नेपालगन्ज, ७ मंसिर – बर्दिया जिल्लाका संक्रमित उपचारका लागि कोहलपुर आएका एक ७७ वर्षिय बृद्धको कोरोना संक्रमणका कारण मृत्यु भएको छ ।
स्वास्थ्यमा समस्या देखिएपछि उपचारका लागि नेपालगन्ज मेडिकल कलेज शिक्षण अस्पताल कोहलपुर भर्ना भएका गुलरीया नगरपालिका वडा नं. ३ बर्दियाका ७७ वर्षिय पुरुषको उपचार कै क्रममा आईतबार बिहान मृत्यु भएको जिल्ला कोभिड–१९ संकट व्यवस्थापन केन्द्र बाँकेका फोकल पर्सन नरेशबाबु श्रेष्ठले जानकारी गराउनुभयो ।
मंसिर ५ गते बिहान १० बजे अस्पतालमा भर्ना भएका ति पुरुषलाई ६ गते कोरोना संक्रमण पुष्टि भएको थियो । कोरोना संक्रमण देखिएपछि अस्पताल मै रहेको कोरोना विशेष वार्डमा राखेर रोगको प्रकृति अनुसार सबै उपचार बिधि अपनाईएको भएपनि ज्यान जोगाउन भने नसकिएको अस्पताललाई उदृध गर्दै फोकल पर्सन श्रेष्ठले बताउनुभयो । उनको आईतबार बिहान ३ः४५ बजे निधन भएको हो ।
योसँगै उपचारका लागि बाहिरी जिल्लाबाट बाँके आएर ज्यान गुमाउने कोरोना संक्रमतिको संख्या ४७ पुगेको जारी प्रेस नोटमा जनाइएको छ ।