नेपालगन्ज, १८ पौष – नेपालगन्ज उपमहानगरपालिकाका सरसफाई शाखा प्रमुख अशोक केसीको निधन भएको छ ।
केही दिन अघि राँझामा सवारी दुर्घटनामा परी टाउँमा चोट लागी प्रमुख केसी गम्भीर घाइते भएका थिए । उनको टाउमा गम्भीर चोट लागेकै कारण दुर्घटना भएदेखि उनी आईसियूमा उपचाररथ थिए । टाउकोको शल्यक्रिया गरिएपनि सफल हुन नसकेको चिकित्सकहरुले बताए ।
उनको उपचारका क्रममा आज शनिबार बिहान नेपालगन्ज मेडिकल कलेजमा मृत्यु भएको अस्पताल स्रोतले जनाएको छ । प्रमुख केसीको निधनले एउटा इमान्दार, कर्मठ कर्मचारी मात्र नभई फुल्टेक्राका मिलनसार व्यक्तित्व भएको समाज प्रेमी समेत गुमाउनु परेको उपमहानगरपालिका वडा नं. ६ का वडाअध्यक्ष समिर प्रताप सिंहले बताउनुभयो ।