नु निन्दनीय भएको बताएका छन् ।
यस्तो क्रूरताको तुलना संसारमा अरु कुनै देशमा हुन सक्दैन । घरमा थुनिएका हिन्दुहरूलाई जिउँदै जलाइँदैछ । भारत सरकार कहिले ब्यूँझ्नेछ ? श्री राम जानकी मन्दिरका महन्त भगवान दासले भेलालाई सम्बोधन गर्दै बंगलादेशमाथि भइरहेको अत्याचारप्रति आफ्नो आक्रोश व्यक्त गरेका थिए ।
उक्त अवसरमा नगर पञ्चायत रुपैडिहाका अध्यक्ष डा. उमाशंकर वैश्य, सञ्जय बन्सल, शैलेश जैसवाल, योगेन्द्र शर्मा, अनिल अग्रवाल, बलराम मिश्र, सन्तोष अग्रवाल, दीपक आर्य, आदित्य मिश्र लगायत सयौंको उपस्थिति रहेको थियो । सेन्ट्रल बैंकको चौबाटोमा मोहम्मद युनुसको तस्बिरलाई जुत्ताले कुटेर जलाइएको थियो ।