ट्रक र माइक्रोबस ठोक्किदा ६ जनाको मृत्यु, १७ घाइते
बाँके,२० असोज । पूर्वपश्चिम राजमार्ग अन्तरगत बाँकेको राप्ती सोनारी गाउँपालिकामा ट्रक र माइक्रो बस ठोक्किँदा माइक्रो बसका चालकसहित ६ जनाको मृत्यु भएको छ । दुर्घटनामा अन्य १७ जना घाइते भएका छन् ।
दाङबाट नेपालगन्ज आउँदै गरेको रा १ ख १६६२ नम्बरको हाइस माइक्रो बस र नेपालगन्जबाट विपरित दिशाबाट जाँदै गरेको लु १ ख ७७२९ नम्बरको ट्रक आज बिहान करिब सवा ९ बजेतिर राप्तीसोनारी गाउँपालिका ९ मुगुवा खोला नजिक ठोक्किएका थिए ।
घाइतेहरुको नेपालगञ्ज मेडिकल कलेज शिक्षण अस्पताल कोहलपुरमा उपचार भइरहेको छ भने मृतकहरुको सनाखत हुन नसकेको इलाका प्रहरी कार्यालय कोहलपुरका प्रहरी नायव उपरिक्षक रमेशबहादुर सिंहले जानकारी दिएका छन् । घाइतेमध्ये केहीको अवस्था गम्भीर रहेको प्रहरीले जनाएको छ ।...