नेपालगन्ज, १२ बैशाख – बाँके जिल्ला कै जन कल्याण युवा क्लब जउन है बैशाख ११ गते शनिवार के नेपालगन्ज उपमहानगरपालिका वार्ड नं. १९ के सुर्जीगाउँ मइहाँ मास्क अउर साबुन बितरण किहिस है ।
नेपालगन्ज उपमहानगरपालिका वार्ड नं.–१९ सुर्जीगाउँ मइहाँ रहा जन कल्याण युवा क्लब के सचिव संजय हरिजन के कहे मुताबिक करीब ५ हजार रुपिया बराबर कै मास्क अउर साबुन बितरण करावा गवा रहय ऊ बताइन् ।
विश्वब्यपी महामारी कै रुप मइहाँ फैलत रहा नवा भेरियन्ट कोरोना भईरस (कोभिड –१९) कइहाँ मध्यनजर करतै बैशाख ११ गते शनिवार के दिन सामाजिक दूरी कायम करा जाय, घरहिन मइहाँ बैठा जाय, अपनक बचा जाय अऊर दूसरेन कइहाँ भी बचावा जाय, मास्क कै प्रयोग करा जाय औ साबुन पानी से हाथ खूब मलि मलि कै धोवा जाय, हाथ मिलावैक जगह परिहा नमस्कर करैक आदत डारा जाय, जईसेन नारा के साथेन जनचेतनामूलक प्ले कार्ड के संघेन क्लब के पदाधिकारी लोग मास्क अऊर साबुन बितरण किहिन रहय ।
क्लब कै पदाधिकारी लोग अपने खर्च से रकम उठायके मास्क अऊर साबुन खरीद कय सर्जीगाउँ के टोला–टोला मइहाँ जायके क्लब कै युवा लोग मास्क अऊर साबुन बितिरण किहिन रहयँ । सुर्जीगाउँ के काली मन्दिर से लै कय टोला टोला मइहाँ बितरण करतै बसपार्क जायवाला रस्तम रहा श्री बिश्वनाथ मन्दिर के आसपास मइहाँ रहे स्थानीयवासी लोगन कइहाँ मास्क अऊर साबुन बितरण किया गवा क्लब कै सचिव सञ्जय हरिजन बताइन् है ।
क्लब से मास्क अऊर साबुन बितरण कार्यक्रम मइहाँ समाजसेवी अशोककुमार गुप्ता, सल्लाहकार रामकुमार जायसवाल, जन कल्याण युवा क्लब कै अध्यक्ष तीरथराम धोबी, धर्मप्रकाश जायसवाल, उपाध्यक्ष दिपेन्द्र जायसवाल, सह–सचिव गंगनदीप गुप्ता, कोषाध्यक्ष दिलिप जायसवाल, गौतम वर्मा, सदस्य रंजीतकुमार गुप्ता, चन्द्रप्रकाश जायसवाल, कृष्णकुमार भुजुवा, गौरव जायसवाल (सोनू), रामकुमार यादव, दिनेश यादव, बेदप्रकाश जायसवाल जईसेन युवा लोग मास्क अऊर साबुन बितरण किहिन रह्य ।
