समाचार

नेपालगन्ज, १६ मंसिर – मन्टेश्वरी एशोसिएशन बाँकेको आयोजनामा बालबालिकाहरुको सर्वाङ्गिण विकासका लागि तीन दिवसीय जिल्ला स्तरीय खेलकुद प्रतियोगिता स्पोर्टस मिट–२०८१ सम्पन्न भएको छ । “खेलमा शक्तिः अध्ययनमा ज्ञान” भन्ने नाराका साथ नेपालगन्ज उपमहानगरपालिका वडा नं. १ स्थित खेल मैदानमा मंसिर १३ गतेदेखि शुरु भएको उक्त खेलकुद प्रतियोगिता शनिवार समापन तथा प्रमाण पत्र वितरण समारोहको आयोजना गरिएको हो । बाँके जिल्लाका ७ वटा मन्टेश्वरी स्कुलका विद्यार्थीहरु सहभागी भएको सो प्रतियोगितामा फुटवल, रिले, जम्पिङ, व्यालेन्सिङ, दौड, म्युजिकल चियर, कुर्ची दौडm ईन आउट लगायतका खेलहरु खेलाइएको थियो । सात वटा मन्टेश्वरी स्कुलका १६५ जना विद्यार्थीहरुको सहभागिता रहेको सो प्रतियोगितामा लिटिल होराईजन मन्टेश्वरी, क्रियटिभ चिल्डूेन होम, मोडर्न क्रियटिभ चिल्डेून जोन नेपालगन्ज, नोबेल प्रि–मन्टेश्वरी, स्माल ह्याभेन मन्ट...

नेपालगन्ज, १६ मंसिर – आगामी फागुन अन्तिम साता नेपालगन्जमा लुम्बिनी कप महिला फुटवल प्रतियोगिता आयोजना हुने भएको छ । बाँके जिल्ला फुटबल संघको सहकार्यमा अन्तरालको आयोजनामा लुम्बिनी कप हुने भएको हो । नेपाली राष्ट्रिय महिला फुटवल टिमको पहिलो कप्तान रमा सिंह र वर्तमान कप्तान एन्जिला तुम्बाप्पो सुब्बाले आज संयुक्त रुपमा लुम्बिनी कपको लोगो सार्वजनिक गर्नु भएको छ । लुम्बिनी कप महिला फुटबलको लोगोमा शान्तिका अग्रदुत गौतम बुद्ध, महिला खेलाडीको आकृति र नेपाली राष्ट्रिय झण्डाको नीलो र सिम्रिक रातो रङ्ग समेटिएको छ । फागुनको अन्तिम साता नेपालगन्ज रंगशालामा हुने लुम्बिनी कपमा नेपाल र भारतका ८ टिमको सहभागीता रहनेछ । पश्चिम नेपालमा महिला फुटबलको विकासमा प्रतियोगिता महत्वपुर्ण सावित हुने आयोजक अन्तरालका प्रमुख कार्यकारी जय नारायण शाहले बताउनु भएको छ । उहाँले भन्नु भयो, ‘लुम्विनी कप नेपाल कै प्रतिष्ठ...

नेपालगन्ज, १५ मंसिर - नेपालगन्ज उपमहानगरपालिका वडा नम्बर १९ मा महिला संघ सर्वसम्मत बिस्तार भएको छ । नेपाली कांग्रेस केन्द्रीय कार्यक्रम अनुरूप १०० दिने बिशेष पार्टी संगठन सुदृढिकरण देश ब्यापी अभियान अन्तर्गत आज वडा भेलाबाट महिला संघको पुनर्गठन गरिएको छ । नेपाली कांग्रेस बाँके जिल्लाबाट खटिएका१००दिने कार्यक्रम संयोजक प्रमुखअतिथि जिल्ला कोषाध्यक्ष यज्ञ बहादुर बस्नेतको उपस्थितमा नेपाली कांग्रेसलाई सशक्त र सुदृढ कसरी बनाउन सकिन्छ भन्ने उद्देश्यका साथ बृहत चर्चा परिचर्चा भएको छ । बुथ कमिटी, टोल समिति, किसान महासंघ, तरुण दल, बिद्यार्थी संघ, महिला संघ लगायत भातृ संगठनका नेता कार्यकर्तालाई आ-आफ्नो भुमिकामा आउन र पार्टी संगठन र समाज प्रति उत्तरदायि हुदै ठुलो मास बेस पार्टीको जरो नै वडा हो र यस जरोलाई बलियो बनाउन वडाका सबै तहतप्काका साथी सकृयताका साथ लाग्नु पर्ने बताए । कार्यक्रममा स...

नेपालगन्ज, १५ मंसिर - डुडुवा गाउँपालिका वार्ड नं.–६ मा कोरी कल्याण समाज नेपालगन्ज, बाँकेको आयोजनामा डुडुवा गाउँपालिका वार्ड नं.–६ मा आँखाको निःशुल्क मंसीर १५ गते शनिवार सम्पन्न भएको छ । डुडुवा गाउँपालिका वार्ड नं.–६ वडा कार्यालय र नेपाल नेत्र ज्योति संघ बाँकेद्वारा सञ्चालित फत्तेवाल आँखा अस्पताल फुल्टेक्रा नेपालगन्ज सहकार्यमा निःशुल्क आँखाको जाँच शिविर आयोजना गरिएको थियो । डुडुवा गाउँपालिका वार्ड नं.–६ सरस्वती माध्यमिक बिद्यालयको परिसरमा कोरी कल्याण समाज नेपालगञ्ज, बाँकेको आयोजनामा गरिएका निःशुल्क आँखाको शिविरमा २ सय ५४ जनामा १ सय ५ जना महिला र १ साय ४९ जना पुरुषले आँखाको जाँच गराई लाभविन्त भएका छन् । जसमध्ये आँखा ३४ जना मोतीबिन्दू बिरामीलाई फत्तेबाल आँखा अस्पतालमा शल्यक्रियाका लागी रिफर गरिएको समाजका उपाध्यक्ष जंगली प्रसाद कौलिक (जे.पी.कौलिक) ले बताएका छन् । उक्त निःशुल्क शिव...

नेपालगन्ज, १५ मंसिर – वन्यजन्तु प्रभावितहरुका लागि प्रदान गरिने क्षतिपूर्तिको प्रकृया सरल र छरितो नभएको गुनासो प्रभावित क्षेत्रका स्थानीयहरुले गरेका छन् । समुदायका लागि सञ्चार अभियान नेपाल (सीसीएन) ले बर्दियाको मधुवन नगरपालिका वडा नं. २ खैरेनीमा शुक्रबार आयोजना गरेको ‘वातावणीय न्याय र जवाफदेहिताका लागि गोलघर सम्वाद’ का सहभागीहरुले यस्तो गुनासो गरेका हुन् । युएसएआइडी÷द एसिया फाउण्डेशनद्धारा संचालित ‘नागरिक समाज र मिडिया’ परियोजनाको साझेदारीमा संचालित ‘वातावरणीय न्याय र जवाफदेहिताका लागि सिमान्तकृत समुदायको सबलीकरण अभियान’ अन्तर्गत सम्बाद गरिएको सीसीएनले जनाएको छ । खैरेनीमा विशेष गरी बाँदर, बाघ र हात्तीको आतंक रहेको सहभागीहरुले वताएका थिए । बाँदरले लगाएको तरकारी बाली, सुकाएको अन्नबाली चोरेर खाइदिने गरेको र बाघले जंगलमा बाख्रा चराउन जाँदा र खोर भित्रैका बाख्रा र सुँगुर खाइदिने गर...

काठमाडौं, १५ मंसिर – मधेशी एकता समाजका अन्तर्राष्ट्रिय समिति संयोजक डा.रविन्द्रकुमार यादवले नेपालका मधेशी जनताको माग र समस्या संयुक्त राष्ट्र संघको माइनोरिटी फोरममा राख्नु भएको छ । स्वीट्जरल्याण्डको जेनेभामा स्थित संयुक्त राष्ट्र संघको माइनोरिटी फोरमको सत्रौं बैठकमा शुक्रबार आफ्नो धारणा राख्दै डा. यादवले संविधानसभाबाट नयाँ संविधान जारी भएर कार्यान्वयन भइसकेको अवस्थामा पनि नेपालका मधेशीलगायतका अल्पसंख्यक समुदायहरुले समुचित न्याय र अधिकार नपाएको धारणा राख्नुभयो । विदेशमा बस्ने मधेशीहरुको छाता संगठन मधेशी एकता समाजका संस्थापक समेत रहनु भएका डा. यादवले नेपाल बहुजातीय र बहुसांस्कृतिक मुलुक भएपनि एक तिहाइ जनसंख्या रहेको मधेशी समुदायमाथि राज्यबाट अन्याय र भेदभाव जारी नै रहेको बताउनुभयो । उहाँले मधेशीहरुलाई आवाज विहीन बनाएर राजनीति, व्यापार, सुरक्षा निकाय र मिडिया सहितका क्षेत्रमा खस ...

नेपालगन्ज, १५ मंसिर – सबै धर्मको सम्मानले धार्मिक सद्भाव कायम हुने भएकाले सबैले धार्मिक सहिष्णुताका लागि आ–आफ्नो तर्फबाट कामगर्ने सामुहिक प्रतिबद्धता गरिएको छ । युएसएआईडि/द एसिया फाउण्डेसन द्धारा सञ्चालित नागरिक समाज र मिडिया परियोजनाको सहकार्यमा नाइस नेपालगन्जले सामाजिक सद्भावका लागि सँगै परियोजना अन्तरगत नेपालगन्जमा गरेको सरोकारवालाहरु बिचको गोलमेच बैठकका सहभागिहरुले यस्तो प्रतिबद्धता गरेका हुन् । धार्मिक सद्भावका सवालमा सरोकारवालाहरु बिच भएको छलफल पश्चात धार्मिक सद्भावका बिषयमा सबै धर्मलाई सम्मान (हामी सबै भाईभाई) को सन्देस प्रवाहका लागि सक्रिय रहने, सामाजिक सद्भावमा सामाजिक सञ्जालको भूमिका महत्वपूर्ण हुने भएकाले सामाजिक सद्भाव झल्किने सन्देस सामाजिक सञ्जालमार्फत बाहिर ल्याउने, सद्भावका बिषयमा अभिभावक सचेतनाका लागिआआफ्नो तर्फबाट कामगर्ने, धार्मिक क्षेत्रलाई अपांगता मैत्री बनाउन ...

नेपालगन्ज, १५ मंसिर – बास नेपालद्वारा साप्ताहिक रुपमा सञ्चालित कार्यक्रम ईन्सपाईरिंग युथ कार्यक्रममा प्राध्यापक, संस्कृतिबिद् डाक्टर राजकुमार सुुबेदीले उत्प्रेरणात्मक प्रबचन दिएका छन् । डाक्टर सुबेदीले ईन्सपाईरिंग युथ कार्यक्रमको ३२१ औं श्रृंखला कार्यक्रममा बोल्दै आफ्नो संघर्षको कथा सुनाए । उनले युवाहरुलाई उत्प्रेरणा दिदै सफलताका तीन शुत्र लागु गरे जीवन सफल हुने बताए । लक्ष्यमा प्रष्टता, कडा मेहनत, असल सम्बन्ध सहितको उच्च प्रतिबद्धता कार्यान्वयन गर्न सक्ने सबै व्यक्ति सफल हुने उनले बताए । बास नेपालका कार्यक्रम अधिकृत रबिन्द्र बोहराले सञ्चालन गरेको कार्यक्रम बोल्दै डाक्टर सुबेदीले भने –लक्ष्यमा पागल जो बन्छन् उनी सफल हुन्छन् । एउटा लक्ष्य लिनुहोस्, लक्ष्य प्राप्तिका लागि यति मेहनत गर्नुहोस् की संसार थाकोस्, तपाईंको जित होस् । आँधिहुरि आएपनि मेहनतमा पछि नपर्न अनुरोध गर्दै डाक...

नेपालगन्ज १४ मंसिर - नेपाली कांग्रेसको भातृ संगठन किसान महासंघले आज एक कार्यक्रम बिच नेपालगन्ज उप-महानगरपालिका वडा नम्बर १ मा महासंघले आफ्नो संगठन बिस्तार गरेको छ । पुर्व प्रदेश सभासदस्य तथा नेपाल किसान महासंघ जिल्ला उपाध्यक्ष मो.याकुब अन्सारीको प्रमुख अतिथित्यतामा भएको उक्त कार्यक्रम वडा नम्बर १ सभापति महिला नेतृ सिता काफ्लेको सभापतित्व सम्पन्न भएको थियो । नेपाल किसान महासंघको कार्यसमिति गठन घोषणा कार्यक्रममा उपस्थित नेपाली कांग्रेस जिल्लाका प्रभावशाली बक्ता नेताहरुमा नेपाली कांग्रेस पुर्व जिल्ला उपाध्यक्ष एवं महाधिवेशन प्रतिनिधि सुनिल नरसिंह राणा, नेका जिल्ला कोषाध्यक्ष यज्ञबहादुर बस्नेत, पुर्व तरुण दलका सभापति एवं महाधिवेशन प्रतिनिधि सुदिप नरसिंह राणा, नेका नेपालगन्ज उप-महानगर कार्यवाहक सभापति धनराज बर्मा लगायतले किसान कृषि लगायतका सवालमा कृषि क्षेत्रलाई आधुनिकरण- "खेत जोत्ने ...

नेपालगन्ज, १४ मंसिर – राष्ट्रिय एकता अभियान नेपालगन्जले मुस्लिम आयोग खारेजीको माग गर्दै स्थानीय बुद्धिजीवीहरूसँग विशेष छलफल कार्यक्रम सम्पन्न गरेको छ । समाजसेवी रामाशंकर माधव दासको अध्यक्षतामा आयोजित उक्त कार्यक्रममा अभियानका केन्द्रीय अध्यक्ष विनय यादव, संगठन महामन्त्री हर्क स्वाँर, र अन्य स्थानीय बुद्धिजीवीहरूले मन्तव्य व्यक्त गरे । कार्यक्रमका अध्यक्ष रामाशंकर माधव दासले भने, “मुस्लिम आयोगले आफ्नो अस्तित्वलाई समाजका सबै वर्गका लागि उपयोगी बनाउन सकेको छैन । अहिलेको समयमा हामीलाई समाजमा समता र एकता कायम राख्न केन्द्रित प्रयास चाहिन्छ, अलगाववादलाई प्रोत्साहन दिने संस्थाहरू होइन ।“ केन्द्रीय अध्यक्ष विनय यादवले मुस्लिम आयोग खारेजीको मागलाई औचित्यपूर्ण ठहराउँदै भने, “हामी कुनै पनि समुदायको विरुद्ध छैनौं, तर यो आयोगले समाजमा साम्प्रदायिक ध्रुवीकरण मात्र बढाएको छ । अब हामीले सबै समुदायला...